حملة "مين السبب"

[manhagmuslim]

رد: حملة "مين السبب"

اخى ابى جعفر
اود ان اسالك سؤالا
هل يطلع الاخوة على منتديات الأخوات أم لا؟؟
حيث ان زوجتى تريد ان تشارك فى منتديات الاخوات و عمل حملة مين السبب للاخوات و لكنى أخشى من اضطلاع الاخوة على هذه المنتديات
برجاء الرد

[manhagmuslim]

رد: حملة "مين السبب"

اخى ابى جعفر
اود ان اسالك سؤالا
هل يطلع الاخوة على منتديات الأخوات أم لا؟؟
حيث ان زوجتى تريد ان تشارك فى منتديات الاخوات و عمل حملة مين السبب للاخوات و لكنى أخشى من اضطلاع الاخوة على هذه المنتديات
برجاء الرد

[manhagmuslim]

حملة "مين السبب" الغيبة

السلام عليكم ورحمة الله و بركاته

ممكن اسألك سؤال و ترد عليه

احنا ليه بنغتاب بعض؟

ما الغيبة؟

قال النبى" أتدرون ما الغيبة ؟ ذكرك أخاك بما يكره ، إن كان فيه ما تقول فقد اغتبته ، و إن لم يكن فيه فقد بهته"</span>

أنا بشوف ان من أسباب الغيبة الحسد و الغيرة و عدم رؤية عيوب نفسك و الفراغ

لو كل واحد فينا انشغل بعيوبه اعتقد ان مفيش حد هيغتاب التاني

الغيبة غير انها حرام في الدين فليست من أخلاق النبلاء فتخيل واحد يكون مش موجود او يعطيك ظهره و انت تتكلم من وراه أليست هذه خيانة.

ايه اللى انت استفدته لما اغتبت؟

لو حاجة مش عاجباك في شخص روح و قل له على عيبه عشان يتخلص منه فكونك مش قادر تواجهه يبقى انت فيك خصلة جبن أو خيانة و كلاهما غلط و اعرف انك زي ما هتغتاب الناس الناس ىهتغتابك فالجزاء من جنس العمل

طيب تحب حد يتكلم عليك؟ ليه بتنتكلم على الناس؟

لازم تحب لأخيك ما تحب لنفسك

قال النبي:" لا يؤمنأحدكم حتى يحب لأخيه ما يحب لنفسه"

و بعدين انت يعني انسان كامل و مش عندك عيوب؟

الأفضل تنشغل بعيوبك احسن من الانشغال بعيوب الاخرين.

لو انا قلت لك كُل من لحم الميت ده...ممكن تاكل و لا هتقرف؟؟ طيب ماهي دي الغيبة

قال الله: " ولا يغتب بعضكم بعضا أيحب أحدكم أن يأكل لحم أخيه ميتا فكرهتموه"

تدبر لماذا قرن الله بين الميت و الشخص الذي اغتبته ؟

لأن الاثنين مش قادرين يردوا عن نفسهم الغيبة فكلامك فى أخيك الغائب عنك زى كلامك فى الميت

وأخيرا اعرف أن الغيبة مش بتكون باللسان بس و لكن بالنظرة و الضحكة........... فلو كان شخص واقف و عمل حاجة و أنت نظرت لصاحبك نظرة تدل على استهزائك بهذا الشخص فهذا من الغيبة المحرمة

حبيبى من أخطر الذنوب اللى بتكون فى حق الغير فلازم نتوب منها بالكف عنها و العزم على عدم العودة و الندم على ما فعلته و هذه شروط التوبة من أى ذنب لكن لازم تضيف عليها أنك تستغفر للشخص اللى انت اغتبته و كمان تقول له عشان يسامحك فى الدنيا قبل ما تموت و الفرصة تروح.

[manhagmuslim]

حملة &quot;مين السبب&quot;انميمة

السلام عليكم و رحمة الله و بركاته
موضوعنا اليوم عن النميمة و لم أجد أفضل من هذه القصة التى ساقها

الشيخ محمد العريفى حفظه الله


يقول الشيخ:
في يوم من الأيام ألقيتُ محاضرة في أحد السجون.. جُمع لي السجناء في المسجد الكبير قرابة 500 أو الألف سجين ..
انتهيت من المحاضرة.. أول ما انتهيت قال لي أحد الأخوة الذين كانوا مرافقين معي وهو مشرف على بعض المحاضرات في السجن، قال: يا شيخ هنا الجناح الخاص بأصحاب القضايا الكبيرة والجناح الانفرادي لم يحضروا معك المحاضرة فليتك أن تمر بهم وتلقي عليهم كلمة وتجيب على أسئلتهم إن كان عندهم أسئلة.. قلت: حسناً..
أقبلنا فإذا مجموعة كل واحد في زنزانة خاصة به.. مررنا بهم.. ألقيت عليهم كلمة يسيرة ثم أجبت على أسئلتهم .. مررت في أثناء ذلك بزنزانة فيها شاب عمره تقريبا 23 سنة أو في الخامسة والعشرين سنة تقريبا كان جالساً هادئاً في زنزانته، مررت به وسلمت عليه كان هادئاً لطيفاً ثم تجاوزته، سألت صاحبي قلت: ما قضيته؟! يعني هو عليه سرقات أم مضاربة مع أحد أو أدت إلى قتل ذلك الشخص مثلاً ما قضيته؟!

قال: هذا الشاب يا شيخ عليه جريمة قتل لزوجته..
قلت: قتل لزوجته! ما هو السبب؟!
قال: هل تصدق أنهما ما مضى على زواجهما إلا قرابة ثلاثة أشهر وقتلها
قلت كيف قتلها أعوذ بالله يعني كمثل وجدها على فعل معين أو محرم أو فاحشة أو وجدها مع رجل مع أنه لا يجوز أنه يعاملها بالقتل بمثل هذه المواقف لكن أحيانا أن بعض الناس يثور ويتهور ويضربها بشيء فتموت بسببه

قال: لا، ذبحها بالسكين
إنا إليه راجعون.. كيف؟!
قال: هذا تزوج وسكن مع زوجته على أحسن حال.. حقد عليه مجموعة من الناس ربما بينه وبينهم مشاكل في القديم أو أنهم كانوا يريدون أن يتزوجوا هذه الفتاة، المقصود أنهم حقدوا عليه فأقبل إليه أحدهم فقال له: يا فلان
قال الشاب: ما تريد؟
قال: أنت اشتريت سيارة خضراء بدل سيارتك؟ وذكر له أحد أنواع السيارات
الشاب: لا ، أنا والله ما اشتريت، أنا سيارتي السوداء التي معي تعرفونها
قال: والله ما أدري لكن أنا أمس الضحى وأنت في العمل خرجت في حاجة ومررت أمام بيتك ورأيت سيارة خضراء واقفة عند الباب فخرجت امرأة من بيتك وركبت معه وبعد ساعتين رجعت إلى البيت، أنت عندك يمكن في البيت أحد يمكن...
قال الشاب: لا والله ما فيه إلا زوجتي حتى ما عندي خادمة ولا عندي أحد
قال: ما أدري إن شاء الله ما تكون زوجتك.. ومضى..

بعدها بيومين الرجل بدأ يشك يسأل زوجته: فيه أحد جاء ، فيه أحد ذهب..

بعدها بيومين، ثلاثة، أقبل إليه رجل آخر قد اتفق مع الأول فقال له: يا فلان
قال نعم
قال: أنت غيرت سيارتك، اشتريت سيارة بيضاء؟
قال: لا والله هذه سيارتي تحت واقفة
قال: والله ما أدري بس أنا أيضا أمس العصر يبدو إنك ما كنت في البيت، فيه سيارة بيضاء وقفت عند الباب وأقبلت امرأة وركبت معها وذهبت.
جعلوا الرجل ينتفض ..

ثم جاءوا إليه في اليوم الثالث وزادوا عليه الكلام..

جاءوا إليه في اليوم الرابع ..

- أنظر كيف الألسنة تحدث من عقوق وقطيعة –

فلا زالوا به حتى تخاصم مع زوجته وأكثر عليها الكلام وهي صرفت عليه قالت: كيف تتهمني في عرضي، قال نعم أتهمك اعترفي، ما أعترف..... كثر الكلام فذهبت إلى بيت أهلها..

لبثت عند أهلها أياما فلم يرضهم ذلك!

أقبلوا إليه قالوا: يا أخي ترى السيارات نفسها الآن تقف عند بيت أهلها، بكرى البنت تحمل وبعدين تقول هذا ولدك. أنت لست رجلا أنت ما عندك مروءة أنت تلعب بعقلك الفتاة والله لو كنت رجل لو أنك.... الخ.............. فلم يزالوا يعينون الشيطان عليه بالوساوس حتى تغلب عليه الشيطان في ليلة من الليالي فخرج من بيته ومضى إلى بيت أهلها وقفز من فوق السور ودخل إلى البيت والكل النائم، مضى إلى المطبخ وأخذ سكيناً ثم مضى إلى غرفتها ودخلها بهدوء وإذا الفتاة نائمة في أمان الله قد نامت على بطنها في أمان الله على فراشها فأقبل من خلف رقبتها وأبعد شعرها قليلا وذبح حتى قطع أوداجها.. انتفضت قليلا وماتت.. مسح السكين بثيابه وتركها وذهب إلى الشرطة وقال أنا قتلت فلانة! أدري أني سأتعب لو هربت وسوف ألاحق في كل مكان من الآن أنا قتلتها لكن بردت ما في قلبي! ..
وحكم عليه بالقصاص.. النفس بالنفس..

شاب يا جماعة لو ترونه يعني من أحسن الشباب خلقة وأقواهم بدنا لكن بكثرة ما وقع من ألسنة أولئك الظلمة الفجرة
أنظر كيف تحولت الأمور، قد هُتكت بها أعراض وهدمت بيوت بسبب ما يخرج من هذا اللسان
( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

وهؤلاء الظلمة غير أنهم اكتسبوا اثما عظيما اثم الغيبة والنميمة فإنهم أيضا فرقوا بين زوجين وهناك حديث لرسول الله صلى الله عليه وسلم يقرر أن من فرق بين زوجين لا ينظر الله إليه يوم القيامة. وكذلك قذفوا المسلمة المحصنة بالزنا والعياذ بالله من ذلك
-- قذف المحصنات من كبائر الذنوب --
فتدبروا يا أولى الألباب

[رضوان المغربي]

رد: حملة &quot;مين السبب&quot;

جزاكم الله خيرا

افدتنا بموضوعاتك المتميزة

بارك الله فيك وسدد قلمك

واثابك الله الفردوس الاعلى

[manhagmuslim]

رد: حملة &quot;مين السبب&quot;

جزانا و إياكم أخى الغالى

[دعوة للحب]

رد: حملة &quot;مين السبب&quot;

جزاكم اللهخيرا

[manhagmuslim]

إتقان العمل

السلام عليكم و رحمة الله و بركاته

هل تتقن عملك؟؟؟

يعنى ايه؟؟؟

يعنى هل تذهب لعملك فى مواعيده و تؤدى عملك بدقة و نظام

ولا بتكسِل و تقول يعنى هو حد شايفنى!!!

حبيبى

لو عرفت أن مديرك فى الشغل مراقبك طوال النهار هتعمل ايه؟؟

أعتقد أن شغلك هييقى ميه ميه

صح؟؟

مش دى أمانة لازم تقوم بها

قال النبى:"لا إيمان لمن لا أمانه له، ولا دين لمن لا عهد له”

طيب تخيل أن ربنا مراقبك 24 ساعة فى اليوم

هتعمل ايه؟؟

قال تعالى:" ما يلفظ من قول إلا لديه رقيب عتيد"

لو عرفنا أن احنا بنعامل ربنا فى كل شىء مش بنعامل البشر

أعتقد أن الموضوع هيفرق كتير

و بعدين انت اتفقت مع صاحب الشغل على كلام معين

يبقى لازم تنفذ

قال النبى:"المسلمون على شروطهم "

هتقول لى طب ما كل الناس بتعمل كده

ليه بتبص للناس خلٍى قدوتك الرسول و الصحابه

حبيبى

فى نوع ثانى من الاتقان فى العمل احنا مش بنبص له

و هو اتقان العبادات

يعنى لما تصلى هل بتصلى بهدوء و سكينة؟

و لا................

و الله لو عملنا بإتقان هنساهم فى رفعة ديننا و بلدنا

و كمان هتبقى بتعمل حاجة ربنا بيحبها

قال انبى:" إن الله تعالى يحب إذا عمل أحدكم عملا أن يتقنه"

[manhagmuslim]

حملة مين السبب:التدخين&quot;

السلام عليكم و رحمة الله و بركاته

ممكن أسألك سؤال؟؟

اتفضل

ايه اللي فى إيدك ده؟؟

دى ..........سيجارة أصل الواحد مهموم و بيرفًه عن نفسه

طب هى السيجارة بترفًه عنك؟؟

قبل ما تجاوب...هل جرًبت تلجأ لربنا و تدعوه أنه يفك كربك؟؟

ربنا أعلم واحد بك و بهمومك

قال تعالى:"ألا يعلم من خلق و هو اللطيف الخبير"

و بعدين لو قلت لك احرق العشرين جنيه دى هتقول علىً ايه؟؟

مجنون صح؟

طب ايه الفرق أنك تحرق فلوس أو تحرق سيجارة؟؟

هل السجائر لها فائدة؟ لا والله

و بعدين بترفَه عن نفسك بحاجة حرام تغضب ربنا؟؟

حرام...مش للدرجة دى. دى بس مكروهة

أولا هى حرام لأسباب عديدة.. مش خبيثة تبقى حرام

قال تعالى:" و يحل لهم الطيبات و يحرِم عليهم الخبائث"

و بعدين تخيل لو فى مليون مسلم بيدخن كل يوم مش ده يتسبب فى غضب ربنا

و لما ربنا يغضب الرزق يقل و المصائب تزيد و الأمن يفقد و تحصل زلازل

و الناس تصاب بالهم و الحزن

و سبب تانى أنها حرام

مش صحتك دى أمانة؟؟ طب العلم أثبت أن السجائرمن أخطر أسباب القلب و الضغط و السكر و الربو و السرطان

و قال النبى:"لا ضرر و لا ضرار"

و لو مش مصدقنى زور مستشفى و شوف بعينك...

لا أصل أنا بشربها بالفلتر

طب حط منديل على الفلتر و شوف لون المنديل هيبقى ايه؟؟

و بعدين سأفترض جدلا أنها مكروهة...

ترضى تعمل حاجة أبوك أو أمك أو زوجتك بتكرهها

فما بالك بربنا

قال تعالى:" ما لكم لا ترجون لله وقارا"

أقولك معلومة خطيرة...هل تعلم أن السجائر اللى فى أمريكا أقل فى المواد المسرطنة من السجائر اللى بيصدروها لنا

يعنى ايه؟ يعنى عايزين يدمروا شبابنا

سبب آخر: الإسراف

قال تعالى:" إن الله لا يحب المسرفين"

تخيل انت بتصرف كام جنيه فى الشهر على السجائر؟

قول 3 جنيه فى اليوم يعنى 90 جنيه فى الشهر

طب مش بيتك و أولادك أولى بالفلوس دى

و كمان لسه الفلوس اللى هنصرفها على العلاج من السجائر

و فى أسباب تانية كتير بس كفايه كده

طب هل السيجارة رجولة؟؟؟ لا و الله ده سفه

عمرك شفت عاقل بيحرق فلوس

حبيبى السجائر حرام و فيها تضييع للفلوس و اقتصاد بلادنا محتاج كل جنيه

خليك راجل و سيب السيجارة و افتكر أن التدخين ضار جدا بالصحة.

[manhagmuslim]

حملة مين السبب&quot;التدخين2&quot;

نظرا لخطورة مسألة التدخين و انتشاره و عموم البلوى به فقد قررت أن يكون موضوعنا الجديد مع التدخين أيضا و لكن كلامى هذه المرة موجه لمن يبيع السجائر

و أرجو منكم جميعا أن تطبعوا هذا الكلام و توزعوه على كل من يبيع السجائر لعلنا نقتلع هذه الآفة الخطيرة من جذورها.

محمد: السلام عليكم و رحمة الله و بركاته البائع: و عليكم السلام و رحمة الله و بركاته
محمد: بكام الشيكولاته دي يا حاج؟؟ البائع: ب 2 جنيه اتفضل يا باشا

قعدت أفكر... أكلمه و لا لأ.......و بعدين قلت لازم اكلمه ده اخويا و بخاف عليه

حبيب قلبي....و الله انا بحبك و بخاف عليك.....و عايز أقول لك كلمتين بس أرجوك تسمعني لحد الآخر

انت عارف صحتك دي غالية عند ربنا أد ايه؟؟؟

ده كبدك فيه 300 مليار خلية لتنقية السموم بدونها قرصين مضاد حيوى ممكن تقتلك

اما رئتك تاخذ 30000 نفس في اليوم كل نفس نص لتر أكسجين تخيل لو النص لتر بجنيه

شفت احنا مديونين لربنا بأد ايه؟؟؟

و المخ بيسجل على الذاكرة نصف مليون صورة جديدة يوميا و 100 ألف نبضة قلب في اليوم و 4500 ضخة دم من القلب في الساعة الواحدة

شفت بقه لو ربنا حاسبنا على كل حاجة من دي هندفع أد ايه؟؟؟

مش الحاجات دى كلها أمانة و لازم نحافظ عليها؟؟ ترضى تخون الأمانة دى؟ هتقول لى:طبعا لأ

طب و أغلى الناس عندك فى حياتك أهلك و أولادك و أصحابك ترضى تخونهم؟؟

ترضى تكون سبب فى تدمير صحتهم؟؟ طبعا لأ

البائع:..بس انت بتقول لى الكلام ده ليه؟؟ محمد:أصل أنا بصراحة شايف على الرف عندك علب سجائر

البائع:هنعمل ايه يا عم الشيخ ما انت عارف الحياة صعبة و مصاريف العيال و....

محمد:طب انت مش عارف أنها حرام؟؟ البائع: لأ دى بس مكروهة يا عم الشيخ

أولا هى حرام قال النبى:"لا ضرر و لا ضرار" و انت كده بتؤذى غيرك

قال النبى:"من سن سنة حسنة فعمل بها بعده كان له أجره ومثل أجورهم من غير أن ينقص من أجورهمشيئا ومن سن سنة سيئة فعمل بها بعده كان عليه وزره ومثل أوزارهم من غير أن ينقص من أوزارهم شيئا"

يعنى كل واحد بيشرب سيجارة انت بعتها له انت تأخذ ذنب معاه...

و بعدين سأفترض معاك أنها مكروهة طب ترضى تعمل حاجة ربنا ييكرهها... أنا عرف أنك أكيد بتحب ربنا ومش بتحب تغضبه و بعدين ترضى تعمل 10 حاجات واحد حبيبك بكرهها فما بالك بربنا؟

قال تعالى:"ما لكم لا ترجون لله وقارا" لازم نعظم ربنا

و افتكر أنها أصلا حرام مش مكروهة

هتقول لى ده ذنب صغير...أقول لك بص لمن عصيته و لا تنظر للذنب

ربنا عظيم أوى و قادر بأقل شىء يسلب نعمه مننا فاحذر

و بعدين انت بتقول رزق العيال و الحياة صعبة......... طب هل ترضى تدخل بيتك فلوس حرام و بعدين مين اللى بيرزقك ربنا و لا السجائر؟؟؟

أكيد ربنا...طب انت كده بتغضب اللى انت عايزه يرزقك؟؟؟ طب ازاى؟؟؟ تخيل معايا واحد جاء ليشترى منك حاجات بألف جنيه مش هتحاول ترضيه بأى طريقة و متزعلوش صح؟؟ طب ما بالك بربنا اللى بعت لك هذا الشخص؟؟

حبيبى انت عارف أن ربنا قال فى القرآن أنه الرزاق" إن الله هو الرزاق ذو القوة المتين"

انت عارف كيف وصل لك رغيف العيش اللى انت بتشتريه لأولادك؟؟

بذرة اتزرعت فى مكان يبعد عنك مئات الكيلومترات ثم سقاها الفلاح و كبرت و حصدها و نقلت لك بسيارة أو سفينة أو طائرة ثم اشتراها صاحب الفرن و خبزها و انت تروح تشتريها على الجاهز

يعنى مفيش حد يقدر يأخذ الرغيف ده غيرك لأن ربنا كتبه لك

ربنا خلق 5 مليون نوع كائن على وجه الأرض كل واحد له نوع طعام مختلف عن التانى بمواعيد مختلفة

مين اللى بيرزق كل الكائنات دى؟؟

انت عارف أن الحوت الأزرق بيرضع طن لبن يوميا من أمه

مين اللى بيوفر كل ده؟؟

الأسد بيأكل من عشرين الى ثلاثين كيلو لحمة فى اليوم

مين اللى بيوفر كل ده؟؟

يعنى رزقك مش فى السجائر أو أى حاجة تغضب ربنا...........و لكن رزقك مقدًر عند ربنا فى السماء

قال تعالى:"و فى السماء رزقكم و ما توعدون"

بل هل تعلم أن الله كتب رزقك و أجلك و كل شىء قبل خلق السماوات و الأرض بخمسين ألف سنة

يعنى مكتوب لك مكتوب لك

و لكن اعلم أن رزقك لن تحصل عليه إلا بالطاعة و الصلاة و تبطل ذنوب

قال النبى:"إن العبد ليحرمالرزق بالذنب يصيبه"

المشكلة أن احنا مش عارفين بنعصى مين...ربنا العظيم اللى بيده كل شىء...يعنى ربنا مش يقدر يحرك شوية هواء يكسروا الكشك أو المحل بتاعك؟؟؟أو يسلط واحد ظالم يهدم لك الكشك أو المحل؟؟؟

هتقول لى: و أضمن منين أن ربنا هيوسع لى فى رزقى؟؟

يا أخى ده أنا بأقول لك ربنا... توكل عليه...هو كان حد فينا يتوقع أن الظلم يزول فى 18 يوم؟؟؟
و بعدين احنا مش هنختبر ربنا خد الخطوة لله و بعدين شوف الفتح من الله...و بعدين هى الفلوس بالكمية و لا بالبركة اللى ربنا يباركلك فيها؟؟؟ فى ناس كتيرة معاها فلوس كتير و بتصرفها على الدواء و العلاج.
أنا أعرف واحد سواق تاكسى أجرته 100 جنيه فى اليوم و إيجار المكان اللى ساكن فيه 60 جنيه و مش عارف يدفع الإيجار عارف ليه؟؟؟ عشان مش بيصلى
واحد تانى كان بيقفل المحل بتاعه وقت الصلاة كان بيرجع يلاقى زبائن كتيره منتظراه أمام المحل عارف ليه؟؟ عشان ده بيطيع ربنا و رزقه مكتوب له مفيش حد غيره هيأخذه...

و أخيرا اعرف أنك لازم الأول تترك الحرام و بعدين ربنا هيعوضك عنه أضعاف عشان تبقى صادق مع ربنا قال النبى:"ما ترك عبد شيئا لا يتركه إلا لله إلا عوضهالله منه ما هو خير له في دينه ودنياه "

حبيبى أنا متأكن أنك بتخاف من ربنا و هتبطل تبيع هذا السم...

[manhagmuslim]

حملة مين السبب:&quot;الظلم&quot;

السلام عليكم و رحمة الله و بركاته

ذهب الظلم و الحمد لله ذهب الظالمون و الطغاة إلى غير رجعة إن شاء الله

و سبقهم فى ذلك طغاة فى كل الأزمنة السابقة كهتلر و موسولينى و أتاتورك و ......

و كل هؤلاء هلكوا بعدما قتلوا و شردوا و أبادوا و سرقوا و نهبوا

و لكن هل نحن ظالمين؟؟؟

هتقولى لأ هو أنا بظلم حد!!!

طب هو ليه انت فاهم أن الظلم للغير فقط مش ممكن يكون الظلم لنفسك؟؟؟

يعنى ايه؟؟؟

يعنى هل نحن ظلمنا أنفسنا بالمعاصى و الذنوب و البعد عن الله؟؟

قال النبى:"......الناس غاديان ؛ فمبتاع نفسه فمعتقها ، وبائع نفسه فموبقها"

موبقها أى مهلكها فأى طريق غير طريق ربنا طريق هلاك فى الدنيا و الآخره

فى الدنيا: انظر إلى هلاك الظالمين و ما فعل الله بهم فهؤلاء ظلموا أنفسهم قبل أن يظلموا غيرهم

و فى الآخره:ضرب الله لنا مثالا عن عذاب فرعون و أتباعه و ما يجدونه من عذاب فى قبورهم

قا ل تعالى:"النار يعرضون عليها غدوا و عشيا و يوم تقوم الساعة أدخلوا ءال فرعون أشد العذاب"

يعنى عذاب فى الدنيا و الآخره

و اعرف أن كل ظالم كانت بدايته معصية ثم تكبر عنها حتى صار ظلما

و تذكر أن ربنا هيحاسبنا بالذرة "فمن يعمل مثقال ذرة خيرا يره و من يعمل مثقال ذرة شرا يره"

طب انت عارف ظلمنا لأنفسنا هو ايه؟؟ ظلمها بالمعاصى و الذنوب

تخيل أن أعضاءك هتشهد عليك يوم القيامة مما فعلته بها و ظلمك لها

قال تعالى:"اليوم نختم على أفواههم و تكلمنا أيديهم و تشهد أرجلهم بما كانوا يكسبون"

يعنى جوارحك من كثرة ظلمك لها تبرأت منك.....فجوارحك أمانة يجب حفظها

يعنى لسانك هيشهد عليك بالغيبة و النميمة و كلامك فى سيرة فلان و استهزائك من فلان

و أذنك هتشهد عليك من اللى سمعته بها من كلام حرام و أغانى

و إيدك هتشهد عليك و انت ماسك الريموت و بتقلب التليفزيون على قنوات لا ترضى الله

فيها معاصى و ذنوب من تبرج و اختلاط و خضوع بالقول و غيره

غير عينك اللي هتشهد عليك من النظر لنساء غير محجبات بل و ناشرات للرذيلة

تخيل أن ظلمك لنفسك ممكن يكون سبب فى تولية ظالم أو طاغية جديد علينا

فكما تكونوا يولى عليكم

يعنى احنا ممكن نكون سبب فى ظلم آخر و اعرف أن مفيش ظلم سيأتى لنا

إلا بسبب ذنوبنا و معاصينا
قال تعالى:"و ما أصابكم من مصيبة فبما كسبت أيديكم و يعفو عن كثير"

و قال تعالى:"ظهر الفساد فى البر و البحر بما كسبت أيدى الناس"

يعنى سبب فساد الأطعمة و الماء و المبيدات المسرطنة و.....ذنوبنا

تخيل لو كان الظلم ده كمان لغيرك!!!

هتقولى ازاى هو أنا رئيس أو وزير؟؟؟

لأ بس فكَر معايا لو أرشدت واحد لمعصية علمتها له ممكن يعملها مرة و اتننين و عشرة

ويكون كل ده في ميزان سيئاتك و لسة يوم القيامة هيجيلك يقول لك انت اللي دلتني على هذا العمل يعني لو قلت لواحد على أغنية معينة و فيلم معين أو سجاير أو شيشة أو أي حاجة حرام هيكون ده حجة عليك و ذنوب مضاعفة و احنا في غنى عن غضب ربنا

ده احنا بنتكلم عن الرخاء و تحسين الاقتصاد صح؟ طب ازاي؟

بالعمل " و قل اعملوا فسيرى الله عملكم و رسوله و المؤمنون"

و لكن في حاجة خطيرة بنغفل عنها و هي طاعة الله

قال الله تعالى" و لو أن أهل القرى ءامنوا واتقوا لفتحنا عليهم بركات من السماء و الأرض"

التقوى هي مراقبة الله و ترك الحرام و المعاصي و فعل الحسنات فروض و سنن

و لازم يكون ايماننا في ربنا كبير ان احنا لو أطعناه هنكسب و حاجات كتيرة أهمها رضا ربنا

اللي من غيره احنا لا نساوي شئ

عايزين الظلم ينتهي؟ يبقى لازم نكون عادلين مع أنفسنا