مدمن فيسبوك ..

[MR.MaHmOuD]

رد: مدمن فيسبوك ..

والله يا اخواني الافاضل انا مشترك فيه من 3 سنين وعادي جدا ولكن انا بعمل حظر لكل الاعلانات ..وهو زي وزي النت ممكن استخدمه كده وممكن كده ..ومعظم شيخونا الافاضل عندهم بيدجات علي الفيسبوك زي الشيخ حازم شومان ..محمد حسين يعقوب..محمد حسان وغيرهم كتيييير
وبشكركم علي مشاركتكم ليا ..الحلقة الجديدة بكرة

[Ayman_M]

رد: مدمن فيسبوك ..

والله الفيسبوك مش وحش ولا حاجة هو زي وزي الانترنت ما انا ممكن في الانترنت استخدمه استخدام مش كويس وممكن الفيسبوك كده بردو

طيب يا اخى بالله عليك انت لم ترى كم الشباب اللى عامل بروفايلات باسامى بنات وواضعين صور مقرفه ومقززه غير البنات اللى حاطه صور مقفره ومقززة لنفسهم

وانت غصب عنك بتشوف الحاجات دى متقوليش مبشوفش

يا ترى قدرت تمسك نفسك كام مره وتغض بصرك؟؟؟؟؟؟؟

ماهو انا مينفعش اجيب نار واقعد ازود فى الحطب واقول لا مش هتبقى حريقه كبيره

[MR.MaHmOuD]

رد: مدمن فيسبوك ..

طيب يا اخى بالله عليك انت لم ترى كم الشباب اللى عامل بروفايلات باسامى بنات وواضعين صور مقرفه ومقززه غير البنات اللى حاطه صور مقفره ومقززة لنفسهم

وانت غصب عنك بتشوف الحاجات دى متقوليش مبشوفش

يا ترى قدرت تمسك نفسك كام مره وتغض بصرك؟؟؟؟؟؟؟

ماهو انا مينفعش اجيب نار واقعد ازود فى الحطب واقول لا مش هتبقى حريقه كبيره

علي كده انا منزلش من بيتي وانزل الشارع انت مش بتشوف الشوارع عامل ازاي ؟! يا ريس ؟
وبعدين انا مالي بالبروفايلات انا مدام ضايف ناس محترمه مش هلاقي بروفايل طلعلي لوحده كده ؟!!

[Ayman_M]

رد: مدمن فيسبوك ..

علي كده انا منزلش من بيتي وانزل الشارع انت مش بتشوف الشوارع عامل ازاي ؟! يا ريس ؟
وبعدين انا مالي بالبروفايلات انا مدام ضايف ناس محترمه مش هلاقي بروفايل طلعلي لوحده كده ؟!!

كده يبقى انت فهمتنى غلط
اللى قصدته من كلامى هو ادراء الفتن والتقليل منها
لان على الاقل وان ماشى فى الشارع فى ناس شايفانى (الا من رحم ربى كتير من الناس من يهاب رؤيه العباد له على معصيه اكتر من رؤيه رب العباد له)
لكن وانا فى البيت وباب الاوضه مقفول عليا و فى اعتقادى ان محدش شايفنى
يا ترى هسمح لنفسى بتجاوزات ؟
الشيطان وسوس لسيدنا ءادم بمعصيه الله عز وجل
فهل تعتقد اننا اقوى من سيدنا ءادم فى الصمود امام وساوس الشيطان؟
احبك فى الله

قبل الختام هل تعتقد ان الاعلانات بالاصدقاء المقترحين او اعلانات مزيل الشعر والعرق والمسلسلات اللى على الفيس بتفرق بين بروفايلات الناس اللى عندك ان كانوا محترمين ولا لا؟

[MR.MaHmOuD]

رد: مدمن فيسبوك ..

عندك حق يا ريس ..
لا تجادل ولا تناقش يا اخ علي
هههههههههههههههههههههههههه

[Ayman_M]

رد: مدمن فيسبوك ..

عندك حق يا ريس ..
لا تجادل ولا تناقش يا اخ علي
هههههههههههههههههههههههههه

اضحك الله سنك
اللهم ارزقنا الصدق فى القول والعمل واجعلنا ممن يستمعون للقول فيتبعون احسنه
ومنتظر باقى الحلقات ان شاء الله يا اخ على

[MR.MaHmOuD]

رد: مدمن فيسبوك ..

لا يا ريس انا محمود .. منورني والله وفعلا كلامك صح بس بردو انا عندي فيسبوك اصل انا مراسل في شبكة اخبار مصر :)

[Ayman_M]

رد: مدمن فيسبوك ..

لا يا ريس انا محمود .. منورني والله وفعلا كلامك صح بس بردو انا عندي فيسبوك اصل انا مراسل في شبكة اخبار مصر :)

الله يعينك ويوفقك للاسف انا كمان عندى وبحاول على قد ما اقدر اكبر صوره الفيس بحيث انى الغى الاعلانات و الفرندس اى ماى نو
(friends you may know)

[أبو عبدالله إبراهيم]

رد: مدمن فيسبوك ..

والله الفيسبوك مش وحش ولا حاجة هو زي وزي الانترنت ما انا ممكن في الانترنت استخدمه استخدام مش كويس وممكن الفيسبوك كده بردو

صدقتم اخي الحبيب في كلامكم
نحن لانعمم الكلام
لكن كل شخص أدري بحاله وما ينفعه وما يضره

علي كده انا منزلش من بيتي وانزل الشارع انت مش بتشوف الشوارع عامل ازاي ؟! يا ريس ؟

في هذه النقطه أخي الحبيب أنا لاأتفقك معك
وتعليقا علي كلامكم
اعترض احد العامه عللي الشيخ المحدث أبو إسحاق الحويني في كلامه عن المصايف
وقال له وما الفرق بين المصيف والشارع
كلاهما موجود بهما التبرج والسفور
فكان تعليق الشيخ المحدث كالآتي
بإختصار أنت تذهب للمصيف طواعية وبرغبتك وتسطيع ألا تذهب
أما الشارع لاتسطيع أن تستغني عنه فانت مجبر علي السير فيه
إما للصلاه وإما لتؤدي حاجه لك فيه
او أنك ذاهب لعملك او جامعتك أو مدرستك
أي في كل الأحوال
الشارع حاجه رئيسيه في حياتنا


وبالقياس
الفيس بوك أنت تدخل إليه طواعية اما الشارع فكما وضحنا سابقا لاتستطبع تركه


وأضيف
أنا أحترم وأقدر كل من يدخل الفيس بوك
لكن هذه وجهة نظري الشخصيه
وارجوا أن تتقبلوها
أحبكم في الله

[ahmadof]

رد: مدمن فيسبوك ..

ما شاء الله .. الموضوع ماشي تمام..
استمر خيي محمود

[MR.MaHmOuD]

رد: مدمن فيسبوك ..

ماما بتناااااااادي ....


موقف من الواقع :

يا محممممممد ...يا محمممممممد
ايوة يا ماما
تعالى عايزاك
ثواني بس يا ماما
بسرعة
طيب هخلص اهوه
......
....
ويمضي الوقت
...
..
يا محممممممد ... انت يا ابني
والله اهوه قربت اخلص
تعالى يا ابني عايزاك
طيب حاضر
..........
.......
روح يا محمد قلبي وربي غضبانين عليك ..
او .......
روح يا محمد اللاهي ما تكسب !!


ده حال كام واحد أو واحدة فينا ؟؟؟
عقوق ... عصيان وانت مش حاسس !! ...

والعواقب معروفة : عدم رضا والديكي وقبلهم ربنا جل وعلا .. ضياع الأوقات وعدم البركة فيها ومن ثم ضياع الأعمار و..و.. وتتوالى المصائب !!!!!


طب تعالوا نشوف الموقف ده كمان :

همم .... هاها .. تا لالالالا
داخل مزاجه رايق من الكلية
ااااااه .. مش قادر عايز أنام 3 سنين عشان أفوووق
وفعلا .....
ززززززز
قام من النوم اول حاجة عملها
فتح الكمبيوتر ...

وراك مذاكرة ؟؟؟
اه .. بس هعمل كام حاجة كدة وادخل على كام بادج وشوف كام بوست على كام كومنت وبعد كدة اذاكر
وبعدين فكك مني هو انا هبدأ مذاكرة من دلوقتي ده لسة بدري
انا بذاكر في الاخر
..

يا ابني انت مش عايز ترضي امك وابوك وعايز تتميز في حياتك وتبدع ..
ايوة بس اصل الهمة بقة وانتي فاهمة الباقي ..

طيب يبقى زي ما قلت لك رتب أولوياتك وانطللللللق
ذاكر ع الأقل نص الكمية وبعد كدة اقعد ع النت ...


المواقف اللى فاتت دي معظمنا الا من رحم ربي بتكرر معاه وكتيير جدا للأسف ... يمكن يفوق يومين من الغيبوبة دي لكن بيرجع لها تاني !!


لو عرف حق ربنا وحق أمه وابوه واد ايه البر ده مهم في حياته .. كانت حياته اتغيرت من الألف إلى الياء وأنا بكلم نفسي قبل ما بكلمكم ..
لعلي لما بكتب بتشجع على التنفيذ والله المستعان ..


اظن بكدة احنا فهمنا كويس أوى معنى أرتب أولوياتي ...
يبقى هو ده الواجب بتاعنا انهردة

اننا نرتب اولوياتنا ....... وبجد بجد انا محتاجاها جداااااااااا

ونيجي بقة للنقطة رقم 3 وهي ((( إزاي أوفق بين النت او الفيس وبين دراستي؟؟؟؟)))


فى المشاركه القادمه بإذن الله ..

بحبكم في الله :)

[ahmadof]

رد: مدمن فيسبوك ..

جميل جدا..

وانا بحبك في الله كمان

[MR.MaHmOuD]

رد: مدمن فيسبوك ..

جميل جدا..

وانا بحبك في الله كمان

احبك الذي احببتني فيه
جزاك الله كل خير اخي الكريم علي تواجدك

[MR.MaHmOuD]

رد: مدمن فيسبوك ..

الحلقـــة الرابـعـــة والاخيرة :)



ازاى اوفق بين النت ودراستى ؟؟


زي ما عرفنا الحل الوحيد هو ::: ترتيب الأولويات اللى اتكلمنا عنه من قبل


ومن هنا هنحط خطة عملية
1/ وضع الخطة ::::
** حط لنفسك عدد ساعات معين للنت او الفيس في اليوم الواحد
ساعة او 2 او اقل ((لكن مش اكتر من ساعتين))

** اكتب مطلوب منك مذاكرة ايه النهاردة

2/ اول ما ترجع من الكلية او المدرسة اللى متعود ينام .. هينام حوالى ساعتين
مع مراعاة الصلوات على اوقاتها


3/ اول لما تصحي هتاكل وكل حاجة تمام ... وندخل في الجد

اول حاجة بعد كدة واهم حاجة قراءة ولو صفحة واااااااحدة فقط من القرآن الكريم
صفحة واحدة مش هتاخد من وقتك حاجة ... او ممكن نتفق كلنا نقرأ ربع واحد قبل المذاكرة
ربع واحد يعني حوالى صفحتين او صفحتين ونص ..
ونتابع مع بعض


4/ ابدأ بتبييض المحاضرات واللى تتبيض تتذاكر في ساعتها
او في ناس مش بتبيض اصلا فـ ده يلقي نظرة على المحاضرة .. يفتكر كل حاجة اتقالت

سواء كنت في كلية او في مدرسة
تذاكر درسين او 3 مع حل الواجب أو تحل عليهم عامة ...
وانت محاضرتين في الاول مذاكرة
بعدها ممكن تقوم تشرب حاجة


5/ وطبعا اى وقت سواء بتذاكر او بتعمل اى حاجة فور الآذان تجري للصلاة على طول
سيب كل اللى في ايدك وانزل على المسجد علطووول

والبنت كمان .. لازم تتعودى على كدة .. تسمعى الآذان وتقولى وراه وتدعي 3 دقايق وتروحي تتوضي وتصلي فورااااا

هتلاقي بركة رهيييييييييبة في الوقت
واسأل مجرب ...


6/ بص نظرة سريعة على اللى ذاكرته .. العناوين وكدة وحبذا لو عملت ملخص صغير اوى بخط ايدك
حاجة زي خريطة كدة فيها العناوين
( عن تجربه بتنفع جدااااا ليله الامتحان )


حاجة مهمة اوووووى ::
لازم تكون بكدة خلصت اكبر جزء من مذاكرة اليوم ((يعني تسيب حاجة بسيطة اوى)) او تخلصها كلها يبقى حاجة رائعة جدااا وتكون فعلا .. متميز \ متميزة


7/ ممكن دلوقتى تروح تفتح النت او الفيس
بس الساعة ادامك ..
محدد هدفك .. هعمل كذا وكذا وكذا
الاهم فالمهم فالاقل اهمية .. حتى في النت او الفيس رتب اولوياتك


8/ والدتك \ والدك نادتك او عايزة منك حاجة سيب\سيبي النت واعملها وارجعوا تانى


9/ بعد قضاء نص ساعة او ساعة او 2 بالكتييييير

10/ ارجع قفل ملفاتك فاضل مثلا مذاكرة كذا وكذا ..
عايز اراجع كذا ..


11/ ركعتين بالليل (في جوف الليل) ادعي فيهم بكل ما تتمني .. وربنا يستجيب
ادعى ربنا يوفقك وان ربنا يبارك لك في وقت ولا ننسى بعض من الدعاء
وادعي ربنا يوفقك ويكرمك ويجعلك ملتزم \ملتزمة متميز ويرزقك بر والديك


12/ اذكار النوم .. وتوكل على الله
حاول قدر الامكان يكون طبيعي نومك مثلا الساعة 12 لو زودت ممكن تبقى 1


وفقكم الله وبارك في اوقاتكم
كل اللى فات نصائح ليا وليكو
وانا معاكم في التنفيذ

بس نجدد نيتنا من المذاكرة ونجدد نيتنا اننا نوينا نصلح احوالنا مع الله ومع الوالدين والدراسة

اصدق النية وربنا هيوفقك ..

تحياتي لمدمني الفيس بوك :)

[ahmadof]

رد: مدمن فيسبوك ..

ما شاء الله عليك

نصائح جميلة ومفيدة..

ونسأل الله الشفاء لمدمني الفيس بوك