حوار مع متدين مش فاهم حاجه

[ابوقتاده]

مش عارف ليه دايما اإسلام بيبتلى بعناصر جاهله جهوله محسوبه عالتدين خطأ وهم لا

يفقهوا شيئا بالدين وانا مش بتجنى على حد والله حتى شوفوا كده الحوار ده واحكموا

السلام عليكم

وعليكم السلام ورحمه الله وبركاته

اسمى عبد الرحمن يا حاج وانت

انا احمد بن محمد بن حسن

ثوانى ياحاج بس

انا عارف انك بن محمد ومحمد بن حسن

ماتقول اسمك على طول كده احمد محمد حسن

نعم بتقول ايه انت عارف الرسول (ص) كان اسمه ايه

محمد بن عبد الله ولا محمد عبد الله

ياعم بس براحه طيب اهدى شويه ابو جهل برده كان اسمه عمرو بن هشام

يعنى دا كان عرف يا حاج

نعم بستهزأ بالدين يا عدو الله

لا حول ولا قوه الا بالله انا عدو الله حرام عليك ياشيخ

اى نعم انت عدو الله

فين لحيتك انا ازاى ارد السلام على واحد مش ملتحى

ياعم انا عارف والله انى مقصر فيها بس الواقع المحيط وفيه رخص بالدين

رخص ايه وواقع ايه دا امر الله ورسوله لازم تنفذه

يا حاج اسمعنى براحه

تسمع عن مؤمن آل فرعون ها عارفه

نعم كمان آل فرعون كان فيهم مؤمنين

لا اله الا الله ايه يا حاج انت ما قريتش القرآن ولا ايه

انا لسه اصلى لسه داخل فى الدين جديد

يا حاج مؤمن آل فرعون ده ربنا ذكره بالقرآن وقال عنه

وقال رجل مؤمن من آل فرعون يكتم إيمانه

يعنى الإيمان نكتمه ولا نكتم اللحيه علشان الواقع

ثم كمان يا حاج انت ليه مانع بناتك من الكليه

نعم كمان كليه الكليه فيها اختلاط يا حبيبى

يا عم حرام دول طب وهندسه انت مش مربيهم كويس خايف ليه بس

من الشباب اللى مش متربى

ياعم طيب سؤال لو مراتك حامل هاتولد عند دكتور ولا دكتوره

دكتور انت اتجننت دكتوره طبعا

طيب ياعم لما انت وغيرك بناتكم مش يتعلموا منين هاايجوا دكاتره بنات

يا عم الاسلام سهل ومرن وبسيط بس انتوا بتفهموه غلط

انا مش فاهم دينى يا فاسق

استغفر الله العظيم كمان فاسق

وكمان انت ليه اتشاكلت مع صاحب استوديو التصوير

ايه كمان بقى الصور حرااااااااااااااااااااااااام

يا عم كلمه حرااااااااااام دى كبيره ماتقولهاش كده على طول

انت ياعم مش عندك مرايا فى بيتك

اه عندى

الحمد لله ان عندك دى مش بتبص فيها

اه فى المناسبات

كويس لو انا بقى خليت صورتك ثابته فى المرايا بعد ما تمشى انا غيرت من شكلك حاجه

ها لاء طبعا صورتك زى ما هيا طيب ايه بقى الكاميرا غير كده

وكمان المصيف انت محرمه على ولادك ليه

نعم كمان المصيف انت ياااااا

استنى بقى من الصبح وانت عاملنى فاسق وعدو الله

انت ماتعرفش ان المؤمن ليس بطعان ولا لعان ولا فاحش ولا بذىء

قولى هنا لما الرسول (ص) كان بيسابق السيده عائشه مين كان بيشوفه

كان لوحده معاها بالصحراء

خد مراتك وولادك وروح مكان اوحدكم بعيد عن الناس

حرام عليك انت بقى انت وأمثالك بطفشوا الناس من التدين

ان الدين متين فأوغل فيه برفق

[أبو عبدالله إبراهيم]

رد: حوار مع متدين مش فاهم حاجه

الله المستعان
لم أفهم مرادكم من وضع هذا الحوار
ما الرساله التي تودون قولها من خلال هذا الموضوع
أنا فاهم الموضوع وكل حاجه
لكن مشفاهم رسالة اللي وضعه إيه

[سيف المصرى]

رد: حوار مع متدين مش فاهم حاجه

ههههههه ولا أنا بصراحه

[(رمضان)]

رد: حوار مع متدين مش فاهم حاجه

على ما اظن ان هذا الحوار
كان على سبيل المزاح
والله اعلم