Tweet
احسن طريقه ترفض بها العروسه
ساتحدث اليوم عن قضية مهمة تهم كل ام مصرى نفسها تفرح بابنها وعايزاة يتجوز
بالطبع انت بترفض الفكرة دى على اساس ان الزواج وتبعاتة
من اسباب الاضطرابات النفسية والعصبية للشباب المصرى
ابتداء من ارتفاع فى ضغط الدم ..انتهاءا بالسكر والقولون العصبى
كل الامراض النفسية سوف تكتشفها بنفسك بعد الاقدام على تلك الخطوة الخرقاء التى احذرك منها
الزواج ليس النعمة الوحيدة فى الحياة التى تتمناه قد يصبح ويلا وجحيما داميا من الالم النفسى والعصبى
يبدأ الامر بالاموال التى تنفقها الى اخر العمر ابتداء من دبلة الخطوبة وانتهاءا بمماتك حين مناص
لو فكرت فى كل الاموال التى سوف تنفقها فى هذا المشروع الابدى سوف تندم بعد عشرة اعوام على انك لم تشترى اسهما لك فى شركة المصرية للاتصالات
الان انت لا تحتمل دموع امك العزيزة ست الحبايب وهى تتوسل اليك الدخول فى قفص الزوجية
وانت ما تزال تناكف باستمرار وتحاول اقناعها بالعدول عن تلك الفكرة السيئة التى تنوى ان تزج بك فيها
المهم انها تصر على ان تجمع لك عروس بنت ناس مؤدبة بغض النظر عن جمالها يقال ان السمار نصف الجمال
لكن .... انت الان فى تفكير كى تحاول ان تتخلص من تلك المعضلة الغاشمة فى حياتك
والامر والادهى من ذلك ما سوف تقدمة من تضحيات وهدايا اثناء الخطوبة التى لن تقل عن ستة اشهر فحسب
وتعالو كده معانا نشوفوا اخوكم رمضان وهو رايح يخطب عمل ايه
اليوم هو الذهاب مع والدتك الى بيت العروس الموعودة
لا تنس ان تلبس البدلة الكحلية التى مات خالك محترقا فيها منذ سنوات كى تفشل زيجتك
لقاء الجبابرة.......... رمضان
_ ووالد العروسة رمضان ........ازيك يا عمى هو الموضوع دا مش هينتهى ولا لا
الوالد ........كل حاجة بايد ربنا يا بنى
رمضان .......انا مستعد وعندى الشقة
الوالد ....... والشبكة ؟
رمضان ......الموضوع كان لسة على لسانى يا عمى
الوالد .........انت ابن حلال
رمضان ......اية رايك يا عمى فى عنصر جديد من الفلزات
الدهب بقى موضه قديمة
الوالد........سوليتير يعنى ؟
رمضان فى داخله نعم يا خوى ..... ثم يتحدث لا يعم اية رايك فى استخدام معادن جديدة زى الفلزات يعنى
منجنيز او ثانى اكسيد الكربون ؟
الوالد .........مش هنفترق يا بنى احنا بنشترى شبكة...اقصد بنشترى راجل
رمضان .......كتب الكتاب يكون بعد الضهر ولا بعد العصر
الوالد........ بعد الشر
رمضان .......انا بقول كدا برضوا
المهم ........ تمت الخطوبة لكن لا تيأس الموضوع لن يكتمل ابدا
لن اتركك تهنأ بالا حتى تفشل زيجتك
الخطه الاولى اولا فلتبدا برفض الاسماء التى تنتهى بهمزةاو الف ممدودة مثل
علياء ..نجلاء ..فيحاء..بيداء..هناء...الاء..
ميساء...رواء..حسناء ...شيماء ..لمياء...
سمراء ..سراء ..علياء..هيفاء ..وفاء ..رجاء
وكل ما على اوزانهم من اسماء اخرى ولا تستثنى اسماء
والاسماء التى تدل على الطبيعة ... مش كفاية انها فى الطبيعة هتكون فى البيت كمان فى الاسم
زى....ندى...نسمة ..بسمة..اريج..طيف..وردة...
زهرة..فلة..همس..شذى..فرح..عبير..ريحانة ..عنبر
..نور..غدير..كوثر..ياسمين...قمر...حياة..شمس
وارفض كمان الاسماء التى تنتهى بحرف الف التاسيس مثل
هالة..نوارة..ميرام...غادة..غرام..ميادة...نادية...
غالية..داليا..سامية..مايسة..نادين..منال...وفاء
...رحاب ...رواء ...مرام ...ريهام
او رهام ...نورهان ...نوران
وارفض كمان الاسماء التى تنتهى بحرف النون مثل
شيرين..نرمين..نسرين..اسمهان..مسيون
..حنين...حنون..ميران..رزان...روان..
سوازان..نورين ..سيرين ..نوران ..نرايمان ...نارين
ونزولا على قول الشاعر وما نيل المطالب بالتمنى فلتعلن رفضك للاسماء
التى تدل على المطالب او التمنى مثل
وفاء ...امنية ...امينة ...طالبة ...امونة ...امانى ...رجاء
كذلك الاسماء التى تدل على افعال
دعاء...وفاء...ولاء...رجاء..وداد ..ايناس
..هيام..جهاد..صباح..سماح
..ايمان..فداء..ابتسام..ابتهال..احسان..الهام
..انصاف..اخلاص..انشراح..خلود..شروق
..هاجر..اشرقت..غروب ..رجاء ..امنية ..صابرة ...صابرين
ارفض الاسماء التى تدل على القلة او الندرة مثل
نادرة ..فريدة ...شهيرة..امينة...اصيلة ..اصالة ..مجيدة
الاسماء التى تدل على الاشياء الاباهظة حتى لاتعايرك باسمها ذات يوم مثل
دهب ..فضة ..زمردة..مرمر..ياقوتة..مرجانة..جوهرة
..جواهر..درة..كنوز..برلنتى..كنز...كنزى...درر
والاسماء التى تدل على الجمع هذه يزكرك انك متزوج من اكثر من فتاة مثل
سهام...نهال..اشواق..انغام..ازهار..افكار
..انوار..انهار..جنان..جنات..رحاب ..افنان..فتون ..اريام
والاسماء ذات الطابع التركى لن تحدث
عفت ..عصمت ..حشمت ..دولت ..مرفت ..مروت
والاسماء التى ظهرت بعد ثورة 1952 مثل
باكينام..ميريهام..نورهان..ماهيتاب
...نيرفانا..شاهيناز...نازك..بسنت
..قسمت..جيهان ..كاميليا ..صافيناز
فلترفض ايضا الاسماء التى لا تنضم الى اى مجموعة ولتكن منفصلة مثل
زينة ..لميس ..هميس ..لمس
..دينا ..لينا..رغد..مريام..بتول..ا
سيل ..جمانة..زمزم..حبيبة..نهلة
ارفض كمان الاسماء ذات الطابع الاجنبى مثل
سوزى..سالى ..ماهى ..ماهيتاب
..نيللى ..سونيا ..انجى..هايدى..نانسى
..مادلين ..مارلين..جوانا..ماجى..رولا
..كليو ..دارين ..بوسى ..سوسى
ارفض كمان الاسماء اللتى تنتهى بالف لينة مثل
سلمى ..لبنى ..نشوى ..فدوى..نجوى..ذكرى..بشرى..اروى
ولتضف كذلك مروى ويسرا
الاسماء البلدى او الفلاحى ارفضها كمان
نوال..نعيمة..احسان..سعاد..كريمة
..سهير..فوزية..ست ابوها
..ست الدار ..خضراء ..ستوتة ..حسنة
الاسماء التى يتحتم نطقها بالعربية كمان ارفضها
لجين..سهيلة..نسيلة...سلسبيل
..تسنيم..اميمة ..ميسرة..رويدة..زليخة
..خديجة ..عائشة ..روميساء ..جويرية ..وردينة
الاسماء التى تدل على بطلات الماضى الناس دى ماعندهاش وقت وممكن دمها يكون حار
عزة ..بثينة ..ليلي ..عبلة
طبعا ست الحبايب مش هتغلب قبل ما تتاكد انك انت لاقيت بنت الحلال
ولا تفاجئ لو هى عثرت لك على فتاة خارج نطاق تلك المحرمات
ربما تجد ان اسم الفتاة يكون حنفى
ودا احتمال وارد واكيد
............ هناك شروط اخرى لا بديل عنها ............
الخطة التانية
المواصفات التى يجب توافرها فى شريكة العمر الابدى
المطبخ
لو سألتها ...... اية اللى انتى تعرفية عن المطبخ
وجاوبتك بانو .....على ايدك اليمين وانت داخل
اعرف انها لاتفهم شيئا عن تقشير البطاطس او حتى تقميع البامية
مش هتقدر تعيش مع واحدة مش بتعرف حاجة عن المطبخ الا انو
( على ايدك اليمين وانت داخل )
افرض انك حبيتها بجد
مش هتقدر تستحمل الاكل الجاهز او المعلبات
الغريزة المصرية الفطرية تحتم عليك اكل
الملوخية والبامية والمسقعة والفول والطعمية
الخطة الثالثه
.............. بالنسبة لمستواها التعليمى ...........
هترفض انك انت تاخد انسانة جاهلة على اعتبار انك انتى عبقرى مثلا
هترفض كمان انها تكون فى مستوى اعلى منك عشان ما تعاملكش
كانك انت فأر تجارب بالنسبة ليها
لو هى طبيبة .......ممكن تسيبلك المقص فى الشربة وتروح انت فى ابو نكلة
لو هى اقتصادية ........هتخرب بيتك وتجرب نظرية اقتصادية وتستدين من البنك
لغاية ما تتسجن 100 سنة عشان تسدد الديون اللى هتتراكم عليك
لو هى محامية ... هتمرمطك وراها فى المحاكم
لو هى عالمة اثار .....هتجر رجليك فى كل مكان سياحى
هى هتشوف الاثار كانها تحف ليها قيمة
وانت هتشوفها كانها انقاض مصنع بسطرمة
وف كل الاحوال الموضوع مش هيتم ابدا ابدا
تعليق