حكايات الواد اللى مدوخ البنات .... متجدد باذن الله

[محمدعبدالجواد]

رد: حكايات الواد اللى مدوخ البنات .... متجدد باذن الله

شيخ أحمد كفاية تشويق لحد كدة بقي بجد أعصابي تعبت من كتر الشوق
بصراحة تشويق فظيع مستني الجزء الاقدم إن شاء الله

[ضيف]

رد: حكايات الواد اللى مدوخ البنات .... متجدد باذن الله

دودى مع سمسم...........



دودى:اناعرفت انك مسافر الكلام ده صحيح؟


سمسم:ايوه انتى عرفتى من مين؟


دودى:قبل ما تسافر لازم تعمل حاجه الاول.
لازم تعرف سمسمه علشان تحلّها من وعدها (خلّى عندك دم)




سمسم:انتى عرّفيها انا مقدرش اقعد معاها انتى عارفه كويس ليه.



دودى:"انا اسفه بس ممكن انت تقعد معاها تانى,انا هعزمها عندى على الغدا و انت هتكون هنا بالصدفه و تقعد معاها و تتكلموا مع بعض




سمسم بعد تفكير عميق(انا موافق)
................................




(هو مين ده؟؟)


بدون ذكر تفاصيل مملّه دودى مع مودى مع سمسم مع سمسمه

مودى:مش ناوين تاكلوا انا جدا

دودى:كلى يا سمسمه انتى مكسوفه من سمسم ,ممكن يقعد برّه ياكل لوحده عادى يعنى .


سمسمه:ومين اللى يفتح نفسنا على الاكل .

سمسم:قصدك يسدّها ,بلاش نفاق.(قليل الذوق طول عمرك) انا اللى قلت

سمسمه:انا مش منافقه و على العموم اتفضلوا انتوا كلوا انا في الصالون ,انا شبعت.

مودى:لو خرجتى محدش هياكل فينا و بلاش لعب العيال ده

سمسم:انا اسف يا سمسمه كنت بهزر ( يا هزارك البايخ يا اخي )
.............................


بعد الاكل........................


سمسم :انتى عامله ايه في الحياه يا سمسمه؟

سمسمه:يهمك تعرف ليه ؟

سمسم:انتى اختى يا سمسمه و جارتى و اكيد يهمنى انى اعرف.

سمسمه:اختك و جارتك بس ؟؟؟

سمسم: ...............

سمسمه:يا جدعان الواد ده مش عنده ريحة الدم انا ماشيه

سمسم:انتى عارفه انى خلاص يا سمسمه شلت الموضوع ده من دماغى و يا ريت انتى كمان تنسيه.


سمسمه:لو مكناش عند اختك كنت قلعت اللى في رجلى و فوقتك من اللى انت فيه,سمسم ,انا عند وعدى ومش هتجوز غيرك انسى انى اكون لغيرك


مودى:شايفه الحب يا دودى انا هعيط يا جدعان
خلى عندك شويه رحمه يا سمسم و قوم هات ابوها و المأذون.


سمسم:انا عندى ليكى رجاء يا سمسمه و ده هيكون وصيه ليكى و ارجوكى تنفذيها.


سمسمه:انا ممكن اعمل اى حاجه الا انى اغضب ربنا

سمسم:انا عندى ليكى عريس و عاوزك توافقى عليه,ممكن.


سمسمه:بعد اذنك يا استاذ مودى ,بعد اذنك يا دودى شكرا على الغدا و انا ماشيه


دودى:استنى يا سمسمه ,سمسم ممكن تكمل كلامك

سمسم: انا مسافر يا سمسمه و مش راجع مصر تانى و كنت عاوز اطمن عليكى مع شخص انا متأكد انك هتكونى سعيده معاه لانه فعلا انسان محترم و هيحافظ عليكى

سمسمه:خلاص خلّصت كلامك؟

سمسم:لا لسّه ,لو عاوزه تسعدينى و فاكر لى اى حاجه حلوه عملتها معاكى و عاوزه انى اسافر و انا مستريح ممكن توافقى؟


سمسمه:اولا-انت عمرك ما عملت ليّا حاجه حلوه.
ثانيا-لو انت عاوز تستريح قبل السفر مش تدور على راحتك في انك تعذبنى
ثالثا-قبل ما تدور على سعادتى اعرف هى فين ,سعادتى مش هتكون مع غيرك ,وانا مقدرش ابنى سعادتك على خيانه لانسان اعيش معاه و انا بفكر في واحد تانى ,دى تبقى خيانه يا اللى بتقول انك متدين


سمسم:ارجوكى افهمينى ,انا مقدرش اعيش معاكى و احرمك من الاطفال.


سمسمه:انا موافقه ,انت مالك انت ,سعادتى هتكون معاك انا عاوزاك تقتنع ان الاطفال مش اهم من انى اعيش معاك في بيت واحد .كفايه كده حرام عليك انت ايه مفيش قلب.ازاى بتقول انك بتحبنى و فنفس الوقت بتحاول تعذبنى معاك يا اخى
انا خلاص زهقت من كل حاجه و اولها منك انت ,انا خلاص مش عاوزه حاجه تانى من الدنيا غير انى ادخل بسببها الجنه ,و على العموم انت حر ,تسافر تقعد مش هتفرق انا اخدت القرار ومش ناويه ارجع فيه

......................................


تركت سمسمه البيت وكلّه :
..........................
اما دودى ومودى حاولوا انهم يقنعوا سمسم انه يرجع عن قرار السفر لكن دون جدوى بل على العكس اقنع دودى انها تحاول تقنع سمسمه انها تتجوز من العريس اللى جايبه
........................................

(من الاخر انا موافقه)

دودى مع سمسمه.................

دودى:لحد امتى يا سمسمه هتفضلى كده مش شايفه ان الحكايه دى ملهاش غير حل واحد

سمسمه:انا عارفه انتى عاوزه تقولى ايه و اللى فى دماغك ده مش هيحصل ابدا


دودى:ممكن تفكرى بعقلك شويه و تسيبك من قلبك

سمسمه:انا عقلى و قلبى واحد انا خلاص مش عاوزه حاجه من الدنيا غير انى اخدم دينى او ان سمسم يرجعلى تانى غير كده انا مش عندي حاجه اقولها.


دودى: سمسم خلاص مسافر اما حكاية انك تخدمى دينك دى ,فمن امتى الجواز بيمنعك من انك تخدمى دينك؟
ده من اهم الحاجات اللى ممكن تخدمى بيها دينك ,انك تنجبى اطفال صالحين يكونوا عون للدين الاسلامى,انتى نسيتى اهم اهداف الزواج؟



سمسمه:بس انا مش عاوزه اخون انسان وثق فيّا بأنى اعيش معاه و انا بحب انسان تانى؟

دودى:واذا كان التانى مش من نصيبك يبقى خلاص الحياه تقف؟
افرضى انه مات ,افرضى انه اتجوز واحده تانيه,افرضى انه خلاص بيكرهك يا شيخه ؛هتعملى ايه؟
انا شايفه انك كده بتعترضى على قضاء ربنا
وده في حد ذاته ممكن يكون معصيه
يعنى اللى خلق سمسم مخلقش انسان غيره مناسب ليكى؟
ممكن طلب صغير و رجاء من اختك دودى؟
ممكن توافقى على العريس اللى جاى من طرف سمسم وتشوفي اذا كان انسان كويس ومناسب ليكى وعندك فترة الخطوبه,لو حسّيتى انك مرتاحه معاه كملى الجوازه دى و استخيرى الله وانا متأكده ان ربنا اكيد هيقف جنبك و يهديكى للطريق الصواب.......ممكن؟



سمسمه:سبينى افكر شويه الاول وبعد كده هرد عليكى بعد كام يوم



..............................


وبعد كام يوم كان القرار ان سمسمه قالت :

(من الاخر انا موافقه)


................................

(اهلا وسهلا)

بعد عدة محاولات من سمسم انّه يسافر اصل الموضوع مش سهل مع السفاره
قدر انه ياخد الموافقه وكان ميعاد السفر يوم 25/1/2011


.............................


اما موضوع سمسمه فكان كالتالى.........


-قدرت سمسمه بعد عذاب شديد انها تستسلم للامر الواقع وتوافق على
الاخ بودى والله العظيم انسان محترم جدا جدا جدا جدا
المهم ان بودى عارف العلاقه اللى كانت بتربط سمسم وسمسمه وعارف ان سمسم مسافر ومقتنع ان العمليه ليها رواسب في نفسية سمسمه لكن هو عارف ان العمليه مسألة نصيب


المهم
..............................


لكن في حاجه مش واخدين بالكوا منها

ان سمسمه لسّه بتحب سمسم ومش قادره تنساه
(عبيطه)
(رومانسيه)
(او حب اعمى)


والحل ان سمسم يرجعلها يا جدعان
انا مش قادر اقول اكتر من كده


ازاى اتنين يحبوا بعض للدرجه دى و ميتجوزوش(حكمة الله"وعسى ان تكرهوا شيئا)
بس مين يقول الكلام ده لسمسم وسمسمه


يا ترى ايه اللى هيحصل بين سمسم وسمسمه وبودى ودودى ومودى وام سمسمه ؟؟؟؟؟؟
................................
تابعوا الفصل القادم

قرار مصيرى

[محمدعبدالجواد]

رد: حكايات الواد اللى مدوخ البنات .... متجدد باذن الله

أأأأأأأأأأأأه من الشوق التعذيب ه ياشيخ أحمد
علي العموم منتظرين

[mohamedhassan87]

رد: حكايات الواد اللى مدوخ البنات .... متجدد باذن الله

فتحية بلاطة
هههههههههههههههههههههههههههههههههههههههههههههههههه ههههههههههههههههههه

[تائب الى الله و مؤمن]

رد: حكايات الواد اللى مدوخ البنات .... متجدد باذن الله

السلام عليكم و رحمة الله و بركاته
اللهم اغننا بحلالك عن حرامك
قصص رائعة و مفيدة اخي لكن اظن ان سمسمة لن تلرضى بغير سمسم زوجا لها
تقبل تحياتي و انا متابع معاكم

[ahmadof]

رد: حكايات الواد اللى مدوخ البنات .... متجدد باذن الله

بوركت أناملك :)

[ابن المحمدى]

رد: حكايات الواد اللى مدوخ البنات .... متجدد باذن الله

[ضيف]

رد: حكايات الواد اللى مدوخ البنات .... متجدد باذن الله

حياكم الله شبابنا الكرام

وتعالوا نشوف النهاردة هيحصل ايه مع سمسم


(قرار مصيري)

سمسم كان متعود انّه يروح مكان كان بيتقابل فيه مع سمسمه زمان , كان بيعتبر المكان ده هو الذكرى اللى من حقه انه يعيشها وماكانش عارف ايه اللى ممكن يحصل فيه........



المهم ومن غير حرق اعصاب..




قدرا مقولتش بالصدفة البحتة دودى ومودى راحوا نفس المكان ولقوا سمسم قاعد لوحده و قعدوا معاه


مودى:ايه يا عم سمسم قاعد لوحدك ليه؟


دودى:انا عارفه ليه اصل سمسم وسمسمه كانوا بييجوا هنا كتير اكيد سمسم بيحب ييجى هنا و يقعد لوحده.



سمسم:انتى علطول كده فاهمانى,ايه الفصاحه دى

دودى:اختك الوحيده يا ابنى لو مكنتش افهمك من غيرى يفهمك.... سمسمه؟

سمسم:ربنا يوفقها مع بودى


مودى:من قلبك؟


سمسم:من كل قلبى ,انا عاوزها تنسانى وتعيش مع انسان غيرى يسعدها و يحققلها اللى انا ما قدرتش عليه


.دودى:يا ريتنا افتكرنا مليون جنيه.

.......................................

حاجه غريبه





(دخل المكان سمسمه مع امها وابوها وبودى؟)

..........حاجه تجنن


مودى قام بسرعه وطلب من والد سمسمه انهم ييجوا يقعدوا مع المدام واخوها(احنا اهل)
.................


اول واحد رحب كان بودى(محترم)


المهم قعد سمسم مع دودى ومودى وسمسمه وبودى وابوها وامها.........
...............ويا ريتهم ما قعدوا
........................................



طول القعده سمسمه ما نزلتش عينها من على سمسم


مش قادره تنسى انه مسافر اصدى (حرام)


اما سمسم محاولش حتى انه يوجهلها عنيه وكل ما حد يسأله اى حاجه كان بيرد من غير ما يركز في كلامه.


لحد ماوصلنا للسؤال المهم


بودى:انت مسافر امتى يا سمسم؟


سمسم:25\1


بودى :اكيد خلاص؟



سمسم:الحمد لله انا خلاص خلصت كل الورق ومش ناوى ارجع تانى؟


......قالها وهو لاول مره بيبص لسمسمه


ظهرت الدموع في عيون سمسمه وهى مش حاسّه
,.....................


الموقف اتكهرب من غير لزوم


بودى( العريس الجديد ) :انا اسف يا جماعه عندى مشوار مهم ونسيت اعمله ممكن استأذن و انا اسف للمره التانيه.(عنده دم مش مياه غازيه)



سمسم:خدنى معاك يا بودى انا عاوز اروح لواحد صاحبى


بودى:مش هينفع انا وانت نمشى مع بعض لازم واحد فينا يستنى ؛ انا اسف يا جماعه كنت فاكر انى ممكن اسعد سمسمه بس مش قادر استحمل اكتر من كده,انا اسف يا عمى (قلع الدبله) الجواز قسمه ونصيب وكنت اتمنى انى اكون جوز بنتك بس افتكر ان سمسم هو انسب انسان ليها . ... (محترم)( بيفهم) ( راجل عنده دم ) ( فيه مشاعر جوه مش ملوخية )



فين ابوها يا ناس مالوش كلمه الراجل ده
,,,,,,,,,,,,,,,,,,,,,

ساب بودى الجميع
وهم في دهشه من موقفه بس لاول مره ياخد والد سمسمه موقف ايجابى في القصه
انتهى الصمت بكلمه من ابو سمسمه ............



الاب:المثل بيقول اخطب لبنتك وما تخطبش لابنك
وانا عاوزك يا سمسم عريس لابنتى سمسمه.
موافق؟ ( هيه هيه الحمد لله اخيرا هتفرج اهه )


.................................


بعد كل ده ممكن سمسم يقول ايه لواحد بيقوله انا عاوزك تتجوز بنتى(خلى عندك دم)

....................

سمسمه:وانا مليش رأى يا بابا؟


الاب:المره دى لا ملكيش رأى تانى ولو نطقتى بكلمه واحده لاانتى بنتى ولا انا اعرفك.


سمسمه:على العموم اتمنى ان سمسم يوافق مع انى حاسّه انى كده بتفرض عليه


سمسم:انا مقدرش ارفض يا عمى وفى نفس الوقت لازم تعرف حاجه الاول قبل ما تجوزنى بنتك



سمسمه:بابا موافق من غير ما تقول حاجه وانا موافقه ولو عاوز ترفض ارفض من غير ذكر اى اسباب



سمسم:بس عمى من حقه يعرف انى....


سمسمه:اسكت بقولك متقولهاش,الفرح امتى يا بابا


الاب:زى ما سمسم يقول لو حتى بكره انا موافق


سمسم: و السفر؟ اعمل فيه ايه؟


سمسمه :انا مستعده اجى معاك لاخر الدنيا


سمسم:وانا مستعد اخلص كل ورقك فى اسبوع ونسافر مع بعض ونقضى شهر العسل في استراليا


الام(لسمسمه):وانا ما عنديش استعداد ان بنتى تبعد عنى ومش موافقه ان انتوا تسافروا( هي ناقصاكي ما تقعدي ساكتة ياحاجة )



سمسمه:وانا عاوزه اسافر يا ماما مع سمسم و بصراحه انا عاوزه اكون فى اى مركز للدعوه الاسلاميه هناك .ممكن يا بابا ؟


الاب:على بركة الله.


سمسم :خلاص يبقى ان شاء الله الجواز هيكون يوم 24\1


..............:


(اشهد ان لا اله الا الله وان محمد رسول الله)

بعد مرور كام يوم على اخر لقاء بين (انتوا عارفين)
...........................
سمسم وسمسمه المره دى موقعوش في اى تجاوزات زى الماضى
وكانت كل حاجه بينهم شرعيه وحلال المهم


سمسم قدر يخلص الورق بتاع سمسمه علشان تسافر معاه وعلشان يخلص الورق بسرعه كان لازم ينكتب الكتاب وبكده اتجوز سمسم سمسمه بس من غير دخله و زفاف
كان احتفال اسلامى صغير عند سمسمه في البيت حتى يحين موعد الزفاف الكبير يوم 24\1
:

المهم.....................


سمسم وسمسمه بقت علاقتهم خلاص شرعيه 100%

كان من حقه انه يخرج معاها لوحدهم من غير محرم وكان الحوار التانى بينهم في نفس المكان بتاعهم......................


سمسم: انا مش عاوزك تندمى انك اتجوزتى انسان عقيم



سمسمه:مين اللى قال انك عقيم,الله اعلم الطب كل يوم فيه جديد وبعدين مفيش حاجه اسمها مستحيل,انت مؤمن بالله و عارف انه لو مكتوبلك انك تكون عقيم انا مش هعترض على قضاء ربنا (ياريت كلنا نكون كده والله)
وفى جميع الحالات كفايه عندى انى اعيش معاك و احّس انى زوجتك ,ده عندى افضل بكتير من اى حاجه تانيه,وصدقنى انا كل اللى اتمناه انى اقدر اكون زوجه صالحه ,.
انا خلاص مش عاوزه حاجه تانى من الدنيا بعد ما حملت اسمك فاضل ان ربنا يرضى عنى
ممكن طلب صغير منك؟


سمسم:انتى تأمرى وانا على الطاعه والولاء


سمسمه:ممكن ابوس ايديك ولا حرام؟



سمسم:انا اللى هبوس ايديكى ,انتى نسيتى انك مراتى


سمسم وهو يقبّل يد سمسمه (:انا مش عارف ازاى اشكرك على انك وافقتى تتجوزينى بعد كل اللى عملته معاكى ,انا اوعدك انك مش هتشوفى منى اى حاجه تضايقك وهكون معاكى وفىّ و عطوف و................)



سمسمه:من غير ما تكمل انا واثقه ان كل اللى هتقوله محفور جوه قلبى و عايشاه من زمان اوى معاك بقلبى من غير ما اكون معاك بجسمى
انا بحبك



...................
بعد اليوم ده عاش سمسم مع سمسمه اجمل ايام
في حياته و كانت كل ايامهم فيها سعاده محدش يقدر يوصفها غير سمسم وسمسمه
..........................


تابعوا الفصل الاخير من القصه
( انا راضيه عن نفسى )

والله يا جماعه اللى جاى ده
اخر حاجه
واحلى حاجه

وبجد انا دمعت كتير جدا....

[ahmadof]

رد: حكايات الواد اللى مدوخ البنات .... متجدد باذن الله

:)
لا مجال للكلام!!!
:)

[أبوالمعالـي]

رد: حكايات الواد اللى مدوخ البنات .... متجدد باذن الله

السلام عليكم ورحمة الله وبركاته

وأخيراً أنا قرأت الحكاية كامله

وأنا كنت عاوز أقرأ جزء من قصة سمسم وسمسمه

وأكملها بعدين لكني لم أستطع

حتى وصلت إلى آخر ما كتب من القصه

والأن فقط عرفت سبب تشوق ومتابعة أحمدوف للقصة

لأنها بالفعل مشوقه

وأنا منتظر البقيه وأرجو أن لا تحرق أعصابنا

اخي الحبيب أبو معاذ...

[تائب الى الله و مؤمن]

رد: حكايات الواد اللى مدوخ البنات .... متجدد باذن الله

السلام عليكم و رحمة الله
في الحقيقة قصة رائعة و جميلة و فيها العديد من المواقف التي تين لنا مدى رجاحة عقول هؤلاء الدي امنو بالله و اعطو الدين حقه فما حادو عن الطريق بل تشبثو به و النهاية هاهي النهاية
نهاية سعيدة جميلة
و ان تركتم شيء لله عوضكم الله خيرا منه
تحية لكم مني اخواني قصة رائعة سلمت يداك اخي

[محمدعبدالجواد]

رد: حكايات الواد اللى مدوخ البنات .... متجدد باذن الله

ياااااااااااااااااااااااااااااااااه
أخيرا اتجوزوا
وأحيرا الشيخ أحمد هيخلص تشويق
الحمدلله
ازيك ياشيخ أحمد شوقتنا يامولاانا
بصراحة مشوق جدا
علي العموم جزاكم الله خيرا

[ضيف]

رد: حكايات الواد اللى مدوخ البنات .... متجدد باذن الله

وده الجزء الاخير

(( انا راضيه عن نفسى ))

مين يقدر يقول ان الانسان راضى عن نفسه
مين يقدر يقول انا حاسس ان ربنا راضى عنى
مين يقدر يقول ان سمسم محبش سمسمه
مين يقدر يقول ان الحب بينتهى

لالالالالالالالالالالالالالالالالالالالالا

الحب اللى بين سمسم وسمسمه الى الابد

انا متأكد وكل اللى عاشوا القصه دى في الواقع يقدروا يقولوا ان سمسم وسمسمه همّا كل اتنين عاشوا الحب الحقيقى
مش لازم يعيشوا نفس القصه
كفايه اوى انهم يقولوا كلمة بحب من قلبى
انا بحب سمسمه و بحب سمسم و بحب كل اللى قالوا و يقدروا يقولوا بحب من قلبهم وقبل ما يقولوها لازم يحسّوها الاول



الفصل الاخير ؟؟؟؟؟؟؟؟؟:


بعد القصه الطويله دى عن قصة حب بين اتنين عاشوا الحب بجد كان لازم تكون النهايه السعيده بينهم وانا مش شايف نهايه اسعد من كده

قلقتنا ياابو معاذ

فى ايه ياترى ؟؟
.................................


سمسمه وامها في طريقهم الى القاهره لشراء ملابس للسفر و المرور على اقارب والدتها


سمسمه :مش لازم نشترى حاجه من مصر اسكندريه فيها كل حاجه انا محتاجاها

الام: انا عاوزه ازور ولاد عمى بقالى كتير مش شفتهم وانتى كمان لازم تسلمى عليهم قبل ما تسافرى وبالمره نعزمهم على الفرح بدل ما ابوكى يسافر مخصوص


..................................

فى طريق العوده من القاهره

اتقلبت السياره التى تركبها سمسمه وامها وبعد الحادثه كانت سمسمه ملقاة على جانب الطريق ووالدتها تضمها الى صدرها وسمسمه تلفظ انفاسها الاخيره قالت :

(قولى لسمسم انى حبيته اكتر من نفسى وقوليله انا راضيه عنه وعن نفسى واشهد ان لا اله الا الله وان محمد عبده ورسوله)


معتقدش ان في حد عنده تعليق غير ان قضاء الله
اكبر من ان حد يعترض عليه



النهايه دى كانت اسعد نهايه للقصه من وجهة نظرى ومن وجهة نظر الاشخاص اللى عاشوها على الحقيقه ان اخر كلمه قالتها سمسمه و انها راضيه عن نفسها كانت اسعد ما في القصه


.....................................


سمسم الان فى استراليا سعيد جدا ان سمسمه قالت انها راضيه عنه وانا اللي بيحكي القصة عن سمسم لانى اعرفه سألت سمسم اذا كان ناوى يتجوز
كان رده عليّه :


(احلف بمن خلق قلبى سأظل احبها حتى البس الثوب الابيض تحت التراب )
مش هاتجوز الا سمسمه

...........................

*** سمسم هو الان الارمل العاذب
**** سمسمه هى العذراء
......................
ادعوا لها بالرحمه والجنه وان تكون ممن تقول لهم النار

(اعبر يا مؤمن فقد اطفأ نورك نورى)
اللهم امين
اللهم امين
اللهم امين

واتمنى ان القصه تكون عجبتكم واسف لو كنت طولت فى حكايتها

بس اعتقد ان اقل حاجه اقدمها ليهم.. انى اقولها زى ماحصلت بالظبط


ملحوظه وهى دية المفاجأة الكبرى :

القصه دى حصلت من سنتين ولسه واخد الاذن من صاحبها

انى انشرها عشان اكبر عدد يدعوا ليها ويعرف اد ايه الحب ممكن يغير الانسان

شوفوا هيا كانت ايه ( لهو ولعب ) وماتت وهيا نيتها تخدم دينها


اللهم احسن خاتمتنا اجمعين......سبحان الله

نسألكم الدعاء لها


والكلام ده مش على لسانى ده على لسان اللى انا واخد منه القصة

[أبوالمعالـي]

رد: حكايات الواد اللى مدوخ البنات .... متجدد باذن الله

لا إله إلا الله

لم أتوقع هذه النهاية

وأسأل الله أن يتغمدها برحمته

وأسال الله أن يلهم الصبر لصاحب القصة

لكن القصة فيها الكثير من العبر والفوائد

لكني لم أتوقع هذه النهايه

لكنها الحقيقة التي نعيشها جميعنا

أن ننتهي إما على خير أو على عكس ذلك

اللهم إني أسألك حسن الخاتمة

بارك الله فيك شيخنا أبومعاذ

[ahmadof]

رد: حكايات الواد اللى مدوخ البنات .... متجدد باذن الله

أولا بارك الله فيك عمي وحبيبي أبا معاذ.. :)

ثانيا..
أما النهاية... فكانت غير متوقعة بتاتا.. مفاجأة.. صدمة..

أسأل الله أن يغفر لسمسمة (الحقيقية) وأن يثبت سمسم..

ويرزقنا حسن الخاتمة.. والثبات على الايمان.. وجمعنا واياكم في الجنة دون حساب ولا سابقة عذاب


أحبكم في الله