آددددي يااااعم الناس اللي بتربي دقنها !!

[على النجار (امين)]

بسم الله الرحمن الرحيم
اولا ده اول موضوع ليا واتمنى ان ينال اعجابكم

كلمة بيرددها ناس كثير اوي .. ومش عارفين أثرها في قلب كل مُلتحي مُلتزم كويس بجد

تخيل لما تكون إنت مُلتحي وحاسس ان صورتك في نظر الناس مشوهه والمفروض انها تكون العكس

وتقعد تسأل نفسك .. طيب انا مالي ؟! ..
وتبقى عايز تصرخ وتقول .. مش أنا والله ..
انا مليش دعوة بالناس دي .. الاسلام مش كدة !!

وتصحى الصبح تقرأ في الصحف .. -مُلتحون- يهاجمون قافلة اعلامية .. وليل نهار هجوم على المُلتحين

وتسأل نفسك نفس السؤال .. طيب انا مُلتحي .. أنا لية صورتي يحصل فيها كدة ادام الناس .. ويبدأ صراخك يزيد وتقول أنا مش كدة والله !!!

تفتح التلفزيون .. تلاقي ممثل بيقولوا عليه زعيم مطلعك تكفيري وإرهابي ومنافق وزاني !! وغيره من الممثلين

كثير

ويزداااد الصــراخ

تقول صباح الخير لوالدك .. تلاقيه بيقولك روح يابني احلق دقنك .. عيش شبابك

تنزل في الشارع .. تحس فكر بعض الناس بقى ظاهر في نظراتهم ليك وكلامهم .. بأنك تكفيري وإرهابي بناء على اللي بيقرأوه ويسمعوه في التلفزيون

تيجي تدافع عن الدين في حاجة .. الناس تصرخ فيك .. انت هتعملي نفسك شيخ .. انت هتكفرني انت ها.. مع انه ممكن متكنش لسة قولت حاجة اصلاً

تروح الكلية .. صحابك اللي كانوا بيحبوك .. بدأوا يشوفك وميسلموش عليك .. عشان لا مؤاخذة أمن الدولة

ترجع البيت تقعد مع العائلة ولما تيجي سيرة المُلتحين .. تلاقي السيرة الغريبة فقط هي اللي بتبقى على الألسنة .. المُلتحي اللي بيبص للبنات .. والمُلتحي

اللي بيسرق .. والمُلتحي اللي كفر اهل بيته .. والمُلتحي ال***** اللي فاتح محل .. والمُلتحي اللي مربيها منظر

وانت قاعد عمال تسمع ومش عارف تقول اية !!

وكـــــــــــــــــــل دة عشان سبب واحد فقط

مثال سئ وسط ملايين من الامثلة الجميلة جداً اللي الناس مبيشوفهاش .. لأن عنيهم دايماً واقعة على الغلط

مبيشوفوش المُلتحي اللي بيصلي على طول في المسجد .. المُلتحي اللي بيحفظ قرآن .. المُلتحي اللي بطل يصاحب بنات .. المُلتحي البار لوالديه .. المُلتحي

الخلوق ابو ابتسامة الجميلة .. دايماً كلامهم بيبقى على الصنف الآخر

هو احنا لية بنعمل دعاية سيئة عن المُلتحين ؟

لية نحط المُلتحين كلهم في سلة واحدة .. اصلاً لية نقول مُلتحي وغير مُلتحي ؟؟!!! .. لية حاطين في دماغنا انه المُلتحي دة ملاك بجناحات وبيطير .. ولية

بنقوله يا شيخ ونديله لقب ثقيل زي دة .. لية منعتبروش مُسلم عادي بشر بيغلط ويصحح .. ويغلط تاني ويستغفر ولسة مُقيم على ذنب ومش عارف يتخلص

منه .. وهكذا

حتى الرسول صلى الله عليه وسلم قال

ما من عبد ((((مؤمن)))) إلا و له ذنب يعتاده الفينة بعد الفينة ، أو ذنب هو مقيم عليه لا يفارقه حتى يفارق الدنيا ، إن المؤمن

خلق مفتنا توابا نساء ، إذا ذكر ذكر - السلسلة الصحيحة للشيخ الألباني

صدق رسول الله صلى الله عليه وسلم

عايزين المُلتحي يذوب وسط ملايين المُلتحيين .. عشان متبقاش اللحية سمة فئة معينة قليلة ويحس انه عليه كاميرات مراقبة .. لو فعل معصية او خطأ .. الناس

ترفع عليه السيوف .. ولو فكر يعمل حاجة حلال زي البلاي ستاشن مثلاً .. الناس تقوله .. في شــــيخ يلعب بلاي ستاشن !! ولو اقنعته .. يفضل حاسس انه

في حاجة غلط !! .. طبعاً لأنه حاسس انك جاي بطبق من المريخ

وآخر القول .. رفقاً بالمُلتحي .. لأنه بشر خطاء كما قال رسول الله صلى الله عليه وسلم

كــــــــل بنـــي آدم خطــــــــاء وخيـــر الخطائــين التوابـــون

مش عايزين تعميم .. عايزين نبص دايماً لصورة الشاب المُلتحي المُتدين بجد .. واللي لسة بيطلع السلم .. ندعيله بدل ما نقوله .. أحلقها ملهاش لزمة .. او

احلقها عشان انت بتسئ للإسلام .. يبقى احنا بالظبط بنقوله - استسلم -

زي اللي بيشوف المصحف عليه تراب ويحس انه هاجر القرآن بقاله كثير .. فيجي فكر الشيطان يقوله

حطه تحت المخدة عشان ميتربش
رجاء الى الادارة تثبيت الموضوع للفائدة
وجزاكم الله خيراً

[رضوان المغربي]

رد: آددددي يااااعم الناس اللي بتربي دقنها !!

جزاك الله خيرا

والله ثم والله ثم والله

انا جئة اللحضة توا من المسجد

صلية العشاع

فوجدة شابا يقطن في الحي الذي أقطن فيه

فلم أعرفه جيدا

كان قد حلق لحيته ولا أعلم لماذا

ألقيت عليه السلام فرد السلام بخجل ولم يرفع راسه حتى الى ان ينضر الي

وما ان وصلت الى المنزل فتحت المنتدى

فوجدة هدا الموضوع المميز

سبحان الله

اللهم ثبتنا

[محمد102050]

رد: آددددي يااااعم الناس اللي بتربي دقنها !!

جزاك الله خيراً

مش عندك لعبة بلايستيشن تكون نيس كده ههههههه
بحبك فى الله

[سامي خالد السلفي]

رد: آددددي يااااعم الناس اللي بتربي دقنها !!

جزاك الله كل خير يا اخي وهذا اول موضو ع لك وهو فعلا موضوع رائع اني احبك واحب جميع اخواني في الله بارك الله فيك اخوك في الله طالب الدعاء

[على النجار (امين)]

رد: آددددي يااااعم الناس اللي بتربي دقنها !!

جزاك الله خيرا

والله ثم والله ثم والله

انا جئة اللحضة توا من المسجد

صلية العشاع

فوجدة شابا يقطن في الحي الذي أقطن فيه

فلم أعرفه جيدا

كان قد حلق لحيته ولا أعلم لماذا

ألقيت عليه السلام فرد السلام بخجل ولم يرفع راسه حتى الى ان ينضر الي

وما ان وصلت الى المنزل فتحت المنتدى

فوجدة هدا الموضوع المميز

سبحان الله

اللهم ثبتنا

شكرا اخى الكريم على مرورك
اللهم ثبتنا على الطريق

[على النجار (امين)]

رد: آددددي يااااعم الناس اللي بتربي دقنها !!

جزاك الله خيراً

مش عندك لعبة بلايستيشن تكون نيس كده ههههههه
بحبك فى الله

احبك الله الـذي احببتنى من اجله

[عبدالحليم زاهر]

رد: آددددي يااااعم الناس اللي بتربي دقنها !!

جزاك الله خيرا أخي الكريم ونفع بك وجعل ما كتبت في ميزان حسناتك والله جل وعلا أسأل أن يثبتنا على على دينه وأن يصرف قلوبنا على طاعته إنه ولي ذلك والقادر عليه

[Acc.HeMa]

رد: آددددي يااااعم الناس اللي بتربي دقنها !!

جزاكم الله خيرا

موضوع جميل جدا لا مجاملة وطريقة سرده روعة

جزاكم الله خيـرا أخى الفـاضل

[عبد مالك الملك]

رد: آددددي يااااعم الناس اللي بتربي دقنها !!

موضوع جميل
جزاك الله خيرًا

[أبو جعفر محمد المصرى]

رد: آددددي يااااعم الناس اللي بتربي دقنها !!

الله المستعان اخى الحبيب
ربنا يسترها علينا يارب ويتوب علينا وبكفينا شر المؤذيين .. والله بصراحة الموضوع ناتج أولاً ياأخوة طبعاً من البعد من ربنا وتانى حاجة قلة العلم بالدين ....وحاجات تانية كتييييير .. أسأل الله أن يردنا الى دينه رداً جميلاً ...
أحبكم فى الله

[على النجار (امين)]

رد: آددددي يااااعم الناس اللي بتربي دقنها !!

جزاكم الله خيرا يا اخوة على مروركم

[.. مصطفي ..]

رد: آددددي يااااعم الناس اللي بتربي دقنها !!

جزاك الله خيرا





سؤال يا اخواني

هل البلاي ستيشن حلال ؟ هو مش فيه صور ؟
ارجو اللي يجاوب يكون متاكد من اجابته