[عاجل] ختشيبي دكتشور

[ضيف]

معلش

انا مش بستهزأ ولا حاجة

ولكن

هى دية الحقيقة

ولازم نعرف الحل ايه









و انا قاعد مع واحد صاحبى ( بس مش صاحبى قوى ) و بندردش شوية مع بعض لقيته جاب سيرة واحد صاحبه



و عرفت منه ان الراجل ده مش متعلم ، و لأني عارف الراجل ده بشكل عام فكنت عارف انه متجوز دكتورة صيدلانية




و بصراحة كانت مفاجأة انه يبقي مش متعلم



فمفهمتش هو فعلا ممكن دكتورة تتجوز واحد مش متعلم ؟




و ايه هو الفرق في التعليم اللي يبقي مقبول بين الزوجين


المهم


اني بعد الموضوع ده بكام يوم لقيت واحد قريبي بيقوللي ان في ناس جايبين له عروسة و انها عاجباه كمواصفات ، فقالهم يقولولها ان في عريس جاي يشوفها



فالناس ردت عليه رد غريب



و هو ان العروسة عندها شرط ان جوزها لازم يبقي دكتور




فقال لهم يعني مسألتوش علي الاخلاق او السن او حتي المرتب و سابت ده كله و عايزة دكتور و خلاص


بصراحة برضو مافهمتش وجهة نظر الآنسة المبجلة دي ، فتوقعت مثلا انها عندها مرض مزمن و عايزة توفر مصاريف الدكاترة ، او يبقي اكيد عايزة تتفشخر بيه قدام الناس و تقعد تقول في الرايحة و الجاية ( ختشيبي دكتشور )



و لقيت فرق شاسع بين الفكرين مابين واحدة مش مهتمة بالتعليم خالص و واحدة عايزة دكتور و بس



طيب انا كشاب الاحسن ليا ايه ؟


آخد واحدة في نفس مستوي التعليم و للا ممكن اقل و للا ممكن تبقي اعلي مني ؟



و لقيت انه صعب انها تبقي اعلي مني لاني ساعتها هاحس انها بتتنطط عليا ، طيب لو هي اقل مني يبقي الفرق لحد فين ؟



و هل ممكن توصل انها تبقي مش متعلمة خالص ؟



للاسف مش لاقي رد علي الاسئلة دي ، و هايبقو جنب اخواتهم اللي مش عارف لهم اجابة .



ومنتظر منكم ياشباب اجابة على الاسئلة دية



ابو معاذ