Tweet
ابو جلمبو يستفتى قلبه
مستر ابو جلمبو بيحيكم
الاستاذ ابو جلمبو قاعد مهموم وحزين
مشغول قوى بموضوع بيفكر فيه
يا ترى.... ايه هو الموضوع..؟
مش مهم
أصله موضوع كده ..... يشبه مواضيع كتير جدا
المهم هو بيتصرف فيه ازاى..؟
الموضوع تقيل قوى
ده فيه حرام وحلال
يعنى ممكن يكون فيه ......معصية لله سبحانه
اهو الراجل قاعد بيفكر يا جماعة......مش بيعمل حاجة غلط
شاطر يا اونكل ابو جلمبو
واخيرا بعد ما فكر وشغل دماغه وصل للحل
إيه ده يا ريس؟
ايه يا بو جلمبو
ابو جلمبو وصل لطريقة يهرب بيها من التصرف المحرم..وهيبقى فى السليم
واهو اخد اول خطوة فى طريق الالف ميل
قعد يسال نفسه
بتقول ايه يا كابتن؟
عارف
هتقولى انت بتقول انه اخد اول خطوة.. ليه بتسال نفسه تانى..؟
هقول لك
ابو جلمبوا بيعمل الخطوة الاولى .. انه يسال نفسه
واهو بيكلم نفسه
يا واد يابو جلمبو .. انت ايه رايك فى الموضوع ده..؟
مرتاح يعنى ولا مش مرتاح..؟
طيب لو رحت لشيخ ممكن يقولك حرام.
بس ممكن يقول لك حلال
أيه ده..؟
وأروح لشيخ ليه؟
طيب منا استفتى قلبى
وقف ابو جلمبو حاطط ايده على قلبه وبيقول كويس.. لا وحش..بيستفتى الراجل بقى
واخيرا استقر رايه على الراى اللى مريحه (اخدتوا بالكم من اللى مريحه دى؟)
الراجل قال ايه بيستفتى قلبه
تعالوا بينا نشوف المفروض نعمل ايه لو احنا مكانه
وبرضه نشوف ابو جلمبوهات وام جلمبوهات
كتير عايشين معانا بتيصرفوا مع الموقف بتاع استفتاء القلب ده ازاى؟
اكيد طبعا انتوا زيى .. كتير جدا بتسمعوا كلمة استفت قلبك
على فكرة الجملة دى اصلا حديث نبوى شريف
هذا الحديث رواه الإمام أحمد (17545) عن وابصة بن معبد رضي الله عنه أن النبي صل الله عليه وسلم قال له : (جِئْتَ تَسْأَلُنِي عَنْ الْبِرِّ وَالْإِثْمِ فَقَالَ نَعَمْ فَجَمَعَ أَنَامِلَهُ فَجَعَلَ يَنْكُتُ بِهِنَّ فِي صَدْرِي وَيَقُولُ يَا وَابِصَةُ اسْتَفْتِ قَلْبَكَ وَاسْتَفْتِ نَفْسَكَ ثَلَاثَ مَرَّاتٍ الْبِرُّ مَا اطْمَأَنَّتْ إِلَيْهِ النَّفْسُ وَالْإِثْمُ مَا حَاكَ فِي النَّفْسِ وَتَرَدَّدَ فِي الصَّدْرِ وَإِنْ أَفْتَاكَ النَّاسُ وَأَفْتَوْكَ) .
وهو من أحاديث الأربعين النووية ، وقد حسنه النووي والمنذري والشوكاني ، وحسنه الألباني لغيره في "صحيح الترغيب" (1734) .
وهو من أحاديث الأربعين النووية ، وقد حسنه النووي والمنذري والشوكاني ، وحسنه الألباني لغيره في "صحيح الترغيب" (1734) .
المشكلة الكبيرة ان الناس بتستخدم الحديث بشكل غريب جدا
زى ابو جلمبو كده
تلاقى الواحد منهم لما ييجى يتجوز يتفق مع فرقة أغانى ورقاصة عشان الفرح
ولما تقول له حرام عليك يا اخى
يقولك هى ليلة واحدة فى العمر
وبعدين انا استفتيت قلبى وارتحت لكده زى النبى ما بيقول
ايه هتعترض على النبى كمان
تفاجا بانه طلعك انت الغلطان
او ممكن تلاقى ام جلمبو داهنة وشها طبقتين دوكو
تقولها ان ده من الزينة المحرمه ابداءها الا للمحارم
تلاقيها راحت باصة لك من فوق لتحت تقولك ايه اللى انت بتقوله دا
الوجه مش عورة..... وانا استفتيت قلبى وارتحت
حاجة تفرس طبعا
بس خللوا بالكم
كتير جدا من الاخوة والاخوات
لما ييجوا ينصحوا بيبقوا مش عارفين الحديث ده بيتطبق ازاى
عشان كده النوعية دى من الناس ممكن تسكتهم بكلمة واحدة.. الا وهى
(انا استفتيت قلبى زى ما قال النبى صل الله عليه وسلم)
طيب متيجوا نعرف امتى نستفتى قلوبنا عشان نقدر ننصح بشكل سليم
ومحدش يقدر يلجمنا ويخرسنا..... بكلمة حق يراد بها باطل
وبرضه كمعلومة لينا احنا كمان
صلوا بقى على الحبيب
ها مش سامع ؟؟؟
طيب صلوا كمان علشان احنا بنحب الصلاه على النبى سكر زياده
علي صوتك شويه يا شبلى وانت بتصلى مش سامع صوتك
أولا بصوا كده
لا.... بص على الموضوع انت بتبص فين
اللى بيدعى انه استفتى قلبه ده (ونخلى بالنا من كلمة بيدعى دى)
أكيد لما بيفكر فى الموضوع اللى عشانه ضرب جرس قلبه
بيبقى موضوع فقهى او عقائدى..... وهو عايز يعرف حكمه ايه
وهيتصرف معاه ازاى
او بمعنى اصح... ونقولها على بلاطه
هو بيبقى .... عايز يلا قى مستند يتكى عليه عشان يغلط براحته
وزى ماهو عايز.... (ده لانه بيدعى)
يعنى الموضوع بتاع استفتاء القلب ده
من اوله كده ..... عبارة عن اجتهاد فقهى فى الاصل
طيب الاجتهاد ده حاجة بسيطة كده؟
ده له شروط .. ومراتب.. وانواع كمان
يا ترى عم المستفتى ده عارف الحاجات دى ولا ميعرفش..؟
طيب لو عارف هل هو اكتملت فيه الشروط دى؟
او هو متمكن فى نوع من انواع الاجتهاد .. ولا ماشى كده سبهلله وخلاص
صلوا على الحبيب مرة تانية
ايوى كد يا شبلى ... المره دى المغربى هو اللى مش سامع صوته
لو هو عنده الامكانية للاجتهاد مش هيستفتى قلبه بطريقة غلط... صح
عارف ليه ..لسبب
ان مرحلة استفتاء القلب بتيجى بعد البحث عن الفتوى من مصادرها الشرعية
يعنى لو هو من الناس اللى يقدروا يجتهدوا
يبقى يتفضل يدور ويشوف الادلة الموجودة فى المسالة اللى هو عايز يعرف حكمها
مش كده ولا ايه ... ماهو الموضوع مش سلطه
طيب لو مش من الناس اللى وصلوا لرتبة الاجتهاد..وعايز يوصل للحق فعلامش بيدور على حد يفبرك له فتوى يعمل ايه..؟
هنا بقى اقدر اقول اننا بدانا بجد
والموضوع حيسخن مننا وعايز كوباية شاى ... من كوفى شوب فضفض معانا
ربنا سبحانه وتعالى قال فى القرآن...(فاسألوا أهل الذكر إن كنتم لا تعلمون)
المعنى واضح جدا
يبقى المطلوب تروح لواحد من اهل العلم.... هيقول لك الفتوى
طيب وبعدين.. انا عايز اتاكد من الفتوى
المفروض انك بعد السؤال متسالش حد تانى
ايوه فعلا .. متسالش.. لأنك بكده هتدخل فى دوامة وبلبلة ملهاش داعى
لكن اللى بيحصل انك بتروح على واحد تانى
وتفاجا بقى بفتوى جديدة لانج..غير الاولى
اكيد طبعا هتحتار ويتلحس مخك وتحصل لك صدمة فنطاسية كبيرة
خاصة لو انت عايز تعرف الحق فين
اعمل باى فتوى فيهم..؟
طيب اخد باى راى..؟
الاتنين عندهم ادلة ..... وكل واحد فيهم قال ادلة تخللى الكافر يسلم مش تخلينى اقتنع وبس
طيب ايه الحل..؟
هنا يا عم الحاج.... ويا خالتى الحاجة دور القلب
ياترى انت مرتاح لانهى فتوى فيهم..؟
وخلى بالك
فى فرق بين مرتاح لاى فتوى
بمعنى انهى الاريح لك فيهم ونفسك يكون الافتاء بيها مظبوط ... ودا كلام مينفعش
وفرق بين مرتاح لواحدة منهم و حاسس انها هى الحق.. وهو دا التمام عرفت انا عايز اقول ايه؟
وعندك حديث نبوى شريف وصحيح هيساعدك قوى..
بيقول فيه الحبيب صل الله عليه وسلم
حديث النَّوَّاسِ بْنِ سَمْعَانَ الأَنْصَارِىِّ رضي الله عنه قَالَ : سَأَلْتُ رَسُولَ اللَّهِ صلى الله عليه وسلم عَنِ الْبِرِّ وَالإِثْمِ فَقَالَ : (الْبِرُّ حُسْنُ الْخُلُقِ ، وَالإِثْمُ مَا حَاكَ فِي صَدْرِكَ وَكَرِهْتَ أَنْ يَطَّلِعَ عَلَيْهِ النَّاسُ)
رواه مسلم (2553)
يعنى بالبلدى الغلط والحرام بيقف فى الزور ومتقدرش تبلعهرواه مسلم (2553)
ولا تتخيل نفسك والناس شافينك وانت بتعمله
وبكده معاك ترمومتر تعرف بيه انت فين
بس ضرورى بعد ما تسال اهل العلم
مش منك لنفسك يا معلم
وخلصنا الموضوع ومجتش كوباية الشاى ...ماشى ... ماشى حسابى مع مشرفكم
وأفرحتني 
بكلامك الطيب 
تعليق