[جديد] ( سلسلة ) المكرونة حرام يارجالة .... متجدد بإذن الله

[ضيف]

بسم الله الرحمن الرحيم

كل سنه وانتم طيبين ومنورين يارجالة

الاول

بنهنى شباب المنتدى بمناسبة العيد

وبعد كدة

لازم تعرف أن اذا ربنا وفقك لدخولك الموضوع دا يبقى عايزلك الخير

كالعادة هنكشف الاسرار ونعرف حاجات جديدة مع بعض خلال الحلقات
بإسلوب مبسط وسهل جدا بإذن الله

ملخص فكرة سلسلة " المكرونة حرام "

هو اننا كشباب بنعرف كل شوية ان حاجات كتير بنعملها بشكل اساسى
ومرتبطين بيها بشكل قوى جدا جدا جدا


وفجأة

يطلعلنا واحد تحس انه نازل من كوكب اخر ويقولك لا دا حرام !!

ونتفاجئ بمسلسل التحريمات كل حاجة حرام حرام حرام حرام

دول كفرونا فى عيشتنا دا وحرمتوا كل حاجة علينا !!


دورنا فى الحلقة دى نشرح بالوسائل المنطقية لية الحاجات دى حرام
ونقدر نوصل بالعلم والدين والمنطق لاسباب تحريم الحاجات دى

لكن

شئ اساسى لازم نعرفة

ان المقاييس الغلط ابتدوا الغرب يزرعوها فينا من زمااااان اوى
وواحدة واحدة ابتدت مقاييس الصح والغلط تتغير

ببطئ شديد مع الزمن لحد ما وصلنا للى احنا فيه ولسة هنوصل كمان

بقى الحرام .. عادى وحلال وجزء من حياتنا
والحلال .. تشدد وتعصب فى الدين وشئ غريب عننا



بئى اللى متبع السنة فى المظهر والاسلوب
متعصب متشدد ومتخلف وارهابى

واللى مسقط بنطلونة ولابس حظاظة وسنسلة
روش وستايل

يعنى الصح بقى غلط والغلط بقى صح

والاصل ان مقاييس الله اللى خلق الكون هى اصح المقاييس
مش مقاييس الغرب ولا مقاييس الدول المتقدمة

لان ولله المثل الاعلى
بالظبط زى صانع الجهاز الالكترونى

احنا الاجهزة الالكترونية(روبوتس مثلا او انسان الى) و المخترع اللى صانعنا
مين اقدر واحد يقدر يتحكم فينا ويشغلنا ويحطلنا مقاييس وشروط
عشان نحصل على افضل اداء واطول فترة للعمل ؟

الادرى بينا اللى صانعنا وعارف كل دواخلنا وخوارجنا
وعيوبنا ومميزاتنا ... ومين الادرى بينا جهاز زينا ولا اللى صانعنا ؟؟

بالظبط دا حالنا الغرب خدوا تعاليم الدين وطبقوها فتقدموا
واحنا اخدنا منهم كل قبيح(يارتنا اخدنا الحاجات الحلوة) وبعدنا عن دينا
فرجعنا لورا وبقينا متخلفين

هنعرف ازاى وصلنا لحالنا دا ان شاء الله من خلال الحلقات

.
.

كل حلقة هيكون معانا ان شاء الله حاجة حرام بنعملها


.
.
.

فتابعونا فى

( سنسلة ) المكرونة حرام يارجالة

[أبومصعب محمود ابراهيم]

رد: ( سلسلة ) المكرونة حرام يارجالة

خضتنى يا شيخ لما قرأت العنوان

لكن لما قرأت الموضوع

اتضح لى أنها سلسلة رآآآئعة

وأتمنى أن يستفيد الشباب منها

والأهم أنك منور السااااااااحة

فى انتظارك شيخنا
أحبك فى الله

[ضيف]

رد: ( سلسلة ) المكرونة حرام يارجالة .... متجدد بإذن الله

(( 2 ))

السلام عليكم ياشباب

والنهاردة هنكمل مع بعض اللى اتفقنا عليه

فقولنا

اننا هنكشف الاسرار عن بعض الاشياء والحاجات اللى الناس منهم بيقول انها حلال ومنهم بيقول انها حرام

فأحنا هنبدأ واحدة واحدة نفند ونفصل الموضوع دة

ومع البداية

وهتكون عن :ـ

الأغانى




العادى بتاعنا ان الأغانى حلال وعادى ودا الاغلبية
لكن جوانا شئ تانى

مثلا

فية ناس عارفه انها حرام بس بتسمعها

وفية ناس عارفة انها حرام بس بتضحك على نفسها ويحاولوا يقنعوا نفسهم انها حلال

وفية ناسمقتنعة انها حلال ومفيهاش اى حاجة حرام لانها مش بتضرنا !!

وفية ناس محتارة بين انها حرام او حلال واختلاف الشيوخ فية اللى بيحلل وفية اللى بيحرم !!


عشان نتكلم فى الموضوع دا

لازم

تعرف انت انهى نوع فيهم



طيب دلوقتى ...


هل هى حرام ولا حلال؟
طب لو حرام ... لية الأغانى حرام ؟
طيب لو هى حرام لية فية شيوخ بيطلعوا يقولوا انها حلال ؟




هل هى حرام ولا حلال؟

قاعدة اساسية لازم نعرفها كل شئ حلال
اذا لم يثبت من القران او السنه تحريمه

تمام

والاغانى اثبت القران والسنه انها حرام شرعاً



طب لو حرام ... لية الأغانى حرام ؟
الاغانى حرام لأن ربنا قالنا انها حرام !! دى محتاجة سؤال ؟
لما ربنا قال لسيدنا ادم وامنا حواء فى الجنة متاكلوش من الشجرة دى
هل كانت لازم تبقى مضرة ليهم وفيها مثلا فاكهة مسممة عشان تبقى حرام ؟؟
ولا الحكمة من تحريمها انها اختبار ليهم ؟؟
كانت الحكمة اختبار ليهم يا ترى هيصمدوا ادام وسوسة الشيطان
وهيقدروا على طاعة ربنا ولا لأ



طيب اانا مش مقتنع انها حرام ؟
..
أولا مينفعش تقول كلمة زى دى
مفيش حاجة اسمها ابداااا انا مش مقتنع فى امر ربنا
تخيل ربنا العظيم بيأمرك يا عبد يا صغير يا ضعيف
وانت تقولة لا انا مش مقتنع انت فى الحالة دى بتكلم ربنا
مش بتكلم الشخص اللى بيقولك دا حلال او حرام !!

يعنى كلمة انا مش مقتنعه بالحجاب او مش مقتنع بالصلاة
او مش مقتنع بتحريم سماع الاغانى دى المفروض متتقالش أبدا
وللأسف الكلمة دى انتشرت كتير واحنا مش عارفين معناها



طب حضرتك مش مقتنع لية ؟
متجاوبش هقولك انا لية

لان الاغانى جزء من حياة حضرتك
وجاية اوى اوى اوى على مزاجك وهواك
ومتقدرش تستغنى عنها

تعرف لما بتقول كدا بتقكرنى بأية
{أَفَرَأَيْتَ مَنِ اتَّخَذَ إِلَهَهُ هَوَاهُ }
يعنى اللى الحاجات اللى جاية على مزاجة وهواه
يعملها ويستمتع بيها وولا يهمة كلام الدين (كلام ربنا) وفى الحالة دى انت بتعبد شهوتك
اللى هدفها المتعة دايما وهنا متعتها الغناء

فكان اية عقابة بئى ؟؟ تعالوا نكمل الايه

وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلَا تَذَكَّرُونَ}


يعنى بيختم على قلية وسمعة وبصرة بحيث لو اعدت تدعية للخير وتدعية
للطاعات والطريق المستقيم مليون سنة وجبتلة كل شيوخ الدنيا مش هيأثروا فية
ولا هيغيروه (فية ناس كتير كدا بنقابلهم فى حياتنا ونستغرب منهم)

ودا سببة انهم بيفضلوا متعتهم المحرمة على اوامر الله


دى شوية افكار خاطئة كانت لازم تتصحح قبل ما نتكلم فى الحوار دا


دلوقتى انا عايز اعرف الشئ اللى بعملة صح ولا غلط
وفية ادامى رأيين اعمل اية واتبع انهى رأي ؟؟

طب دلوقتى احنا متفقين منطقيا ان اى شئ عشان تثبته لازم تجيب له ادلة
يعنى دلوقتى اتنين بيتجادلوا واحد بيقول ان الخمرة حرام
والتانى بيقول انها حلال
طيب اللى بيقول انها حرام اية دليله ؟
{ يا أيها الذين آمنوا إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون }

طب اللى بيقول انها حلال اية دليلة ؟؟؟
لازم يبطل دليلى اللى انا جبتة
وفى الحالة دى مش هيقدر اذا الخمر حرام


ومعلش

فااااااااصل ونرجع لبعض تانى

فتابعونا

الموضوع متواصل

[ضيف]

رد: ( سلسلة ) المكرونة حرام يارجالة

خضتنى يا شيخ لما قرأت العنوان

لكن لما قرأت الموضوع

اتضح لى أنها سلسلة رآآآئعة

وأتمنى أن يستفيد الشباب منها

والأهم أنك منور السااااااااحة

فى انتظارك شيخنا
أحبك فى الله

احبك الله الى احببتنا فيه
وسعداء بوجودك دائما

[ضيف]

رد: ( سلسلة ) المكرونة حرام يارجالة .... متجدد بإذن الله

اعلان هاااااااااااااااام


لسة الى الان لم اعرف رأى الشباب فى هذا الموضوع

فياريت

اكتبولنا رأيكم فى الموضوع

وهل نكمل الموضوع ام لا ؟؟؟

طبعا

انا متوقف الان الى ان ارى ردودكم فى الموضوع

وكل عام وانتم بخير

ابو معاذ

[أبومصعب محمود ابراهيم]

رد: ( سلسلة ) المكرونة حرام يارجالة .... متجدد بإذن الله

جزاكم الله خيراً شيخنا الحبيب ورفع قدركم

وكل عام وأنتم الى الله أقرب

كل عام أنتم بخير وصحة وسلامة

والأمة الاسلامية بعزة ونصر وتمكين

تقبل الله منا ومنكم صالح الأعمال
____________
وموضوعكم أكثر من رااااااااااائع
اسلوب بسيط وجذاب ويوصل المعلومة بسرعة
وأكمل يا شيخ الموضوع
فى انتظارك بلهفة
متاااااااااااااابعووووووووووووووووووون باذن الله

[أبو سعيد الأزهرى]

رد: ( سلسلة ) المكرونة حرام يارجالة .... متجدد بإذن الله

وعليكم السلام ورحمة الله وبركاته
بس ياشيخ ليه التعصب والتشدد ما ربنا غفور رحيم
وبعدين الواحد بينفس عن همومه
زى أغنية الدنيا زى البطيخة يوم تحت وفوق
خليك روش ومتقفلهاش
==========================
متابع معاك فأنت كما عهدتك دائماً ذو سبق وصاحب براعة فى إختيار المواضيع
كلماتك فيها رصانة وعباراتك تغلبها المكانة
ليست بالعسيرة ولا تميل للتعقيد
تصل إلى الأفهام بلا تعنت ولا تعب
فجزاك الله الفردوس الاعلى من الجنة
وبارك الله فيك
وأقول لك نقلاً عن قلبى
أنه يحبك فى الله

[Abdullah-Albani]

رد: ( سلسلة ) المكرونة حرام يارجالة .... متجدد بإذن الله

جزاكم الله خيراً شيخنا الحبيب ورفع قدركم

وكل عام وأنتم الى الله أقرب

كل عام أنتم بخير وصحة وسلامة

والأمة الاسلامية بعزة ونصر وتمكين

تقبل الله منا ومنكم صالح الأعمال
وموضوعكم أكثر من رااااااااااائع
اسلوب بسيط وجذاب ويوصل المعلومة بسرعة
وأكمل يا شيخ الموضوع

[AnaMuTTalib]

رد: ( سلسلة ) المكرونة حرام يارجالة .... متجدد بإذن الله

بتقول إيه ؟؟ ................. المكرونة حرااام
.
.
دي عالم فاضية يا عم
.
.
.
.
.
.
.
.
.
.
.
.
.
.
.
.
.
.
.
.
.
.
.
أنا قصدي اللي بيسمع أغاني عالم فاضية
بارك الله فيك شيخي الكريم

[أبو أحمد خالد المصرى]

رد: ( سلسلة ) المكرونة حرام يارجالة .... متجدد بإذن الله

بارك الله فيك أخى الحبيب
أبــو معـــــاذ
وجعلك من أهل الحكمة
فأسلوبك فى لفت الإنتباه جديد وجميل
وتواصلك فى عرض الموضوع أصبح ملحاً لنا جميعاً
فأكمل على بركة الله
نفع الله بك وجعل أعمالك فى ميزان حسناتك، وزادك علماً ونوراً
جعلنا الله وإياكم ممن يستمعون القول فيتبعون أحسنه،
ورزقنا وإياكم الإخلاص فى القول وفى العمل
أهم حاجة عاوزين نعرفها......
هاناكل مكرونة ان شاء الله ولا مش هاينفع؟!

أحبك فى الله

[ابورقية محمد مختار]

رد: ( سلسلة ) المكرونة حرام يارجالة .... متجدد بإذن الله

ماشى يعم الشيخ

الله يباركلك فى موضوعك رائع كما عودتنا

اسال الله ان يحفظك لنا

كل عام وانت بخير

[علاء الناقر]

رد: ( سلسلة ) المكرونة حرام يارجالة .... متجدد بإذن الله

بارك الله فيكم

[ضيف]

رد: ( سلسلة ) المكرونة حرام يارجالة .... متجدد بإذن الله

جزاكم الله خيراً شيخنا الحبيب ورفع قدركم

وكل عام وأنتم الى الله أقرب

كل عام أنتم بخير وصحة وسلامة

والأمة الاسلامية بعزة ونصر وتمكين

تقبل الله منا ومنكم صالح الأعمال
____________
وموضوعكم أكثر من رااااااااااائع
اسلوب بسيط وجذاب ويوصل المعلومة بسرعة
وأكمل يا شيخ الموضوع
فى انتظارك بلهفة
متاااااااااااااابعووووووووووووووووووون باذن الله

وجزاكم الله مثلة ورفع قدركم واحسن اليكم

وكل عام وانت بخير واحسن حال

وعليكم السلام ورحمة الله وبركاته

بس ياشيخ ليه التعصب والتشدد ما ربنا غفور رحيم
وبعدين الواحد بينفس عن همومه
زى أغنية الدنيا زى البطيخة يوم تحت وفوق
خليك روش ومتقفلهاش
==========================
متابع معاك فأنت كما عهدتك دائماً ذو سبق وصاحب براعة فى إختيار المواضيع
كلماتك فيها رصانة وعباراتك تغلبها المكانة
ليست بالعسيرة ولا تميل للتعقيد
تصل إلى الأفهام بلا تعنت ولا تعب
فجزاك الله الفردوس الاعلى من الجنة
وبارك الله فيك
وأقول لك نقلاً عن قلبى
أنه يحبك فى الله

احبك الذى احببتنا فيه
وجزاك الله خيرا على كلماتكم الطيبة
وبارك الله فيكم

جزاكم الله خيراً شيخنا الحبيب ورفع قدركم

وكل عام وأنتم الى الله أقرب

كل عام أنتم بخير وصحة وسلامة

والأمة الاسلامية بعزة ونصر وتمكين

تقبل الله منا ومنكم صالح الأعمال
وموضوعكم أكثر من رااااااااااائع
اسلوب بسيط وجذاب ويوصل المعلومة بسرعة

وأكمل يا شيخ الموضوع

وجزاكم الله مثلة واحسن اليكم
وكل عام وانتم فى خير وفى احسن حال وعلى نهج ربنا المتعال
وتقبل الله منا ومنكم صالح الاعمال

[ضيف]

رد: ( سلسلة ) المكرونة حرام يارجالة .... متجدد بإذن الله

(( 3 ))

والان

بعد الفاصل

تعالوا نتكلم بصراحة

نيجي للغناء وتحريمة

اية دليل الناس اللى بتقول ان الغناء حرام ؟


احاديث كتيييييير جدا جدا وايات من القران الكريم


عايز تعرفهم ادخل

هنــــــــــــا

وهنــــــــــــا

طيب دلوقتى لية بئى طالما فية ادلة من القران والسنة
على تحريم الغناء بعض المشايخ بيقولولك دى حلال ؟؟؟؟؟؟؟؟


اولا عمرك ما تلاقى واحد قالك ان الغناء حلال وقالك دليل واحد يطلع يقولك يجوز سماع الاغانى واللى يقولك انا نفسى بسمع ام كلثوم وعبد الوهاب (وانت مين اصلا عشان نقتدى بيك انت حطيت نفسك مكان الرسول ؟!! )


طب انا لما بقولك حرام بجبلك ادلة كتيييييير جدا جدا من الكتاب والسنة
طب لما انت تيجي تقولى انها حلال مش من المنطقى انك تقولى لية واية ادلتك ؟


- دلوقتى اللى قرى ادلة التحريم .. هيلاقى ادلة من القران الكريم والسنة والائمة الاربع واهل العلم جميعا......
اجمعوا على تحريمها ( الا بعضها زى مثلا الغناء بكلمات مناسبة فى الافراح وبعض الات اصدار الاصوات زى الدف مثلا فى حالة الافراح )



طيب انت بئى ايه دليلك ؟؟ ياللى بتقول انها حلال ؟
فية طائفة اتجهوا بالتشكيك فى الاحاديث اللى بتنهى عن سماع الاغانى
وبكدا يبقوا اسقطوا دليل اذا الاغانى حلال


او بعضهم بيلجأ لـ كلام ابن حزم وهو احد العلماء
وطبعا ابن حزم اجاز الغناء (بشروووط) (يعنى حتى ابن حزم لو شاف الغناء بتاعنا دلوقتى هيقولك حرام) على ادلة بطلان الاحاديث


وكلا الطرفين تجاهلوا القران الكريم
طب القران الكريم هيبطلوه ازاى ؟؟؟


ودا دايما اللى الناس اللى بتحلل الاغانى بتتجاهلها
ولمجرد اننا بنسمع رأى على مزاجنا بنقول هييييييييه
ونفرح ونريح ضميرنا ونحط صباعنا فى عين التخين اللى يقولنا حرام


من غير ما نفكر ولا نشغل مخنا حتى !!


على فكرة دا لو افترضنا جدلا ان الاحاديث ضعيفة وغير صحيحة
انما الاحاديث كلها سليمة مية فى المية


طيب واحد هيقولى اللى قالوا ان الاحاديث ضعيفة جابوا الكلام دا مين ؟
هقولك من كلام ابن حزم ؟


هقولك ابن حزم مكانش عالم حديث
لان علم الحديث لية ناس متخصصة مش اى واحد بدقن يطلع يتكلم
ويقول دا صحيح ولا ضعيف


لان الدين زى الطب فروع مينفعش واحد يبقى دكتور قلب وعين وانف اذن وعظام وجراحة ومخ واعصاب كلة مع بعض انما تخصصات وعلم الحديث لية
اصولة


واللى يقدر يقول بضف او بصحة الاحاديث هم اهل الحديث واسمهم (المحدثين)
زى فضيلة الشيخ ابى اسحاق الحويني حفظه الله كدا دا محدث وعالم فى الحديث


انما معظم شيوخ الساحة مش علماء فى المجال دا انما بياخدوا الجزء دا
وبيسالوا فية اهل الحديث


(العلماء نقضوا ابن حزم وقالوا انه على غير صواب بس انا شرحت المسألة بالبلدى عشان نفهم يعنى الكلام دا مش من عندى)


نرجع لموضوعنا دلوقتى الامام ابن حزم
- عمل حاجتين تجاهل نص القران الكريم
- وقال بتضعف الحديث (وهو مش عالم حديث اصلا)



طب لية بعض الشيوخ بيحللوا الاغانى رغم كدا ؟
(المفاجأة)



الشيخ على جمعة مفتى الديار
و
الشيخ احمد الطيب
(اللى كان مربى شنبه وحالق دقنة ولما اتولى المنصب حلق شنبة وربى دقنة ولبس جلابية!! )
دول من الصوفية


هتقولى يا لاهوى ودا من اية دا ؟؟
هقولك


لمعرفة معنى الصوفية ومنهجهم
اضغط هنـــــــــــــــا

وهنــــــــــــــــا

وهنـــــــــــــا




الصوفية منهجهم فى الفتوى هو ارضاء اهواء النـاس




اظن دلوقتى كلنا عرفنا المكشوف والمستخفى







طب ليه ربنا حرم الغناء ؟؟

خصوصا ان الموسيقى بتريح الاعصاب وبتهدى الشخص وبتعالج الأمراض ؟؟
ازاى ربنا يحرم شئ مفيد ؟


زى ما قولت مش محتاجين نعرف هى حرام ليه كفاية انه امر من الله
بس لان ربنا محرمش شئ الا وجعل ليه ضرر (دنيا واخره)


للأغانى ضررين فى الدنيا
ضرر طبى اكتشفوه حديثا بتأثير الغناء والموسيقى على النفس بالسلب
(وكلام انه بيعالج ويهدى وبتاع دا ملوش اى دليل طبى معروف انما كلة كلام جرايد ومجلات )

http://www.youtube.com/watch?v=TXk2HDkE6OE


وضرر فى الدين
- قسوة فى القلب وعدم التأثر او الاستمتاع بكل الطاعات (القران - الصلاة - ...)
- بيعيشك فى دنيا تانية وبيهيج المشاعر نحو الحب والعلاقات الغير شرعيه واللى مترضيش ربنا
- وبيلهى (يعنى بيخليك تستحب الاغانى ) عن القران
وذكر الله .. وبييخليك متستمتعش ومتحسش بحلاوة وطعم الايمان
وحلاوة وطعم القران والذكر

قراءة القران الحرف بحسنة والحسنة بعشرة غير ان القران بيشفعلك يوم القيامة
بيحميك من عذاب القبر .. لما بتدفن بيجيلك عذاب القبر فبيجي القران يحميك منه


ذكر الله (الاستغفار .. التهليل (لا إله إلا الله) .. التحميد (الحمدلله) .. لا حول ولا قوة إلا بالله (كنز من نوز الجنه)
التكبير (الله أكبر) .. وغيرها من الاذكار تعرفوا اية فايدتها ؟؟
اعظم من الجهاد فى سبيل الله والتصدق بالذهب والفضة وتعتبر خير الاعمال وارفع الاعمال درجات


قال صلى الله عليه وسلم « ألا أنبئكم بخير أعمالكم ، وأزكاها عند مليككم ، وأرفعها في درجاتكم ، و خير لكم من إنفاق الذهب والفضة ، وخير لكم من أن تلقوا عدوكم فتضربوا أعناقهم ويضربوا أعناقكم ؟ قالوا بلى ، قال : ذِكْرُ الله تعالى »



سامع واحد بيقولى مش بقدر او بتخنق او بكسل
هقولك طبيعي جدا لان الاعمال دى فيها ثواب عظيم جدا جدا


ومش اى حد ربنا بيوفقة للحاجات دى الا اذا كان يستاهل


هيقولى طب استنى ربنا بئى لما يوفقنى
هقولك لا يا حلو .. لازم تغير نفسك
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)


غير نفسك ابعد عن الذنوب واتركها لوجه الله (مش لانها مضرة ليك ولصحتك ولدنيتك)
حاول تسمع دروس كتير ع النت مش محتاج تنزل وتروح الجوامع ولو قدرت ثوابك اعلى ان شاء الله
سيب اصحابك اللى مسوحينك وغارزينك معاهم فى متع الدنيا وشهواتها
وصحباتك اللى مودينك فى داهية وجارينك لقلة الادب وقلة القيمة والكرامة ومخلينك رخيصة فى عيون الناس والشباب


روح للشباب اللى عارفين ربنا روح للى يقدروا يغيروك للأحسن
وروحى للبنات اللى عارفين ربنا ويعينوكى ع الحجاب واللى الشرعى والصلاة والطاعات




بصراحة كدا انا لسة من جوايا بشاور نفسى وعايز دليل اكبر؟؟

اكبر دليل فى الدنيا على انها حرام هى سوء خاتمة الشباب على الغناء

http://www.youtube.com/watch?v=85wuvC2rKRA



http://www.youtube.com/watch?v=cENixUiPINw

وفى اكثر دروس قصص سوء الخاتمة للشباب
يكون من ابرز ما يختم للشباب عليه وخصوصا المعاصرين
هو ان يختم لهم بالغناء بدل كلمة لا إله إلا الله


طبعا من كان اخر كلامه فى الدنيا لا إله إلا الله دخل الجنه
وكلنا فاكرين اننا لما نيجي نموت هنقولها وعادى


بس المسألة مش سهلة كدا اثناء الموت والاحتضار بيكون ربنا المعين ساعتها
فإذا كنت صالح انعم عليك بـ لا إله إلا الله قبل الموت
وإذا كنت شاب سيس لو حاولت تقولها مليون سنة ولو اقدوا اللى حواليك يلقنوهالك شهور وسنين
مش هتقدر تنطقها
( يُثَبِّتُ اللَّهُ الَّذِينَ آَمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآَخِرَةِ وَيُضِلُّ اللَّهُ الظَّالِمِينَ)



ولازم تعرف ان (من عاش على شئ مات عليه... ومن مات على شئ بعث عليه)


يعنى يا اما تبعث بتقول لا إله إلا الله


يا اما


تبعت بتغنى اغنية لتامر او لهيفاء


وبتقول يا حبيبى ويا روحى وبعشقك


ادام ربنا يوم الحساب !!



لسة عندك شك ان الأغانى حرام ؟؟



..
اشوفكم الحلقة الجاية ان شاء الله

[أبومصعب محمود ابراهيم]

رد: ( سلسلة ) المكرونة حرام يارجالة .... متجدد بإذن الله

ما شاء الله ...... لا قوة الا بالله
طرح راااااااائع واسلوب ممتع
جزاكم الله خيراً شيخنا الفاضل ورفع قدركم
وجعله الله فى موازين حسناتكم
ورزقنا وايَّاكم حسن الخاتمة
فى انتظارك شيخنا
أحبك فى الله