عــآوز ابقــى كويـــس بس مش عـآآرف ؟؟؟(متجدد باذن الله)

[أبومصعب محمود ابراهيم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

،،،،،،

جزاكم الله خير الجزاء

بارك الله فيكم

وزادكم الله من فضله ومنه وكرمه

اللهم تقبل و اجعل كل حرف نكتبه في هذا المنتدى المبارك حجة لنا لا علينا

مع تمنياتي لكم بالصحة والسلامة والعافية

بارك الله فيك أخى الحبيب ورزقك الجنة

اللهم امين
بارك الله فيكم اخوتى وفى مروركم العطر

[أبومصعب محمود ابراهيم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

::: انا عاوز ابقى كويس ::: •.• (( 2 )) •.•



لما سيدنا حذيفه سأل النبي-صلى الله عليه وسلم كان بيقول ايه؟



بيقول الناس كلها كانت بتروح تسأل النبي _ صلى الله عليه وسلم _



عن الخير وأنا كنت بسأله عن الشر مخافة أن يدركنى



فقلت له يارسول الله هل بعد هذا الخير من شر؟




بصوا بقى الجواب النبوى النبي يقول له ايه

( ياحذيفه تعلم كتاب الله واتبع مافيه)

هو بيسأله عن حاجة بيقول له هو بعد الخير ده هيحصل شر؟



فيقول له ( ياحذيفه تعلم كتاب الله واتبع مافيه)


فيقول يارسول الله هل بعد ذلك الخير من شر فيعيدها عليه النبى ثلاث مرات


ثم يقول له النبى صلى الله عليه وسلم


(نعم فتنة وشر)


فقلت يارسول الله هل بعد ذلك الشر من خير ؟


فالنبى يقول له تانى ياحذيفه تعلم كتاب الله واتبع مافيه يعيد حذيفه


السؤال تانى ثلاث مرات برضه إلى اأن يقول له النبى –صلى الله عليه وسلم-

وهنا محل الشاهد

(نعم هدنة على دخن وجماعة على أقذاء فيها )







ايه يعنى ايه الكلام ده هو حتى سيدنا حذيفه قال له ماهدنة على دخن ؟

يعنى ايه؟

قال :: اسمع بقى الكلمة دى

(لاترجع قلوب أقوام على الذى كانت عليه)

فهمتوا الحته دى ولا مافهمتوش؟

قلبه كان فهم شويه كان عرف شويه كان مشى شويه

وبعدين يعمل ذنب وينتكس ويضيع

ولما يحب يرجع مايلقيش قلبه ده خالص
شفتوا !خطر! إزاى ذنب يضيع كل اللى بتبنيه يفسد عليك حالك..

قلوب أقوام لاترجع على الذى كانت عليه

إن الناس تفقد قلوبها لاتهتم بموضوع القلب ده

والنبى_ صلى الله عليه وسلم_ قال::

" إن في الجسد مضغة إذا صلحت صلح لها سائر الجسد وإذا فسدت فسد لها سائر الجسد ألا وهي القلب "





• بتعمل ذنوب ؟ كلنا بنعمل ذنوب..

ايه الاصل..قلبك فيه مشكله..

جوه قلبك حاجه لازم تطهر قلبك منها لأنك لو لم تطهر قلبك فى الدنيا

طهره الله بأهوال الموت ومابعده..

أنت دلوقتى بصيت بصه قلت كلمة فارغة اكلت مال حرام


عملت كذا عملت كذا

نكت سودا قاعده بتتحط وبعدين اشتغلت شويه استغفرت شويه

شلت شويه صليت شويه شلت شويه

وبعدين رجعت عملت ذنوب تانى والعمليه رايحه جايه كده..صح؟

• مش دى أحوالنا ؟





لو مت بقى وفيه رصيد من السيئات لسه موجود على القلب

ماينفعش تدخل الجنه كده .. لازم يتطهر يطهر بايه ؟

يشد عليك العذاب يبتليه بمرض شديد يبتليه

بسكرة الموت تُنزع الروح منه كأنها أشد من الضرب بالسيوف

فإن لم يخفف هذا من رصيد السيئات اللى مطبوع على القلب

يبتدى يخش فى اهوال القبر

ويُشد عليه ويُضغط عليه فى القبر ضغطه شديده ويبتدى يُفتن بفتن القبر ..

لسه فى رصيد من السيئات يبتدى أهوال الحشر..

تدنو الشمس منه حتى يسيح لحمه ويتساقط لحم وجهه-والعياذ بالله-

فإن لم يكن كل ذلك كتب عليه نصيبه من النار

كل ده عشان رصيد السيئات ماخلصش عشان ايه؟

الجنة عنوان دخولها { إِلَّا مَنْ أَتَى اللَّهَ بِقَلْبٍ سَلِيمٍ }

يعنى طاهر عشان كده النهارده

موضوعنا فى غاية الأهمية



• طهر قلبــك قبل أن يُطهر بالعذاب •


يتبع باذن الله

[احمد25]

رد: عــآوز ابقــى كويـــس بس مش عـآآرف ؟؟؟(متجدد باذن الله)

يارب توب علينا
موضوع رااائع
جزاكم الله خير

[أبومصعب محمود ابراهيم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

يارب توب علينا
موضوع رااائع
جزاكم الله خير

وجزاكم الله بالمثل
بارك الله فيكم أخى الحبيب

[محمدحاكم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

جزاك الله خيرا ونفع بك

[أبومصعب محمود ابراهيم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

جزاك الله خيرا ونفع بك

وجزاكم الله بالمثل

بارك الله فيكم أخى الحبيب
أسعدنى مرورك العطر

[أبومصعب محمود ابراهيم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

::: انا عاوز ابقى كويس ::: •.• (( 3 )) •.•


كان أبو هريرة يقول



( الملك هو القلب والأعضاء جنوده فإذا طاب الملك طابت جنوده وإذا خبث القلب خبثت جنوده )



فالعبرة بقلبك ..الناس فاهمة الكلام ده لكن للأسف بيستخدموه فى غير موضعه


يقول لك ايوه العبرة بالقلب مدام ده ميه ميه وزى البفته البيضة :)


يبقى كله تمام..


وطبعا هذا كلام غير صحيح لأنه لوهو قلبه طاهر

هيبقى مقبل على العمل لأن دى علامة صحة القلب.

حسألكم سبع أو تمن أسئلة نعرف بيها قلبنا حي ولا قلبنا ميت

وإحنا مش داريين ..


العبرة باللى فى القلب الله عز وجل قال ::

{ وَلَكِن يُؤَاخِذُكُم بِمَا كَسَبَتْ قُلُوبُكُمْ }

ممكن الواحد يقول بلسانه كلام كفر وربنا يعفو عنه


الراجل من شدة الفرح قال ايه؟ اللهم أنت عبدي وأنا ربك اخطأ من شدة الفرح

فنطق بكلام كفر لكن هو قلبه عايز إيه قلبه يريد أن أنت يارب أعظم حاجه


عندي وعايز يقول قلبه كده فوقع لسانه فممكن تنطق كلمة كفر


ولايحاسبك الله وممكن تنطق كلام الإيمان المعسول الى مافيش أحسن من كده

وقلبك خراب فلا يوضع فى ميزان حسناتك..


الله يقول::{ إِن يَعْلَمِ اللّهُ فِي قُلُوبِكُمْ خَيْراً يُؤْتِكُمْ خَيْراً }




والله لو قلبك مليان بحبه ..قلبك مشتاق له..

قلبك متطلب رضاه..

كان اداك لكن ابحث عن المشكله جوا قلبك لازم يُطهر


ولو قلبك طهر هو ده مفتاح المغفرة إنه لو طهر هيتمكن منه الايمان


النبى- صلى الله عليه وسلم – قال::

(((ما من نفس تموت وهي تشهد أن لا إله إلا الله ، وأني رسول الله ، يرجع ذلك إلى قلب موقن ؛ إلا غفر الله لها . )))
الراوي: أبو سلمى راعي رسول الله المحدث: الألباني - المصدر: أحكام الجنائز - الصفحة أو الرقم: 48
خلاصة حكم المحدث: إسناده حسن


[ ما من نفس تموت وهي تشهد أن لا إله إلا الله وأني رسول الله- خدوا


بالكم بقى - يرجع ذلك إلى قلب موقن إلا غفر الله لها ]

هو القلب هيبقى امتى موقن؟


لما يبقى طاهر مافهوش حاجه إلا ربنا

فيتيقن يترسخ يقوى فى قلبه معرفة الله وحبه


لو قلبك طهر هو ده مفتاح دخول الجنه


عن عياض بن حمار رضي الله عنه قال

سمعت رسول الله صلى الله عليه وسلم يقول::

وأهلُ الجنةَ ثلاثةٌ : ذو سلطانٍ مقسطٍ متصدقٍ موفَّقٍ . ورجلٌ رحيمٌ رقيقُ القلبِ لكل ذي قربى ، ومسلمٌ . وعفيفٌ متعففٌ ذو عيالٍ
(وهذا جزء من الحديث الطويل)
الراوي: عياض بن حمار المحدث: مسلم - المصدر: صحيح مسلم - الصفحة أو الرقم: 2865
خلاصة حكم المحدث: صحيح


" أهل الجنة ثلاثة ذو سلطان - سلطان هنا معناه واحد عنده فلوس وجاه

ومنصب - مقسط - راجل عادل متصدق- موفق ورجل رحيم رقيق القلب


لكل ذي قربى ومسلم - قلبك رقيق احنا لسه بنقول إن النبى قال إن أحب


القلوب لربنا مين؟


القلب الرقيق والقلب المتوكل عليه اللين (الينها وارقها)-



وعفيف متعفف ذو عيال "- مابيمدش ايده على الحرام عفيف ماشى وراضى


باللى ربنا قسمه له- "






قلبك لو طهر فهذا مفتاح شفاعة الحبيب - صلى الله عليه وسلم- فالنبى قال



" أسعد الناس بشفاعتي يوم القيامة من قال لا إله إلا الله خالصا مخلصا من قلبه."


ماتطلعش الا من قلب طاهر


دى ماتطلعش لاإله إلا الله إلا من قلب طاهر


فى قصة الشاب الى كان عنده أربعة وعشرين سنة

وربنا سبحانه وتعالى أكرمه بحسن خاتمة وقعد يقول لاإله إلا الله بعد


ماكان بيقول فين مراتى فين مراتى فين مراتى وبعد كده راح قال لا إله إلا الله


عشر مرات وبعد كده قال يارب اغفر لى وتب على واقبلنى ومات


الناس كانوا بيقولوا ايه ؟


اخ طيب خالص وعادى يعنى بس الأخوة كلهم اتفقوا على معنى واحد


إن فى حاجه فى قلبه مختلفه بيقول لك تقعد معاه مش زى أى حد


لما ينطق ويتكلم فى حاجه فى قلبه مختلفه عشان كده


طلع لاإله إلا الله فى الموقف ده فيه لا إله إلا الله فى القلب


فطلعت فين فى قلبك؟


لو حطيت إيدك كده على قلبك تلاقيها بتنبض بــلا إله إلا الله ولا بالدنيا ؟


بتفكر فى ايه دلوقتى؟


أى واحد فيكم دلوقتى أول حاجه بتخطر على باله إيه؟


ايه الهم اللى راكب دماغه اللى لما يجى ينام يفكر فيه


وهو ماشى بيفكر فيه وهو بيصلى بيفكر فيه دنيا ولا آخره ؟ ..


قاعد وانت بتصلى بتقول له ارضى عنى يارب حبنى يارب خد بايدى يارب


ماتكلنيش لنفسى يارب

ولا قاعد بتصلى وبتفكر هتخلص إزاى وهتعمل ايه بعد شوية وهم الدنيا


اللى انت مشغول بيه قلبك فيه ايه؟




القلب ده خطر أوى أوى ياشباب


النبى صلى الله عليه وسلم قال:


" إنما سمي القلب من تقلبه إنما مثل القلب مثل ريشة بالفلاة (فى الصحراء)


تعلقت في أصل شجرة يقلبها الريح ظهرا لبطن ."

ريشه ومحطوطة فى الصحراء فتيجى الريح تقلبها كده مره ومره تجيبها كده

هى كده بالظبط أنت مره بتيجى على الحته البيضه تلاقى نفسك شغال وفايق

تقلب على الحته السودا ولاجايبه أى حاجه خالص صح كده؟

إنما سُمى القلب قلبا لتقلبه ودايما يجى الشباب يجى يقلى اهلى مشددين عليه

فى موضوع الدين والالتزام اخ التحى وأُخت لبست الحجاب ومش موافقين

مش عايزانى البس النقاب مش عايزنى التحى مش عايز كذا دايما اقله فى

الجواب الكلمه دى

" إن القلوب بين أصبعين من أصابع الله يقلبها كيف يشاء."

لو شاء فى ثانية تلاقى قلبك وقلب الناس حوليك اتقلب

على الحته الكويسه وخلاص لكن هى كلها

مش عايزة تقلب ليه على الحتة الكويسة؟

كل شويه جيالك فى الحته المسدوده ليه؟..

القلوب بين اصبعين من أصابع الرحمن يقلبها كيف شاء

وقال صلى الله عليه وسلم :

(((لقلب ابن آدم أشد انقلابا من القدر إذا استجمعت غليانا)))


الراوي: المقداد بن الأسود المحدث: الألباني - المصدر: صحيح الجامع - الصفحة أو الرقم: 5147
خلاصة حكم المحدث: صحيح

حط كده براد الشاى وشوف المايه لما بتغلى بتبقى عامله إزاى؟

اهو قلبك بيعمل كده بالظبط بيتقلب زى المايه مابتتقلب ساعة الغليان

بالظبط هو ده قلبك عشان كده النبى صلى الله عليه وسلم

كان أكثر دعائه أن يقول

يامقلب القــلوب ثبت قلبى على دينك

يتبع باذن الله

[أبومصعب محمود ابراهيم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

::: انا عاوز ابقى كويس ::: •.• (( 4 )) •.•

القلوب ياجماعه هنقسمها إلى ست انواع ::


القلب الأول :


قلب حى هو ده بقى الى ربنا قال فيه


{ إِنَّمَا الْمُؤْمِنُونَ الَّذِينَ إِذَا ذُكِرَ اللّهُ وَجِلَتْ قُلُوبُهُمْ }

علامة انه حى إيه؟

لما يسمع كده اسم ربنا تلاقيه جسمه بيقشعر ..يجل قلبه.. يخاف ..يضطرب


دى علامة حياة القلب





القلب الثانى :


قلب ميت

{ ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ }




القلب الثالث :

قلب صحيح وهو ده الى احنا بنتكلم عليه النهاردة قلب طاهر






القلب الرابع :


القلب المريض


{ فِي قُلُوبِهِم مَّرَضٌ فَزَادَهُمُ اللّهُ مَرَضاً }

وده صفات أهل النفاق بالذات





القلب الخامس :


قلب يقظان فايق يسمع ويرى وده قلب أهل البصيره


تلاقيه يقلك قلبى مش واخدنى مش مطاوعنى قلبى


أروح المشوار ده مش عارف ليه كده قلبى مقفول مش حاسس


إن الحكاية دى فيها خير أبعد .

هذا القلب يسمع ويرى يتحسس قرب ربه منه


..يحس إن ربنا قريب منه أوى ده القلب ايه؟ اليقظان







القلب السادس :


القلب الغافل وده ربنا قال فيه


{اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ . مَا يَأْتِيهِم مِّن ذِكْرٍ مَّن رَّبِّهِم مُّحْدَثٍ إِلَّا اسْتَمَعُوهُ وَهُمْ يَلْعَبُونَ . لَاهِيَةً قُلُوبُهُمْ }

ده مشغول بالعبث ..بالضياع ..مالوش هدف ..ده صاحب القلب الغافل.




نسالكم بقى أى القلوب قلبك؟

عايز اسألكم سبع أسئله والسبع أسئله دول بينك وبين نفسك

دلوقتى تجاوب واللى يعرف يكتب يكتب..




السؤال الأول:




هل تجد واعظا من قلبك يحثك على التوبة؟


يعنى لما بتعمل ذنوب بتحس بحاجه جوه قلبك كل شوية تقلك ياعم بطل بقى ..

ما كفاية بقى ..احنا هنعيش كده طول العمر؟

ماحنا هنقابل ربنا وهيحاسبنا على كل حاجه حتى لو تاب علينا

هيقررك على الذنوب دى والله.. بتلاقى المعانى دى جواك؟

ولا خلاص بقى الذنب ورا الذنب ورا الذنب مابقتش بتفرق يعنى

ومابتعاقبش نفسك إلاعلى الذنوب الكبيرة..

بطلت صلاة بعد ما كنت بتصلى..

رجعت تانى تشوف أفلام وتشوف وتعمل من البلاوى السودا..

رجعت تانى تمد إيدك على الحرام بعد ماكنت تبت..

بدأت تعمل تانى الذنوب اللى انت كنت شايفها كبيرة أوى..

إنما الذنوب الصغيرة ..بصه وكلمه والكلام ده مابتفرقش معاك

{ وَتَحْسَبُونَهُ هَيِّناً وَهُوَ عِندَ اللَّهِ عَظِيمٌ }





السؤال الثانى :


بتمل من الطاعة؟

لا طبعا لا لا لا ...أمّل من الطاعة

هو فيه أحلى من الطاعة ده الواحد يعنى بيبقى واقف كده

وانت قاعد بتصلى وبتطول بيبقى فى منتهى الانبساط صراحة..

لا طبعا مابملش ولا أى حاجة.


هل تمل من الطاعه؟؟




السؤال الثالث :


هل إذا دخلت فى الصلاة تجد الصلاة قرة عين ؟

فيذهب غمك وهمك فى الدنيا ؟

أول ماتدخل كده تقول ياااااه ارحنا بها يا بلال

قرة عينى والله ياأخى الصلاة دى ..

ولا أول مادخلت ..هنعمل ايه بقى فى الموضوع ده ؟

وتبتدى بقى ايه ....هو كان بيقرا ايه ؟

اه طيب ماشى كده يعنى فيذهب

صراحة همك وغمك وكل حاجه بتروح كل حاجه أصلا :)





السؤال الرابع:



إذا فاتتك الصلاة المفروضة ...

صحيت لقيت نفسك فاتك الفجر راحت منك الجماعة

وكنت فى مشوار وحاولت تجري عشان تلحق الصلاة

بصيت لقتهم صلوا ..هل تتألم وتتحسر؟

ولاتصحى تقول دى صدقة تصدق الله بها علينا ..

عادى يعنى فيها إيه يعنى؟





السؤال الخامس


ماذا تشعر لو فاتك وردك اليومى ؟

وطبعا أنت صاحب ورد كل يوم أذكار صباح ومساء
وكل حاجة متظبطه وكل يوم قرآن وكل حاجه ..

لما بيفوتك بقى ايه الى بيحصل؟



السؤال السادس:



هل تجد لذة فى العبادة أكثر من لذة الأكل والشرب؟

يعنى تدخل كده كأنك أكلت أكله تمام.. من إيد الغالية يعنى ..

بتبقى كده؟؟؟؟؟؟؟؟؟؟




السؤال السابع :


بماذا تحدث نفسك فى الخلوات؟

لما بتقعد كده فى أوضتك لوحدك ايه اللى بيجى على بالك

وأنت قاعد لوحدك؟ هو ده الى فى قلبك.





كفايه الاسئلة دى؟ نخلص على كده؟ نشطب ونمشى؟

لو جاوبت على الاسئلة السبعة دى تعرف ...أى القلوب قلبك؟



تعال اشتغل بقى كفاية كده ندخل ونمسك القلب ده نظبته

ونشوف حنعمل فيه ايه ..

شمر بقى معايا عشان هندخل على القلب دلوقتى وهنجيب بقى سلك مواعين

وشغل وحنطلع كل الحاجات اللى جوه .






فى حادثة الإسراء والنبى صلى الله عليه وسلم قال

" بينما أنا في الحطيم مضطجعا إذ أتاني آت فقد ما بين هذه إلى هذه فاستخرج قلبي ثم أتيت بطست من ذهب مملوءة إيمانا فغسل قلبي بماء زمزم"

احفظ منها الفائدة دى: يعنى إن شاء الله لما ربنا يمن علينا بعمرة

كده فى العاجل اشرب زمزم بنية يارب طهر قلبى.



إذاً فى البداية احنا محتاجين بقى نعمل العملية دى..

طلع المفاسد اللى جوه قلبك عشان كده النبى صلى الله عليه وسلم قال

الطهور شطر الإيمان ، والحمد لله تملأ الميزان ، وسبحان الله والحمد لله تملآن ما بين السماء والأرض ، والصلاة نور ، والصدقة برهان ، والصبر ضياء ، والقرآن حجة لك أو عليك ، كل الناس يغدو ، فبائع نفسه ، فمعتقها أو موبقها

الراوي: أبو مالك الأشعري المحدث: الألباني - المصدر: صحيح الجامع - الصفحة أو الرقم: 3957
خلاصة حكم المحدث: صحيح



فتطهير قلبك ده فضلا عن الوضوء والغسل شطر الإيمان.

هــ اديك واجب عملى عليها على طول دلوقتى ..


لما تتوضأ أو تغتسل وأنت داخل كده قول يارب زى

ماجسمى ده بيتطهر بالماية دى ..يارب طهر قلبى من كل شئ يغضبك ..




الخطر ياشباب إنك لو ماعملتش الحكاية دى تبقى فى ضياع

ربنا قال آية صعب قوى قال ايه؟
**

{ وَمَن يُرِدِ اللّهُ فِتْنَتَهُ فَلَن تَمْلِكَ لَهُ مِنَ اللّهِ شَيْئاً أُوْلَـئِكَ الَّذِينَ لَمْ يُرِدِ اللّهُ

أَن يُطَهِّرَ قُلُوبَهُمْ (اللى مش حيطهر قلبه ايه اللى حيحصله؟) لَهُمْ فِي الدُّنْيَا

خِزْيٌ (هتعيش الشقاء والعذاب فى الدنيا) وَلَهُمْ فِي الآخِرَةِ عَذَابٌ عَظِيمٌ }


حتشيل ايه بقى من جوه؟ ..

أخطر حاجة..التعلق بغير الله ..قلبك متعلق بايه سوى ربنا ؟


أول حاجه تطلعها :

حب الدنيا .. الدنيا دى اللى هى ايه ؟

زمان أنا كنت بنقعد نقول حب الدنيا

الحاجات الى هى بترتبط بالمعاصى مايجيش على بالك خالص

إن حب الدنيا دى الحاجات المرتبطة بالمباحات..شيء مباح ..حرام؟

مش حرام ..طالما مش حرام يبقى مش ده المطلوب ..

حب الدنيا رأس كل خطيئة.. فيبقى ايه الواحد لما يحب حاجه حتسبب أنه

هو يقع فى معاصى فيبقى هى دى ..

أنت ممكن تحب حاجه حلال خالص مافيهاش أى مشاكل لكن للأسف

الشديد تحبها حب كحب الله

.بيحب مراته ومايقدرش يستغنى عنها وحبه ليها زي حبه لربنا

أو هى كذلك بتعمل معاصى ومخالفات بس علشان يرضى عنها عشان مايتجوزش عليها ..

عشان مايطلقهاش فلو قال لها اعملى ايه تعمل ..

مش مهم بقى ربنا غاضب ولا ساخط مش مشكلة.

هى دى المشكلة.

. { يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبّاً لِّلّهِ}

النبى صلى الله عليه وسلم قال

الفقر تخافون ؟ و الذي نفسي بيده لتصبن عليكم الدنيا صبا ، حتى لا يزيغ قلب أحدكم أزاغه إلا هيه ، وأيم الله لقد تركتكم على مثل البيضاء ، ليلها و نهارها سواء

الراوي: أبو الدرداء المحدث: الألباني - المصدر: السلسلة الصحيحة - الصفحة أو الرقم: 688
خلاصة حكم المحدث: إسناده حسن

مفيش حاجه حتخلى قلبك يزوغ ..القلب بيزوغ بيحدف شمال بيبعد

أكتر حاجة تخليه يزوغ ايه ؟؟

..حب الدنيا ..حب العلو فى الدنيا .. يبقى معاك فلوس كتير..

وتبقى صاحب منصب ..

الزمن بتاعنا ده الفقير فيه مهان.. فلازم تبقى معاك ومعاك..

بس عشانك ..أنت بتعمل ده كله على حسابك

مش عشان نصرة دينك ولا عشان تُرضي ربك.. هنا المشكل.

عن أبي ذر رضي الله عنه قال "قال لي رسول الله صلى الله عليه وسلم

يا أبا ذر أترى كثرة المال هو الغنى ؟ قلت نعم يا رسول الله ، قال : أفترى قلة المال هو الفقر ؟ قلت : نعم يا رسول الله ، قال : إنما الغنى غنى القلب ، والفقر فقر القلب


الراوي: - المحدث: الهيتمي المكي - المصدر: الزواجر - الصفحة أو الرقم: 1/185
خلاصة حكم المحدث: صحيح

قلبك فقير من معرفة الله تعرف ايه يا عم عن ربنا؟

سؤال مباشر ياشباب يعنى ايه الله القدوس؟ يعنى ايه؟

ليه النبى بيقول فى الوتر سبحان الملك القدوس؟

القدوس

هو المبارك وهو الطاهر الذي تعالى عن كل دنس ، وقيل : تقدسه الملائكة الكرام وهو سبحانه الممدوح بالفضائل والمحاسن .

فلما عايز تطهر قلبك ادعيه باسمه القدوس..

يارب ياقدوس طهر قلبى.

. تعرف يعنى ايه المقيت؟

{ وَكَانَ اللّهُ عَلَى كُلِّ شَيْءٍ مُّقِيتاً }

خمن كده تطلع من ايه ؟ مابلاش فضايح هو النهاردة كله أسئلة ؟

: المقيت هو الحفيظ ، والشهيد ، والحسب ، والقائم على كل شيء بالتدبير ، وصوّب المعنى الأخير .

والله المقيت أي الحافظ الشاهد القادر على كل شيء .

علشان كده بردو أنا ذكرته علشان

مافيش حد حيروى قلبك غير المقيت..

مش المقيت من الوقت المقيت من القوت مايشبعكش إلا المقيت.

فتعرف ايه أنت عن ربنا ؟ هو ده الموضوع..

إذاً عايزين نشيل حب الدنيا وحب المال ..

واللى بينشغل بقى بالتجارة والشغل والحاجات دى ودى اللى واكله

دماغ الناس كلها مش كده ياجماعة ؟ ايه الى واكل دماغكم ؟

مش هو الشغل؟ مش هى الدراسة وإن انت تبقى بعد كده فى

مركزكويس وتاخد مرتب كويس عشان تعرف تفتح بيت عشان تملى

عين الناس وعشان وعشان مش هو ده الى شاغل قلبك؟

صح ؟؟

وحيظل شاغل قلبك ولو بقى عندك مائة سنة

النبى قال " قلبُ الشيخِ شابٌّ على حبِّ اثنتينِ طولِ الحياةِ وكثرةِ المالِ" الراوي: أنس بن مالك و أبو هريرة المحدث: السيوطي - المصدر: الجامع الصغير - الصفحة أو الرقم: 6146

خلاصة حكم المحدث: صحيح

يتبع باذن الله

[أبومصعب محمود ابراهيم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

::: انا عاوز ابقى كويس ::: •.• (( 5 )) •.•

إياك والدنيا ..!!!!

طهر قلبك من حب الدنيا إنها ماتبقاش فى قلبك

الامام احمد قالوا له : أيكون للرجل ألف دينار ويكون زاهدا؟

يبقى معاك مثلا ألف جنيه وتبقى زاهد؟ يبقى معاك مليون جنيه وتبقى زاهد؟

قال: نعم إذا كانت فى يده وليست فى قلبه

إذا لم يفرح إذا زادت ولا يحزن إذا نقصت ...

هنا اطهر قلبى إزاى؟

طلعها من قلبك ادعى معايا دلوقتى وقول:

اللهم لاتجعل الدنيا أكبر همنا ولامبلغ علمنا اللهم لاتجعل الدنيا فى قلوبنا

اللهم طهر قلوبنا من حب الدنيا اللهم طهر قلوبنا من حب المال اللهم طهر

قلوبنا من كل شيء يبعدنا عنك يارب العالمين .





طهر قلبك,,

تانى حاجه منالتعلق بالنساء وأنتى طهرى قلبك من التعلق بالرجال

ربنا قال لأمهات المؤمنين أطهر الناس قال لهم ايه

{ َإِذَا سَأَلْتُمُوهُنَّ مَتَاعاً فَاسْأَلُوهُنَّ مِن وَرَاء حِجَابٍ ( ليه؟) ذَلِكُمْ أَطْهَرُ لِقُلُوبِكُمْ وَقُلُوبِهِنَّ }

يبقى الحجاب سبب طهر القلب ويبقى عدم الاختلاط سبب لطهر القلب ..


ماتقاوحش ماتقعدش تقولى مفيهاش حاجة أنا مبعملش حاجة غلط

احنا فى مجتمع مختلط وبعد كده تيجى تقولى مش لاقى قلبى ..

أحد الإخوة أرسل إلى رسالة الموضوع إن هو التزم وبقى كويس ومفيش أى مشكلة ..

شغله بدأوا يقولوا له إنت مبتسلمش ليه على نساء؟

شوية شوية واحدة جت قالت له لأ إنت لازم تفهمنى إنت متشدد ليه ده بقى؟

فى ايه؟ فيها ايه يعنى لما تسلم؟ ..

الأول صاحبنا مطنش ..بعد شوية قالك ما ندعوها مفيش مشكلة يعنى

فدخلنا بقى فى الدعوة ..لأ ليه متشدد ؟ أنا مش متشدد خالص والله ..:)

أنا كويس اهو ..ايه يعنى ؟ هى المسألة يعنى بس الواحد لازم يغض بصره

مايتكلمش وما يعملش ..

لا دا أنت فاهم أوى فى الدين ماشاء الله ..

لا أنا عايزك بقى تكلمنى فى التليفون وتفهمنى دى ..

اااااه أهلاً وسهلاً ..دخلنا بقى فى التليفون ..المكالمة فاتنين فتلاتة ..

قلبه وقع ..بعد شوية ساب المسجد وساب اللى كان يعرفه

وبقى ماشي وراها ومش قادر يخلص من الذنب ..

ويبعت يقولى خلصنى ..

هى دى والعكس بيحصل ..




ساعات يقولى أنا بعمل شات على النت وبكلم ناس يعنى مفيش أى مشكلة خالص ..ده دعوة

وترد عليه ويبتدى بقى يقولك دا انا بيبقى قلبى مرفرف أول ما أبص

ألاقيها واحدة هى اللى بترد ..

أقوله طيب ماشي أنت راجل بتاع ربنا وأنا

عارفك ..إنت حتقولى افرض هى اتعلقت بيك وأفسدت عليها قلبها ..

تاخد ذنوبها؟ ..قلبك مش بإيدك ..

ماهو لو قلبك بإيدك حقولك لأ بص إنت عليك إن إنت تعمل كذا كذا
كذا ..

قلبك فى موضوع الحب ده بقى بالذات مش بتاعك ..

يعنى متقوليش إن إنت ماشاء الله عنتر وهتثبت وهتعمل ..

هى كلمة شمال كلمة يمين تلاقيه جى ومفيش بعد كده ..




ويجى يقول أنا مش فارق معايا أى مشكلة وأن مش عارف ايه ويبقى مثلا

رايح يخطب واحدة فأول ما يدخل لا أنا حقولها وأسويلها ..

يرجع تلاقيه قاعد فاتح بقه وبيضحك قوى ..ايه يبنى مالك ؟

لا مفيش أى حاجة ..قلت لها اللى اتفقنا عليه واحد اتنين تلاتة أربعة؟

لالا ماهى حتبقى كويسة ..لا هى كل حاجة تمام ..

هو ده اللى بيحصل ..


إذاً طهر قلبك من ذلك



النبي صلى الله عليه وسلم قال:


" إياكم والدخول على النساء فقال رجل يا رسول الله أرأيت الحمو ؟ -أخو

جوزها مفيش مشكلة يعنى ابن عم جوزها مش عارف ايه الناس اللى هما

داخلين فى البيت أهله وعيلته- قال الحمو الموت . وده فى أقارب الزوج "







محمد بن واسع كان بيقول كلمة ظريفة قوى

أربع يُمتن القلب:

1- الذنب على الذنب ..تعمل الذنب وتكرره تبص وتبص تانى البصة

الأولانية صغيرة بعد كده تانى تانى تانى لغاية ما تصر عليها تنتقل إلى حيز

الكبائر تبقى كده الذنب على الذنب

*•..•*



2- خدوا بالكم من الكلمة كثرة مثافنة النساء ..ايه المثافنة دى ؟

أنا عن نفسي مكنتش فاهم حاجة وقعدت أقلب عليها علشان افهم ..

المثافنة معناها الاختلاط بالنساء

فبعد كده الشباب بيقولوا لى الشتيمة بعد كده حتبقى بدى يا ثافن (ث ا ف ن )

علشان بردو تعرفوا تقولوا اللغة الجديدة

*•..•*

3- ملاحاة الأحمق يعنى إن هو يجادل مع واحد جاهل


*•..•*

4- مجالسة الموتى ..أهل الدنيا ..

كل غنى مترف وسلطان جائر تجلس مع دول من أهل الدنيا تضيع .




عايزين نطهر قلوبنا من التعلق بالنساء ..

عارفين قصة الشاب اللى جه للنبى صلى الله عليه وسلم وقال له

تأذن لى فى الزنا..

فى الآخر خالص بعد ما النبي قعد يقوله أترضاه لأمك أترضاه لأختك وهكذا

النبى عمل ايه ؟ قال

اللهم اغفر ذنبه وطهر قلبه ..يبقى اللى فقلبه حب لسة مطلعش عايزينه

يدعى بالدعوة دى ..اللى النبى وصى بيها ..

وكانت علاج لقلب الصحابى اللى كان بيقول يا رسول الله إئذن لى فى الزنا

وكان شاب زيكم يا شباب

فالنبى قال له اللهم اغفر ذنبه وطهر قلبه وحصن فرجه .


سيدنا أبو أمامه هو راوى الحديث بيقول

فلم يكن بعد ذلك الفتى يلتفت إلى شيء ..خلاص بقوا الستات زى الحجر

مفيش مبيفرقوش يبقى عايزين ندعى بالدعوة دى علشان نطهر قلوبنا من

التعلق بالنساء .

يتبع باذن الله ,,

[احمد25]

رد: عــآوز ابقــى كويـــس بس مش عـآآرف ؟؟؟(متجدد باذن الله)

كلام تمام
بارك الله فيك
موضوع قيم جداااااااااااا

[أنور علي]

رد: عــآوز ابقــى كويـــس بس مش عـآآرف ؟؟؟(متجدد باذن الله)

جزاكم الله خيرا وتقبل الله منكم

وجعلنا الله واياكم من اهل القرآن

[moursy mohammd]

رد: عــآوز ابقــى كويـــس بس مش عـآآرف ؟؟؟(متجدد باذن الله)

أطول كلمة يصل مداها إلى أبعد الحدود ومهما تطول صداها يدوي بالأرض والسماء ولا أصدق شيء منها لأنها تنبع من قلب صادق أشهد أن لا إله إلا الله وأن محمد رسول الله مشكور على المعلومات المفيدة

[أبومصعب محمود ابراهيم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

كلام تمام
بارك الله فيك
موضوع قيم جداااااااااااا

وبارك الله فيك يا غالى
ثبتنا الله وايَّاكم على طاعته

[moursy mohammd]

رد: عــآوز ابقــى كويـــس بس مش عـآآرف ؟؟؟(متجدد باذن الله)

سلمت يداك على الطرح الرائع اجمل تحيه لقلمك المبدع كن دائما هاكذايعطيك العافيه على الطرح القيمبارك الله فيك و جزآك الله الــف خير و جعلهآ الله في موآزين حسنآتك

[أبومصعب محمود ابراهيم]

رد: عــآوز ابقــى كويـــس بس مش عـآآرف ؟؟؟(متجدد باذن الله)

جزاكم الله خيرا وتقبل الله منكم

وجعلنا الله واياكم من اهل القرآن

اللهم امين
بارك الله فيك أخى الحبيب