إعـــــــلان

تقليص
لا يوجد إعلان حتى الآن.

عاوز (أدونلوود)شوية(فايلات)و(أريترهم)على (سيديهاية)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عاوز (أدونلوود)شوية(فايلات)و(أريترهم)على (سيديهاية)

    إيه الكلام الغريب اللي انا كاتبه ده
    الكلام ده عبارة عن حوار دار أمامي في أحد مكاتب الإنترنت

    دخل أحد الشباب و قال لصاحب المكتب
    -لو سمحت عاوز (أدونلوود)شوية(فايلات)و(أريترهم)على (سيديهاية)
    -(أوكيه) تحب أفتحلك(تايم)ولا(أوبن)
    -خليها (أوبن)

    الترجمة
    أدونلوود : فعل مضارع من كلمة(download) بمعنى ينزل من النت
    فايلات : جمع (file) و هو الملف
    أريترهم : فعل مضارع من (writer) أي ينسخ
    سيديهاية : مشتقة من(CD) أي اسطوانة كومبيوتر
    تايم : (time) وقت
    أوبن : (open) يعني مفتوح



    و السؤال الآن :
    أي لغة يتحدثها هؤلاء القوم


    طبعا عرفتوا هاتكلم عن إيه

    عن اللغة العربية


    أنا مش باقول نتكلم الفصحى لأن الناس مش هتتقبل و ممكن كمان-للأسف- مايفهموش

    بس أنا باقول على الأقل نتكلم العامية بتاعتنا
    و نحاول نتخلص من المصطلحات الانجليزية الغريبة اللي احنا دخلناها في كل حاجة في حياتنا

    لدرجة إن في مرة واحد صاحبي كان بيجهزلنا فطار
    بيعمل فــــووووول
    فبيقول: انت جست(just) تعصر الليمون على الفول هايبقى حلو قوي
    آه و الله
    just


    حتى في الكتابة تلاقيهم كاتبين : مرسي(merci)
    و أنا كنت باقول مين مرسي ده اللي كل شوية يكتبوه

    لكِ الله يا لغة القرآن

    المهم

    على الأقل احنا كناس محسوبين على الالتزام و الدين لازم نحاول نحافظ على البقية الباقية من لغتنا

    أحد الإخوة أخبرني أن في فرنسا لو وقفت واحد في الشارع و بتسأله عن مكان مثلا و بتتكلم بالانجليزي يعمل نفسه مش فاهمك و انه مابيعرفش غير فرنساوي و بيعتبروها إهانة انك تتكلم بلغة غير الفرنسية داخل فرنسا
    و بيحاولوا ينشروا اللغة الفرنسية في كل العالم بأي شكل من الأشكال و يطلعوا عليها الألقاب و حتى احنا بقينا بنقول الكلام ده و احنا مش فاهمين .. تلاقي واحد يقوللك الفرنساوي ده لغة رقيقة و(استايل) و الكلام ده مع اني شايفها لغة غبية جدا و مخارج الحروف بتاعتها غليظة


    و أعجبني مرة أحد الإخوة و أنا بأقوله رقمي
    قلت: زيرو عشرة
    قاللي : يا أخي اسمه صفر و ليس زيرو .. الصفر ده احنا اللي اخترعناه و لازم نعتز بيه



    القصص دي كلها عاوز أقوللكم اننا لازم نحاول نلغي بالتدريج كل الألفاظ الأجنبية من حياتنا

    و ده طبعا لا يتعارض اطلاقا مع تعلم اللغات .. مش عاوز حد يفهمني غلط

    بس تعلم اللغات يكون لعلة مش عشان نتكلم بيه في حياتنا اليومية



    عاوزين نحول هواتفنا المحمولة من الانجليزي الى العربي
    بالذات الأسماء نكتبها بالعربي
    و كلمة زيرو نستبدلا بالصفر
    وهكذا ..
    واحدة واحدة انتعود إن شاء الله
    و عاوز إن شاء الله في الموضوع ده نجمع حاجات كلنا بنستخدمها باللغات الأجنبية و نحولها للعربية إن شاء الله

    جزاكم الله خيرا




    في موضوع هام جدا سمعته اليوم من شيخ و أحببت ان أنقله لكم لأهميته




    موضوع التاريخ الهجري

    أنا ماكنتش متخيل الموضوع بالأهمية دي
    النهارده الشيخ كان بيشرح في كتاب الجنائز و ذكر إن الصبي دون السابعة يجوز أن يغسل امرأة أجنبية عنه و لكن يشترط أن يكون دون السابعة
    طبقا للتقويم الهجري
    يعنى هو لو عنده 6 سنين و مثلا 11 شهر بالتقويم الميلادي و لكنه طبقا للتقويم الهجري عنده 7 سنين و شهر (مثلا) و غسل امرأة يبقى وقع في محرم
    و بعدين قال : طبعا انتوا بتقولوا مين الطفل اللي عنده حتى 10 سنين هيغسل ميتين في الزمن ده و بالتالي موضوع التاريخ الهجري ده مش مهم و لا حاجة
    لكن الحقيقة انه بينبني عليه أحكام كتير جدا في الإسلام لا تقع تحت فضائل الأعمال و إنما تقع تحت المحرمات
    خاصة الأحكام الخاصة بالنساء
    بمعنى
    مثلا بالنسبة للنساء .. الحيض يبدأ (شرعا) من 9 سنين و ينتهى عند 50 سنة
    و السنين دي بالتقويم الهجري
    يعنى هنا المرأة لو حسبت لنفسها بالتاريخ الميلادي ستقع بلا شك في محرم
    لأنها ستصلي في وقت محرم عليها الصلاة فيه و ستترك الصلاة في وقت هي مأمورة بالصلاة فيه

    و كذلك أحكام العدة فعدة المرأة (أربعة أشهر و عشرا) برضه بالتقويم الهجري
    و بالتالي لو تزوجت قبل عدتها الشرعية يبقى نكاحها باطل
    تخيلوا

    و المفاجأة التانية إن الشيخ قال ان أساسا التقويم ده غير منسوب للمسيح عليه السلام و إنما هو تقويم أحدثه اليونانيون الوثنيون


    و حتى لو افترضنا أنه منسوب للمسيح عليه السلام فشريعتنا ناسخة لما قبلها
    و كل الأحكام عندنا مبنية على هذا التقويم

    و بالطبع هو جزء من هويتنا كمسلمين و المسلمين طول تاريخهم أيام ماكنوا سادة العالم كانوا بيتعاملوا بهذا التقويم

    أما في الزمن اللي احنا فيه بعد ما دخلنا جحر الضب و بقينا بنقلد أعدائنا اللي بيستهزأوا بينا و بدينا و برسولنا ليل نهار بقينا بنسيب كل ماهو إسلامي و نستبدله بكل ما هو غربي
    و لا حول و لا قوة الا بالله
    أرجو نشر هذا الموضوع للأهمية

    و جزاكم الله خيرا
    التعديل الأخير تم بواسطة قلب معلق بالمساجد; الساعة 18-03-2008, 02:25 AM.

  • #2
    رد: عاوز (أدونلوود)شوية(فايلات)و(أريترهم)على (سيديهاية)

    جزاك الله خيرا هذا دليل على مدى تأثر المسلمين بالثقافة الغربية و لابد لنا من محاربة هذا الاستعمار الفكري و الثقافي حتى لا نسقط في التخبط فلا نحن نتكلم لغتهم و لا لغتنا و لا حول ولا قوة إلا بالله العلي العظيم
    .................................................. ..

    يـــــــــــــــــــــــــــــــــــــــــــــــــ ـــــــارب
    انصر المسلمين في كل مكــــــــــــــان

    تعليق


    • #3
      رد: عاوز (أدونلوود)شوية(فايلات)و(أريترهم)على (سيديهاية)

      جزاكم ربي خيرا
      ومن أجمل ما سمعت في هذا الموضوع وفعلا أضحكني
      أن محل لبيع المأكولات والمشروبات عاوز يكتب كلمة ترحيب للناس
      فبدل ما يكتب welcome وهي تعني مرحبا باللغه العربيه كتبها متعربه هكذا
      ويلكم
      (سمعتها من أحد دروس شيخنا الحويني حفظه الله)
      وأقوال الرسول لنا كتابا وجدنا فيه أقصا مبتغانا
      وعزتنا بغير الدين ذل وقدوتنا شمائل مصطفانا
      صلى الله عليه وآله وصحبه وسلم

      تعليق


      • #4
        رد: عاوز (أدونلوود)شوية(فايلات)و(أريترهم)على (سيديهاية)

        ما شاء الله أخي في الله (( قلب معلق بالمساجد ))

        موضوع ممتاز
        (إن كلماتنا تظل عرائس من الشمع حتى إذا متنا في سبيلها دبَّت فيها الروح وكُتبت لها الحياة)

        تعليق


        • #5
          رد: عاوز (أدونلوود)شوية(فايلات)و(أريترهم)على (سيديهاية)

          ما شاء الله ..موضوع جميل فعلا
          لازم نعتز بلغتنا العربية ...فالقرآن نزل بها و هذا أكبر شرف لينا ..أننا مسلمون و لغتنا هي اللغة العربية ...
          و الموضوع حكاية تعود بس يعني إن شاء الله ندرب نفسنا و هنبقى كويسين جدا بإذن الله ..

          تعليق بسيط :
          رسولنا صلى الله عليه و سلم أعظم إنسان .. حبيبنا و اللى بيحب حد بيعمل زيه ...ترى هل كان رسولنا يتكلم هكذا ؟؟!!!
          لا وربي ...بل كانت العربية الاصلية الجميلة ...
          فلو بنحب حبيبنا صلى الله عليه وسلم نتكلم مثله ...
          بنشوف مثلا ...الناس اللى بتحب لعيبة الكورة و المغنيين و الممثلين و المشاهير... بيتكلموا زيهم و يلبسوا زيهم و لو قالوا مصطلحات معينة في مسرحية ولا فيلم بتنتشر جداااااااا و يذكروها في كل مواقفهم ..
          فأين نحن من سنة رسول الله صلى الله لعيه و سلم ..و لبسه و خلقه ..و لغته ؟؟!!

          و تلاقي كلامهم دلوقتي بقى حاجة تانية خالص ...يا عم سقعله و نفضله ..و جبت جاز..معلش سامحوني بس بجد كلام مستفز جداااااااا
          بالذات حكاية جبت جاز ..مرة واحدة صاحبتي بتقالهالي في التليفون ..كان بتقولى جبت جاز من اخويا
          قلت لها هوا اخوكي بيبع جاز ؟؟!!
          بجد فعلا مكنتش اعرف ان جبت جاز ديه يعني جابت اخرها منه ...الله المستعان
          و فاكرين ان كده بقى الروشنة؟؟!!
          أسأل الله ان يردنا إليه ردااااااااا جميلالالالالالالالالالا

          فجزاكم الله خيرا
          (( وَتَوَكَّلْ عَلَى اللَّهِ وَكَفَى بِاللَّهِ وَكِيلاً )) سورة الأحزاب .
          (( الَّذِي خَلَقَنِي فَهُوَ يَهْدِينِ{78}وَالَّذِي هُوَ يُطْعِمُنِي وَيَسْقِينِ{79}وَإِذَا مَرِضْتُ فَهُوَ يَشْفِينِ{80}وَالَّذِي يُمِيتُنِي ثُمَّ يُحْيِينِ{81}وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ{82} )) سورة الشعراء .

          تعليق


          • #6
            رد: عاوز (أدونلوود)شوية(فايلات)و(أريترهم)على (سيديهاية)

            ما شاء الله موضوع رائع
            ربنا يجازيك كل خيرا
            ويجعل صالح الاعمال فى ميزان حسناتك
            والله فعلا مشكله
            الناس دلواقتى كل كلامها لازم يدخلوا فيه الكلام الانجليزى
            علشان يبقوا مثقفين ومتعلمين
            سبحان الله
            تيجى تكلم حد ولا تقوله على حاجه يقولك مرسى
            مرسى ايه بس
            فيها ايه شكرا ولا الاجمل جزاك الله خيرا
            والله انا باجى اقول لاصحابى مثلا لما تقدملى خدمه
            اقولها جزاكى الله خيرا
            مبتعرفش ترد عليه تقول ايه
            لكن لو جيت تقول لها مرسى تلاقيها قبل ما تخلص الكلمه تقولك لا مفيش اى حاجه نفر مايد يعنى ولا يهمك
            الله المستعان
            اللهم ردنا اليك ردا جميلا
            وثبتنا على الحق
            واهدى جميع شباب وبنات المسلمين
            اللهم يا مقلب القلوب والابصار ثبت قلبى على دينك

            تعليق


            • #7
              رد: عاوز (أدونلوود)شوية(فايلات)و(أريترهم)على (سيديهاية)

              جزاكم ربي كل خير
              وجعل الله هذا الموضوع في ميزان حسناتكم
              فعلا يا جماعة دلوقتي تلاقي معظم الناس يتكلموا كلام هما مش فهمين معناه
              ولما تقول له ايه معني الكلام ده
              يقول لك مش عارف المهم ابقي مودرن
              حتي كمان الارياف ولاحول والاقوه الا بالله
              اسال الله العظيم رب العرش الكريم ان يردهم الي دينهم ردا جميلا


              تعليق


              • #8
                رد: عاوز (أدونلوود)شوية(فايلات)و(أريترهم)على (سيديهاية)

                جزاكم الله خيرا على الردود
                و أنا أحسبكم و الله من الغيورين على دين الله و لا أزكيكم على الله و كررتها أكثر من مرة أني أشعر في هذا المنتدى بالذات أني بين أناس يحملون هم الدين بحق و يعملون له

                المشاركة الأصلية بواسطة dr_Muslim مشاهدة المشاركة
                جزاكم ربي خيرا

                ومن أجمل ما سمعت في هذا الموضوع وفعلا أضحكني
                أن محل لبيع المأكولات والمشروبات عاوز يكتب كلمة ترحيب للناس
                فبدل ما يكتب welcome وهي تعني مرحبا باللغه العربيه كتبها متعربه هكذا
                ويلكم


                (سمعتها من أحد دروس شيخنا الحويني حفظه الله)

                أضحك الله سنك حبيبي في الله
                أنا سمعتها أيضا من شيخنا الحوينى حفظه الله
                و مما أضحكني أيضا من كلام شيخنا حفظه الله أنه كان يحكي أنه كان يوما ما يسير في الشارع باحثا عن فندق يبيت به و لكما سار رأى لافتة مكتوب عليها "لوكاندة" كذا و لم يكن يعلم أن هذه الكلمة معناها و فندق و كان يقرأها
                "لو كان ده"


                اللهم احفظ شيخنا أبو اسحق و كل مشايخنا و متعهم بالصحة والعافية
                آمين

                تعليق


                • #9
                  رد: عاوز (أدونلوود)شوية(فايلات)و(أريترهم)على (سيديهاية)

                  أنا أعجبني جدا ربط موضوع اللغة بحب الرسول الله الذي قامت به الأخت آية الله
                  لأن فعلا ممكن موضوع استخدام اللغات الأجنبية ده يدخل في موضوع التشبه بالكفار و العياذ بالله و بكده الموضوع يبقى كبير
                  و حتى لو مش كده
                  على الأقل في الأيام اللي بيتشتم فيها حبيبنا صلى الله عليه و سلم ما ينفعش يبقى هما بيشتموه و احنا بنقلدهم في لغاتهم و شكلهم و أكلهم عشان نبقى متطورين
                  .................
                  عاوزين في البداية نعترف إننا كلنا - إلا من رحم ربي - بنستخدم اللغات الأجنبية في كلامنا و هي دي بداية الحل
                  مش مجرد اننا نتريق على الناس اللي بتعمل كده .. لأ .. في الأول نشوف نفسنا
                  أنا نفسي أحيان كتير برغم اني دايما باكلم الناس في الموضوع ده إلا اني ساعات باعمل زيهم خصوصا لو انت في كلية بتدرس بالانجليزي
                  الموضوع بيبقى زيادة شوية
                  مثلا لو انت قلت كلمة آلة حاسبة أكيد كل اللي حواليك هايضحكوا لأنك لازم تقول calculator
                  المهم أنا عاوز نجمع الكلام اللي زي كده و نأكد على نفسنا اننا لاوم نقوله بالعربي و لو حد استغرب نفهمه و كمان نقوله على موضوع حملة من يدفعه عنا و له الجنة و نفهمه إننا مش هانتكلم بلغة الناس اللي بيشتموا حبيبنا صلى الله عليه و سلم

                  تعليق


                  • #10
                    رد: عاوز (أدونلوود)شوية(فايلات)و(أريترهم)على (سيديهاية)

                    جزاكم الله خيرا اخي ..و جعله في ميزان حسناتكم ان شاء الله
                    هشترك ان شاء الله بالكلام اللى بسمعه في مشاركة قريبا ان شاء الله ..اعذروني الان
                    (( وَتَوَكَّلْ عَلَى اللَّهِ وَكَفَى بِاللَّهِ وَكِيلاً )) سورة الأحزاب .
                    (( الَّذِي خَلَقَنِي فَهُوَ يَهْدِينِ{78}وَالَّذِي هُوَ يُطْعِمُنِي وَيَسْقِينِ{79}وَإِذَا مَرِضْتُ فَهُوَ يَشْفِينِ{80}وَالَّذِي يُمِيتُنِي ثُمَّ يُحْيِينِ{81}وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ{82} )) سورة الشعراء .

                    تعليق


                    • #11
                      رد: عاوز (أدونلوود)شوية(فايلات)و(أريترهم)على (سيديهاية)

                      في موضوع هام جدا سمعته اليوم من شيخ و أحببت ان أنقله لكم لأهميته

                      موضوع التاريخ الهجري

                      أنا ماكنتش متخيل الموضوع بالأهمية دي
                      النهارده الشيخ كان بيشرح في كتاب الجنائز و ذكر إن الصبي دون السابعة يجوز أن يغسل امرأة أجنبية عنه و لكن يشترط أن يكون دون السابعة
                      طبقا للتقويم الهجري
                      يعنى هو لو عنده 6 سنين و مثلا 11 شهر بالتقويم الميلادي و لكنه طبقا للتقويم الهجري عنده 7 سنين و شهر (مثلا) و غسل امرأة يبقى وقع في محرم
                      و بعدين قال : طبعا انتوا بتقولوا مين الطفل اللي عنده حتى 10 سنين هيغسل ميتين في الزمن ده و بالتالي موضوع التاريخ الهجري ده مش مهم و لا حاجة
                      لكن الحقيقة انه بينبني عليه أحكام كتير جدا في الإسلام لا تقع تحت فضائل الأعمال و إنما تقع تحت المحرمات
                      خاصة الأحكام الخاصة بالنساء
                      بمعنى
                      مثلا بالنسبة للنساء .. الحيض يبدأ (شرعا) من 9 سنين و ينتهى عند 50 سنة
                      و السنين دي بالتقويم الهجري
                      يعنى هنا المرأة لو حسبت لنفسها بالتاريخ الميلادي ستقع بلا شك في محرم
                      لأنها ستصلي في وقت محرم عليها الصلاة فيه و ستترك الصلاة في وقت هي مأمورة بالصلاة فيه

                      و كذلك أحكام العدة فعدة المرأة (أربعة أشهر و عشرا) برضه بالتقويم الهجري
                      و بالتالي لو تزوجت قبل عدتها الشرعية يبقى نكاحها باطل
                      تخيلوا

                      و المفاجأة التانية إن الشيخ قال ان أساسا التقويم ده غير منسوب للمسيح عليه السلام و إنما هو تقويم أحدثه اليونانيون الوثنيون


                      و حتى لو افترضنا أنه منسوب للمسيح عليه السلام فشريعتنا ناسخة لما قبلها
                      و كل الأحكام عندنا مبنية على هذا التقويم

                      و بالطبع هو جزء من هويتنا كمسلمين و المسلمين طول تاريخهم أيام ماكنوا سادة العالم كانوا بيتعاملوا بهذا التقويم

                      أما في الزمن اللي احنا فيه بعد ما دخلنا جحر الضب و بقينا بنقلد أعدائنا اللي بيستهزأوا بينا و بدينا و برسولنا ليل نهار بقينا بنسيب كل ماهو إسلامي و نستبدله بكل ما هو غربي
                      و لا حول و لا قوة الا بالله
                      أرجو نشر هذا الموضوع للأهمية
                      و جزاكم الله خيرا

                      تعليق


                      • #12
                        رد: عاوز (أدونلوود)شوية(فايلات)و(أريترهم)على (سيديهاية)

                        بارك الله فيك ياأخى والله الواحد بقى بيسمع كلام غريب وعجيب

                        تعليق


                        • #13
                          رد: عاوز (أدونلوود)شوية(فايلات)و(أريترهم)على (سيديهاية)

                          جزاكم الله خيرا
                          رجاء نشر موضوع التاريخ الهجري لخطورته

                          تعليق


                          • #14
                            رد: عاوز (أدونلوود)شوية(فايلات)و(أريترهم)على (سيديهاية)

                            بس فى حاجة عاوز اضفها يا خى
                            قلب معلق بالمساجد
                            مش معنا كدة ان احنا منتعلمش الانجليزية
                            حتى على الاقل للتعامل مع الكفار
                            وكيفية اسلامهم
                            لاكن كل الى قلتة مظبوط

                            تعليق


                            • #15
                              رد: عاوز (أدونلوود)شوية(فايلات)و(أريترهم)على (سيديهاية)

                              جزاكم الله خيرا اخى الحبيب
                              فعلا هم يضحك وهم يبكى !
                              أتردّني وتردّ صادقَ توبتِي ؟؟
                              حاشاكَ ترفضُ تائباً حاشاكَ

                              تعليق

                              يعمل...
                              X