Tweet
متشكرين يا جيشنا
نبداء بتعريف بسيط لدور الجيش
هو منظومة متكاملة مسلحة تعمل على حماية حدود الدولة
وسلامة امنها من اى عدوان خارجى او داخلى
وانا حبيت اكتب تجربتى فى الجيش الذى انتسب اليه طوال عمرى ما دمت تحت الاستدعاء لأى ظرف طارىء
صراحة كنت اتمنى قبل التحاقى اليه ان اكون من جنوده لأرى
جانبا من الحياة المختلفة عن الحياة المدنية العاديه
جانبا من الحياة المختلفة عن الحياة المدنية العاديه
واستجاب الله لى ورضيت وقلت الحمد لله ولكنى فقط كنت اسأل سؤال ما الحكمة لدخولى الجيش
وبعد ما خرجت من الجيش فى ظل احداث الثورة اليكم الاتى
كنت فى الجيش مالناش غير افرولين فقط طوال السنة نلبسهم
فتذكرت عظماء الصحابة الذى كان منهم من لايمتلك الا ثوبين يبدل فيهم قلت فعلا تكفى
كنا فى الجيش نقف انتباه من حديد مش ساعه لا دى ساعات
قلت وعجبى مش قادرين نقف قدام ربنا فى الصلاة خمس دقايق بس بكل خشوع
ولما الشيخ فى رمضان يصلى بينا جزء فى ساعه الا ربع ببقى مش قادر
ولما نيجى نفتح المصحف نقرا جزء تلت ساعة ببقى همى اخر الايه قال ايه ننجز
كان القائد بيجمعنا بصفة دوريه نقعد ساعه وممكن نتكلم فى اى حاجه ومنطلعش بحاجه
بقى مش قادر اقعد ساعه يومين فى الاسبوع اسمع درس اطلع فيه بحاجه وعجبى
ولما كان القائد يجمعنا
نطلع نجرى ولما الاذان نتلكع او نكسل
مش كده بس دا احنا كنا لازم يبقى افرولنا نضيف علشان نعجبه
ونروح دلوقتى الجامع بلبس اى حاجه
ولما كانوا يهددونا بانهم يعاقبونا نخاف
ولما ربنا يقول هايعاقبنا لو ........ ولا نخاف ولا نهتم
ولما كان يهددونا بأنهم يفقدونا ونقعد شهور زياده فى الجيش لو .... نترعب
منخفش لما ربنا يهددنا لو......... نقعد فى جهنم على طول
لا نترعب ايه يا ناس ؟
لا نترعب ايه يا ناس ؟
كان كل الهم ان كل واحد فينا يبقى راضى عنه القائد
ومش هاممنا رضى ربنا ليه كده يا مسلمين
كان هم كل واحد يبقى اقرب واحد من القائد
ومفيش حد همه الا من رحم ربى يبقى اقرب واحد من ربى
لما تيجى سيرة القائد نبقى شغوفين نعرف فى ايه
ولما تيجى سيرة ربنا ولا كأننا هنا طاب ليه
ولما يتكلم القائد ننصت وبتركيز احسن ممكن يسألنا انا كنت بقول ايه
ولما نسمع كلام ربنا نبقى مشغولين ولا ننصت وكأنه سبحانه مش هيسألنا !!
ولما كان فى جندى يغدق عليه القائد ويقربه ويبقى بابه
تلاقى كل الجنود حوليه ويقلدوه علشان ينفعهم عنده
ولما ربنا يبعتلنا رسول لا نهتم بنصرته ولا تقليده وهو الشفيع للكل عند ربنا
علشان بيحبه وفضله سبحانه عليه كبير
كنا بنسهر يوميا خدمه على المواقع المهمه والناس كلها نايمه فى بيتها
ومش عارفين بعد كده نصلى دقيقتين نقوم الليل
كان الجد والالتزام اهم صفاتنا
ومع ربنا فين التزمنا!!
كل يوم تحيه للعلم
يالا نصلى كل اسبوع ركتين توبه
كان يهمنا وغصب عننا لازم نعرف اللى يحبه القائد ويكرهه
طاب وربنا اللى خلقنا كلنا مش عايزن اكتر نعرفه علشان نعمل اللى يحبه فيحبنا
وحاجات كتير اوى ويعرفها اكتر اللى دخل الجيش ويعمل مقارنه
وكفى بما طلعت حكمه
عرفت يعنى ايه جهاد عرفت يعنى ايه سلاح عرفت يعنى ايه التزام ،مسئوليه ، نخاف على بعض
نشيل بعض نحب بعض نرحم بعض
ايام عدت علينا وكنا بنتشهد على روحنا والخوف ربنا شاله من قلوبنا وكان حالنا حسبنا الله ونعم الوكيل
وبعد كل ده شفتوا قد ايه حالنا مع الخالق وحالنا مع مخلوق زينا
بقى ده اسمه مسلم اللى كده مع ربنا وكده مع مخلوق زيه زينا
يارب سبحانك اهدنا اجمعين
يخشونهم كخشية الله بل أشد خشية
يخشونهم كخشية الله بل أشد خشية
تعليق