مجالس بنات : ننوس عين مامته !! الحيله بسلامته!!

[ضيف]

السلام عليكم ورحمه الله وبركاته

بدايه كدا انا فرحان لأنى رجعت اكتب من تانى

ووحشتونى اووى ياشباب

ويارب دايما تكونو بخير وكويسين على طووووول

موضوع النهاردة هنتكلم فيه

هو


00000000000000

بس الاول افهمكم الموضوع :

انا اول ما دخلت البيت كالعادة الساعة واحده بعد منتصف الليل وهو دة معادى دايما بعد الصيدلية

المهم
وعلى غير العادة وجدت الزوجة مستنيه وانا اصلا بفتح
براحة خالص علشان 000000000

فرحت ابتسمت وقلت السلام عليكم
فرفعت بصرها وقالت اهلا وسهلا هو دة انك بتيجى بدرى

مش عاوز اطول عليكم
فقالت فيه مشكلة حصلت

قلت يارب استر

خير فى ايه ياروحى

قالت الاخت فلانه غضبانه وراحت عند اهلها وكلفونى اسألك وانت حضرتك التليفون ما بيجمعش خالص ولا تكون عملنى بلاك لست
وكمان
راجع واحدة بعد منتصف الليل
وهى كل شوية تتصل

فقالت : ايه رايك فى الراجل لما يكون (( ابن امه ))

والكلام ليها


اخخخخخخ حاجه بايخه اووووى لما يكون جوزك او حبيبك او حد تعرفيه او او او

يكون ابن امه قبل ما يعمل خطوه ياخد الاذن منها

مقولتش حاجه وحشه انه يعمل حساب ليها وانها تكون فوق راااسه كمان

اللى اقصده ان فى حاجات مش ينفع حد من اهل الطرفين يدخل فيها

سواء مامتك او مامته او اى حد غيركم بس

ومش معنا كدا انك تركنها ع الرف لالالا مقولتش كدا

بس كل شىء وليه حدود صح ولا ايه؟!

صادفتنى المشكله دى الاخت

وبصراحه

مشكله رخمه اووووى ان الراجل امه تمشى كلمتها عليه

رأيها يحترم وناخد بيه وتمام ونعملها الف حساب

لكن تبقا مسؤله عنك وبتقولك كخه ودحه من وانتا ف اللفه لغايه ما كبرت !!!

تؤتؤتؤ كدا مش حلو مش كميل

هههههههههه

فكرنى الموضوع دا بـــ

بلاش احسن


المهم

فقولت انا اعرض الموضوع عليكم


والان اسئلتى بقا اختصارا للوقت

هل تعتقد اخى الشاب ان البنت ممكن تقبل تتجوز او ترتبط بواحد (( سورى )) ابن أمه ؟؟؟؟؟


طيب
ولو واحدة فعلا زى الاخت اللى مراتى قالت عليها اتجوزت واحد من دول تعمل ايه دلوقتى ؟؟؟

وهل

صادفك النوع دا قبل كدا؟!!

وايه رأيك فيه؟؟!!

سؤالى للجميع

ياترى الشخصيه دى ممكن تتغير او حد ممكن يقابله فحياته يغيره؟؟!

يالا بقا مع السلامو عليكو

معلش يمكن طولت

بس

مستنى بجد ارائكم

[أبوالمعالـي]

رد: مجالس بنات : ننوس عين مامته !! الحيله بسلامته!!

إيه الكلام ده؟؟

يا عيب الشوم هوا يصح الواحد يرد على أمه

بعدين تزعل مراته؟؟!!!

أنا لو كنت بنت مجوزش واحد يرد على أمه

يرد علي أنا بس علشان أدخله الجنة...

إحنا عندنا من الصنف ده كتييييييير

دول تقريبا كلهم كده

وعندنا الناس بتسأل عن العريس وأهله

وأصله وفصله

والحريم بتسأل هل هو إبن أمه ولا راجل ملو هدومه

وإذا كان إبن أمه يعتبرهذا عيب فيه

ومتتجوزهوش

يعني صار عيب الرجل طاعة أمه!!!

[رضوان المغربي]

رد: مجالس بنات : ننوس عين مامته !! الحيله بسلامته!!

السلام عليكم ورحمه الله وبركاته

وعليكم السلام ورحمة الله وبركاته

هل تعتقد اخى الشاب ان البنت ممكن تقبل تتجوز او ترتبط بواحد (( سورى )) ابن أمه ؟؟؟؟؟

لو كانت مزنوقة في الزواج

طيب
ولو واحدة فعلا زى الاخت اللى مراتى قالت عليها اتجوزت واحد من دول تعمل ايه دلوقتى ؟؟؟

فصبر جميل

وهل

صادفك النوع دا قبل كدا؟!!

نعم لي ابن عم من هذا النوع

وكان في صغره دلوع ماما

فلما تزوج أصبحة الام هي رب البيت وهي التي تعطي الزوجة فلوس الحمام

وايه رأيك فيه؟؟!!

؟؟؟؟



سؤالى للجميع

ياترى الشخصيه دى ممكن تتغير او حد ممكن يقابله فحياته يغيره؟؟!

كل شيئ ممكن

واضن ان الذي يقضر يغير هي زوجته

تزرع فيه التق في نفسه مع شيئ من الصبر

فالذي اعتاده الرجل في سنين
مش حتقدر تزيلو في يوم

أحبك في الله

[ضيف]

رد: مجالس بنات : ننوس عين مامته !! الحيله بسلامته!!

ايه دة ياشباب


انتوا مكسوفين ولا ايه ؟؟

ولا ممكن خايفين ؟؟؟


امال مش عاوزين تدخلوا ليه وتردوا

المهم

اخونا ابو المعالى مش موافق على ان مامته دة

يعنى نسألة سؤال :

طيب تعمل ايه اللى كان نصيبها دة ؟؟؟

ولو كان حد عندك مثلا او حد قريبك ياترى ممكن تعمل ايه ؟؟؟

مستنى رايك

وكمان شبابنا رأيهم يهمنا

[mohamedhassan87]

رد: مجالس بنات : ننوس عين مامته !! الحيله بسلامته!!

بالفعل أنا شوفت بعيني مشاكل زي دي والسبب أن الراجل ((أبن امه))
كل حاجة يقول عليها أو يعملها أصل ماما أصل بابا .. و . .. و ... و

هيا مش مشكلة ان واحد يكون ابن أمه (أومال هيبقي منسوب ليها ازاي يعني مش ابنها ^_^ ) بس المشكلة الحقيقية أنه مابيعطيش لزوجته حق ويشعرها إنها زوجته فعلاً وهما الاتنين في كيان أخر بعدياً عن هذا بأمه وهذه بأمها .. لو الزوج نقل لزوجته الشعور إنهم في عالم أخر وأن الأم و(حماته) في مكان أخر أيضاً ولكن الصلة مابين هذا العالم والعالم الأعلي منهم -في النسب- هو صلة ود وقرابة وألفة لن تضجر زوجته بل بالعكس ستحب أمه من نفسها لحبها في زوجها وهترضيه بإنها تسعد أمه وأبيه والعكس صحيح هوا هيكافئها بعمل علاقة ودية طيبة جداً مع أهل زوجته
أي نعم لا يقول عاقل في الدنيا أن الحياة ستكون وردية بهذا الشكل المثالي لكن أكيد هيحصل (فصل كدة مش ولابد) فلازم نعدي ونفوت ونغفر ونسامح وإن تطورت المشكلة فالمفروض التعامل معاها يكون بهدوء وبعقل صافي ونُنَحي مافي النفوس جانباً فما حلت العاطفة مشكلة ولا فكت عقدة بل زادتها تعقيداً وإشكالاً
ولعلكم تذكرون قول الله "يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنفُسِكُمْ أَوْ الْوَالِدَيْنِ وَالأَقْرَبِينَ إِنْ يَكُنْ غَنِيّاً أَوْ فَقِيراً فَاللَّهُ أَوْلَى بِهِمَا فَلا تَتَّبِعُوا الْهَوَى أَنْ تَعْدِلُوا وَإِنْ تَلْوُوا أَوْ تُعْرِضُوا فَإِنَّ اللَّهَ كَانَ بِمَا تَعْمَلُونَ خَبِيراً "

ربنا يعينك يامولانا

[ابورقية محمد مختار]

رد: مجالس بنات : ننوس عين مامته !! الحيله بسلامته!!

اولا اخى ابو معاذ مفروض هذا الموضوع حوارى من نصيب قسم الحوار

تمام ارجو نقله والا ثورة ثورة

هل تعتقد اخى الشاب ان البنت ممكن تقبل تتجوز او ترتبط بواحد (( سورى )) ابن أمه ؟؟؟؟؟
لا اعتقد ذلك

طيب
ولو واحدة فعلا زى الاخت اللى مراتى قالت عليها اتجوزت واحد من دول تعمل ايه دلوقتى ؟؟؟

امره لله


وهل

صادفك النوع دا قبل كدا؟!!
لا اكيد الصعيدى مبياخدوش الكلام من حرما
وايه رأيك فيه؟؟!!

كلام ملهوش لازمة

ومش عاوز اقول الراجل دا اه

[أبوالمعالـي]

رد: مجالس بنات : ننوس عين مامته !! الحيله بسلامته!!

اخونا ابو المعالى مش موافق على ان مامته دة

يعنى نسألة سؤال :

طيب تعمل ايه اللى كان نصيبها دة ؟؟؟

ولو كان حد عندك مثلا او حد قريبك ياترى ممكن تعمل ايه ؟؟؟

مستنى رايك

وكمان شبابنا رأيهم يهمنا

أنا طرحت رأيي من باب السخريه طبعاً

وإلا كيف أرضى أن يكون الرجل عاق لأمه

وعلى كل حال اللي نصيبها كان

مع شاب ننوس عين أمه تحمد ربها

لأنه بالتالي حيكون ننوس عينها وعين بناتها

أحبك في الله

[أبو عبدالله إبراهيم]

رد: مجالس بنات : ننوس عين مامته !! الحيله بسلامته!!

أظن أنه ليس بعيب أن يكون الزوج إبنا لأمه لكن ليس بالتعدي علي حقوق الزوجه
فللإثنين حقوق لابد من معرفت حدودها في شرعنا
أظن أنه لو عرف كل فرد حق أمه بعد زواجه وحق زوجته من خلال سؤال أهل العلم
إن كنا لانعلم
ف
فإذا عرف الزوج هذه الحدود وأصابها حينها لن يقال أنه ابنا لأمه
أو عاقا لها ولن تتضجر منه زوجته
إذ أنه من عرف الحق لايستطيع إنكاره أو تبديله إلا إذا كان جاحدا
عذرا فأنا قلت ما أعلم فلم أسمع بذلك من قبل
أحبكم في الله

[مجاهد الشام]

رد: مجالس بنات : ننوس عين مامته !! الحيله بسلامته!!

السلام عليكم ورحمة الله تعالى وبركاته
لكن أخي الحبيب أن طرحت نصف المشكلة
باقي المشكلة عندما يكون الرجل هو رجرج ليس رجلا
فتكون زوجته صاحبة الأمور والنهي وتكون الأم محكومة بحكم الزوجة !
نبقى في المشكلة المطروحة
من وجهة نظري إنو البنت لو كانت فيها حاجة في الدماغ ممكن تقبل
لكن في الأصل صاحبة العقل الراشد لا أظن أنها تقبل
الحل أن تحاول تلك الفتاة إصلاح حياة الزوج ولكن المصيبة تكمن أن تلك الفتاة لربما ينقلب سحرها عليها فهي تأتي تريد أن تجعل الزوج أداة طيعة في يدها فتقلب المسألة : إنتي بدك أضرب أمي ؟ بدك ما كلم أمي ؟ بدك أعق أمي ؟
ممكن إنو حد يغيره بس صعب شوية
أذكر قصة طريقة مشابهة لهذا المجال
كانت هنالك أم ولها أربعة من الأبناء وكان الأخير هو المدلل آخر العنقود سكر معقود كما يقال
يعني الدلع كله
فتزوج الأول فقالت له الأم لا تدعها تحكمك ولا تطيعها فعصى أمه طبعا :)
فتزوج الثاني فقالت له مثل قولها للأول وكانت النتيجة عصاها في طلبها
والثالث كذلك الأمر
أمال الرابع الننوس بتاع ماما
تزوج وفي ليلة البناء حصل شئ غريب جدا
إيه هو يا ترى ؟










زوجته نامت في المشفى وفيه كسور في الجمجمة والرأس وكدمات في كل الجسم !
وعندما سؤال عن ذاك قال ماما بدها كده
الشاب سعودي والقصة واقعية
وأذكر أن الزوجة ماتت ورفع قضية ضد هذا الشاب
يا ترى مين فيكم هيعمل مثله ؟

[ضيف]

رد: مجالس بنات : ننوس عين مامته !! الحيله بسلامته!!

ماشاء الله عليكم ياشباب

فـــــــــ

كلام الاخ ابراهيم عين العقل بس بردوا اوضح المشكلة تانى

انا معاك ان الكل له حقوق

بس

يعنى ايه ابن امه ؟؟؟

يعنى انه لايستطيع ان يخطو خطوة فى حياته العملية او الزوجية الا ان يأخذ الاذن ويعمل ايه من مامته

انا مقولتش يزعلها

بل على العكس تكون فوق راسه

بس اللى اقصدة

انه فى حاجات ما ينفعش يتدخل فيها أهل الطرفين من مامته او مامة الزوجة

انا قصدى كدة

ومش معنى كدة انك تركنهم على الرف

يبقى

كل شىء له حدود

وبردوا كلامى لأخى الحبيب عاشق

ان هذا الشاب السعودى ابن مامته

منتظركم

[Caps lock]

رد: مجالس بنات : ننوس عين مامته !! الحيله بسلامته!!

السلام عليكم ورحمه الله وبركاته .. هوا الموضوع عجبنى بالصراحه ولفت نظرى من نقطتين

اول نقطه موضوع ننوس عين مامته .. وللاسف الموضوع ده كتر بشده كبيره دلوقتى وبقى فى رجاله من بره يع يع ومن جوه يى يى .. طبعا الاحترام والتقدير حاجة وانه يبقى دلدول حاجة تانيه وده بيرجع من رائى لحاجتين انه ممكن يبقى وحيد امه او سورى يعنى مامته هيا راجل البيت وده مصيبه اكبر ده رائى بخصوص الموضوع

النقطه التانيه بقى .. ان شايف ان كل الى رد بسم الله ما شاء الله المشرفين بتوع المنتدى ودى شئ احزنى بالصراحه

واحب اعرفكم بنفسى اخوكم فى الله محمد سمير عضو قديم معاكم فى المنتدى والموقع بس نادرا ما بخش بالاكونت بتاعى واسئل الله لي ولكم بالتوفيق وان يتقبل اعمالنا .. تقبولوا مرورى واتمنى ان انا اكون ضيف خفيف

سبحانك اللهم وبحمده اشهد ان لا اله الا انت استغفرك واتوب اليك
السلام عليكم ورحمه الله وبركاته

[أبو عبدالله إبراهيم]

رد: مجالس بنات : ننوس عين مامته !! الحيله بسلامته!!

أهلا بيك حبيبي Caps lock
ليه بتدخل قليل
ده انتا أقدم مني بكتير
ننتظر تفاعلك معنا
أحبك في الله

[Caps lock]

رد: مجالس بنات : ننوس عين مامته !! الحيله بسلامته!!

follow his steps to win احبك فى الله الذى احببتنى فيه

بس زى ما ذكرت قبل كده انا بحب اكون زى الضيف الخفيف

بس انا متابع جديد للموقع والمنتدى وكل شئ لا تقلق

[أبو عبدالله إبراهيم]

رد: مجالس بنات : ننوس عين مامته !! الحيله بسلامته!!

ليه هو انتا لو كنت موجود هتكون تقيل
احنا نتشرف يمشاركتك لينا
ننتظرك معانا في كافة المواضيع

[محمدعبدالجواد]

رد: مجالس بنات : ننوس عين مامته !! الحيله بسلامته!!

الأم واجبة عليك طاعتها في المعروف
ولكن لو المقصد إنه الرجل كل شئ يستأدن أمه في أي شئ ولا يقدر أن يأخد قرار أو يتحمله
فده اللي لااستطيع أن أقول عنه رجل