Tweet
أنا حاسس إني ماليش هدف
السلام عليكم و رحمة الله و بركاته ,
مباشرة و بدون مقدمات ,
أنا عاوز آخد رأيكم في حاجة ,
أنا حاسس إن الحياة مش ممتعة أبدا ,
حاسسها مملة جدااااااااااااا
و كنت بتمنى لو كان الانتحار حلال كنت انتحرت و خلصت ,
مش علشان فيه مشاكل و لا حاجة ,
بالعكس الحمد لله مافيش مشاكل ,
أنا بشتغل بمرتب كويس , و في وظيفة كويسة ,
و أسرتي متوسطة و متعلمة و كويسين الحمد لله ,
و الحمد لله مافيش مشاكل ,
بس برضو مش حاسس إني عاوز أعيش ,
طبعا الرد الطبيعي إنكم هتقولوا :
إن ربنا خلقنا للعبادة ,
تمام ,
أنا الحمد لله بصلي و بحاول أصلي في المسجد كل الصلوات ,
بحاول الانتظام على قراءة نصف جزء من القرآن كل يوم ,
بصوم رمضان الحمد لله و ست شوال و 10 ذو الحجة و عاشوراء - بصراحة مش بعرف أصوم تطوع كتير -
بتصدق الحمد لله كل شهر لما أقبض المرتب ,
بحاول أنشر مواضيع دينية على النت و الفيس بوك و كده ,
و يعني ,
يعني الحمد لله بعبد ربنا برضو ,
بس بصراحة يعني و اعذروني ,
مش حاسس إن عندي هدف عاوز أعيش علشانه ,
مافيش حاجة كده نفسي أعملها في الدنيا خالص ,
حتى الزواج , ماليش نفس أتجوز , يعني مش هدف بالنسبة لي ,
ياترى انتوا إيه الهدف اللي عندكم في الحياة ؟؟
بس ياريت بتفصيل ,
يعني مش علشان أعبد ربنا , أو أرفع راية الدين أو ....
مش عاوزين تعميم , عاوز تفصيل الله يكرمكم ,
ممكن ألاقي هدف عند حد يجتذبني فأعيش علشانه ,
و عذرا على الإطالة ...
جزاكم الله خيرا
.
]سبحان وبحمده سبحان الله لعظيم
تعليق