(حصريا) مسلسل كفر الزعبلاوى

[Yusuf Shams al-Din]

احبتى فى الله والاخوه الكرام

اسعد الله اوقاتكم ودمتم بخير








تسر اسرة شبكة الطريق الى الله بصفه عامه





واسرة ساحة الحوار العلمى والاجتماعى بصفه خاصه






ان تقدم لك وحصرى على شبكة الطريق الى الله






المسلسل الاجتماعى الهادف

((كفر الزعبلاوى))





(( حلقات متسلسله ))


تتحدث عن واقع المشاكل الاجتماعيه بشكل عام فى المجتمع




وفى النطاق الريفى بشكل خاص








من خلال مواقف سوف تشاهدونها عبر حلقات المسلسل وكيفية التصرف فى الازمات وما هى الحلول للعبور منها






وسوف نطرح ان شاء الله من خلال المسلسل المشاكل الاجتماعيه الاسريه بشكل درامى مبسط يحكى لنا الواقع الذى نعيشه



فانتظرونا قريبا




والمسلسل الحصرى ((كفر الزعبلاوى ))

المسلسل فكرة وتاليف واعداد وتقديم

اسرة عمل ساحة الحوار العلمى والاجتماعى





نتمنا ان ينال اعجابكم

فانتظرونا قريبا ان شاء الله










وفقنا الله واياكم الى ما يحبه ويرضاه

((الفهرس))


التعريف بالعمل والابطال


فاصل اعلانى


((الحلقة الاولى ))

((الحلقة الثانيه))

((الحلقة الثالثه ))


((الحلقة الرابعه ))



((الحلقة الخامسه ))

((الحلقه السادسه))

((الحلقة السابعه))

((الحلقة الثامنه ))

((الحلقة التاسعه ))

((الحلقة العاشره ))

((الحلقة الحادية عشر ))

[(رمضان)]

رد: (حصريا) مسلسل كفر الزعبلاوى

بسم لله ماشاء الله
ولا حول ولا قوة الا بـ لله
موضوع اعلامى جيد
اتمنى ان تخبرونا بالجديد
وننتظر منكم المزيد
جزاكم الله خير

[Yusuf Shams al-Din]

رد: (حصريا) مسلسل كفر الزعبلاوى

بسم لله ماشاء الله
ولا حول ولا قوة الا بـ لله
موضوع اعلامى جيد
اتمنى ان تخبرونا بالجديد
وننتظر منكم المزيد
جزاكم الله خير

شكر لمرورك الطيب اخى الحبيب

وانتظر ان شاء الله نزول التعريف بالعمل والابطال فى اقرب وقت

[خـادم الاسلام]

رد: (حصريا) مسلسل كفر الزعبلاوى

منتظرين بإذن الله

[Yusuf Shams al-Din]

رد: (حصريا) مسلسل كفر الزعبلاوى

احبتى فى الله والاخوه الكرام




الان مع التعريف بالعمل وابطاله الاساسين





مسلسل(( كفر الزعبلاوى))




عندنا وبس (( حصرى على شبكة الطريق الى الله ))




الاحداث تدور فى قريه ريفيه بسيطه من قرى محافظات مصر


وسوف تجرى احداث العمل على اسرتين من هذه القريه

الاسره الاولى

اسرة العمده وهى التى تمثل الجانب صاحب النفوذ والمال وكيف سيتصرف فى التعامل مع الحياه





والاسره الثانيه

هى اسره بسيطه فى القريه تعمل وتكدح من اجل كسب لقمة العيش وسوف تمثل جانب الانسان البسيط وكيفية التعامل مع الحياه والمعيشه





والان مع عرض الابطال الاساسين للعمل

اولا اسرة العمده



العمده محمد الزعبلاوى



محمد الزعبلاوى..... دا عمدة الكفر وموضوع العموديه دا عندهم بالوراثه من سنين علشان كده سمى الكفر على اسم عائلتهم

الشخصيه الثانيه


مراة العمده

ابناء العمده




سناء...... طالبه فى الصف الثانى ثانوى تجارى





حنان..... طالبه فى الصف الثالث الاعدادى





وعبد الحميد...... ابن العمده الوحيد واخر العنقود كمان طالب فى الصف الاول الاعدادى

اخواته البنات دايما تدلعه بميدو



وطبعا ابن العمده وكمان الولد الوحيد والعمده المنتظر للكفر

يعنى عيشته اخر دلع والا مش بيطلبه الا بيحلم بيه بيلقيه





والان نتعرف على الاسره الثانيه


عمك على الصعيدى




راجل على قد الحال من الناس المحظوظه جدا


والا بعد كفاح رهيب تمكن انه يحصل على لقب محدود الدخل




وبعد فتره من الزمن شاف وسطه كبيره جدا علشان يحصل على لقب معدوم الدخل والحمد لله تمكن من الحصول عليه



ابنائه

ايمان...... طالبه فى الصف الثالث الثانوى الازهرى




حسن ..... او ابو على زى ما كانت امه الله يرحمه تحب تناديه

طالب فى الصف الاولى الاعدادى وصديق عزيز لعبد الحميد ابن العمده



منى...... طالبه فى الصف الرابع الابتدائى اخر عنقود ابناء عمك على الصعيدى



صميده .... غفير العمده المقرب له

بهانه .... خادمة مراة العمده

ام شلبيه ... بتاعت الاعمال السحريه

عمرو .... زميل سناء فى مدرسة التجاره

الدكتور

المهندس ......عادل

سعيد......... المقاول


وبكده بنكون انتهينا من عرض الابطال الاساسيه معانا فى العمل



وانتظرونا قريبا جدا مع اول حلقات مسلسل


((كفر الزعبلاوى ))



ومع ساحة الحوار العلمى والاجتماعى

مش حتقدر تفتح عينيك

[Yusuf Shams al-Din]

رد: (حصريا) مسلسل كفر الزعبلاوى

احبتى فى الله والاخوه الكرام




الان احبتى فى الله مع فاصل اعلانى






تعلن شركة ((كله ماشى)) الرعايه لاكتشاف المواهب الجديده فى الشعر والزجل




عن نزول مجموعه من الاشعار الرائعه فى العدد القادم من الكتاب الخاص بالشركه

للشاعر الجديد الموهوب اكتشاف الشركه حديثا

الاستاذ تمر ابو عجوه

واليكم بعض من ابيات الشعر الرائعه الموجوده دخل هذا الكتاب





يا جارحنى بلقمة ناشفة و العيش عندك طرى
........
بخلان عليا ليه ارحمنى يا مفترى





كان بينا صحوبيه و محبة راحت بلوية بوزك
.......
قطيعه تقطع المحبة و تقطع اللى يعوزك




الواحد ممكن ينسى همه
......

و ممكن ينسى قرفه وغمه

......

بس لا يمكن ينسى واحد حرق دمه




اللى يشوفك يفتكرك فارس ف ساحته


..........

ميعرفش انك حتى الشراب شحته



والكثير الكثير من الابيات الرائعه

سارع قبل نفاذ الكميه

وان خلص الفول انا مش مسئول




انتظرونا و اول حلقات مسلسل
(( كفر الزعبلاوى ))

[Yusuf Shams al-Din]

رد: (حصريا) مسلسل كفر الزعبلاوى

((الحلقة الاولى ))



المكان .... ساحه فارغه بجوار ارض العمده


المشاهد ...... مجموعه من اهل القريه يتحدثون مع على الصعيدى اثناء استراحة العمل

(( والان مع الاحداث ))



رغم الظروف الصعبه لعمك على الصعيدى الا انه رفض فكرة ان البنات متكملش تعليمها

وكمان لما بعض اهل الكفر قالوا له البنات حتكبر وتتجوز وانت مش حتستفيد منهم اى حاجه تعليم ايه بقى

وللاسف يا اخونا دا تفكير خاطىء جدا عند بعض الناس

لانه بيفرق بين البنت والولد وبيقولك البنت حتعيش معى فتره وتتجوز بعد كده ومعتش حستفيد بها فى اى حاجه يبقى بلاش تعليم

واستفيد فترة 16 او ال20 سنه قبل ما تتجوز اوفر مصاريف تعليمها ابقى اجهزها بيهم

واستخدمها فى البيت تشتغل وتساعد امها ودا تفكير شائع جدا وخصوصا عند الارياف



وان كان قل فى هذا الزمان ولكن مازل موجود عند بعض الناس

الا ممكن يكون رحيم شويه ...ويجعلها تتعلم الى المرحله الثانويه

واذا كانت متفوقه وترغب فى التكمله للجامعه هنا بيقف الاب وبيقول كده كويس اصرف ليه انا على الجامعه وبعد كده يجى العريس ياخدها على الجاهز




ويقول المقوله الشهيره اللى عايزه تكمل... تكمل من عند جوزها



دا تفكير بيكون موجود عند بعض الناس

وفوق كل دا استمرو اهل الكفر فى حديثهم مع عمك على الصعيدى من اجل اقناعه


اهل الكفر ..... يا عم على خلى البنات تترك التعليم ويكفى عليك مصاريف التعليم الخاصه بحسن بس انت ربنا يقدرك عليهم


احد فلاحين الكفر يقول .....هو الكفر دا عمرك شفت فيه بنات بتتعلم غير بنات العمده



بس عمك على الصعيدى رد عليه رد قوى جدا

برغم كل الظروف الصعبه الا بتمر به



على الصعيدى...... قال ابدا بناتى لازم يتعلموا بنات العمده مش احسن منهم

وكمان لما بنتى تتعلم واسلمها لزوجها متعلمه ومثقفه

حرفع من شانها امام زوجها وامام اهل زوجها

وهى مع مرور الايام حتدعيلى ان جعلتها تكمل تعليمها

وكمان زوجها حيدعيلى لما يعرف ان اعطيته هديه انسانه صالحه ومحترمه ومتعلمه

قادره على الحديث معه وقادره على تربية وتعليم ابنائها فيما بعد

وانا بيكفنى هذا الدعاء منهم الاتنين اغلى عندى من كنوز الدنيا كلها

اهل الكفر قالوا ......طيب خلاص برحتك بس بلاش حسن يكمل تعليمه يطلع يشتغل اى مهنه او يشتغل باليوميه فى ارض العمده معاك ويساعدك يا رجل انت مش حتعرف تواجه مصاريف المعيشه لوحدك



كان رد عمك حسن الصعيدى هنا ايه قوى وشديد

على الصعيدى ....رفض وقال لا حسن ولا اخواته حد منهم حيطلع من التعليم

وربنا يعطنى الصحه اشتغل واصرف عليهم لحد ماشوفهم فى اماكن كبيره

اهل القريه .... خلاص براحتك احنا كنا بنقول علشان مصلحتك وحالك الصعب دا

على الصعيدى .... انا بشكركم على تعاطفكم معى وربنا ان شاء الله يقوينا

وانتهى الحديث وغادر الجميع الى عمله فى ارض العمده


والى اللقاء فى الحلقة القادمه

[Yusuf Shams al-Din]

رد: (حصريا) مسلسل كفر الزعبلاوى

((الحلقة الثانيه ))



المكان فى مدرسه الزعبلاوى الاعداديه

هنا بيتقابل عبد الحميد ابن العمده مع حسن ابن عمك على

وبيدور الحديث التالى




عبد الحميد .... عامل ايه ياحسن اليوم يارب تكون بخير

حسن ..... تمام يا عبدو انت عامل ايه وعملت واجب امبارح ولا نسيت

عبد الحميد..... بصراحه ياحسن مش كل الواجب لان فى حاجات كانت صعبه

حسن ...... طيب ليه محدش ساعدك من اخواتك انا بردو فى حاجات كنت مش فاهمه وايمان فهمتنى وساعدتنى فيها مش كده وبس دى لما بتكون عندها وقت فراغ بتذاكر لى

عبد الحميد ...... يا بختك ياعم انا مافيش حد بيعبرنى من اخواتى اللى اطلب منها اى مساعده تقولى روح لتانيه وبعدين انت مش عارف تحل لوحدك ليه امال المدرسين الخصوصين دول بيعملو ايه وبس اقوم احل اللى بعرفو وخلاص

حسن ..... طيب صحيح يا عبدو انت بتاخد دروس يعنى اكيد بتستفيد اكتر مننا
كل ولاد الكفر مش بتاخد دروس غيرك وانت الاصول تكون الاول فينا ياعبدو ومتزعلش من كلامى

عبد الحميد..... لا ابد ياحسن انا عارف انك بتحبنى بس والله ياحسن ياصحبى الموضوع مش بالدروس الخصوصيه طول مافيش مساعده من الاهل ومناخ مناسب للمذاكره واهل تهتم بيك وتراجع معاك عمر الدروس لوحده ماحتعمل حاجه

حسن ..... معاك حق يا عبدو وانت شايف الولد ابراهيم ابن خالتك نفيسه بتاعت الجرجير كل سنه يطلع من الاوائل ولا بياخد دروس ولا حاجه وكمان بيطلع من المدرسه بيساعد امه فى بيع الجرجير ومستغرب انا بيطلع الاول ازاى

عبد الحميد ..... على رائيك دا حاجه لوحده تجننن بس الحق يتقال كل ما افوت من قدام بيتهم اشوفه عمال يذاكر وامه بتساعده كمان

حسن ...... على العموم تعال نراجع بسرعه مع بعض الواجب قبل ما الطابور يبدء واساعدك فى الا انت مش عارفه

عبد الحميد ..... انا متشكر اوى يا حسن انا بتعبك معى كل يوم فى مساعدتى فى الواجب

وجلس حسن وعبد الحميد يرجعوا الواجب مع بعضهم

كان عمك على الصعيدى يطلع كل يوم بعد صلاة الفجر يشتغل فى ارض العمده ويتعب

علشان يوفر مصاريف البيت والتعليم لابنائه

وحسن يشوف وضع ابوه يزعل ويقوله

حسن .... يابى انا مش عايز اتعلم

انا يابى حطلع اسعدك وكفايه عليك مصاريف اخواتى البنات

وعمك على يزعل من كلام ابنه ويقوله




اوع تقول الكلمه دى تانى

انت تكمل تعليمك زى احسن ولد فى الكفر

وبسم الله ماشاء الله كان عمك على مربى ابنائه على التقوى والايمان

البنات تجى من المدرسه متطلعش من البيت خالص اى طلب يقولوا عليه لولدهم او اخوهم حسن وممنوع وحده منهم تطلع بره نهائى

منى..... كانت فى رابعه ابتدائى ازهرى وكانت حافظه كتاب الله

وايمان.... كانت فى ثالثه ثانوى ازهرى بردو ومكنتش تترك اى فرض وتصوم كل يوم اتنين وخميس هى وكل البيت

ورغم كل التفوق فى الدراسه الا ان ايمان لم تقصر فى شغل البيت نهائى ولا فى واجبات ابوها او اخواته

اما حسن ....كان فى اول سنه فى الاعداديه والوحيد الا مكنش ازهرى فى التعليم ورغم كده كان بيجتهد ويحفظ من القران وكانت بتساعده اخته ايمان وتشجعه

ورغم ان منزلهم كان بسيط جدا واساسه على قد الحال

بس كان لما يجلس عمك على الصعيدى مع اولاده بعد صلاة العشاء يتحدوث ويضحكوا مع بعض

تقوال الناس دى اغنى ناس فى الدنيا

وكان عمك على ...على قد امكانيته البسيطه كان بيجتهد ان يوفر اغلب المستلزمات لابنائه من المعيشه وعمره مافى يوم ياس او قال ليه انا طلعت فقير وليه مكنتش غنى

ولا قال بلاش تعليم البنات انا مش حستفيد من تعلمهم اى حاجه لما يتزوجوا

ولا قال اطلع حسن يساعدنى فى المعيشه انا والدى معلمنيش

اشمعنا اعلمه هو.... زى ما فى للاسف اباء كتير بيكون تفكرهم بهذا المنطق

لكن عمك على... قال لا انا اخد بالاسباب وربنا ان شاء الله بعينى والرزق من عند الله مش من عند البشر

واستمر فى كفاحه من اجل توفير العيشه المناسبه لابنائه وتحدى كل الظروف الصعبه اللى وجهته فى الحياه

وانتظرونا فى الحلقة القادمه

[أبو عبدالله إبراهيم]

رد: (حصريا) مسلسل كفر الزعبلاوى

ما شاء الله عليك أخي الحبيب
بارك الله فيك وفي قلمك
متابع معك إن شاء الله
بالتوفيق بإذن الله

[(رمضان)]

رد: (حصريا) مسلسل كفر الزعبلاوى

شكر لمرورك الطيب اخى الحبيب

وانتظر ان شاء الله نزول التعريف بالعمل والابطال فى اقرب وقت

بسم لله ماشاء الله
جهد عالى
جزاكم الله خير

[Yusuf Shams al-Din]

رد: (حصريا) مسلسل كفر الزعبلاوى

((الحلقة الثالثه))



والمكان ...... مدرسة التجاره المختلطه

و هنا بنت العمده الكبيره سناء فى الصباح تلتقى مع عمرو

صديق لها بالمدرسه وبينهم علاقه غراميه نشئت منذ اول ايام الالتحاق بالمدرسه


وعمرو متفق مع سناء على انه يتقدم لها بعض الانتهاء من اخر سنه فى الدراسه



عمرو ... شاب وسيم من اسره متوسطة الحال


وكانوا دائما الخروج معا الى الكوفى شوب وعدم الحضور المنتظم فى الدراسه

وفى تواجدهم مرة مع بعض دار بينهم هذا الحديث





عمرو ..... وبعدين بقى ياسوسو بجد انا اتخنقت موت من المدرسه دى وفى الاخر حنعمل ايه بالشهاده ولا حاجه حرق دم واعصاب بصراحه ياسوسو


سناء..... معاك حق يا عموره بجد انا مخنوقه موت بس بابا عايز كده وياريت كمان عاجب دا زعلان علشان ايمان بنت الصعيدى دخلت ثانوى وحتكمل كليه
وانا الا ايه مدخلتش غير التجاره وانا حعمل بالتعليم ايه دا بابا عنده فلوس يشترى المدرسه بالمدرسين

عمرو ..... صحيح ياسوسو انتى بتقولى فيها دا بابكى ممكن يشترى لك اى شهاده وانتى مكانك احسن من الخنقه دى تعرفى ياسوسو

خير يا عموره


انا مش بيصبرنا على وجودى فى المدرسه غير انى بشوفك فيها كل يوم

ميرسى يا عموره وانا كمان بصراحه من غيرك مش عارفه كنت عملت ايه اصل البنات هنا كلهم حاجه تخنق ومش من مستوايا


عمرو ......على العموم خلاص يا حبيبتى كلها سنه ونخلص واتقدملك ونكون مع بعض طول العمر

سناء...... يارب امتى نخلص بقى ويجى اليوم دا

عمرو .....خلاص هانت فات الكتير ياسوسو نتستحمل القليل


سناء..... ياااااااااااا الوقت اخدنا ومر بسرعه لازم اروح علشان فى البيت عارفين معياد خروجنا من المدرسه وانا ماصدقت اتخلصت من موضوع ان صميده يجى يوصلنى ويجبنى كل يوم


عمرو .....الوقت معاكى بيجرى بسرعه جدا ياسوسو حكلمك بالليل اوك


سناء ..... ماشى ياعموره بس متاخر على الساعه 10 كده اكون بقيت لوحدى فى غرفتى اوك .... اوك ....يلا باى ...

وهنا بنضع ملحوظه على العلاقه بين عموره وسوسو كانت العلاقه غراميه مهلبيه بمعنى كان كل شى مباح بينهم بس بدون عبرو الخطوط الحمرا جدا وطبعا لا فى اب بيتابع والاسره بتسال وكان دور الاسره زى الخزنه تدفع فلوس الدراسه والترفيه وبس



وبتنتقل بين الاحداث الان الى دوار العمده الاسره الثانيه من ابطال مسلسلنا وطبعا منزل العمده كان افخر منزل فى القريه كلها مساحه كبير وبنايه مرتفعه وحديقه امامه وسيارة العمده واغلب وسائل الترفيه موجوده بداخله

كان فى الداخل مراة العمده ام عبد الحميد مع مجموعه من حرايم الكفر كانت بتسخر فيهم للعمل لديه بدون اجر او باجر لا يذكر


وكانت مراة العمده دى ست اعوذ بالله مكانتش تعرف حاجه عن الدين غير الاسم طول اليوم امام التلفزيون من اغانى الى افلام او مع حرايم الكفر يتحدثوا عن غيبه ونميمة على الناس


وكانت اكتر وحده قريبه لها خالتك ام شلبيه بتاعت الاعمال السحريه وهما كانوا قاعدين مع بعض فى مره داخل الدوار دار بينهم الحديث التالى



خبر ايه يام شلبيه اعمالك بقت اى كلام كده ليه يا وليه

فيه ايه بس ياست الناس

يا ام شلبيه العمل الاخير بتاع العمده علشان ميبصش لحد تانى شكله اى كلام يا وليه


بالعكس يا ست الناس .....دا عمل مظبوط ومعمول على ايد جن مسحور اعماله كلها متخرش المياه دا حتى ياست الناس من جودة اعماله بقينا نصدر منها لبره

مرات العمده ....امال ابو عبد الحميد اليومين دول مش طبيعى على طول مع نفسه فى اوضة الغفر وبيتكلم من المحلول

ياست الناس.... اكيد بيتكلم فى شغل الله يكون فى عونه انتى عارفه مشاغل الكفر

والله انا خايفه ياشلبيه..... تكون فى بنت من بتوع البندر وكله عقله بينزل كتير اوى المركز ويقول شغل وانا مش مستريحه للموضوع


بص ياست الناس ......متخافيش وعلى العموم انا المره دى حعملك عملك اسمه دلعنى يا زغلول


انتى بتقولى ايه يا شلبيه عيب يا وليه


ياست الناس ......هو العمل اسمه كده واللى بيقوم عليه جن اسمه زغلول كندهار ودا الجن الخاص بقسم الحب والغزل

والعمل دا بيعمل ايه يا وليه

دا مفعوله خطير اوى يا ست الناس بس هو صعب شويه فى التنفيذ

ازاى يعنى ياشلبيه اى فلوس عايزها قولى

ياست الناس ......خيرك مغرقنى انا كل اللى عايزها حتة قصقوصه من ديل جلابية العمده النبيتى وريشه سوده لديك ساقط ثانوي عام ويكون قسم علمى ومبلغ بسيط كده ياست الناس 4000 جنيه


بس دا كتير اوى يا شلبيه

ياست الناس ........دا اقل شىبياخده زغلول فى مصر علشان ظروف البلد بس

دا اقل عمل له بره مش اكتر من 10000 دولا


طيب يا شلبيه انا ححضرهم فى بحر اسبوع ماشى.... ويلا اطلعى دلوقتى قبل ما العمده يجى علشان ياكل وكمان زمان العيال على وصول من المدرسه

حاضر يا ست الناس وانا حنتظر الطلبات علشان نسرع فى تنفيذ العمل قبل ما العمده عينه تروح كده ولا كده يلا اقعدى بالعافيه يا ست الناس

وانتظرونا وحلقة جديده

[Yusuf Shams al-Din]

رد: (حصريا) مسلسل كفر الزعبلاوى

ما شاء الله عليك أخي الحبيب
بارك الله فيك وفي قلمك
متابع معك إن شاء الله
بالتوفيق بإذن الله

شكر لمتابعتك اخى الحبيب بارك الله فيك

بسم لله ماشاء الله
جهد عالى
جزاكم الله خير

وجزاك الله خيرا اخى وشكر لمتابعتك الطيبه

[Yusuf Shams al-Din]

رد: (حصريا) مسلسل كفر الزعبلاوى

((الحلقة الرابعه ))



مراة العمده جالسه امام التلفزيون ورجع الابناء من مدارسهم

وكل واحد فى غرفته منتظرين وقت الغداء
وهنا بيدخل العمده الى المنزل وزوجته جالسه وبيدور بينهم الحديث التالى

السلام عليكم

وعليكم السلام يا عمده

العيال رجعوا من المدرسه يا ام عبد الحميد

ايون رجعوا ومن بدرى ومستنينك علشان نتغدء كلنا

طيب انا حروح اغير هدومى على ما تجهزوا الاكل


هنا بتنادى مراة العمده على بهانه الشغاله

بت يا بهانه انت يا بت
نعم يا ستى
حضرى يابت يلا الغدء بسرعه وجهزى كل حاجه
اوع تنسى حاجه وخصوص عصير سيدك عبد الحميد

حاضر ياستى ححضر كل حاجه
وتروح بهانه تحضر الغداء
ويصدر صوت العمده من الداخل

يا ام عبد الحميد .... يا ام عبد الحميد

فتقوم مرا ة العمده مسرعه الى الغرفه

خير يا عمده فى ايه
ايه اللى مقصقص ديل الجلابيه النبيتى دى
مافيش حد ياعمده ممكن يكون فار
فار ايه بس والبنات اللى بتشتغل هنا فى الدوار بيعملوا ايه
لما الفيران بتدخل لحد غرفة نوم العمده

خلاص ياعمده انا بشدلك عليهم وانت عندك غيرها كتير

مهو غيرها مع الاهمال يا ام عبد الحميد الفار حيخلص عليهم
خلاص ياعمده انا بوعدك متتكرش تانى

وتحاول مراة العمده تهرب من الموقف وتنادى

يا بهانه انتى يا زفته خلصت تحضيرى الاكل
ايوى يا ستى كل حاجه جاهزه
يلا ياعمده الاكل جاهز
ويجلس جميع الاسره على مائدة الطعام
الشى الوحيد اللى ممكن يجتمعوا عليه هو الاكل بس
ويدور حديث بين العمده وابنائه

اه يا عبد الحميد اخبار المدرسه ايه عايز فلوس
لا بس كنت عايز اخواتى يساعدونى فى المذاكره فى حاجات مش بفهمها
والمدرسين بيعملوا ايه يا عبد الحميد بيخدو فلوس وخلاص
لا يابابا بس بردو بحتاج مساعده من خواتى مهو حسن خواته بيساعدوه

حسن مين ابن على الصعيدى طيب دول ناس غلابه و مبيخدش درس زيك انت احسن منه ولازم تكون اشطر منه

مش كفايه خيبت اختك الكبيره اللى مخليه وشى فى الارض فى الكفر
ويقول بنت على الصعيدى حتدخل كليه وبنت العمده دبلوم
هنا بتزعل سناء وتقوم من على الاكل وتطلع لغرفته
مراة العمده ملوش لازمه بس ياعمده الكلام دا على الاكل خلاص الا حصل حصل

هى بتحس يعنى اوى لو بتحس كانت نفعت وانتى يا حنان اوعى تخيب زى اختك

لا يابابا ان شاء الله حدخل الثانويه واكون احسن من اى بنت

ربنا يبشرك يابنتى بالخير
وهنا يقول عبد الحميد .... حنان ممكن تساعدنى شويه فى دروسى

لا يا ميدو مينفعش انا محتاجه كل جهد علشان اتفوق السنه دى

مراة العمده انت تفهم من المدرسين يا عبد الحميد ولازم تطلع الاولى مش الواد ابن بتاعت الجرجير يطلع احسن منك
وهنا بينهى الجميع من الطعام
وبيصعد كل واحد الى غرفته

وتنادى مراة العمده يا بهانه تعالى شيلى الاكل وهاتى الشاى للعمده فى الغرفه
واطلعى شوفى الاولاد يشربو ايه


ومرات العمده كانت مدلعه بناتها الاتنين جدا سناء وحنان

لبس مكشوف وتليفونات ودش ومكياجات وكل حاجه فيها فساد

وعمك محمد الزعبلاوى ميتكلمش خالص ولا يفتح بقه

غير هات يا عمده فلوس خدى يام عبد الحميد

طلعت لغرفه سناء


متزعليش ياسوسو انتى عارفه ابوكى بيحبك قد ايه


مهو يا ماما كل شويه نفس السيره هى مين دى اصلا بنت الصعيدى علشان يقرنى بيها

ولا يهمك ياسوسو انا بخلصك من الموضوع دا


بجد ياماما


عمر ماما قالتلك على حاجه ومحصلتش


وتقوم سناء تبوس امه على خدها وتقوله ميرسى يا ماما


هنا بتروح مراة العمده ..... للعمده ومعها الشاى


اتفضل يا عمده ومتزعلش نفسك اوى كده الا حصل حصل ومكنش ليه لازمه تزعل البت كده


مهو يا ام عبد الحميد انتى مش بتسمعى الكلام الا انا بسمعه من الناس


يعنى يرضيكى بنت الصعيدى الشحات دا تبقى فى كليه وبنت العمده لا

ومين قالك ياعمده انها حتروح الكليه اصلا


قصدك ايه يا ام عبد الحميد


قصدى زى ما قلتلك ياعمده


بت الصعيدى لا حتروح كليه ولا حتى حتكمل السنه دى كمان


طيب ازاى يا ام عبد الحميد


هى البت دى مش عايزه فلوس علشان تتعلم


اكيد طبعا يام عبد الحميد


طيب وعلى بيشتغل عند مين


مش فاهم يا ام عبد الحميد تقصدى ايه


ياعمده انت من بكره تقول لعلى ان ملوش شغل عندك فى الارض


وكده مش حيلقى يصرف على العيال فى المدرسه


بس دا غلبان وحياكل منين وبعدين ممكن يشتغل عند اى حد تانى

ياعمده مهو احنا حنوقفه شويه عن الشغل لحد ما يطلع العيال كلهم حتى حسن من المدرسه


وابقى رجعه تانى وكمان محدش حيقدر يشغله فى الكفر ياعمده وانت كرشه من عندك


يعنى انتى شايفه كده


مافيش حل تانى غير كده ياعمده


خلاص على بركة الله من بكره اقول لصميده يعطيه باقى حسابه ويمشيه


صحيح ياعمده كانت عايزه منك طلب


خير يام عبد الحميد فى ايه


كنت عايزه مبلغ 4000 جنيه


ليه المبلغ دا كله خير حتعملى ايه


لا بس كنت عايزه اشترى ملابس للبنات دول فى مدارس وكل البنات بتبص عليهم دول بنات العمده


بس المبلغ كتير اوى 4000 بيكفى 1000

1000 بيعملوا ايه بس ياعمده ما انت عارف الاسعار


على العموم انا بعطيكى بالليل 2000 دلوقتى ماشى نفسك بيهم


وبعدين ابقى اعطيكى الباقى علشان الفلوس اللى معى عايز اجيب بيهم بذور وتقاوى


خلاص ماشى يا عمده


وينتهى حديثهم وانتطرونا وحلقه جديده

[أبو عبدالله إبراهيم]

رد: (حصريا) مسلسل كفر الزعبلاوى

ما شاء الله عليك أخي الحبيب
إبداع وتألق
وربنا يهدي العمده ومراته وولاده
بس انتا ليه مذكرتش إسم مرات العمده^_^

[Yusuf Shams al-Din]

رد: (حصريا) مسلسل كفر الزعبلاوى

ما شاء الله عليك أخي الحبيب
إبداع وتألق
وربنا يهدي العمده ومراته وولاده
بس انتا ليه مذكرتش إسم مرات العمده^_^

عايزنى اذكر اسم مراة العمده علشان يدبحنى

شكر لمروركم الطيب وبارك الله فيك

وانتظر الحلقة الخامسه اليوم ان شاء الله بس انتهى من التنسيق الخاص بالحلقه