[عاجل] نفسى ارجع تانى بقلبى

[اللهم بلغنا رمضان]

بسم الله الرحمن الرحيم
انا عبدالله شاب 2 ثانوى كنت ملتزم من شهور ورجعت تانى عادى ولسا راجع لله من اسبوع
نفسى احس بالطاعة والدروس الى بسمعها والكلام يخش قلبى واحس بالصلاة ومش عارف اعمل ايه
ارجو ان يكون فيه حل

[rkman2010]

رد: نفسى ارجع تانى بقلبى

اولا يا اخى مافيش شئ من غير حل انا كنت مشابه لحالتك كدا بس هقولك حاجه انت مشكلتك اما تكون ع النت او مع نفسك بتتوب بنيه وتنوى انك ماترجعش للمعاصى ولكنك عندما ترجع للدروس والمدارس تلاقى نفسك بتشتم اصحابك لازم كل اما تتكلم هيقولوا عليك شيخ فا دى احدى العواقب

اما الثانية فهو الثانوية وضيق الوقت وهذا ايضا حدث معى فانا لسه خارج من الثانوية اهو انت اما تروح الدروس وترجع تذاكر مثلا ما بتلاقيش وقت تقعد تقرأ درس دينى او تستمع لخطبه او تقرأ كتب أو تدخل المنتديات الدينية المختلفة وهذا واحد منهم فضيق الوقت دا مشكلة فى حد ذاته

لكن هقولك على حاجه بشكل مبدأى حاول الايام الى انت فيها مع نفسك دى تكثر من عباداتك وقراءاتك وهكذا وعند التغيب عند المنتدى بسبب الدراسة لا اقول لك ادخل للمنتدى ولا تذاكر وانما ادى الفروض ولو بعض السنن تمام وذاكر عادى وزى الفل لكن حاول مع اصحابك ماتشتمش وحاول ماتبصش على بنات هكذا
وحل مشكلة القراءة فى الدين انك داخل سنه 3 ثانوى باذن الله عندك كتاب الدين جميل ورائع لو زهقت من المذاكرة ونفسك تقرأ فى الدين اقرأ فى كتاب الدين والمقرر فيه مواضيعه حيه وشيه وايضا قصه الحوار فى الاسلام المطبقة اقرأ منها ستجد نفسك تنجرف الى قراءتها وحب الاستطلاع وتكملتها هكذا وعند يوم فراغك وعادة ما يكون الخميس ادخل للمنتدى اقرأ موضوعين او ضع موضوعا وهكذا حتى تنقضى هذه السنه ثم فى الاجازة مثل ما قلت وهكذا وباذن الله ستستمر على الطاعة والتوبة وابقى طمنى على نتيجتك

[اللهم بلغنا رمضان]

رد: نفسى ارجع تانى بقلبى

جزاك الله خيرا اخى