غايتي الرجوع ألى الله

[أدعولي بالتوبة]

السلام عليكم ورحمة الله وبركاته
أخواني قد ضاق صدري في دنيا الفراغ وعالم الماديات
وطبيعتي هي طبيعة روحية تحب التواصل مع الله جل في علاه
ولاكن أغوتني مفاتن هذه الدنيا وأنا من الخطائين وبارب أغفر لي ذنوبي
فأنت غفار الذنوب
يا أخوان أرهقتني المعاصي وكلما سرت في طريق الصلاح اغوتني نفسي
وغرتني وأبعدتني عن الصلاح
ولاكن في داخلي متيقن من حب الله وحبه لي فهو من يخرجني بكثير من الزمات
ويوفقني في كل عمل أبتغيه لخدمة عباده ومساعدتهم
ولاكنني اعود لرتكاب الذنوب فأدعو لي بالصلاح والسير على الطريق المستقيم

[ضيف]

رد: غايتي الرجوع ألى الله

السلام عليكم ورحمه الله وبركاته

أهلا بك أخى الكريم فى المنتدى بين اخوانك

قالوا الاعتراف بالمشكله هو نصف الحل ...
جميل إنك ترى نعم الله عليك وتشعر بتقصيرك وهذا ان دل فانه يدل على فطرتك السليمه وده واضح من كلامك وانك عاوز تتغير

طيب انت قولت إنك حاولت كثير وفى كل مره بترجع تانى ..........عارف ليه؟؟

تعالى نتكلم ببساطه شديده إنت جواك صراع بين ان انت عارف الصح وعاوز تطيع ربنا وبين انك مش قادر تاخد قرار بالتغير فتنتظم فى الصلاه وتقرب من ربنا

طيب الصراع ده طبيعى لاننا كلنا جوانا الخير والشر لكن المهم مين أقوى جواك؟؟

وازاى اقوى جانب الخير عشان أقدر أتغير؟؟

هقولك مثال بسيط جدا لو عندك زرعتين واحده بتسقيها باستمرار وواحده لأ ..الطبيعى اللى بتسقيها هتبقى أقوى والثانيه هتضعف ....نفس الحكايه لو أحنا عاوزين نقوى جانب الخير او علاقتنا مع ربنا

وهنقول كلام عملى أنت بتدخل لقلبك أيه طول اليوم؟؟؟؟؟

ببساطه كده هسألك عن اربع حاجات :
انت بتسمع أيه ؟؟
وبتشوف أيه ؟؟؟
وبتتكلم عن أيه ؟؟؟؟
وبتفكر فى أيه؟؟؟؟؟
وبسأل عن الاربعه دول لان دول الطريق لقلبك
هنلاقى ان اغلب يومنا بيدور عن الكلام عن اللبس والكليه والمذاكره ومشاكلنا مع اهلنا واخر الاخبار .........الى اخره
الحل العملى البسيط جدا والفعال جدا كمان ان شاء الله
خلى ليك وقت يومى تسمع عن ربنا وتتكلم عن ربنا وتفكر فى حالك معاه وتبص فى كتابه وأحنا ممكن نساعدك هنا فى المنتدى
واتعرف على اخوانك هتشجعوا بعض وهتحس انك بتتغير ان شاء الله
اسمع الايه دى :
{لَهُ مُعَقِّبَاتٌ مِنْ بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ وَمَا لَهُمْ مِنْ دُونِهِ مِنْ وَالٍ} [الرعد : 11]
يعنى لو حياتك فضلت زى ماهى واهتماماتك زى ما هى واسلوب حياتك زى ما هو تفتكر التغير هيجى منين ؟؟
يعنى دلوقتى المطلوب منك حاجتين
: 1_ الدعاء : تدعى ربنا كثيييييييييييييييييير انه يهديك ويساعدك
2_ انضم معانا كعضو وتابع معنا
هتبدأ تسمع دروس او حتى مقاطع صغيره مدتها 5 :10 دقائق _تبدأ تقرأ مواضيع دينيه تقربك من ربنا أكثر
هتلاقى اخوانك كثير سنهم قريب منك وعندهم مشاكل زيك واخوة اكبر ممكن يساعدوكم ولو عندك أى مشكله هنساعدك ان شاء الله

اخى الحبيب
يجب ان تعرف ان الدين :

1_علم : إنك تتعلم أساسيات دينك عشان تعبد ربنا على علم ويقين وتتجنب وساوس الشيطان من تزين الشهوات أو أنه يرمى على عقلك شبهات

2_عمل : إنك يبقى ليك عبادات ثابتة يومية و أسبوعية
تبدأ الأول بالفروض وتزود شوية شوية النوافل


3- دعوة : احرصي على نشر الخير و ما تعلمته من علم ، قدر المستطاع .

والي هيعينك على ده الصحبة الصالحة
ومفتاح كل ده الصبر والاستعانة بالله

واخيرا

احبك فى الله

ونتمنى ان تتواصل معنا اكثر

[mohamedhemed]

رد: غايتي الرجوع ألى الله

ربنا يهديك ويثبتك
بحبك في الله