Tweet
ما هى العقبه التى بينك وبين الله
اخوانى اخواتى اسعد الله اوقاتكم ودمتم بخير
وأسال الله جل جلاله أن يجمعنا بهذا الحب في ظل عرشه يوم لا ظل إلا ظله
اللهم اجعل عملنا كله صالحا واجعله لوجهك خالصا
ولا تجعل فيه لأحد غيرك شيئا
يقول الحق سبحانه وتعالى
(فَلَا اقْتَحَمَ الْعَقَبَةَ (11) وَمَا أَدْرَاكَ مَا الْعَقَبَةُ (12) فَكُّ رَقَبَةٍ)
ما هى العقبه التى بينك وبين الله
الناس اللى متبعنا قلنا قبل كده ان كلمه اقتحم توحى ان هذه العقبه تحتاج الى قوة للاقتحام
وما هى العقبه
ياتيك الجواب مباشرا فك رقبه
فانت اذا اعتقت رقبه فقد اقتحمت العقبه
وقد قال رسول الله صلى الله عليه وسلم
من اعتق رقبه مسلمه اعتق الله بكل عضو منها عضو منه
اللهم اعتق رقابنا من النار
كثيرا ما نسمع هذا الدعاء وفى رمضان نسمع اللهم اعتق رقابنا من النار
وكلنا نقول امييين
ما علاقه الرقبه بالنار
ايها الاخوه كان فى الماضى سوق اسمه سوق النخاسه
يباع فيه البشر ويشترى وحين تعتق رقبه فقد اشتريت انسانا
ثم قلت له انت حرا لوجه الله وبعدها لا يباع ولا يشترى
وانت حين تطلب من الله ان يعتق رقبتك من النار
معناها انك ملك للنار وتريد ان تعتق منها
تطلب من الله ان يفتديك من النار
لسه مش فاهم طب صلى
واحد يسالنى ويقول هو لنار عبيد معقول الكلام دا
ارد عليه واقوله معقول ونص كمان
يقوم يسالنى تانى يعنى انا عبد الله ولا عبد النار
اقول لك اسال نفسك وانت تعرف
اعرف ازاى بس ابا يعقوب بصراحه انا مش فاهم
طيب ركز معايا
حبيبى فى الله يوجد عبيد للنار وهى مولاهم
ودا مش كلامى دا كلام الحق سبحانه وتعالى وهو يقول
(يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انظُرُونَا نَقْتَبِسْ مِن نُّورِكُمْ قِيلَ ارْجِعُوا وَرَاءكُمْ فَالْتَمِسُوا نُوراً فَضُرِبَ بَيْنَهُم بِسُورٍ لَّهُ بَابٌ بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ الْعَذَابُ13
يُنَادُونَهُمْ أَلَمْ نَكُن مَّعَكُمْ قَالُوا بَلَى وَلَكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّى جَاء أَمْرُ اللَّهِ وَغَرَّكُم بِاللَّهِ الْغَرُورُ 14
فَالْيَوْمَ لَا يُؤْخَذُ مِنكُمْ فِدْيَةٌ وَلَا مِنَ الَّذِينَ كَفَرُوا مَأْوَاكُمُ النَّارُ هِيَ مَوْلَاكُمْ )15 سورة الحديد
ودلوقتى بقى اسالك من مولاك يا عبد الله
الله مولاك ام النار مولاك
وكعهد اهل عصرنا سيقول الواحد منهم
طبعا الله مولاى انا مالى ومال النار ياعم الشيخ
اقول لك طيب راجع الصفات الخمس هل فيك شئ منها
هؤلاء هم موالى النار
الاولى فَتَنتُمْ أَنفُسَكُمْ
الثانيه تَرَبَّصْتُمْ
الثالثه ارْتَبْتُمْ
الرابعه غَرَّتْكُمُ الْأَمَانِيُّ
الخامسه غَرَّكُم بِاللَّهِ الْغَرُورُ
راجع الايه مره تانيه وتأملها هل فيك شيئا منها
(يُنَادُونَهُمْ أَلَمْ نَكُن مَّعَكُمْ)
هو احنا مش كنا نصوم معاكم
مش كنا نصلى القيام فى رمضان معاكم
مش كنا بنحضر الجمعه معاكم
الم نكن معكم دا السوال
الرد كان ايه قالوا
ايوه كنتم معانا ولكنكم ايه
فتنتم انفسكم
هناك من الناس من يفتن نفسه
نازل تتمشى فى السوق ليه
لكى تحتك بالبنات ولا عشان تشترى وتضيع وقت
دفعت الفين وتلاته عشان تشترى تليفزيون ليه
فتنتم انفسكم
ليه سرقت وصله الدش يارجل يا طيب
فتنتم انفسكم
ليه لابسه ايشارب وبدى على الموضه يا اخت يا مسلمه
فتنتم انفسكم
ليه قبلت الشغله الحرام دى
فتنتم انفسكم
وهكذا فتنتم انفسكم انت عارف انك ضعيف
كما قال العلماء القلوب ضعيفه والفتنه خطافه
ليه يابنى تقرب من الفتنه وبعدين تسالنى كيف اخرج منها
ابتعد عنها لا تقترب منها
انجو بنفسك اهرب منها اهرب يا جدع
دى الصفه الاولى
الثانيه وتربصتم يعنى ايه
قبل رمضان تلاقى بعض الناس متربص لرمضان
ستنى الفرصه عتق مغفره حسان اوكازيون يلا نلحق
يخلص رمضان وكان والعياذ بالله ان رب رمضان غير رب باقى الشهور والله المستعان
الثالثه وارتبتم يعنى ايه
يدخل الشك عندك فى كل اموارك والله المسعان
وطبعا الفكر دا مكتسب من الغرب الكافر
والمقوله الشهيره انا اشك اذن انا موجود ودى غلط
طيب الصح ايه
انا اشك اذن انا دبوس والله المستعان
اما الصفه الرابعه وغرتكم الامانى يعنى ايه
تلقى بعض الناس مافيش على لسانهم غير مقولة
يا عم الشيخ ربنا غفور رحيم
يا شيخ الدين يسر انت مصعبه عليك وعلينا ليه يا شيخ فكها ياعم
والخامسه (غَرَّكُم بِاللَّهِ الْغَرُورُ ) يعنى ايه
قالوا نحسن الظن بالله وكذبوا والله
فلو احسنوا الظن لاحسنوا العمل
هولاء هم مولاهم النار
مولاه النار يحتاج ان يعتق منها يتخلص منها ليصبح وليا لله وحده
وكما قال رسول الله صلى الله عليه وسلم
(من كذب على متعمدا فاليتبوأ مقعده من النار)
الراوي: المغيرة بن شعبة المحدث: البخاري - المصدر: صحيح البخاري - الصفحة أو الرقم: 1291
خلاصة حكم المحدث: [صحيح]
هناك من يقول وعلى لسانه دايما
قال رسول الله ورسول الله برئ منهم
هم دول من اصحاب النار
حا يجيب كرسى ويقعد على راحته فى النار ويشوى دره
ولكى تعتق من النار لا تكذب
تجد بعض الناس يتزوج من الزوجه الثانيه ويقول سنه
السنه بتقول كده يارجل يا طيب والرخصه دى مش لها شروط
لا تكذب وقل الحق يا عبد الله انها الشهوه
وعلى هذا فقس كثير من الاحاديث فيمن يتبوأ مقعده من النار
والان اسألأك بصدق هل انت من اهل النار
اختاه هل انتى من اهل النار
فكيف تعتق رقبتك من النار
كيف تقتحم العقبه
عقبتك ايه يا مسكين
فبعض الناس عقبته صلاه الفجر
واخر عقبته النساء وفتنه النساء
واخر عقبته لسانه كثره الكلام الرغى
الستات التى غاويه رغى فى التليفون فى سيره فلانه
واخر عقبته الكبر حبس النفس
عايز يبقى فلان بيه الاستاذ فلان الشيخ فلان
كيف تعتق من النار
كن موحدا لله لتعتق لا تشرك به شيئا .قال الله لحبيبه
(لَيْسَ لَكَ مِنَ الأَمْرِ شَيْءٌ أَوْ يَتُوبَ عَلَيْهِمْ أَوْ يُعَذَّبَهُمْ فَإِنَّهُمْ ظَالِمُونَ) ال عمران 128
الكلام دا لمين النبى محمد عليه الصلاة والسلام
هل يوجد احد غيره تانى له بعد الامر شئ
سيدى البدوى.. ابراهيم لدسوقى ..المرسى ابو العباس
ليس لاحد عند الله شئ وهو القاهر فوق عباده
لا يغفر لمشرك ولا مشاحن
انتى مخاصمه مين من اهلك او اصدقائك وجيرانك
انت وانتى اذهبوا الان تصالحوا الناس كلها
بيع دنياك واشترى اخرتك ابدا من الليله
طيب واحد يسال هل تستطيع ان تعتق رقبتى فى غير رمضان
يسلام يا خوى تستطيع طبعا المهم انت تكون مستعد
ببساطه كل يوم فى الصباح والمساء ولا اقولكم تعالوا نشوف الرسول عليه الصلاة والسلام بيقول ايه
(من قال حين يصبح وحين يمسى
اللهم إني أصبحت أشهدك وأشهد حملة عرشك وملائكتك وجميع خلقك انك أنت الله لا إله إلا أنت وحدك لا شريك لك وان محمدا عبدك ورسولك
أعتق الله ربعه من النار وإن قالها مرتين أعتق الله نصفه من النار وإن قالها ثلاثا أعتق الله ثلاثة أرباعه من النار وإن قالها أربعا أعتقه الله من النار) الراوي: - المحدث: ابن القيم - المصدر: زاد المعاد - الصفحة أو الرقم: 2/339
خلاصة حكم المحدث: حسن
اقول كمان من قال حين يصبح وحين يمسى
اللهم إني أصبحت أشهدك وأشهد حملة عرشك وملائكتك وجميع خلقك انك أنت الله لا إله إلا أنت وحدك لا شريك لك وان محمدا عبدك ورسولك
اربع مرات اعتق الله رقبته من النار
فرصه يوميه ولكن ليست مجرد باللسان
قيل لاحد الصالحين اليست لا اله الا الله مفتاح الجنه
قال نعم ولكن اذا جئت بمفتاح له اسنان فتح لك والا لم يفتح
يبقى لا اله الا الله لها اسنان
لها مقتضيات و شروط و فهم وعلم وعمل لكى تعتق من النار
اللهم بلغت اللهم فاشهد فهل من مشمر
اسال الله ان يعتق رقابنا من النار
وسامحونى لو اطلت عليكم
والى اللقاء فى درس قادم ان شاء الله
تعليق