Tweet
السلام عليكم ورحمة الله وبركاته
أشهد الله انى احبكم فى الله
فى البدايه ابدى اعتذارى الشديد على التقصير منى فى حق اعظم منبر من منابر الدعوة على الانترنت
شبكة الطريق الى الله
فما تقصيرى الا ضد ارادتى من التواصل معكم والتحاور مع هذا الجمع الطيب من الاخوة فى اقسام الشباب
أسأل الله التيسير
اما بعد
فعنوان هذا الموضوع يحمل هذا المعنى
انه من خلال جولتى فى الفيس بوك يومياً سوف انقل لكم من صفحاته مقال او خاطرة كتبها احد الشباب يحمل هذا المقال او هذة الخاطرة معانى كثيرة تجعلنا نتقارب اكثر فى الافكار والتواصل ايضاً مع افكار الشباب الذين هم يخافون من مناهج التيارات الاسلاميه
ويتطلب الامر من كل اخ من رواد هذا القسم الطيب قسم
الرأى والرأى الاخر
التفاعل مع هذا الموضوع
أسأل الله ان ينفع بنا وبكم
والان مع اول هذة المقالات
قالوا وقلنا
============
* السلفية دي سعودية ...... يعني الليبرالية هي اللي مصرية؟!
ده حتي الاسلام كله من السعودية
* الحجاب ده ايراني......يعني الجينز هو اللي مصري؟!
* دول هيمنعوا الخمرة .........طب ما الدولة بتمنع المخدرات....ايه المشكلة يعني
* هيقطعوا ادينا ويقيموا الحد علينا ....ما انت بتروح تعمل عمرة في السعودية ومحدش بيطبق عليك الحد ...و بعدين هو انت حرامي؟!
دانتا المفروض تفرح عشان ده بيحميك من الحرامية ويخوفهم..و بعدين مش كل سارق بيطبق عليه الحد وروح اقرأ عشان تعرف
ثم هو انتا بتدافع علن الحرامي و مشفق عليه و ما حزنتش على اللي اتسرق و اتقطع قلبه
و بتدافع عن البلطجي اللي بيقطع الطريق على الناس !
* هتطبقوا الدين بمفهوم ايران ولا افغانستان.....بمفهوم سيدنا محمد صلي الله عليه وسلم
* وانتوا هطبقوا الليبرالية بمفهوم اوروبا اللي بتحلل الشذوذ وترخص الدعارة ولا بمفهوم امريكا اللي بتحتل العراق وتساند اسرائيل ولا بمفهوم مين؟!
* الدين في خلاف فقهي ومش هنعرف نطبق انه رأي.......طب ما في خلاف في الزواج وبنتجوز عادي(علي مذهب ابو حنيفة)
يبقي عندنا مجمع بحوث او هيئة كبار العلماء وتقصر الفتوي عليها وناخد برأيها
*الدول الاسلامية اللي موجودة عالساحة مش بتلتزم بكافة تعاليم الإسلام .... يعني امريكا هي اللي بتلتزم بكافة تعاليم الديمقراطية ؟؟؟
*انا خايف من تطبيق الشريعة لانها هتفرض سيطرة الإسلاميين عالحكم .... قال يعني النظام الليبرالي هو اللي هيدي فرصة لكافة الاطراف بما فيها الاسلاميين و بكل عدالة انهم يشاركوا في الحكم
*انت عاوزنا نرجع للشريعة يعني اربعتاشر قرن مضي ،واحنا في عصر النانو تكنولوجي .... طب مانت عاوزنا نرجع للديمقراطية و حكم الشعب اللي هي من عصر اليونان و ما قبل الميلاد اصلا
تعليق