اقفل الخط بسرعة

[ضيف]

اقفل الخط





لو لقيت حد بيعاكسك في التليفون و الموضوع بيتكرر اكتر من مرة
لو لقيت حد حاطك في دماغه و مش عايز يسيبك في حالك
لو لقيت نفسك بدأت تتضايق من كتر الكلام و الزن علي ودانك


الموضوع ببساطة حله انك تقفل الخط


و الكلمة دي سمعتها في برنامج للشيخ محمد حسين يعقوب و هو بيقول للي سايبين الشيطان يلعب في دماغهم انهم يقفلو الخط


و عجبتني الفكرة أوي و حاولت اشبهها بأن لو واحد ( وطبعا لو وحدة ) بيعاكسك في التليفون و انت قعدت تتكلم معاه كتير و هو طبعا بيحاول يستفزك اكتر و بيبقي كل غرضه انه يطول معاك في الكلام اكيد هاتبقي خسران سواء تضييع الوقت معاه او انه قدر يأثر عليك و يخليك تعمل حاجات المفروض ماتعملهاش

و هو ده اللي الشيطان بيحاول يعمله معانا انه يشغلنا اكتر وقت ممكن

و المشكلة اننا كل ما هانطول معاه هو اللي هايكسب لأن الخواطر كل ما بتطول بتترجم لأفعال ، و لأن الشيطان أقوي مننا لأنه شايفنا و عارف عننا اللي بنعمله و احنا مش شايفينه


و لو طبقنا الكلام ده علي الدنيا كمان و بالذات لما بتحصلنا مشكلة لقيت ان احسن حل لأي مشكلة هو اننا ننهيها بأسرع ما يمكن


و الغريبة ان في ناس بتحب تماطل في حل المشكلة أو لما بتحلها مابتنهيهاش للآخر و بتسيب الباب موارب و في أقرب فرصة المشكلة بترجع تاني ، و ده ممكن اللي الناس بتقول عليه ان المصايب بتيجي كلها مرة واحدة لأن صاحبها ماحاولش يخلصها للآخر و بيسيبها متعلقة ،


الخلاصة من خلال التجارب :

لما تلاقي الشيطان مش سايبك في حالك و انت مش قادر عليه استعين بأقوي منه و هو ربنا سبحانه و تعالي

و اقفل الخط .

[أبومصعب محمود ابراهيم]

رد: اقفل الخط بسرعة

جزاكم الله خيراً شيخنا الفاضل ورفع قدركم
كلام جمييييييييييييييل جدااااااااااااااا
اقفل الخط

ومن أجمل ما قاله الإمام ابن الجوزي رحمه الله تعالى في كتابه القيم تلبيس إبليس
قال حكي عن بعض السلف أنه قال لتلميذه : ما تصنع بالشيطان إذا سول لك الخطايا ؟
قال التلميذ : أجاهده .
قال الشيخ : فإن عاد؟! قال : أجاهده .
قال الشيخ : فإن عاد؟! قال : أجاهده .
فقال الشيخ : هذا يطول يا بني ولكن إن مررت بغنم فنبحك كلبها أو منعك من العبور فماذا تصنع ؟
قال : أجاهده
قال : يا بني هذا أمر يطول ، استعن برب الغنم يكفك كلابه

[ضيف]

رد: اقفل الخط بسرعة

جزاكم الله خيراً شيخنا الفاضل ورفع قدركم

كلام جمييييييييييييييل جدااااااااااااااا
اقفل الخط

ومن أجمل ما قاله الإمام ابن الجوزي رحمه الله تعالى في كتابه القيم تلبيس إبليس
قال حكي عن بعض السلف أنه قال لتلميذه : ما تصنع بالشيطان إذا سول لك الخطايا ؟
قال التلميذ : أجاهده .
قال الشيخ : فإن عاد؟! قال : أجاهده .
قال الشيخ : فإن عاد؟! قال : أجاهده .
فقال الشيخ : هذا يطول يا بني ولكن إن مررت بغنم فنبحك كلبها أو منعك من العبور فماذا تصنع ؟
قال : أجاهده
قال : يا بني هذا أمر يطول ، استعن برب الغنم يكفك كلابه

وجزاكم الله مثله اخى

وشكرا على الاضافة الجميلة والكلمات الرائعة