حقيقة الليبرالية

[رضا الحمراوى البرلسى]

تعريف الليبرالية

هي مذهب رأسمالي ينادي بالحرية المطلقة في السياسة والاقتصاد ، وينادي بالقبول بأفكار الغير وأفعاله ، حتى ولو كانت متعارضة مع أفكار المذهب وأفعاله ، شرط المعاملة بالمثل . والليبرالية السياسية تقوم على التعددية الإيدلوجية والتنظيمية الحزبية . والليبرالية الفكرية تقوم على حرية الاعتقاد ؛ أي حرية الإلحاد ، وحرية السلوك ؛ أي حرية الدعارة والفجور ، وعلى الرغم من مناداة الغرب بالليبرالية والديمقراطية إلا أنهم يتصرفون ضد حريات الأفراد والشعوب في علاقاتهم الدولية والفكرية . وما موقفهم من الكيان اليهودي في فلسطين ، وموقفهم من قيام دول إسلامية تحكم بالشريعة ، ومواقفهم من حقوق المسلمين إلا بعض الأدلة على كذب دعواهم .

برجاء من عنده معلومات عن هذا الفكر فليشارك فى فضح هؤلاء حتى يتبين الحق من الباطل

[العزازى]

رد: حقيقة الليبرالية

اللهم أحمي مصر وأحفظها من مفاسد العلمانيه واللبراليه ومصر اسلاميه ان شاء الله

[The lebralian man]

رد: حقيقة الليبرالية

الليبرالية هى فعلاً حرية الفكر و الاعتقاد و السلوك و لكن تحكمها ضوابط المجتمع , فحريتك مرهونة بحدود حرية الاخرين , لو مكانش فيه ليبرالية فى الدول المتقدمة , مكانش هايبقى من حق المسلم فى الدول الغربية انه يصلى او يربى دقنه او يروح المسجد , و مكانش هايبقى من حق المحجبة انها تتحرك فى الشارع بحجابها
ياريت نفهم الموضوع الاول و نقرا و نبحث قبل ما نردد كلام و اكليشهات محفوظة من شيوخ ما قروا كلمة واحدة فى السياسة و لا اقتصاديلت راس المال
يا اخونا الدين ثابت و السياسة متغيرة ازااااااااى نخلط الثابت بالمتغير....!!!!!!!!!

[عمر إسماعيل]

رد: حقيقة الليبرالية

ممممممممممممممممممم
لي عودة إن شاء الله
ولكن للانشغال لن استطيع المشاركة

[عمر إسماعيل]

رد: حقيقة الليبرالية

احذروا دعاة الديمقراطية (العلمانيون – الليبراليون "الوفديون" – التحرريون – التقدميون – الإسلاميون السياسيون)

[رضا الحمراوى البرلسى]

رد: حقيقة الليبرالية

اخى الفاضل الكريم من قال ان حريتنا مرهونة بحدود حرية الاخرين ان الحرية ليست على اطلاقها بل ان الحرية فى الاسلام حرية منضبطة ليست على اطلاقها ثم ان الاسلام لايكره احد على الدخول فيه ولكل شخص حرية العقيدة والغرب الذى تتكلم عنه منع الحجاب وحورب فى فرنسا والمصحف حرق فى امريكا وسب النبى صلى الله عليه وسلم وتحالفت الصحف الغربيه على ذالك ثم اخى الحبيب ما هو حد الحرية عندك فلنتاقش فى حد الحرية وما هو مفهومها وانا والله احبك فى الله والسلام

[أبو بكر مح ـمد المصرى]

رد: حقيقة الليبرالية

الله المستعان
ربنا يهديني وإياك والمسلمين
ويحفظنا من دعاة الليبرالية والعلمانية
الله المستعان

[The lebralian man]

رد: حقيقة الليبرالية

الله يكرمك و يعزك يا سيدى الفاضل...
انا هارد على سيادتك نقطة نقطة....
1- اكيد طبعاً ديننا الحنيف ما يكره احد على اعتناقه و حرية العقيدة فيه مكفولة لجميع الملل و الاديان
2- يقول تعالى (وَقُلْ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقًا)
فى الايه دى عندنا حالتين ايمان و كفر , فى حالة الايمان و الالتزام يبقى الانسان عرف طريق ربه و يعمل لاخرته , طيب فى الحالة التانية حالة الكفر و العياذ بالله او فى اسوء الظروف الايمان بالله و الاسلام و لكن مع عدم الاتزام , فى الحالة دى ربنا توعدهم و بكلام صريح و مباشر بسوء العذاب
يبقى معنى مده ان ربنا ادانا حرية الاختيار ما بين طريقين صواب و خطا و بين لنا العاقبة لكل واحدة فى النهاية انت حر فى اختيارك بس فى الاخر انت فقط اللى هاتتحمل وزره , يبقى ازاى نيجى احنا و ننزع حق اصيل من حقوقنا ادهاولنا ربنا مع العلم ان حق الحرية ده مرهون بعدم تعديك على الاخرين , يعنى لوعلى سبيل المثال انت انسان ملتزم و لكن لك صديق غير ملتزم يبقى حقه عليك انك تنصحه بالحسنى لكن انت نفسك ماليكش الحق فى اجياره على الالتزام بالنصيحة دى واللا يبقى انت تعديت حدودك اللى رسمهالك الاسلام..
3- بالنسبة لموضوع الحجاب اللى ممنوع فى فرنسا , اولاُ فرنسا دوله غربية تؤمن تماماً بالليبرالية اللى هيه معناها حريتك حدودها الاخرين , و من المنطلق ده فرنسا منعت النقاب و ليس الحجاب لسبب بسيط ان اولاً النقاب مش من عادتهم الاجتماعية ثانياً تخوفهم من ان النقاب يستخدم من قبل اشخاص لاهداف اخرى زى السرقة او عمليات ارهابية , ده بالاضافة لو انك قريت قرار المنع هاتلاقيه ضم فيه ايضاً منع ارتداء الايقونات الكبيرة و الملفتة للمسيحين او ارتداء القبعة اليهودية الشهيرة و تضفير الشعر بطريقة الزنار بتاعة اليهود و القرار ده كان سارى على الفرنسين و غير الفرنسين و اى شخص بيتواجد على ارض البلد يبقى همه كده كفلوا حرية العقيدة و المعتقد و لكن مع عدم التاثير على القانون المدنى للدولة
4- بالنسبة لموضوع حرق المصحف و سب النبى عليه افضل الصلاة و السلام , دى كانت تصرفات فردية من اشخاص موتورين او ماجورين او حقودين سميهم زى ما تسميهم و المجتمع الدولى كله جرمها يالعكس ده فيه ناس تانية من نقس البلدان دى حاولت انها تقوم ببعض الاعمال و التصرفات علشان تمحى اثر التصرفات المسيئة اللى عملوها الناس دى
5- النقطة دى مش رد على حضرتك النقطة دى رد على الشخص اللى اسمه ابو سفيان مراقب سابق , اللى بيقول احذروا من دعاة الديموقراطية ...و اللى عاوز اقوله ان بكلامه ده بيهدر دم شباب شهدا راحوا فى الثورة بتاعتنا علشان يقولوا كلمة حق و يعبروا عن اراؤهم بمنتهى الحرية و بدون خوف من حاكم ظالم او حاكم يؤله نفسه و سؤالى ليه لما انت مش عاوزها لا ديموقراطية و لا علمانية و لا ليبرالية و لا وفدية و لا حتى اسلامية سياسية امال سعادتك عاوزها ايه بقى ان شاء الله تحكم باللى فى دماغ سادتك و اللى يخالفك يبقى بيخالف الله و رسوله...؟ و ممكن اعرف مؤهلات سعادتك ايه او خلفيتك الثقافية ايه علشان تحكم على كل الفرق السياسية دى مرة واحدة و تقول احذروهم...؟ و مين اللى عمل سيادتك خليفة الله فى الارض و المتكلم باسم الدين و كاننا كلنا لا نفقه اى شئ عن امور ديننا و انت وحدك اللى اوتيت من العلم ما لا يملكه احد....؟؟؟؟!!!
6- النقطة دى برده رد على الشيخ صاحب الموقع , لان اللى خلانى اعرف طريق الموقع ده لما سمعت له خطبة مؤخرا بالصدفة مليئة بالمغالطات و كان بيقول فيها بالنص (طبعاً مع ما يصاحب ذلك من علو صوت لارهاب من يسمعه) الليبرالية هى ان أمى ما تلبسش حجاب ...!!!!! من اين لك هذا التعريف المختزل و اللى لا يمت للحقيقة بأى شئ ارجوكم اقروا من مصادر موثوق فيها و ابحثوا و دوروا ليه تلغوا عقولكم , ده الرسول بيقول اطلبوا العلم و لو فى الصين , هيه السياسة و الاقتصاد و غيره و غيره علوم برده يبقى ليه ما ندورش عليها بنفسنا و من اهل الاختصاص الثقات....
ده طبعاً غير التجريح و الهمز و اللمز فى شخص البرادعى او شخص عالم عظيم زى زويل ,...هل من الاسلام قى شئ السب و الهمز و اللمز على اى شخص بغض النظر عن مكانة الشخص ده , ده بدل ما يقولنا نقتدى بيهم علشان نوصل لمراتبهم فى العلم......!!!!

فى النهاية بارجع و بقول الدين ثابت اصوله و احكامه و شرائعه ثابتة فى حين السياسة متغيرة بتغير الازمان و الاشخاص فما يصحش ان احنا نخلط الثابت بالمتغير و نخللى الدين عرضه للجدل و النقاش

[خالدعمار]

frame="1 80"][/frame]