回 нoα αηтα ķ∂α εzαч 回

[ضيف]

قبل ما ادخل فـ الموضوع

ياريت كلنا ندعى لوالدة اخونا وحبيبنا على منجد بالرحمه

ويا ريت كمان لو كل واحد مننا يدعيلها بظهر الغيب وفى صلاته

هتقول انت قلبت انجليزى ليه كدة ؟؟؟

معلش علشان يكون ملفت شويه

وعموما

اسم الموضوع :

هو انت كدة ازاى

ماشيين فـ حياتنا

بنعرف ناس

ونقابل ناس

منهم اللى بيقرب مننا ونحبه ونصاحبه

ومنهم اللى بنقلق منه ونبعد عنه

مش هاتكلم عن اللى بنقلق منه

بس اللى بنقرب منهم دول

مش كانت بتيجى عليك اوقات تحس انهم مش طبيعيين

اها مش طبيعيين

هاتقولى ازاى .. ؟

يمكن اكون انا اللى لوحدى كدا

ويمكن يكون فى ناس زيى

الله اعلم

بس انا من خبرتى القليله

لقيت ان كل 20 او 30 واحد بنعرفهم

لازم بيكون فى واحد منهم

علامه مسجله

لو الواحد دا بعد عنك ايام .. شهور .. سنين

بتفضل فاكره وفـ بالك دايما

وتسال نفسك طب اشمعنى دا ؟؟؟

ماتعرفش تجاوب .. !

على فكره الكلام مش على حبيب

لا الكلام عام

سواء حبيب او صاحب

فى ناس عندهم خبره كبيره اوى فـ الموضوع دا

حاجه من عند ربنا مديهالهم

انهم بيقدروا ياثروا فـ حياه اى حد يعرفوه

وغصب عنه بيفرضوا نفسهم جوه حياته

مش بالعافيه ولا بالخناق

لا باسلوب التعامل المحترم وطبيعته اللى سبحان الله

مخليه اى حد يعرفهم مايقدرش ينساهم

انا قابلت ناس عرفوا يكونوا علامه مسجله فـ حياتى

منهم اساتذه

ومنهم جيران

ومنهم صحاب

منهم شباب هنا معانا بالمنتدى

عرفوا يخلونى اما افكر فيهم

اقول انا نفسى ابقى زيهم

نفسى لما ادخل فى حياه حد

ماخرجش منها بسهوله

اجبره انه يفتركنى وماينسنيش

ومنين ما يروح يتكلم عنى كويس ويفتكرنى

بصراحه ابتديت اعمل كدا بجد

اى حد بتعامل معاه

من اول البواب اللى فـ اول شارعنا

لحد اهلى

بحسس كل واحد فيهم

انه شخص مهم اوى وبحترمه وبقدره

مهما كانت مكانته قليله عند كل الناس

بس برسخ جواه فكره انه عندى حاجه تانيه خالص

ولو احتاجنى فـ اى وقت

هايلاقينى كتفى فـ كتفه وبرمى نفسى معاه فـ مشكلته قبل منه

الموضوع حلو جدا وبيحسس الواحد براحه ملهاش حل

بيبقى احساس جميل لما تلاقى ناس كتير حواليك بيحبوك وبيفضفضولك بكل اللى جواهم

عشان حاسين انك مختلف

ومش شخص روتينى واللى بتربطك بيهم مجرد علاقه قرابه او زماله او ,, او ,, او

حبيبى واخى

ايوة انت يالى بتقرأ الكلام بتاعى

عاوز ايه يا ابو معاذ

جربت تكون ماركه مسجله فـ حياه حد .. ؟

فى حد قابلته قدر يجبرك تفتكره طول حياتك .. ؟

السؤال اللى جاى اختيارى :)

لو كان فى

ممكن تكلمنا عنه وتعرفنا كان بيعمل معاك ايه .. ؟

عشان كلنا نتعلم منه

مستنى رايكم

[أبوالمعالـي]

رد: 回 нoα αηтα ķ∂α εzαч 回

بصراحه ابتديت اعمل كدا بجد

اى حد بتعامل معاه

من اول البواب اللى فـ اول شارعنا

لحد اهلى

بحسس كل واحد فيهم

انه شخص مهم اوى وبحترمه وبقدره

مهما كانت مكانته قليله عند كل الناس

بس برسخ جواه فكره انه عندى حاجه تانيه خالص

ولو احتاجنى فـ اى وقت

هايلاقينى كتفى فـ كتفه وبرمى نفسى معاه فـ مشكلته قبل منه

أنا من زمان عايش على هذا المبدأ

وكل يوم بتعرف على ناس جداد بستفيد منهم

موضوع رقيق أستاذنا الفاضل أبومعاذ

وهذا نهج للحياة

بارك الله فيك

وأسأل الله أن يتغمد والدة أخينا المنجد

برحمته وأسأله أن يدخلها

فسيح جناته

اللهم آمين

[قائل الحق]

رد: 回 нoα αηтα ķ∂α εzαч 回

بصراحة الموضوع اكثر من ممتاز يا ابا معاذ
جزاك الله كل خير عليه وجعله الله فى ميزان حسناتك
وفعلاً الموضوع حصل معايا وفعلاً مش قادر انسى الشخص ده حتى لو بقالى كتير مش بكلمه
وهو اسمه (ابو يوسف) واعتقد إن كل من تعرف عليه شعر بهذا الشعور ولم ولن ينساه مطلقاً
الأخ ما شاء الله عليه مع إنه طالب علم ومدرس وكان مشغول بأشياء كثيرة جداً جداً إلا إنه كان إذا طلب اخ منه طلب مهما كان قام بتنفيذه
وإى مشكلة او موقف حصل معاك وحكتهوله تلاقيه قالك اكثر من حل لهذه المشكلة (مع إن المشكلة بتكون كبيرة فى نظرك إلا إنه بيبسطهالك ويقولك حلها)
سبحان الله
الأخ اى حد يتعرف عليه يحبه ويتعلق بيه من اول مقابلة او حتى من كلامه على النت وهو عند كل اصدقائه ماركة مسجلة وبجدارة كبيرة جداً
ووالله إني لأحبه فى الله واسأل الله ان ييسر له امره ويرزقه من حيث لا يحتسب ويرزقه بالذرية الصالحة
اللهم آمين

[أبو عبدالله إبراهيم]

رد: 回 нoα αηтα ķ∂α εzαч 回

السلام عليكم ورحمة الله وبركاته
نعم أكيد هناك شخص أثر في حباتي
شخص لا أعرفه ولا يعرفني
لكن بحرصه علي نشر الخير وحرقته علي دينه
وكونه شابا يدفع الشهوات كالصخر
لا يأبه للساقطين من حوله ولا للغافلين من أمامه
وإنما يلتفت دائما للصالحين يقتدي بهم ويأخذ منهم
الثبات بعد طلب العون من الله
وهناك شخص اّخر نعم هناك أراه بمحطة القطار يبتسم لي
ثم تركني وغادر وهو لا يعرفني حقا أثر بي
وأتذكر أبي رحمه الله دائما ما ينصحني ويذكرني بأخطائي
ودائما ما كان يبعث الثقة في نفسي
ترك بحسن خلقه بين اهل قريتنا سمعه طيبه
فدفعنا ذلك لنسير علي دربه ولا نهدم ما بناه
نعم هنالك شخص اخر قد يكون أنت أو أنت
نعم ولكن كيف ذلك ذلك باحترامك لنقدي وتقبلك لنصيحتي
وإن كنت صغيرا وأنت أيضا بتمسكك بالهدي النبوي
الذي يظهر في كلامك وفي تعليقاتك لا نري منك مخالفه ولا نبذ ولا فحش في الكلام
نعم تذكرت أمي فهي من أعيش معها تحنوا علي كثيرا وتحاول إرضائي
وإن كان ذلك علي حسابها وأتذكر اخوتي كم دعموني في كل مرحلة صعبة مررت بها
وإن أخفقت ما زادهم ذلك إلا دعما لي ومساعدتي في النهوض مرة أخري
هنالك الكثير ممن أثروا بحياتي تأثيرا إيجابيا
فجزاهم الله خيرا
رحمك الله يا أبي

[ضيف]

رد: 回 нoα αηтα ķ∂α εzαч 回

أنا من زمان عايش على هذا المبدأ


وكل يوم بتعرف على ناس جداد بستفيد منهم

موضوع رقيق أستاذنا الفاضل أبومعاذ

وهذا نهج للحياة

بارك الله فيك

وأسأل الله أن يتغمد والدة أخينا المنجد

برحمته وأسأله أن يدخلها

فسيح جناته


اللهم آمين

وفيك بارك الله اخى الغالى

بس

بردوا ياحبيب قلبى عاوزين تحكيلنا عن واحد اثر فيك

لنستفيد منه

وربنا يكرمك ويحفظك

منتظرين منك الحكاية

[ضيف]

رد: 回 нoα αηтα ķ∂α εzαч 回

بصراحة الموضوع اكثر من ممتاز يا ابا معاذ

جزاك الله كل خير عليه وجعله الله فى ميزان حسناتك

اللهم امين

وجزاك الله مثلة ياغالى


وفعلاً الموضوع حصل معايا وفعلاً مش قادر انسى الشخص ده حتى لو بقالى كتير مش بكلمه
وهو اسمه (ابو يوسف) واعتقد إن كل من تعرف عليه شعر بهذا الشعور ولم ولن ينساه مطلقاً
الأخ ما شاء الله عليه مع إنه طالب علم ومدرس وكان مشغول بأشياء كثيرة جداً جداً إلا إنه كان إذا طلب اخ منه طلب مهما كان قام بتنفيذه
وإى مشكلة او موقف حصل معاك وحكتهوله تلاقيه قالك اكثر من حل لهذه المشكلة (مع إن المشكلة بتكون كبيرة فى نظرك إلا إنه بيبسطهالك ويقولك حلها)
سبحان الله
الأخ اى حد يتعرف عليه يحبه ويتعلق بيه من اول مقابلة او حتى من كلامه على النت وهو عند كل اصدقائه ماركة مسجلة وبجدارة كبيرة جداً
ووالله إني لأحبه فى الله واسأل الله ان ييسر له امره ويرزقه من حيث لا يحتسب ويرزقه بالذرية الصالحة
اللهم آمين

ما شاء الله

ربنا يكرمه ونعم الاخ والصاحب

بجد

نتمنى نصاحبة ونوده ونسعد به والصحبة معه ونستفيد من خلقة

بلغه منا تحياتنا وحبنا له

[أبوالمعالـي]

رد: 回 нoα αηтα ķ∂α εzαч 回

وفيك بارك الله اخى الغالى

بس

بردوا ياحبيب قلبى عاوزين تحكيلنا عن واحد اثر فيك

لنستفيد منه

وربنا يكرمك ويحفظك

منتظرين منك الحكاية [/center]

إن كان لا بد فهذه قصتي باختصار

شخص قابلته قدراً

كنت أسمع عنه الكثير مما يزعجني

وقدر الله أنني أصبحت جاراً له

تضايقت بداية الأمر

قال الناس لي لا تصاحبه

فتتفتح عليك العيون

لكنه كان حسن المعاملة رفيع الخلق

صاحب علم وحجة

وانا كنت أتخبط في كثير من المسائل

وتطورت العلاقة حتى صرت من تلاميذه

وتفتحت عيناي على الحق

وصرت الغريب في نظر أصحاب البدع من منطقتنا

وأظن هذا الرجل صاحب فضل علي والفضل كله لله

وأخيراً أسأل الله أن يفك أسره

ويعيده إلينا سالماً

اللهم آمين

[أبو جعفر محمد المصرى]

رد: 回 нoα αηтα ķ∂α εzαч 回

وعليكم السلام ورحمه الله وبركاته

فى البداية أدعو الله أن يرحم أم أخى على منجد .. أسأل الله أن يرحمها رحمة واسعة ويغفر لها ويسكنها فسيح جناته .

وبعد فالحمد لله على العودة مرة اخرى بعد الغياب وآسف على تأخيرى كل هذا الوقت أخوتى الكرام
وكعادتك أبو معاذ مميز بفضل الله فى اختيار مواضيعك وهذا الموضوع فعلا مهم جدا ومؤثر جدا فى حياة اى انسان عاقل فضلاَ على كونه مسلم . فالمسلم كيس فطن . يعي ما حوله من مواقف ليس كدابه او هائماً على وجهه يمنى ويسرى دون أن يعي ما حوله . انما تلك المواقف التى يمر بها هى حياته وعمره الغالى الثمين الذى سيحاسب عليه ربنا يغفر لنا والمعاملة مع الناس دين وتأثرك بهم وتأثيرك فيهم هذا وارد بقدر تعاملك وامتزاجك فى تلك الدنيا على حسب شخصية كل واحد منا يكون تأثره وتأثيره وكما ذكرت هل لى بصمة ؟؟ هل أنا مؤثر فيمن حولي ؟ تذكر حتى ان هناك شخصيات أثرت فى حياتك ربما ترى انسان لأول مرة فتحبه وكأنك تعرفه منذ فترة طويلة وربما أخر منذ رأيته وانت تكرهه بل ربما يدخل عليك انسان لا تريد ان تتعامل معه او تبيع له وهناك الكثير والكثير هناك أشخاص تراهم مرة واحدة لا تنساهم . وعن نفسي فانى عشت فى أماكن كثيرة وتقابلت مع أناس كثيرين منهم من أثر في حتى انى لا انساه مهما طالت بيننا المسافات . ومن هؤلاء أذكر شيخ أحبه فى الله اذا تكلم فعلا ً تحب ان تسمعه له معى بعض المواقف أذكر له منها حينما كنت أريد الزواج وكل أخ فى هذا الوقت يكون متحيراً ويريد ان يحسن الاختيار . وكان من بعض كلامه معي ان قال .. ((يامحمد أختار الأنسب وليس الأحسن)) وبالمناسبة الزواج قريب ان شاءالله دعواتكم . المهم تلك الكلمات البسيطة جعلتنى افكر . وكثير منا تاتى له كلمات ربما تغير حياته . ربنا يحفظه ويبارك فيه ويرحم أمه فقد توفاها الله منذ أيام . وفى الختام جزاك الله خيراً اخى الحبيب أبو معاذ وربنا ينفع بيك وييسر لنا الخير

[أبو سعيد الأزهرى]

رد: 回 нoα αηтα ķ∂α εzαч 回

السلام عليكم ورحمة الله وبركاته
اللهم أرحم أم أخيناعلى منجد
أولاً هناك شخصين أثرا فى حياتى وغرانى تغيير كبير
الاول أخ لى أسمه عمرو عصام
هذا الاخ والله لن تلاقوه الا وتحبوه
هو شخص ملتزم
جداً دائماً ما يدعونى الى الخير
ودائماً مبتسم
ودائماً ما أتعلم منه
والثانى الشيخ الذى أتعلم منه وانا تلميذه
وقد غير تغيير جزرى فى حياتى حيث أنى كنت من جماعة الاخوان المسلمين
فحولنى الى أخ سلفى
ودائم النصح لى
وكن الاخو من الجماعة دائماً يقولون عندما أكلمهم عن شئ أنت بتمشى مع الشيخ فلان
يعنى بمعنى أصح ممشيش معها بس الحمد لله
وأن سمعت من الشيخ حازم
أنه كان من جماعة الاخوان
فكنت أريد أن أكلمه ليصحح عندى بعض المفاهيم لأن والى الان اجد فى نفسى شئ
أحبكم فى الله

[مجاهد الشام]

رد: 回 нoα αηтα ķ∂α εzαч 回

كثيرا من الذين قابلتهم كانوا ماركة مسجلة
ولكن لكل ماركة عملها
فمثلا لا تأتي وتقول لي أديدس وأنت تشتري ملابس
أما الماركة التي أعتز بها هي التي أدخلتني الباب السعيد وطبعت في قلبي الحب المديد للإسلام والمسلمين
لا يمكن أن أنكر فضل هذه الماركة على قلبي حيث تغيرت من ناقم على الدعوة إلى أحد أفرداها والمتعمقين فيها والذابين عن عرضها
فيا ربي لا تحرمنا من هذه الماركة وإجعل الجنة مثواها ..

[محمدعبدالجواد]

رد: 回 нoα αηтα ķ∂α εzαч 回

كثيرا من الذين قابلتهم كانوا ماركة مسجلة
ولكن لكل ماركة عملها
فمثلا لا تأتي وتقول لي أديدس وأنت تشتري ملابس
أما الماركة التي أعتز بها هي التي أدخلتني الباب السعيد وطبعت في قلبي الحب المديد للإسلام والمسلمين
لا يمكن أن أنكر فضل هذه الماركة على قلبي حيث تغيرت من ناقم على الدعوة إلى أحد أفرداها والمتعمقين فيها والذابين عن عرضها
فيا ربي لا تحرمنا من هذه الماركة وإجعل الجنة مثواها ..

ثبتنا الله وإياكم
أما ناركتي المسجلة في الكثير ولكن اسمحوا لي أن أزكر ماركتين منهم وهما في هدا المنتدي المبارك
الأول صاحب هدا الموضوع الأخ الحبيب أبو معاد ترك ماركة مسجلة جامدة فيا دون أن يشعر من تعامل طيب واحترام جم وووووووو الكثير بصراحة كم تمنيت أن أخد منه صفات كثيرة وبصراحة وأقولها أمامه ومعلش اعدرنا يادكتور أحمد أقولها في وشك أحبك في الله وأتمني أن أكون مثلك في أشياء كثيرة جدا
أما الثاني فالأخ أبو روميساء الأخ مصطفي أثرني بأدبه واحترامه بل أكثر من هدا كله إبداعاته وحسن معاملته أصغر مني ولكن علمني والله
أسأل الله لهما الثبات والزيادة في حسن الخلق وحسن المعاملة والطاعة لله ورسوله والحرص علي خدمة الدين

[عمر إسماعيل]

رد: 回 нoα αηтα ķ∂α εzαч 回

يعني بندعي الناس للتمسك بثقافتهم و ومربوهم بيكتبوا بالفراكنو ؟

[ضيف]

رد: 回 нoα αηтα ķ∂α εzαч 回

يعني بندعي الناس للتمسك بثقافتهم و ومربوهم بيكتبوا بالفراكنو ؟

هو انت قرأت الموضوع الاول ؟؟؟

هل هو مكتوب كله بالفرانكوا ؟؟؟


العنوان فقط لجذاب اكبر شريحة من الشباب

و




لما يكون فيه تعليق اتمنى يكون فى التواصل افضل





وعموما

جزاك الله خيرا وانت اصلا لم تقل للموضوع جزاك الله خيرا

[ابورقية محمد مختار]

رد: 回 нoα αηтα ķ∂α εzαч 回

بورك فيك اخى الحبيب

موضوع متميز

[محمد102050]

رد: 回 нoα αηтα ķ∂α εzαч 回

جميل قوى الكلام ده يا دكتور

بس يارب يكون نتيجه لأفعال