Tweet
سوق على مهلك سوق مافيش بنزين فى السوق
كابتن شنتر بيحيكم
((سوق على مهلك سوق مافيش بنزين فى السوق ))
كلمات ساخره......... بقلم اخيكم
واحد اتنين تلاته سبعه
والله العيشه بقت نار
حتى البنزين عايز متابعه
الرحمه من عند الجبار
......
هى الناس حتلحق منين
كل شويه فى ارتفاعات
حكومه تـ هبل بكلمتين
ارحمونا مـ الاشتغالات
......
الناس كل يوم فى النازل
وانتوا تقولوا فى استقرار
عن ابسط حقوقنا بــ نتنازل
حد يبرار لى الاسعار
.......
رضينا بالعدس والفول
وقولنا نعمه من المعين
نتكلم.... تقولوا فلول
واخرته... ازمة بنزين
............
منك لله يا زفتاوى
ازماتك الجايه لنا ايه
من يومك واحنا فى بلاوى
قول بتلعب بينا ليه
...............
ياسلام على حكمك يا مشير
كل يومين طالع بـ اغنيه
انا عقلى منى حيطير
اخلع بقى وبلاش مرزيه
..........
ويعنى على الست جملات
مش عارفه تسلق بطاطايا
قالت لما اديها غازات
يمكن تظبط مره معايا
.......
اما يعينى على فوزيه
كانت عندها ازمه شديده
مش عارفه تسوى الملوخيه
ولعت تحت الحله جريده
........
هيثام وتامر ومحمود
وبقيت الشله فى النادى
قالوا الحل ياسيدى موجود
هنمشى المواتير بزبادى
..............
واخوكم حمدان الصعيدى
حلوله مكنتش عاديه
وقال خلاص الحل فى ايدى
حماره تشد العربيه
......................
اما جماعات التحشيش
قالوا مافيش غير التلفيف
ادوها بس قرش حشيش
وحتمشى من غير تكاليف
........
وسوائقين النقل بجداره
قالوا حل سليم ومتين
بدل المواتير عصاره
وحنمشيها بقمر الدين
.............
كلمه فى الاخر وبقوله
منك لله يامشير
اوع تفكر راح تقفله
احنا فى وشك مش حنطير
لعبه وعمال بتكمله
اصح ياواد محنش فرافير
فاكر بكده راح تهدمه
دا احنا حنلعب لعب كبير
ايامك السوده جايه
استنا حتشرب مـ الزير
زى ما سيدك لبس قضيه
انت ياحلو كمان حتطير
تعليق