تصور لو واحد قال ان البانجو حلال هتعملوا فيه ايه

[ابي بن كعب]

السلام عليكم ....
حياكم الله جميعا اخواني الكرام ... المره دي مش حابب ارفع ليكم الضغط ولا حاجه .. هما موقفين هحكيهم واحد كويس والتاني يضحك ويحزن في نفس الوقت .. عموما نبدا بالخبر الي يضحك ويحزن في نفس الوقت عشان نختمها بالخبر المفرح ... كنت في يوم قاعد مع واحد معرفه والكلام جاب بعضه .. وكان بيشرب بانجو المهم قلتله ياخي مبلاش الارف ده حرام عليك نفسك وصحتك .... رد عليا ياسيدي ده البانجو ده مش بيعمل حاجه ... قلتله ازاي يعني ده بيقتل الواحد وفيه معصيه لله ... يقلي ليه هو انت فاكر ان البانجو حرام!! قلتله نعم امال ايه اكيد حرام ... فرد عليا طيب لو اثبت ليك انه حلال .. قلتله اثبت ياسيدي فسالني البانجو ده زرع ولا لا قلتله زرع .. فقلي طيب الزرع حلال ولا حرام قلتله حلال .. قلي يبقي البانجو حلال ... طبعا اخونا ده عنده قياس غريب جدا بيفكرني بودنك منين ياجحا .. ففقلتله يراجل اتقي الله انت خلاص لاسعت ولا ايه .... شوفوا الشيطان لما يخلي الانسان يحلل حراما سبحان الله .. وفي نفس الوقت يستهزا من حلال ... عموما نحكي ليكم الموقف التاني في مره كنت راكب ميكروباص .. طبعا اغلبيه الناس واخده فكره سيئه عن السائقين .. وانا كنت منهم قبل كده لكن سبحان الله لما بشوف واحد مشغل قرءان او خطبه بفرح جدا لكن السواق الي هحكي حكايته بصراحه مشفتش زيه .. المهم ركبت الميكروباص وكنت في ضهر السواق ومشغل شريط للشيخ محمد حسان حفظه الله عن الموت قلت في نفسي حاجه جميله جدا ... لكن الي خلاني استغرب ان اخوان السواق ده كل ميركب حد جنبه يذكره بالله وبالنبي محمد صل الله عليه وسلم .. بصراحه قعدت ابص عليه بتعجب وقلت في نفسي ما شاء الله .. تصوروا ياخوه كل ميركب حد جنبه يكلمه في الدين وفي حاجات كتير .. ما شاء الله علي الهمم .. وقلت ليه احنا مش نكون زيه في الدعوة الي الله حتي ولو بكلمه او ابتسامه .. ليه منا دايما عاملين في وجوههم التكشيره ومش بتفارقهم ... ليه مش بنقول سلام عليكم الا لما يكون الاخ ملتحي وبس ... يريت نتعلم من السواق ازاي ندعو لله حتي ولو بكلمه او ابتسامه ... معلش انا طولت عليكم بس ده واقع عايشينوا نسال الله عز وجل ان يهدينا الي ما يحبه ويرضاه ... اللهم امين

[way2islam]

رد: تصور لو واحد قال ان البانجو حلال هتعملوا فيه ايه

جزكم الله خيرا على الموضوع رغم أني وجد بعض الصعوب قي قرائته أظن أنه بالعامية المصرية ؟ المهم أما القصة الأولى فأظن ان كل شخص يعصي الله و هو بعيد عن طريق التوبة يعطي لنفسه أعدار واهية فيحلل ما حرم الله بدون وجه حق أما الشق التاني من موضوعك فهده فعلا دعوة صادقة لنحسنا سلوكنا و معاملاتنا في الدعوة إلى الله و لا حول ولا قوة إلا بالله العلي العظيم.

[homaas]

رد: تصور لو واحد قال ان البانجو حلال هتعملوا فيه ايه

عليكم السلام ورحمة الله وبركاته

جزاك الله خيرا اخى ..

ما علينا من البانجو لأن الكلام فيه يكسبه ويكسب القائمين عليه قيمة فى الحياة ..

ولكن هذ االسائق بالفعل مدعاة للفخر والسعادة بوجود منث هذه التماذج فى المسلمين .. وأكاد أجزم ان هذا السائق غير ملتحٍ ويلبس بنطالاً وقميصاً و ربما لا يحضر الكثير من دروس العلم ....
ولكن شأنه شأن الكثيرين ممن أراد الله أن يعز بهم الدين .

[سراج ابوسعيد]

رد: تصور لو واحد قال ان البانجو حلال هتعملوا فيه ايه

اخى ابى بن كعب

[مسلمه مصريه ولى الفخر]

رد: تصور لو واحد قال ان البانجو حلال هتعملوا فيه ايه

جزاك الله خيرا
ونفع بك الاسلام
وجعل صالح الاعمالل فى ميزان حسناتك

[أبو سليمان]

رد: تصور لو واحد قال ان البانجو حلال هتعملوا فيه ايه

السلام عليكم ورحمة الله وبركاته
جزاك الله خيرا أخي الحبيب أبي بن كعب
موضوعتك دائما قيمة وجميلة
أمابالنسبة لموضوع البانجو دا فبكل بساطة كنت تقول له
الخنزير حيوان ربنا خلقة ولا لاء
هايقولك ايوة ربنا خلقه
تقول والحيوانات اللى ربنا خلقها اكلها حلال ولا لاء
يقولك طبعا حلال
تقوله ومع ذلك الخنزير حرام:(ضحك):

اما بالنسبة لموضوع السائق فهاحكيلكم موقف بسرعة
يوم الخميس فات عليا اتنين زمايى ملتزمين جديد او يعنى مش بيعرفوا يتكلموا في الدعوة فكان فى 3 واقفين على النحية التانية وبيولعوا سجاير
فقلت اتشجع كده واشجعهم معايا واروح اكلم ال3 شباب
فروحت وسبحان الله اول لما كلمتهم
وقولت لهم تخيل لو عقوبة السيجارة حاجة واحدة بس يوم القيامة
انها هاتطفئ فى صدرك
هاتشربها تانى
قالى طبعا لاء
وعلى طول 2منهم رموا السجاير على الارض
قلت سبحان الله
فى كام منكر الواحد عدى عليه ولم ينكره وكان ممكن بكلمة واحدة يكون سبب فى تغيرة
معلش طولت عليكم
جزاكم الله خيرا

[المشتاقة للجنة]

رد: تصور لو واحد قال ان البانجو حلال هتعملوا فيه ايه

جزاك الله خيرا وبارك الله فيك
بالنسبة للخبر الاول لا تعليق
اما الخبر التانى فيا سلام لو كل سواقين الميكروباص يعملوا زى اللى حضرتك اكلمت عنه
ربنا يكرمه ويجازيه خير

[رشيده]

رد: تصور لو واحد قال ان البانجو حلال هتعملوا فيه ايه

جزاكم الله خيرا

[محبه الرسول]

رد: تصور لو واحد قال ان البانجو حلال هتعملوا فيه ايه


جزاكم الله خيرا
وجعله في ميزان حسناتك...

[احمد عبد الرحيم]

رد: تصور لو واحد قال ان البانجو حلال هتعملوا فيه ايه

بالنسبه للموضوع الاول ادعى لهذا الاخ بالهدايه والموضوع التانى حقيقى انا شفت سائقين زى كده وربنا يهدى جميع السائقين ويهدينا اجمعين

[الساعى الى الله]

رد: تصور لو واحد قال ان البانجو حلال هتعملوا فيه ايه

مازن حبيبى أنت مكنتش واخد بالك أنك بتجادل واحد شارب بانجو ولا ايه يعنى كلامه ده زى قلته وبعدين ده بيفكرنى بصحبنا بتاع لو الحشيش حلال أدينا بنشربه ولو حرام أدينا بنحرقه

أما بالنسبه للسائق فهو نموذج جيد ياريت كل السائقين يعملوا زيه ومش لازم يدوشونا بالأغانى والهيصه دى (حبيبك أحمد)