إعـــــــلان

**أبو محمد وعبدالرحمن الشبل** · 19-12-2011, 07:40 PM

رد: يحكى ان ..... !!! متجدد ان شاء الله

السلام عليكم ورحمة الله وبركاتة

فى انتظار جديدك اخى الكريم

**Ayman_M** · 19-12-2011, 08:06 PM

رد: يحكى ان ..... !!! متجدد ان شاء الله

المشاركة الأصلية بواسطة احمد شبل راجى رضا الله مشاهدة المشاركة

السلام عليكم ورحمة الله وبركاتة

فى انتظار جديدك اخى الكريم

وعليكم سلام الله ورحمته وبركاته
مشكور اخى الحبيب على مرورك الطيب
الله المستعان

**Ayman_M** · 19-12-2011, 08:40 PM

رد: يحكى ان ..... !!! متجدد ان شاء الله

الحلقه الثانيه
(احمد وهو يتصل بميدو يدندن مع نغمه الكوووول توووون )
ترالا لا لالللللااااااا لللل
فرد الاخر
ميدو:ايه يا زفت تررن تررن تررن وبعدين ايه الصوت دة دة صوووووووووت
ايه مبتزهقش كنت فى الحمام يا اخى
احمد :ياعم انت فتحت عليا ليه انا كنت باسمع الكول تون
ميدو :خلاص اقفل واسمعها براحتك
احمد: ياعم اسمع بس
انا لسه مكلم عماد دلوقتى واحنا الاتنين طهقانين مولللله وقرفانين م البيت عاوزين ننزل ومش عارفين نروح فين ما تيجى ننزل نتقابل كده
ميدو : لا ياعم فوككوا منى النهارده
احمد :معناش فكه
ميدو:بلاش تقلش الش قديم يلا واقفل وامسح رقمى من عندك
احمد :ماشى ياعم الظريف
ها ...قلت ايه هنترمى ف انهى قهوة النهارده
ميدو:ياعم ما قلتلك فوكك منى
احمد:لا لا لا .الخلعون دة اكيد وراه طالعه
ميدو :ههههههههههه
احمد: مش قولتلك فى طلعه
طيب ما تاخدنى تظبطنى معاك انت عارف اخوك فى الحريم زى الزفت
ميدو :يا ابنى مش حريم
احمد:امال؟ّّّ!!!!!
ميدو: طيب حاول تخلع من عماد وتعالى عدى عليا
احمد: عماد مين انا معرفش حد بالاسم دة
دقايق واكون عندك

(قام احمد متسرعا وفى عجاله بعد ان اغلق الهاتف وارتدى ملابسه فى زمن قياسى وفتح درج مكتبه واخذ علبه السجائر الغاليه وصاح بعلو صوته)

احمد:مامااااااااااااا
الام:ايوة يا حبيبى عاوزنى اعملك حاجه
احمد :لا يا ماما ربنا يكرمك دانا نازل شويه
الام : يا ابنى نازل فين بس الساعه دى انت مش عارف ان وراك مذاكره وهم ما يتلم
احمد:متقلقش يا حجوج يا عسل انت دة انا رايح اذاكر عند الواد ميدو صاحبى فى واد صاحبنا هييجى يشرحلنا شويه حاجات فى المنهج كده
الام:ماشى يا احمد يا حبيبى ربنا يوفقكوا يارب وينجحكوا انتوا وامه المسلمين
احمد:اميــــــــــــــــــــــن ربنا يسمع منك الدعوه الحلوة دى
بس بقولك
مفيش اى قرشينات كدة ابنك ممعهوش اللضا
الام:انا نفسى افهم انت بتصرف فلوسك ف ايه المدرسه ودخلتها مناذل ومبتروحش والدروس اخوك اللى بيوديك بالعربيه نفسى افهم بتوديهم فين
احمد: والله يا ماما بيتصرفم ف اى حاجه لو خرجت ف حلبسه ولا بلاى ستيشن او بيطيروا على تصوير ورق ومذكرات
الام :بلاى ستيشن اية بس مانت عندك كمبيوتر جوة اهو
احمد :لا يا حجه التانى دة حاجه تانيه بروجكتور كدة وحاجات مكنتش ف جيلكم
المهم قولتى اية هتجيبى البرادس ولا ايه
الام :ماشى يا احمد يا لعبى مانا عارفه مش هعرف اخد منك لا حق ولا باطل

(اخذ الفتى من امه النقود ونذل مسرعا الى صديقه ميدو فوجد الاخر منتظرة فى سياره والده فى الشارع)

احمد :ابو ميدوووووووووووووو
ميدو :ايه يا رخم وطى صوتك انا مقلب المفاتيح والعربيه من ورا ابويه وانت بزمارتك دى هتصحيه من نومه ويطلع يقفشنا
احمد:طيب يلا هتودينى فين وايه الطلعه بتاعه النهاردة الىل خلتنى ابيع الواد عومده علشانها دى
ميدو: اتقل عليا باة واركب العربيه وسيبلى نفسك وانا هشهيصك

(وركب احمد وميدو السياره وعلى صوت الكاسيت باغانى صاخبه لفتت انتباه كل من كان فى الشارع وانطلقا فى الطريق مسرعين ولكن الى اين وكيف سينتهى يومهما...............هذا ما سنعلمه ان شاء الله فى الحلقه القادمه)

يتبع ان شاء الله

**Ayman_M** · 25-12-2011, 02:17 AM

رد: يحكى ان ..... !!! متجدد ان شاء الله --- الحلقه الثالثه

الحلقه الثالثه يعنوان عشوائيات
--------------------------------------------

(على جانب الطريق فى احدى مناطق العشوائيات توقف سياره واطفات كل انوارها وخرج منها شاب يافع واتجه نحو احدى اعمدة الاناره الواقف باسلفها شخص تدل ملامحه على الريبه والشك ودار بينهما حوار)

ميدو: سا العسل
ّ!!!!!: عاوز اية يا حماده وايه اللى جابك هنا
ميدو :حماده ؟.. حماده اية اوعى تكون فاكرنى واد نايتى وعيل طرى هتاكله بكلمتين وبعدين لما تعرف انى جايلك من طرف مين هتعملى احلى واجب
!!!!! : يعنى هيكون مين اللى حدفك علينا السعادى
ميدو:المعلم سيد زلطه
!!!!!: لالا .. يبقى الغلط عندى تعالى يا اوستاذ خش نعمل معاك اى واجب
!!!!!:ولا يا برشااااااااااااامه احلى حجرين وحضرهم هنا للبيه
ميدو :متشكرين يا ابن بلدى عالواجب
معاك تقضيلى
!!!!:ولو ممعيش تاخد م الحته الى بشرب منها
ميدو:مادة العشم بردو

(كان احمد جالسا فى السياره مرعوبا يفكر فى انه اخطا فى قراره بملازمه صديقه ميدو والحاحه الشديد بمرافقته وانتفض جسدة فجاه على صوت باب السياره وهو يفتح)

ميدو : ههههههه لالالا دانت طلعت جبان اوى اية الخضه دى امال لو واحد طلع علينا بسلاح دلوقتى هتعمل ايه
احمد:ياعم انا متخضتش انا بس روحت فى النوم وصحيت على صوت الباب
انت كنت بتعمل اية واية الكائن اللى كنت واقف بتتكلم معاه دة وشايفك بتاخد منه حاجة
ميدو: ماهو اللى انا جبته منه دة اللى هيشهيصنا للصبح

(واخرج ميدو علبه السجائر ووضعها على طابلوه السياره واخرج لفافه غريبه من جيبه وهم بافراغ التبغ من السجائر وخلطه بالمادة الموجودة باللفافه فصاح احمد)

ايــــــــــــــــــه دة لا
حشيش لا
احنا كبيرنا سيجاره ولا شيشه وبنتعب منها لاكن حشيش لالالالالا

ميدو: اية يا عم ما توطى صوتك شويه هتصيحلنا فى المكان والناس دى لو سمعتك هتقلبك فى العربيه ويثبتونا وانا ساعتها هقول معرفكش
احمد: يا عم اسمع بس انا..........
ميدو : اسمع انت منى باة وخد ولع دى

(مرر ميدو السيجاره الشبيهه فى شكلها بالقرطاس الى احمد فاشعلها)

احمد: ايه دة تصدق الحشيش دة ريحته حلوة
ميدو :لا ولسه الحلاوة جايه باعدين
احمد :اة... حلاوة المولد
ميدو :اية دة انت وصلت دانت خفيف اوى
احمد : وصلت فين هو انت مش قولتلى انت هتوصلنى ف اخر الليله واحنا مروحين
ميدو: ايوة ماحنا ماشيين اهو
احمد :اة ماشى ماشى ماشى ولا بيـــــــــــدى
ميدو:دانت مزيكا اضرب اضرب

(وبعد قليل توقفت السيارة وبها ميدو و احمد اما احد المقاهى المشهورة )

ميدو :انزل يا ابنى
احمد: مانا بحاول بس بجمع طاقه
ميدو : طاقه اية بس دانت طلعت نيله وشكلك هتفضحنا قدام الناس

(دخل كلاهما الى المقهى واذا بالرفيق الثالث عماد منتظرهم)

عماد: قشطه اوى عالنداله دى يعنى انتوا الجوز تنفضولى وتقولوى مش خارجين والاقيكوا داخلين عليا
ميدو:معلش يا عومده اصل كان فى مشوار مهم ابويا باعتنى فيه ولما خلصت جيبت احمد وكنا لسه هنكلمك اول ما نقعد تجيبلنا
مش كدة يا ابو حميد ولا اية
احمد: هاه...
اة اة بالظبط كدة هو قالك زى ما قالك كدة
ههههههههههههههههههههههه
هو انت اللى قولتلو ولا هو اللى قالك ولا مين قال لمين
عماد :فى اية يا احمد ما تكلمنا عدل انت هتشتغلنا وتحور
احمد : احور اية لا انا مش هعرف اسوق خالص
عماد :فى اية يا عم ميدو الواد دة مالو كدة
ميدو: لا مفيش اصله كان نايم وانا قومته بالعافيه
احمد:اة... عافيه زيت الدره الصافى
الجميع:هههههههههههههه

صاحب المقهى:تشربوا اية يا شباب
احمد:انا هاتلى شيشه
عماد: وانا لمون ساقع علشان دمى محروق
ميدو : وانا عاوز قهوة مظبوط

احمد: لالا هاتهاله عالريحه
ههههههههههههههههههههههههه

ميدو الى صاحب المقهى :معلش اصل لسه معديين من جمب كلب ميت وريحته وحشه قوى ف بيقلش

(اقترب عماد بكرسيه من ميدو سائلا اياة)
عماد: فى اية يا ميدو الولا احمد ماله عامل زى ميكون مسطول
ميدو:هههههههههه اة اصله مسطول فعلا
عماد:نعم .... ومين اللى عمل فيه كدة روحه يا عم بدل ما يتعب ولا يجراله حاجه

احمد:فى اية يا حيوان انت وهو بتتكلموا عليا ف اية
عماد:احمد بقولك اية احترم نفسك مش علشان مسطول هتيجى تفوق علينا انا ماشى
احمد :ما تمشى
ميدو :ياعم اهدى بس واقعد اليوم لسه طويل

عماد:لا ياعم يعنى انا سايب مزاكرتى ونازل اتهوى شويه اقوم اتهزق
سلام
احمد:سووووووووووووك عاللمووووووووووووون

ميدو:احسن انه مشى بردو دة واد خنقه وعاملنا فيها عم الملتزم ومزاكرة وقرف
المهم انت اخبار مزاجك اية
احمد: انا طااااااااااااير
ههههههههههههههههههههه

(ومرت الساعات التى على بها صوت احمد وضحكاته فى ظل استهجانات ممن كانوا بالمقهى حتى قارب الساعه الرابعه فجرا فدفع احمد حساب المقهى له ولصديقه وذهب به صديقه يوصله الى المنزل ووقف احمد اما منزله)

ترررررررررررررررن ترررررررررررررررن
احمد:افففففففف هو محدش معبرنى ليه
ترررررررررررررن ترررررررررررررررررن

الام :اية يا احمد مبتفتحش بمفاتيحك ليه
احمد:اخ.. نسيت معلش
الام: دانت تحمد ربنا ان ابوك لسه مجاش من برة والا كان طردك برة البيت
احمد:اووووووووف باه ما هو لسه مجاش هو كمان ولو ابوة عايش كان طرده
الام:مالك يا ولا واية قله الادب دى اول مرة اسمعك بتقول كلام على ابوك كدة
احمد :معلش اصل عاوز انام
الام:انت اية اللى اخرك كل دة ولا علشان ابوك مش فايقلك هتفتكرها سايبه
احمد :بزاكر مانا قايلك كنت بزاكر انتى مش شايفه عينى حمرا من كتر المزاكره
اهو بصى
الام:اف اية الريحه دى انت لسه بتشرب سجاير يا احمد انت مش وعدتنى انك هتبطل
احمد :اوف باه .. حبطل حاضر لمااقوم من النوم هبطل سيبينى باة ادخل انام

(الام وقد نزلت من عينيها دمعه غاليه وهى تحدث نفسها ---- كدة يا احمد دى اخره حبى ليك وحنيتى عليك دة جزائى انى خايفه عليك ---
وقامت على سجاده الصلاه فى غرفه نومها وعيناها تملئهما الدموع وشرعت فى صلاه ركعتى السنه وعيناها منهمرة فى البكاء اسفا على ما بدا لها من حال ولدها ثم صلت صلاه الفجر داعيه الله ان يصلح لها من حال ولدها--فى ذات الوقت دخل الاب الى المنزل )

الاب:سلام عليكم ورحمه الله وبركاته
الاب:سـلام عليكم ورحمه الله وبركـــــــــــــــــاته
الام:السلام عليكم ورحمه الله -- السلام عليكم ورحمه الله
معلش يا ابو احمد كنت بصلى الفجر
الاب :ربنا يتقبل منك يارب
الام :وانت صليت
الاب: الحمد لله صليت فى المسجد اللى على اول الشارع
هو الواد احمد ما قامش يصلى الفجر ولا اية قوميه يصلى يمكن ربنا يرضى عنه وينجحه السنادى بمجموع كبير ويرفع راسنا قدام احواتى ولا اخواتك
الام:معلش يا ابو احمد اصل كان سهران بيزاكر مع اصحابه ورجع نام علطول
الاب:اة يا خوفى من اصحابه دول
اهم اصحابه دول اللى انا قلقان منهم خصوصا الواد اللى اسمه ميدو
الام :ليه شوفت عليه حاجه وحشه
الاب:لا بس لما احمد يصحى الصبح خليه يصحينى علشان عاوزه قبل ما يروح هنا ولا هنا
الام:خير يا حج فى اية قلقتنى
الاب:مافيش حاجه بس عاوز اشوفه بقالى كام يوم مشوفتهوش
الام:طيب لما نصحى الصبح هقوله باذن الله

(يا ترى ابو احمد عاوز احمد ف اية وياترى شاف احمد وميدو ولا حد اشتكاله منهم----- دة الى هنعرفه فى الحلقه الجايه ان شاء الله بعنوان --- فخ الاصدقاء)

**Ayman_M** · 25-12-2011, 08:56 AM

رد: يحكى ان ..... !!! متجدد ان شاء الله

الحلقه الرابعه --- فخ الاصدقاء
------------------------------------------------

(عاد ميدو فى طريقه بعد ان اوصل صديقه محدثا نفسه)

ادى اللى كان ابويا عمال يقولى ياريتك تبقى زيه ولا ف ادبه واخلاقه ييجى يشوف الاخلاق الحميده ولا ابوة التانى اللى طالعلى بيه السما وعمال فى كل حته ابنى متفوق ابنى كذا ابنى كذا ابن الـــ - - -
لما قلب عليا ابويا ومنع المصروف ماشى ياانا يانت يا احمد

وقطع تفكيره صوت الاذان

الله اكبر الله اكير
لا اله الا الله

واكمل فى طريقه الى منزله وهو متمتم بعبارات والفاظ غاضبه على احمد و والده ووالد ميدو نفسه )

(استيقظ احمد فى حوالى الساعه الثانيه عصرا واذا بامه تناديه)
الام: احمد حبيب قلبى
حماده اصحى يا قلبى علشان تفطر انت هتقضى اليوم كله نوم كدة
احمد:فى اية بس يا ماما ما تسيبينى انام شويه
الام:مالك يا حبيبى من امبارح هو انت فى حاجه مضايقاك
احمد:لا يا امى بس تعبان م المذاكره بتاعه امبارح اصل المواد كانت تقيله اوى
هههههههههههه
الام: ماشى يا حبيبى ربنا يوفقك
قوم اغسل وشك وادخل الحمام على ما اعملك الشاى تشربه وانت بتفطر و بعد ما تفطر كلم ابوك كان عوزك
احمد: احم احم ..خير يا ماما متعرفيش فى اية عالصبح
الام: علمى علمك يا ابنى يا خبر بفلوس دلوقتى يبقى ببلاش

(احمدفى رعب محدثا نفسه)
اوبااا ابويا شكله شافنى
ولا تلاقى الولا عماد الندل قاله
اووووف مانا عارفه عيل واطى ويعملها
ولا يكونش حد من اصحابه قاله
بص انت تعمل عبيط وتروح تبلفه بكلمتين

احمد:حجووووج صباح الفل يا عم ابا احمد
الاب:فى اية يلا انت قايم فايق ورايق كدة عالصبح
وبعدين قايم متاخر ليه كده وتلاقيك ضيعت الظهر زى الفجر
احمد:معلش باه يا حجوج انت عارف احنا داخلين على امتحانات باه وعاوز ارفع راسك فووووق انت مصرى
الاب :هههههه ما دة اللى بناخدة منك مانت حلنجى المهم اقعد عاوز
احمد: خير يا بابا تحت امرك
الاب :اية الادب المفاجئ دة
مع ذلك اسمع يا سيدى انا عاوزك تقلل علاقتك بميدو ابن الحاج سمير
احمد (مرتبكا): للللليه هو هو حد قالك عليه حاجه وحشه؟
الاب: لا يا حبيبى بس من كلامى مع ابوة فى الشغل حسيت انه بيغير منك اوى خصوصا لما سمعت ابوة بيقارنه بيك ولقيته عمال يزعق فى التليفون بعدها ويقول لابنه طيب ياريتك تبقى ف نص شطارته ولا ف نص اخلاقه وادبه
احمد:خلاص يا بابا حاضر انا هحاول اقطع علاقتى بيه شويه
تامرش باى حاجه تانيه
الاب: مش عاوز انت حاجه منى قبل ما اروح المحل
احمد :يا بابا انت لسه جاى من الشغل اقعد كل اى حاجه يعنى دة اكرام الضيف واجب هههههههههه
الاب: ما شى يا ابن الواجب انا اتغديت خلاص والمفروض افتح المحل باة ورانا مصاريف متلتله ودروسك قاطمه وسط البيت
احمد: جينا باة للكلام اللى يقطع القلب
هانت يا بابا كلها كام شهر ونخلص من الثانويه العامه وادخل كليه كبيره ان شاء الله واشتغل واقعدك معزز مكرم فى البيت
الاب: ربنا يوفقك

(ومرت الايام والشهور وتلتها السنين وحال احمد من سئ الى اسوء وقد اصبح عاق لوالديه كثيرا لطلب المال حتى علم والده بتغيبه عن الدروس الخصوصيه وانه ياخذ المال ويصرفه وحين مواجهته صاح فى ابيه وترك المنزل غاضبا لعده ايام حتى اصرت الام على الاب البحث عن فلزة كبدها ---- و ظهرت نتيجه الثانويه ويدخل احمد كليه التجاره - وعماد كليه الهندسه - وميدو كليه شرطه --- سار كل منهم فى طريقه ليبدا حياته --- اما عن احمد بعد ان ساءت حاله وضاقت نفسه بدا يبحث عن السعاده التى فقدها وظل يبحث هنا وهناك فى جلسه ليليله او علاقه مع فتاه او حتى فيلم يشاهده الى ان اتى اليوم الذى غير حياته من اليسار الى اليمين )

عاوزين تعرفوا اية اللى حصل تابعونا ان شاء الله
الحلقه القادمه بعنوان -- امى الحبيبه

**Ayman_M** · 30-12-2011, 02:53 AM

رد: يحكى ان ..... !!! متجدد ان شاء الله

الحلقه الخامسه-امى الحبيبه
-----------------------------------------------------------------------
(فى ظل ظلام دامس على صوت طرقات على باب وكعادته كان احمد عائدا من احدى سهراته الليليه وفتحت له امه الباب)

احمد:ساعه عالباب انتوا نايمين ولا ايه
الام(وفى صوتها نبرة حزن):لا يا حبيبى بس كنت مش سامعه صوت الباب
احمد:طيب طيب
الام :جعان يا حبيبى اجيبلك تتعشى
احمد:لا اكلت بره وهدخل انام
الام :طيب عاوز منى حاجه يا حبيبى
احمد:هو هنا ولا سهران فى الشغل
الام :لا بابا لسه فى الشغل مانت عارف
احمد:احسن بردة

(ودخل احمد الى غرفته تاركا امه فى شده الحزن وتلمع فى عينيها قطره دمع لو علم هذا الشاب بحرارتها وما تحمله من حزم واسى لضحى بعمره كله على الا ترى عيون امه تلك القطره الغاليه من الماء وبعد ان اغلق الباب تناول هاتفه و اتصل على رقم ما)

احمد:اية يا بنتى انتى لحقتى تنامى مانا قايلك هكلمك اول ما ادخل البيت
المتصله:لا بس بتقل عليك شوايه انت فاكرنى بايره ولا ايه
احمد:وانتى فى حد يعرفك غيرى اصلا
المتصله:لالا ارجزك اوعى تغير دانا حواليا كتير
احمد:تلاقيهم بيحدفوكى بالطوب هههههههههههههههه
المتصله: كدة طيب انا زعلانه منك باه يلا هيه
احمد:لالا وانتى تعرفى انى اقدر على ذعلك
المتصله:ايوة كدة اتكلم معايا بادب يا ولد
احمد:حاضر يا مامتى انا مش هزعلك تانى ابدا
المتصله:ها عملو فيك اية فى البيت لما روحت
احمد:ولا حاجه كالعاده يعنى امى كانت نايمه صحيت فتحتلى الباب ودخلت تكمل نوم
المتصله:والله انت ما عندك دم يعنى المفاتيح ف جيبك وتصحى مامتك علشان تفتحلك
احمد:هسسسسسسس بقولك اية انتى مش عارفه حاجه متفتحيش السيره دى
المتصله :برحاتك بس دى امك وبتعاملها كدة امال لما نتجوز هتعمل فيا اية
احمد:هعمل عبيط
هاهاهاهاهاهاها

(وفى ذات الوقت كانت الام الحنونه واقفه فى غرفه نومها على سجاده الصلاه تصلى قيام ليل داعيه الله عز وجل ان يصلح لها حال ولدها وان يتوب عليه ويغفر له ويرحمه وتذكرت حينما وضعته طفلا صغيرا ونظرت فى عيناه ما اجمل عينا هذا الطفل وتذكرت حين سالت نفسها -او انت سندى حين يبلغ منى الكبر مبلغه واكون امراه عجوز هل ستتحملنى وتتذكر يوم كنت صغيرك وكم كنت احبك واحن عليك وانهارت دموعها على ما كانت تعلقه من امال على ولدها وعلى نهره لها وعلى سخطه الدائم على حاله وحال اسرته فعادت تعدو له بالهدايه وان يسامحه الله على ما يؤتى معهما من افعال)

(انهى احمد اتصاله بعد اكد على ميعاد اللقاء ووقف فى الشرفه حاملا فى يده سيجاره كان يدخنها فشرد ذهنه قليلا الى ما كانت عليه حاله منذ سنين عده كيف كان معروف بطيب الخلق والادب الرفيع كيف كانت معامله اسرته له وكيف تغيرت معامله كل من كان يعرفه واخذ يسال نفسه كيف اعود ما ذا بوسعى ان اعمل كى اعود لما كنت عليه
واذ به يستيقظ من حلم اليقظه خاصته على صوت اذان الفجر وتمتم بصوت عالى
-ياااااااااه دانا بقالى كتير اوى مصلتش الفجر-
ولكن لم يتركه الد عدو لبنى الانس ودار بينهما حوار .....)

احمد:يااااااااه ده انا من زمان مصلتش فعلا
الشيطان:ياعم صلاه اية مينفعلكش صلاه
احمد:اة تصدق فعلا انا لسه مفوقتش
الشيطان :اة ياعم وبعدين هتفصل الدماغ اللى انت عاملها دى دماغ متكلفه
احمد:افففف لا وكمان لسه الفيلم بتاع امبارح شايفه عمال يجرى ف دماغى
الشيطان :ما تولع سيجاره تدفينا فى البرد دة
احمد :اة برد والميه سقعه ومش هعرف اتوضا
انا هدخل انام
واااااااااااااااااااااااااااااه
الواحد عمال يتاوب كانه منامش من سنين

(ذهب الى فراشه وهو جاهل ببكاء امه على حاله ودعائها له-- غط فى نوم عميق متجاهلا ما يفوته من صلاه قال عنها رسول الله صلى الله عليه وسلم انها خير من الدنيا وما فيها
--- واتت فتره الظهيره وكعادتها الام الحنون دخلت كى تيقظ ابنها)

الام:حماده
احمد:خخخخخخ....(شخير)......
الام :اصحى حبيب قلبى مشوفتكش من امبارح
احمد:هاه......
الام :اصحى يا قلبى انت واحشنى ونفسى اشوفك اية هو انا مبوحشكش
احمد:خخخخخخخ..........
الام:انت نمت تانى
احمد:هاه لالا صحيت اهو
الام: طيب قوم اقعد معايا شويه
احمد:لما ابقى اصحى ابقى اعد معاكى شويه بس سيبينى انام خمس دقايق
خمس دقايق بس
الام:طيب اصحيك امته
احمد :عالساعه 5 علشان عندى مشوار مهم

(ما ان غادرت الام غرفه الفتى حتى غط فى نوم عميق وكانه لم يشعر بمحادثته مع امه الى ان جائت الساعه الخامسه فذهبت الام لايقاظه واذ بها وجدته مستيقظا مرتديا احلى ما عنده من لباس متعطرا يصفف شعره اما المراه -لم يلحظ الفتى حتى دخول امه عليه ونظره الحب التى على وجهها له ونزل مسرعا حتى يلقى الفتاه التى حدثها على الهاتف ليلا ولكنه وجد مالم يكن يتوقعه ابدا......)

احمد:تااااااااااااكسى
السائق :على فين يا ابنى
احمد:(الشارع الفلانى)
السائق :اتفضل
احمد :احم احم ما توطيلنا القران دة شويه ياعم الشيخ على ما اتكلم فى الموبايل
السائق :حاضر يا ابنى

(و راى احمد كتيبات دعويه صغيره كان قد وضعها السائق بالسياره عسى ان يهدى الله به احد وكان اول كتيب دعوى لفت انتباه احمد بشده من قوة عنوانه)

احمد:يا ساتر يارب ايه ياعم الشيخ الفال اللى على الصبح دة
السائق :خير يا يا حبيبى
احمد:ينفع كدة لسه هقول الو الاقى قدامى الموت قادم قادم قادم
السائق :يا حبيب قلبى ما كلنا هنموت ونقابل ربنا ونتحاسب على كل صغيرة وكبيره اتقيدت فى الصحف

(وقعت كلمات السائق كالمطرقه على قلب احمد وكانه ولاول مرة يسمع تلك الكلمات فاعاد هاتفه الى جيبه واعتدل فى جلسته محدثا السائق)

احمد:ايوة كلنا هنموت بس مش معنى كدة كل شويه تموتنى من الرعب قبل ما اموت
السائق :لا حول ولا قوة الا بالله
هو فى رعب يموت قبل الموت
الرعب الحقيقى هييجى بعد الموت
الرعب الحقيقى لو ربنا حرمك من نعمه رؤيته
الرعب الحقيقى لما تيجى ملائكه العذاب لتقبض روح الانسان الذى لم يؤمن ولم يتعظ بايات الله والتحزيرات والانزارات ومعها كفن من جهنم
الرعب الحقيقى لما ربنا سبحانه وتعالى يقول
بسم الله الرحمن الرحيم
خذوه فغلوه ثم الجحيم صلوه ثم في سلسلة ذرعها سبعون ذراعا فاسلكوه إنه كان لا يؤمن بالله العظيم ولا يحض على طعام المسكين فليس له اليوم هاهنا حميم ولا طعام إلا من غسلين لا يأكله إلا الخاطئون
انت متخيلالرعب دة يا ......
انت اسمك ايه ؟
احمد(فى صوت متقطع):اا اسمـ ـ ـ ى أحمـــ ــد
السائق:متخفش يا حبيب قلبى دة جزاء من لم يؤمن بالله
اما المؤمنون ان شاء الله ربنا يجلعنى انا وانت منهم
لما تقبض روحه ياتى ملائكه الرحمه ومعهم الكفن والحنوط من الجنه يتمتعوا برؤيه الله سبحانه وتعالى يوم القيامه ما بالك باه بوصف الجنه فيها ملا عين رات ولا اذن سمعت
احمد(مقاطعا للسائق):نزلنى هنا نزلنى هنا
السائق :حاضر بس خد الكتيب دة واقراه هتفهم منه افضل من كلامى ان شاء الله ولما تخلص ابقى اديه لواحد تانى
احمد:طيب .. شكرا
السائق:الشكر لله يا حبيب قلبى ربنا يبارك فيك ويحفطك لاهلك

(سار احمد على قدميه بعد ان انهال عليه كلام السائق وكانه يسمعه لاول مره وظل صوت السائق يتردد فى اذنه وهو يدعو له بان يحفظه الله لاهله ومر اما عينيه شريط اسائته لابيه ولامه وتذكر امه حين ايقظته باكر واخبرته انها مشتاقه اليه وانها لم تراه ولم يشعر الا برغبه فى ان يلقى نفسه فى حضناه ياااه ما اجملها من راحه حين يلقى المرء بنفسه فى حصن امه يا له من شعور ليس له مثيل
ولم يشعر احمد الا وانه قد وصل الى مكان سكنه وسمع صوت المسجد وهو يقيم الصلاه فهم بخطوات مسرعه الى منزله قبل ان تدخل امه فى الصلاه كى تفتح له باب المنزل
وقرع احمد جرس الباب ولم يجد مجيب فاخذ يطرق على الباب مرة واخرى ولم يجد اجابه
فبدا يستشعر القلق وتذكر انه كان يحمل مفاتيحه دائما معه ولكنه كان ينسى انها معه لانه عادة ما يعود مترنحا الى المنزل فـــــهم بفتح الباب مسرعا فى انحاء الشقه حتى وجد امه ساجده فى غرفتها
فبدا قلبه يطمئن
وجلس على حافه الفراش منتظرها ان تنتهى من الصلاه
ولكنها اطالت فى السجود
فبدا يرتعد قلبه مره احرى مناديا على امه
يا امى
يا امى
فقام مفزوعا من على الفراش وزهب يحرك امه وهى ساجده فاذ بها تسقط على جانبها
فاخذ ينادى عليها يا امى امى
ردى عليا يا امى
ولكنها لم تجيب فاخذ هاتفه واتصل بابيه
يا ابى انجدنى ماما كانت بتصلى ووقعت ومبتردش
مرت دقائق قليله ودخل الاب الى المنزل ومعه الطبيب

الاب :خير يا دكتور
الطبيب: لا حول ولا قوة الا بالله
احمد:فى اية يا دكتور؟؟
الطبيب :انا لله وانا اليه راجعون

(وسقط الاب هاويا على الاريكه ووقف احمد ناظر لامه قائلا )
احمد: كده يا امى تسيبنى وتمشى قبل ما اعتزرلك
مش كنتى بتقولى ان انا واحشك تقومى تسيبينى وتمشى
قومى يا امى انتى بتضحكى عليا انتى عاوزة تقلقينى عليكى
خلاص والله انا اسف
انا مش هزعلك تانى ابدا
والله اسف
هبطل اتاخر
هقعد معاكى علطول
يلا يا امى
ماما حبيبتى ردى عليا
ردى عليا

(والقى بنفسه فى حضن امه صارخا
اااااااااااااااااااااااااااااااااااااااااااه
اه يا امى كان نفسى احضنك الحضن ده من زمان اوى
حضنك جميل اوى يا امى
امــــــــــــــــــــــــــــــى
وصدرت اهه اخرى من قلبه قبل لسانه
وتملكت منه حاله انهيار وبكاء شديد
حتى سقط على الارض فى حاله اغماء من شده البكاء
فحمله الحاضرون الى غرفته

وراى اغرب حلم راه فى حياته

انتظروا فى الحلقه القادمه -- الحلقه السادسه: بعنوان بين الواقع والخيال

**Ayman_M** · 30-12-2011, 11:14 PM

رد: يحكى ان ..... !!! متجدد ان شاء الله

الحلقه السادسه بين الواقع والخيال

(فى ظلام دامس يبحث احمد بنظرة عن اى شئ يراه فوضع يده اما وجهه ولم يراها فوقف خائفا وترددت على شفتيه كلمات متتباعه - انا فين - انا فين -انا فين حتى وجد صوت يجيب عليه)

-الصوت:احمــــــــــــــــــــــــــــد
-احمد: ميـــ ــ ــ ـن؟
-الصوت:انا ماما انت مش عرفنى
-احمد:ماما ازاى .. طيب انتى فين وايه الظلمه دى
-الصوت :الظلمه دى انت السبب فيها
-احمد: افـــــــــــ اية الريحه دى
-الصوت:دى ريحتك
-احمد:ايه دة انتى مستحيل تكونى ماما
-الصوت(فى ضحكات مرعبه): ها هاها هااا هاهاهاهاهاها
-احمد(مرعوبا):انت مين وبتعمل فيا كدى ليه خرجنى من هنا
-الصوت:اخرجك دانا مصدقت ان انت تدخل هنا
-احمد(بقسوة):فين هنا؟؟؟؟؟
-الصوت:انت ميت ...ميت ...ميت ... هاهاهاهاهاهاها
-احمد :انت كذااااب اكيد انت كذاب لما انا مت ازاى بكلمك
-الصوت:مانا طول عمرى بكلمك واقولك تعمل اية وتنفذ وانت كنت عبد للمعاصى مطيع
انتم بنى الانس يااااااااااااااااه ده انا بكرهكم كره
-احمد:انت مين رد عليا................؟
-الصوت :انت لسه معرفتنيش؟
انا اللى شجعتك تاخد اول نفس فى السيجاره وسيبتك وانت مدمن
انا اللى شجعتك تعاكس اول بنت وسيبتك وانت زانى
انا من شجعك على نهر والديك
انا من شجعك على المعاصى
انا من شجعك على عصيان جبار السماوات والارض
انا من قال لربه انظرنى الى يوم يوعدون فاملا منهم جهنم
-احمد:مستحيل .. مستحيل تكون الشيطان
طيب انا هتشاهد قبل ما اموت علشان ادخل الجنه
-الصوت : كان زمـــــــــــــــــــــــــــان متحاولش انت مت خلاص
-احمد:رب ارجعون .. رب ارجعون .. يارب ارجع واوعدك بالطاعات يارب
-الصوت:لسه جاى تفتكر الله دلوقتى كام انذار ربنا انذرك بيه
-احمد(باكيا): رب ارجعون .. رب ارجعون .
-الصوت(مرتبكا):انا لازم امشى دلوقتى دول جايين
-احمد:مين دول؟
-الصوت :ملائكه العذاب
-احمد:هاه .. دول معاهم كفن من جهنم هعمل اية هعمل ايه هعمل اية
انا غلطان انا اسف
دلوقتى عرفت انى كنت غلط

(وانهمر احمد فى البكاء بطريقه هيستيريه بين البكاء والخوف واذا به يشعر ان احدا ممسكا بقدمه وفجاه استيقظ من نومه مرددا اشهد ان لا اله الله واشهد ان محمدا رسول الله واذ بوجه مضى امامه يغمره النور اصحى يا حبيب قلبى-تذكر ذلك الصوت انه صوت امه فالقى بنفسه فى احضانها باكيا قائلا)

-احمد:ياااااااااااااااااااااااااااااه يا امى اما انا حلمت حته حلم مرعب اوى واصعب ما فى الحلم انى فقدتك يا امى
الحمد لله انى رجعتلك
-صوت الام: طيب اصحى يا حبيبى ابوك محتاجلك وخلى بالك من نفسك
-احمد:انتى هتسيبينى ولا اية؟
(لم يجد اجابه فنادى)
امـــــــــــــــــــــــــــــــى

(فى ذلك الحين كان الاب واقفا يدعو الله على ان لايفقد الزوجه والابن فى نفس اليوم ويبكى ويدعو الله ان يرحم زوجته واخذ يتذكر كيف كانت فى كل صلاه تحثه على النزول الى المسجد كيف كانت اول ليله فى زواجهما حين استيقظ من نومه فوجدها تصلى قيام ليل داعيه الله ان يبارك لها فى زوجها شاكره حامده لنعمه سبحانه وتعالى كانت تستيقظ الليل كله مقيمه للصلاه ولا يغمض لها جفن الا بعد ان تطمئن على اسرتها-- فبكت عينه على فراقها داعيا الله لها بالرحمه واذ به يرى دموع تسقط على خدى ابنه الراقد على الفراش وهو فاقد للوعى منذ تلقيه لخبر وفاه امه وسمعه يتمتم - امى -امى لا تتركينى يا امى انا محتاجك معايا - فامسك الاب براسه بين يديه مقبلا جبينه فافاق الفتى ونظر الى عينى والده التى اغرقها الدمع سائلا اياه عن امه وما ان ساله حتى زادت الدموع فى عينى ابيه ساقطه على خدى الفتى حتى اختلط دمع بكائهما ببعض وحزنهما على الزوجه والام)
------------------------------------------------------
(ما ان مرت الاسابيع وبدات الامور تهدا وتعود الى طبيعتها وبدا الاب يعود لينتظم فى عمله - اما بالنسبه لاحمد فلم يخرج من بيته بل لم يخرج من غرفته الا لدخول الخلاء او ليطمئن على ابيه حتى اذا تذكر ذلك الحلم العجيب وتذكر الحديث الذى دار بينه وبين الصوت المخيف وما قاله عن ملائكه العذاب واخذ يفكر تفكيرا عميقا فى ذلك الحلم وعند شهادته بان لا اله الا الله وان محمد رسول الله ومدى قوتها وقوة خروجها من قلبه لكن هو لم يعلم شئ من قبل عن ملائكه الرحمه او العذاب الا من اسمهم - ف اتجه الى حاسوبه ودخل المواقع البحثيه باحثها عن ملائكه العذاب)

فيا هل ترى ماذا وجد....!!!

تابعونا الحلقه القادمه ان شاء الله
الحلقه السابعه تحت عنوان --- قاتل المئه

**~~الداعي إلى الله تعالى~~** · 01-04-2013, 03:21 AM

رد: يحكى ان ..... !!! متجدد ان شاء الله

جزاكم الله خيراً

إعـــــــلان

يحكى ان ..... !!! متجدد ان شاء الله

يحكى ان ..... !!! متجدد ان شاء الله

تعليق

تعليق

تعليق

تعليق

تعليق

تعليق

تعليق

تعليق