[حصري] مسلسل انا والجامعه ،، مسلسل شبابى رائع تابعونا

[حازم يحى]

مسلسل انا والجامعه



مسلسل شبابى واقعى من لمس الواقع يحكـى لنا قصة شاب ( حسام ) تتغير حياته تماما فى الجامعه ومشواره فى الجامعه وكيف يخطو خطواته وكيف كانت رحلته فى الجامعه ومايواجه من صعوبات ومشاكل ،، ويرسم لنا كيف تاثير الاصدقاء على الصديق وكيف الثبات !

الحلقه الاولى
( قلقاً وخوف )

تابعووونا

[(رمضان)]

رد: مسلسل انا والجامعه ،، مسلسل شبابى رائع تابعونا

من الواضح انه مسلسل شيق
وننتظر

[حازم يحى]

رد: مسلسل انا والجامعه ،، مسلسل شبابى رائع تابعونا

الحلقة الاولى
( قلقاً وخوف )

انه غروب الشمس الذى يخيم على المكان اسمع اصوات الاذان تنادى ( الله اكبر ، الله اكبر )
وصاحبنا حسام توضى وصلى " الله اكـبر " ،، وبعدما انتهى من الصلاه وهو على سجادة الصلاه يسجد لله سجده طويله وفيها يناجى ربه بقول " اللهم انى استغفرك من كل ذنب اقترفته ،، اللهم اغفر لى وارحمنى واعفو عنى ،، يااارب بكره يعدى على خير ياااااارب ،، يارب بكره اول يوم ليا فى الكليه وخاااايف جداً يارب ارزقنى الطمئنيه وثبت قلبى ياااااارب "

وبعد ان انتهاء حسام من الصلاه وقف على النافذه واخذ قائلاً " الحمد الله انك يارب ساعدتنى ورفعت راسى ونجحت فى الثانويه العامه وهدخل الكليه ،، الحمد الله عرفت اعوض فى سنه تلاته مجموع تانيه الكان هيضيعنى الحمد الله ،، ياااااه ايام الامتحانات دى كانت ايام مايعلم بيها الا ربنا واهى الاجازه خلصت والواحد مالحقش ،، الحمد الله على كل حال "

وسمع حسام صوت والده من بعيد ينادى عليه " ياحسام ياحسام "

حسام : ايوه يابابا جى اهو

حسام : ايوه يابابا ياحبيبى اؤؤمرنى

والد حسام : معاك فلوس لبكره

حسام : البركه فيك بقى يابابا

والد حسام : طب خد دولا يكفوك ؟

حسام : يكفو وزياده يابابا ربنا مايحرمنيش منك يااارب

ام حسام تقاطع الحديث قائله : خلى بالك من نفسك ياحسام بكره واعرف الجدول ومواعيدك واكتبها فى ورقه

حسام : ههههههه ماتخفيش ياماما الكليه دى حاجه عادى كده مش زى الثانويه العامه القطمت وسطى

والد حسام مقاطعاً وبلهجه شديده : يعنى ايه اى حاجه كده ؟؟

حسام مسرعاً : لالا ماقصدش والله ابداً،، قصدى يعنى انها يعنى مفيهاش مذاكره زى زمان وكده

والد حسام : لالالا المذاكره اول باول تاخد المحاضره من هنا وتذاكرها من هنا عشان ماتتركمش عليك فى الاخر
حسام : ربنا يسهل يابابا ادعيلى انت بس ،، انا هدخل اوضتى

" دخل حسام غرفته وهو مرتبك جداً وخائف من يوم غد فانه اول يوم له فى كلية الاداب جامعة القاهره وطبيعة حسام الخجوله جداً تجعله من الصعب التاقلم بسهوله مع النظام الجديد ،،، صلى حسام العشاء وبعدها كان يتحدث مع صديق له على الانترنت "

حسام : ازيك يامحمد

محمد : اهلا ياحسام عامل ايه

حسام : الحمد الله ماخبيش عليك انا مرعوب جداً والله من بكره

محمد : ههههههههه ليه ياعم بس ده انت هتهيص دى كلية الاداب مفهاش غير بنات اساسا

حسام : ياعم بنات ايه بس استغفر الله انا بتاع كده برضو

محمد : عليا انا برضو ده انت هتهيص

حسام : اهيص ايه ياعم ده انا مرعوب قبل ماروح اومال لما اروح هناك بقى هعمل ايه

محمد : بوص انا سمعت جدتى بتقول لوالدى كل مايروح مقابله مهمه فى الشغل انه يقراء سورة الانسان قبل ماينزل

حسام : اشمعنا سورة الانسان يعنى مالقران كله شفاء للناس

محمد : والله ماعرف انا بسمع جدتى هيا البتقول كده

حسام : طيب ربنا يسهل انا هستئذنك بقى عشان اروح انام

محمد : تنام دلوقتى دى الساعه 9 بس ؟؟

حسام : ااااه هنام دلووووقتى والله بجد اعصابى متوتره ومش قادر اصلا

محمد : ماشى سلام ياصحبى

حسام : سلام

" وقفل حسام نور الغرفه وحاول ان ينام ولكن لم يغُلق له جفن ،، لايستيطع النوم ،، يتقلب هنا وهناك ،، لايقدر على النوم ،، قام حسام مفزوعاً قلقاً واضاء الغرفه وتوضى ومسك المصحف وقراء سورة الانسان وبعدها اخذ يناجى نفسه
" اكيييد جدة محمد مابتقولش حاجه وخلاص دى ست بركه بردو "
وذهب الى غرفه والديه وخبط على الباب قائلا "

حسام : ماما بابا انتو نمتو ولا ايه ؟؟

ام حسام : ايوه ياحسام تعالى عايز حاجه ؟؟

حسام : اه لا ايه مش عارف

ابو حسام : مالك يابنى فى ايه

حسام : انا عاوز انام جنبكم النهرده

ام حسام : هههههه تعالى يابنى وقفل الباب وراك

حسام : انا هنام على الكنبه هنا عشان تاخدو راحتكم

" تغطى حسام وحاول ان ينام ولكن ظل ينظر الى السقف وبصوت عالى يقول ،، والله مافيش احلى من نومة الارض "

ام حسام : لالا ارض ايه يابنى السيراميك ساقع والدنيا برد عليك

حسام : انا هحط البطانيه والفها على نفسى ،، هتصرف هتصرف

ونأأأأم حسام أأأأخيراً ولا يذكر انه حلم بشىء ليس الا شاشه سوداء طواااال الليل

،،،، انتهت الحلقه الاولى وانتظرونا فى الحلقه القادمه وكيف سيجرى يوم حسام فى الجامعه وماذا سيقابل هناك ،،،،

[أبو محمد وعبدالرحمن الشبل]

رد: مسلسل انا والجامعه ،، مسلسل شبابى رائع تابعونا

جزيت اخى الكريم خير الجزاء

فى انتظار البقية ولتجعلها اسبوعية اخى الكريم

[حازم يحى]

رد: مسلسل انا والجامعه ،، مسلسل شبابى رائع تابعونا

جزيت اخى الكريم خير الجزاء

فى انتظار البقية ولتجعلها اسبوعية اخى الكريم

وجزاكم الله بالمثل اخى الفاضل
حاضر اخى اسبوعية ان شاء الله