[نقاش] ما رأيكم فى موقف الشيخ حازم تجاه المجلس العسكرى

[obuida]

السلام عليكم ورحمة الله وبركاته

إزيكم يا اخوانى..كل سنه وانتم جميعاً بألف خير

فيه موضوع محيرنى ومخلينى قلقان اوى وحبيت اتشارك معاكم وأشوف رأيكم

موقف الشيخ حازم ابو اسماعيل تجاه المجلس العسكرى

الأول انا من مؤيدى الشيخ حازم

بس الشيخ لما بسمعه بيتكلم بترعب وبحس ان المجلس العسكرى ده خاين وضد مصر وشعبها

والشيخ بيقول كلمات كبيره زى الجهاد << ضد طبعاً الجيش وحجات كبيره اوى

انا مش عارف يعنى انا شايف ان كل اعداء مصر بيحاولوا يوقعوا بين الشعب والجيش وكلامه بيدل على ان لازم يبقى فيه صدام بين الناس والجيش

بس ياجماعه لو سقط الجيش فماذا سيبقى لمصر

انا عايز كل واحد يقلى وجهة نظره ويطمنى

بارك الله فيكم وكل سنه وانتم طيبين وبألف خير

[عمر إسماعيل]

رد: ما رأيكم فى موقف الشيخ حازم تجاه المجلس العسكرى

اقرأ مقال الدكتور محمد علي يوسف
عن جمعة المطلب الواحد أحدثكم
وهو الصراحة مقال أعجبني كثيراً يلخص ويبسط رأيه بكل إنصاف وعدل وحكمة على المجلس العسكري

[obuida]

رد: ما رأيكم فى موقف الشيخ حازم تجاه المجلس العسكرى

جزاك الله خيراً اخى ابو سفيان

أنا قرأت الموضوع وهو موضوع غايه فى الروعه ولا اختلف معه كثيراً

انا عارف ان المجلس بيستهبل وبيستعبط وبيخلى الجميع يشك فى سؤء نيته

لكن يا اخى مش شايف الى حصل فى ماسبيرو وقبله فى العباسيه ، هوه ده الى انا خايف منه

أنا متفق ألف الميه ان العسكر لازم يمشوا وبأسرع وقت وعارف انهم كل شويه بيمدوا الفتره وغيره

بس ألا ترى ان هناك مخطط لتوقيع الشعب معه الجيش فهذا فقط ما اخشاه..هيبقى ايه الحل لو حدثت مواجهات بين

الناس والجيش والتى سيرها اعداء مصر أرض خصبه جداً فى يوم 18

فا ايه رأيكم ..حد يطمنى يا جماعه

[obuida]

رد: ما رأيكم فى موقف الشيخ حازم تجاه المجلس العسكرى

و عليكم السلام ورحمه الله و بركاته
كل سنه وانتم طيبه

اولا انا مش من مؤيدى الشيخ ومش هرشحه دى حاجه
الحاجه التانيه انى بحس انو بيقوم الشعب على الجيش

والمفروض ان احنا نصبر اكيد ربنا هياخد بأيدينا
وان شاء الله وضع البلد هيتحسن
بس لما نبطل ان كل واحد يدور على مصلحته
وبرضه نبطل اعتصامات ومظاهرات فئويه
عشان لازم نهدى ونستقر

ربنا يستر علينا
موضوعك حلو ...مستنيين بقيه الاراء
ربنا يبارك فيكم

اختنا رثاء

احترم رأيكم واقدره واتفق معكم انه مايبقاش فيه مطالب فئويه الأن مثل الى قاعد فى شغله ويعتصم او الى مبطل شغل ويقلك عايز فلوس وكده (فى هذه الفتره)

لكن مطلب ان العسكر يسلموا الحكم بسرعه لبرلمان ورئيس منتخب فى اسرع وقت هوه مطلب شعبى ولا يختلف عليه احد تقريباً لذالك فهو ليس بمطلب فئوى بل هوه مطلب ضرورى جداً لإستكمال الثوره وحل مشاكل الناس من خلال حكومه منتخبه تعبر عن الشعب

وكمان اتفق معكم انو لازم نصبر فالتدرج من سنن الله ولكن ايضاً لا نغفل الأخذ بالأسباب..فعندنا تجربه سابقه شبيه بذالك وهي ثورة 23 يوليو

جزاكم الله خيراً ونفع بكم

[the legand]

رد: ما رأيكم فى موقف الشيخ حازم تجاه المجلس العسكرى

كل كلام الشيخ ولا هيعمل حاجه ولا حتى هيحرك طرف عين من المجلس العسكرى

عارف ليه !

لان ببساطه راحت الفرصه على اى من السلفيين او صوفيين او اخوان ولا شيعه حتى فى انهم يثبتوا وجودهم !

كان ممكن تبقى حركه عبقريه اذا لم يقع المسلمين فى الفخ ويتصوروا ان ثورة مصر هو ثورة الهيه !

فات الوقت على ان يدعم الشعب فرسان الثورة الحقيقين الذين كان من المفترض عليهم ان يعوا ويفهموا الاحداث وكيف يحركها اليهود تماما كما وصفها كاسنجر بان مصر ما هى الا اول مهمه مسرحيه !

دلوقتى الشعب اتقرطس وخاف من الانفلات الامنى وتدهور الاقتصاد و....و.....


فمن المستحيل ان يدعم الشعب الغلبان احد مهما كان ...لان ببساطه الشعب دلوقتى يهمه الاقتصاد وانه يعيش فى امان وكفايه مظاهرات

تلك نظره المواطن المغلوب على امره فى الشارع !

زى ما قلت لزميلى بسخريه ( اليهود مش هيلاقوا اقوى من المجلس العسكرى كطاغيه يكربج به المصريين حتى يلاقوا هم ومجلسهم العسكرى يومهم الموعود )

والاكثر سخريه ان الشيخ مش فاهم ان المجلس العسكرى ضحك عليه وعلى كل الاحزاب وخد الشعب فى صفه وتلاعب بالجميع !

game over !

عموما نتمنى معجزة الهيه تغير حال الناس بعد ان اضلوهم احزابهم وحكامهم واصبح المواطن معدتش فاهم حاجه فى اى حاجه !

عموما زى ما قلت لزميلى اه كويس ان المجلس العسكرى هيعمل للشعب برلمان شعب وشورى

وكفايه على الشعب كده !

[obuida]

رد: ما رأيكم فى موقف الشيخ حازم تجاه المجلس العسكرى

كل كلام الشيخ ولا هيعمل حاجه ولا حتى هيحرك طرف عين من المجلس العسكرى

عارف ليه !

لان ببساطه راحت الفرصه على اى من السلفيين او صوفيين او اخوان ولا شيعه حتى فى انهم يثبتوا وجودهم !

كان ممكن تبقى حركه عبقريه اذا لم يقع المسلمين فى الفخ ويتصوروا ان ثورة مصر هو ثورة الهيه !

فات الوقت على ان يدعم الشعب فرسان الثورة الحقيقين الذين كان من المفترض عليهم ان يعوا ويفهموا الاحداث وكيف يحركها اليهود تماما كما وصفها كاسنجر بان مصر ما هى الا اول مهمه مسرحيه !

دلوقتى الشعب اتقرطس وخاف من الانفلات الامنى وتدهور الاقتصاد و....و.....


فمن المستحيل ان يدعم الشعب الغلبان احد مهما كان ...لان ببساطه الشعب دلوقتى يهمه الاقتصاد وانه يعيش فى امان وكفايه مظاهرات

تلك نظره المواطن المغلوب على امره فى الشارع !

زى ما قلت لزميلى بسخريه ( اليهود مش هيلاقوا اقوى من المجلس العسكرى كطاغيه يكربج به المصريين حتى يلاقوا هم ومجلسهم العسكرى يومهم الموعود )

والاكثر سخريه ان الشيخ مش فاهم ان المجلس العسكرى ضحك عليه وعلى كل الاحزاب وخد الشعب فى صفه وتلاعب بالجميع !

Game over !

عموما نتمنى معجزة الهيه تغير حال الناس بعد ان اضلوهم احزابهم وحكامهم واصبح المواطن معدتش فاهم حاجه فى اى حاجه !

عموما زى ما قلت لزميلى اه كويس ان المجلس العسكرى هيعمل للشعب برلمان شعب وشورى

وكفايه على الشعب كده !

وجهة نظر غريبه جداً

بس انا مش عارف انت بتصدق ان اليهود هما الى مخططين ده ازاى

وجهة نظر تُحترم وجزاك الله خيراً

[the legand]

رد: ما رأيكم فى موقف الشيخ حازم تجاه المجلس العسكرى

وجهة نظر غريبه جداً

بس انا مش عارف انت بتصدق ان اليهود هما الى مخططين ده ازاى

وجهة نظر تُحترم وجزاك الله خيراً

اعرف ان وجهه نظرى غريبه

لكن دا مش علشان هى غريبه اصلا !

لكن للاسف باتى من نص الكلام الكلام واخذ منه مختطلفات فيظهر كلامى غريب وغير مفهوم

فاعذرنى لانى دائما بختصر فى كلامى قدر اماكنى

بالنسبه لليهود...فدا بديهى ...منذ العراق ..ثم ليبيا ...ثم سوريا ......ثم مصر

كان ممكن ببساطه ان نتسائل لمذا تدخل الناتو فى ليبيا ولم يتدخل فى سوريا !

لماذا دمرت امريكا العراق مثلا ولم تدمر ايران رغم ان ايران تمتلك سلاح نووى عينى عينك !

ولماذا ولماذا !

هتجد اننا لو فكرنا فى الاحداث كلها لوجدتها- طبقا للمفهوم العادى- احداث غير مفهومه

تحركها عقول توجه تلك الاحداث نحو غايه ثم الغايه التى تليها وهكذا !

بالنسبه لمصر ...فبستعجب جدا جدا ان الناس مش مصدقه ان ثورة مصر اول من احتفل بها كانوا اليهود وان اظهروا عكس ذلك !

ثورة يا راجل كل ما يمكن فعله لتنفيذها هو فقط ان يستخدموا مطيتهم مبارك فى اجبار الشعب على الثورة

من الميزان القرانى اللعب على وتر الناس الحساس فى المعيشه وبعد ذلك سوف ترى الغضب الشعبى

تلك كانت فكره ثورة مصر ببساطه شديده !

ليست معجزه كما يتصورها البعض بالنسبه لعقول بنى اسرائيل اللى ياما عملوا ثورات فى الاض كلها بنفس الطريقه !

دى شغلتهم

ولما تلاقى الناس مش حاسه بتغيير بعد الثورة والاحزاب ماسكه فى بعض

او مثلا الناتو يستمر فى ليبيا شهر ولا كام شهر كمان وابقى نتقابل لو خرجوا منها !

او مثلا سوريا محدش يدخلها لحد ما تصبح سوريا خرابه كما هو مطلوب ومخطط لها !

يبقى علطول تعرف ان ختم اليهود على قفا الثورات دا كلها !

بس يعنى متنتظرش ان اليهود يقولوا ان الثورات دى احنا اللى علمناها علشان الناس تصدق !

لان عقولهم غير عقول العرب الحاليين اللى حياتهم من هزيمه لنكسه وهكذا !

وعموما وجزاك مثله اخى الحبيب

[obuida]

رد: ما رأيكم فى موقف الشيخ حازم تجاه المجلس العسكرى

بالنسبه اخى لأول كلامكم همه بيضربوا فى العرب وسايبين كوريا وكده فده شيء بديهى جداً لإن حربهم على الإسلام والمسلمين معروفه على مر العصور وربنا اخبرنا بذالك فى كتابه

وهيا طبعاً داخله ليبيا علشان مصالح وبترول وغيره ..فهى امه تلعب لمصالحها فقط وده معروف للجميع

لكن سؤال اخى..ليه مش متصور ان ربنا فعلاً قادر على تغير هذا ..ليه محسسنى ان الظلم لازم يفضل سايد العالم..اهذا هوه العدل؟؟

فقط اتسائل :)

وجزاك الله خيراً

[the legand]

رد: ما رأيكم فى موقف الشيخ حازم تجاه المجلس العسكرى

بالنسبه اخى لأول كلامكم همه بيضربوا فى العرب وسايبين كوريا وكده فده شيء بديهى جداً لإن حربهم على الإسلام والمسلمين معروفه على مر العصور وربنا اخبرنا بذالك فى كتابه

وهيا طبعاً داخله ليبيا علشان مصالح وبترول وغيره ..فهى امه تلعب لمصالحها فقط وده معروف للجميع

لكن سؤال اخى..ليه مش متصور ان ربنا فعلاً قادر على تغير هذا ..ليه محسسنى ان الظلم لازم يفضل سايد العالم..اهذا هوه العدل؟؟

فقط اتسائل :)

وجزاك الله خيراً

انا قلت ايران مش كوريا

بالنسبه لليبيا فيا اخى الحبيب تتحدث عن البترول
هل تعلم كم من الضربات الجويه يتكلف الناتو من الاموال الطااااااااااائله !

هل تعلم ان تدمير سوريا - بالمنطق بتاعنا - افضل عند اليهود من مجرد بترول ليبى !

الاولى انهم يدمروا سوريا مثلا لقربها لليهود بعكس ليبيا !

غير ان ليبيا منذ ريجان الرئيس الامريكى السابق وهو يكره ليبيا تحديدا !

ناتى للميزان القرانى ولسوالك :-

متى نقول ان الله سيقف بجانبنا وينصرنا

اولا ..لما الناس تصبح الصالحين فيها اكثر من الفاسدين والناس يبقى عندها اخلاق فى التعامل

يا ترى مجتمعك الصالحين اكثر ولا الفسده !

يكفى شهاده دكتور حينما قال انه من ضمن 26 حاله حضر طلوع الروح ...واحد فقط منهم نطيق الشهادتين ...اما ال 25 الاخرين فلم يستطيعوا ان تنطقها لسانهم !

ثانيا ....من فى مجتمعك يستطيع ان يصنع التغيير القرانى المنتظر ؟؟

لا يوجد عالم اسلامى اراه يستحق هذا الشرف

فلو كان منهم اناس يفهمون معنى للاسلام وللقران ....ما وصل حالنا الى ان القران نرفعه شعار ودستور لنا ونحن لا نفهم له معنى ...وتوقف فهم القران عند القرن الاول الهجرى !

فماذا تنتظر يا اخى الفاضل لتلك الامه !

ثالثا .....يوما ما ...اكيد سيكون هناك من سيصنع الفرق للمسلمين ....ولكن ما مواصفات تلك الناس ؟

هل هم اناس يقسمون العالم الى مسلمين وكفار ولا يفهمون متى يكون الجهاد........ ومتى يكون الفهم والوعى ؟

حد يفهم ليه - مثلا - امريكا واوربا لا تستطيع ان تتخلى عن دعم اليهود والا افنيت عقائدهم واصبحوا بلا عقيده !

مش ناس تنطلق تقتل فيهم وتفجر اطفالهم ونسائهم وتزيد الهوه بينهم وبين الجسر القرانى وتزداد كراهيتهم للقران وللاسلام
وبعد ذلك نرفعهم لمصاف الابطال والقديسين والشهداء !

ناس بجد بتفهم والقران له معنى فى اذهانهم وعقولهم مش بالكلام والشعارات وخلاص

لما تلاقى الناس دى موجوده ....ساعتها اقولك ربنا هيقف معانا وهيغير حال المسلمين

( ويبشر المومنين الذين يعملون الصالحات ان لهم اجرا كبيرا )

صدق الله العظيم

فعلى قدر العلو اليهودى الكبير ....يصبح بالموازه.... اجر المومنين كبير ...

بس المومنين فعلا اللى يستحقوا الشرف دا

سلام دلوقتى اخى الحبيب

وكل سنه وانت طيب

[obuida]

رد: ما رأيكم فى موقف الشيخ حازم تجاه المجلس العسكرى

على العموم اخى الكريم لا اريد ان نخرج عن سياق الموضوع

ربما نناقش ما تقوله الان فى موضوع اخر مناسب

جزاك الله كل خير وكل سنه وانت طيب :)

[عمر إسماعيل]

رد: ما رأيكم فى موقف الشيخ حازم تجاه المجلس العسكرى

the legand

بدون تعليق أو النظر في ثنايا الكلام
أرجو منك أن تصرح عن الفكر الذي تنتمي إليه ؟

[أبوالمعالـي]

رد: [نقاش] ما رأيكم فى موقف الشيخ حازم تجاه المجلس العسكرى

السلام عليكم ورحمة الله وبركاته

أخي الحبيب أنا لست من مصر ولكني مسلم

وأنا من مؤيدي الشيخ حازم وفقه الله

ومقدرش أعطي رأيي في موقفه تجاه المجلس العسكري

لأن الصورة مش واضحه تمام عندنا

لكن تأكد أن أنظار كل مسلم عربي موجهه

إلى الله بأن ييسر لنا من يحكم بكتاب الله

يعني عاوزين نفس حاكم مسلم

وأسأل الله أن يحفظ مصر وأهل مصر

[obuida]

رد: [نقاش] ما رأيكم فى موقف الشيخ حازم تجاه المجلس العسكرى

السلام عليكم ورحمة الله وبركاته

أخي الحبيب أنا لست من مصر ولكني مسلم

وأنا من مؤيدي الشيخ حازم وفقه الله

ومقدرش أعطي رأيي في موقفه تجاه المجلس العسكري

لأن الصورة مش واضحه تمام عندنا

لكن تأكد أن أنظار كل مسلم عربي موجهه

إلى الله بأن ييسر لنا من يحكم بكتاب الله

يعني عاوزين نفس حاكم مسلم

وأسأل الله أن يحفظ مصر وأهل مصر

جزاك الله خيراً اخى ابو المعالى ..ويشهد الله انى احبك فى الله

وبينى وبين نفسى ود من ناحية حضرتك

ربنا يبارك فيك

قلى بئى حضرتك منين :)

[أبوالمعالـي]

رد: [نقاش] ما رأيكم فى موقف الشيخ حازم تجاه المجلس العسكرى

جزاك الله خيراً اخى ابو المعالى ..ويشهد الله انى احبك فى الله

وبينى وبين نفسى ود من ناحية حضرتك

ربنا يبارك فيك

قلى بئى حضرتك منين :)

أحبك الذي أحببتني فيه

واعلم تماما أنك إذا أحببت شخصا لله

فإن الشعور متبادل

أخوك في الله خليل كريشان

من الأردن

[obuida]

رد: [نقاش] ما رأيكم فى موقف الشيخ حازم تجاه المجلس العسكرى

أحبك الذي أحببتني فيه

واعلم تماما أنك إذا أحببت شخصا لله

فإن الشعور متبادل

أخوك في الله خليل كريشان

من الأردن

احسن ناس والله

قلى انا كنت سمعت ان فيه احتجاجات ومظاهرات فى الاردن

يريت تقلى رأي حضرتك فيها علشان بس الواحد يبقى فى الصوره

جزاك الله خيراً وبارك فيك