Tweet
حمبوزو لاوى بوزو
كيفكم شباب ان شاء الله بخير
حنطرح موضوع اجتماعى مهم وخطير جدا
وعايزين نعرف تعليقاتكم وارئكم على تلك الامر
حنتكلم عن اختلاف معاملة الراجل للست والعكس من الخطوبه للجواز
طبعا كلنا عارفين ومش محتاج اقولكم ع الاختلاف اللى بيكون موجود ما بين مرحلة الخطوبه والجواز
وتعالوا نشوف مع بعض بعض الموقف اللى بتحصل
خطيبها بيبقى روحى وبيبى وقلبى وعينى وفشتى
كل دا فى الخطوبه
يجى بقى تحدث الطامه الكبرى ويتجوزوا
يجى بقى لما يبقى جوزها بيبقى سبع مش عارف ايه....ابو العيال
وشعرها ع طول مضروب فى الخلاط وواقف
ولبسها ريحته بصل
وهو برضه فى الخطوبه ....كل يوم بوكيه ورد
طالع كده بالعافيه عشان ايام من حياتى وكده كده هتروح لحالها بمجرد ما يجى المأذون
وبعد الجواز ولا حتى بوكيه جرجير ولا برسيم
وقرفان من عيشته وعيشتها وكاره العيال
.كل يوم مشاكل .....وهم .......ولا فى حاجة سويه
وع طول حمبوزو لاوى بوزو
وهى بقى حمبوزة لاويه بوزها
مش عارفه ايه اللى غاصبهم؟؟
وخد بقى عندك كلام من الطرفين زى ما تكون حرب
وهو اللى غلطان..... وانا استحملته كتير
وهى اللى الهى يطسها قطر اعمى
دى جمله سمعتها من واحد بيحكى عن مراته فى المينى باص هو اللى صوته عالى
الصراحة المينى باص ده عزيز عليا بشكل
بسمع فيه كل مشاكل الدنيا .......ببقى نايم طول الطريق بحاول مركزش
هم اللى قاصدين يعلوا صوتهم
مشاكل ماينفعش تطلع برة حيطان بيت
فجاءة حسيت ان الناس كلها عريانه
الحيطان واقعه ....جواها واقع مر
طبعا بسمع وبسكت وانا مالى
بس فى نفس الوقت عماله اخد افكار مهببه
عمرى ما سمعت عن واحد بيتكلم عن مراته كويس.......ولا هى؟؟؟؟
دايما عايشين دور الاحزاب
وطريقه كلام الست عن جوزها مع صحبتها بحس انه عدو واحد عايش وكل اللى بتعمله بتضحك عليه عشان المركب تمشى
وكل حامل بين جوانحه كره وغيظ وبيبقوا ع تكة
رغم المفروض ان جوزها اقرب من اى حد ........مالقتش ده ع فكرة
وهو كمان شغال يدعى عليها..........وشايف الجحيم هى
بينى وبينكم كانت هتتبنى خريطه ذهنيه جوايا ان كل الناس كده
بس تفتكروا ايه السبب اللى يوصلنا لكده
طيب وياترى الحل ايه علشان يكون كل زوجين
يكملوا بعض ويكون فى حب وحنان اكتر من فترة الخطوبه
ويكون فعلا بيجمعهم بيت واحد وكلمه واحده وترابط عميق واسرار لاتخرج من نطاق باب غرفة الحديث بينهم
فى انتظار ارئكم وحلولكم
تعليق