Tweet
الحمد لله وكفى
وصلاه وسلام على عباده الذين اصطفى
اللهم صل على محمد وعلى ال محمد كما صليت على ابرايهم وعلى ال ابراهيم انك حميد مجيد
و بارك على محمد وعلى ال محمد كما باركت على ابراهيم وعلى ال ابراهيم فى العالمين انك حميد مجيد
بسم الله الرحمن الرحيم
الحمد لله الذى هدانا لهذا وما كنا لنهتدى لولا ان هدانا الله
ثم
اما بعد
الموضوع سهل وبسيط
احسب معايا كده
2x5=10
10x30=300
طيب ايه يا عم ايمن الارقام دى
هبسطهــــــــــــــالك
رقم 2 هو عدد الورقات ورقم 5 هو عدد الصلوات فى اليوم
بيتهيقلى سهل انك تقرأ ورقتين (4 صفحات) بعد كل صلاه؟ - صح؟
رقم 10 هو عدد الورق اللى هنكون قرأناها فى اليوم
و30 يعنى 30 يوم
طيب احسب كده 10 ورقات يوميا فى 30 يوم
مممممممممم
يبقى 300 ورقه
لسه فاضل فى المصحف 300 زيهم ياعم ايمن
لا يا عمنا المصحف كده خلص
هبسطهالك
انت هتقرا الورقتين فى المصحف مش الصفحتين
الورقتين يعنى 4 صفحات
يعنى المصحف لو 600 صفحه يبقى 300 ورقه
وصلت ولا نقول كماااان؟
بص يا سيدى انت زى الشاطر تجيب مصحف من المصاحف الصغيره
زى ده كده
وميفارقش جيبك
تخلص صلاه وتقعد تقرأ
عارف ان المساجد فيها مصاحف
لكن مش كل مصحف عدد الورق فيه زى التانى وكمان علشان فى حاجه اسمها زاكره بصريه لاننا كمان عاوزين نحفظ
ايه واحده بعد كل صلاه
قولى باه مش هقدر احفظ ايه واحده
المهم
يبقى انت كده ان شاء الله هتكون ختمت القرآن قرائه فى 30 يوم
وحفظ كل يوم 5 ايات
وعدد ايات القرأن الكريم 6219آية عند المكيين
يبقى 6219÷5=1243.8
يعنى تقريبا 1243 يوم
طيب نقسمهم على 365 يوم
تقريبا الناتج 3 سنين و 4 شهور
هتقولى
يااااااااااااااه 3 سنين
ياعم الحج انت هتحفظ القرآن من غير ما تحس اصلا
وبعدين لو انت عندك القدره انك تحفظ اكثر
الله يعينك احنا بنقول اقل حاجه يقدر عليها الشخص الطبيعى
بس يا سيدى
متنساش انك كمان من كتر ما هتقرأ القرآن وتختمه شهريا هيحصل عندك الزاكره البصريه اللى اتكلمنا فيها
فالحفظ ان شاء الله هيكون سهل
نسأل الله ان ينفعنا واياكم وامه المسلمين
الذاكره البصريه سريعا كده بتتكون لدى الانسان من متابعته لامر ما فى مكان محدد وثابت
كما يحدث مع الطلاب ف الامتحان ان يتزكر مكان ورقم الصفحه المكتوب فيها اجابه السؤال وهو فى الامتحان
تعليق