Tweet
السلام عليكم و رحمة الله و بركاته
ازيكم جميعا ... يارب تكونوا بخير
كما هو واضح من اسم العضوية ... انا مش لقيت طريقة تانية أعرف اتكلم بيها هنا من غير محد يكون عارفني ... منعا للشبهات مش أكتر
و انا أول مرة أدخل هنا ... و بكتب التوبيك ده بعد حيرة كبيرة
ممكن كلامي يبين اني ملخبط كتير ... بس بالله عليكم اصبرو علي كلامي و اقرأوه انا محتاج فعلا للارشاد
الحالة دي تأزمها يبدأ من فترة قريبة ... لكن حياتي مليئة بالتناقضات ... انا هحاول اركز علي الي بيحصل من فترة قريبة
كانت في حالة قبل الامتحانات أشبه بلخبطة شديدة و اني مش عارف انا عاوز ايه بالظبط
كل خواطر الفشل المعروفة و غير المعروفة دخلت في دماغي بشكل غير طبيعي
الحمد لله حاولت اني ابذل مجهود ... ربما كان كافي أو لا و لكن تجاوزت الامتحانات الحمد لله و ربنا يكرم في النتيجة باذن الله ... و طبعا مش حتاج اقول انه في شكوك غير عادية حوالين الي كتبته في الورق
كنت بحاول اني أصلي بانتظام ... و ده من قبل الامتحانات بفترة انا مش فاكر قد ايه بالظبط ... طبعا مش علي أوقاتها بالدقة ... و ساعات كانت بتفوتني بس الحمد لله كنت بحاول انتظم بيها
انا عاوز اتكلم بصراحة علشان الصورة تبقي واضحة
انا لما بفكر فيها دلوقتي ... هل ده لمجرد تجاوز الامتحانات و لا فعلا زي ما الاسلام نص و شرع
من بداية الاجازة و انا الحمد لله بحاول انتظم ... بس تراودني شكوك غير عادية في نفسي
هل ان بعمل كدة لمجرد اني ارضي ربنا ... و لا بعمل كدة رياء للجميع
انا ساعات كنت بصلي مع نفسي و محدش كان بيعرف ... و بيبقي في احساس انه انا برائي نفسي او برائي ربنا سبحانه و تعالي ... و معاذ الله ... بس انا عاوز اوصف احساسي بدقة
الحمد لله من فترة بدأت انتظم في صلاة الفجر جماعة ... و طبعا مصاحب لكدة الاحساس الي بقولكم عليه ... و مهما غيرت المساجد و حتي لو المسجد اغلب ال فيه مش يعرفوني ( كجيران في المنطقة او الشارع او كدة ) برضه بيبقي عندي الاحساس ده بشكل غير عادي ... و كان بيبقي سهر طول الليل ... فبلاقي بقية صلوات اليوم تصلي في غير اوقاتها ... لما اصحي من النوم
بدأت اسمع خطب وكدة ... يمكن كان في عادة سيئة و تدخين و اغاني ... الحمد لله بدأت ابطلهم ... و ربنا يعينني و اعرف اكمل
فبدأت اسمع الخطب دي علشان اتأكد علي نفسي
الخطب زادت
الاحساس زاد
لدرجة انه بقيت في اسئلة جوا نفسي
هو الي انت فيه ده غاية و لا وسيلة ... بمعني هل انت بقيت تسمع الخطب ده لغاية معينة انك تعرف الدين و تلتزم بيه و لا وسيلة من الوسائل علشان توصل لحاجة و بعدين كدة هترجع تاني
و ساعات جوايا احساس بيقولي ان انت هترجع تاني يبقي بتعمل كدة ليه
كنت عاوز اقول برضه انه الي بيحصل ده اتكرر كذا مرة مش متذكر كام بالظبط و كل مرة كنت برجع تاني ... و اسوأ و ساعات مش كنت بطول و ارجع تاني احاول ... منكرش اني ساعتها كنت بحس براحة ... و بلاقي نفسي مشيت بيه ... و حاجة تحصل تخليني اتغير
و بعد كدة ارجع تاني
انا بصراحة بقيت مش عارف اي حاجة ...
اما عن مجال دراستي لا داعي الحديث عنه ... بس بتيجي ليا خواطر انه انا هبقي فاشل فيه
بالرغم انه الحمد لله اكتر من حد قالي اني دماغي كويسة فيه
و برضه الحمد لله زمان ايام ما كنت صغير كنت نشيط ف الدراسة او الحياة ... مع الوقت الكسل بدأ يسيطر عليا ... و دلوقتي الكسل بقي حاجة فظيعة انا حاسس بيها
و عاوز اغيرها بس مش عارف برضه ... و مش عارف الي كتبتها دي انا محتار فيها هل هي كسل اني اعرف الطريقة اني اقاوم ... و لا جهل بيها
و انا بكتبلكم دلوقتي برضه بتراودني خاطرة اني انت بتكتب الكلام ده ليه دلوقتي ... و بتحاول توصلهولي انه رياء
انا نفسي اتغير و ارجع نشيط و ارجع متأكد من نفسي و واثق فيها
و اني اتدين بجد و نفسي ف كدة بس بيجي جوايا خواطر تقول انت كدة كدة هترجع
او تقولي انت بقيت كدة ... انا مش عارف دي نفسي و لا ده الشيطان و لا دي وساوس و لا ايه بالظبط
انا بقيت مش عارف اي حاجة ... ياريت اي حد يدلني ... اذا كان هنا او باي وسيلة
ممكن يكون كلامي ناقصه حاجات كتير بس انا محتاج اعرف ازاي احل اللخبطة دي
انا محتاج اعرف انا عاوز ايه و مش عارف
هل حد فيكم ايام زمان كان كدة و اتغير
انا بصراحة بقيت مش عارف اي حاجة
ازيكم جميعا ... يارب تكونوا بخير
كما هو واضح من اسم العضوية ... انا مش لقيت طريقة تانية أعرف اتكلم بيها هنا من غير محد يكون عارفني ... منعا للشبهات مش أكتر
و انا أول مرة أدخل هنا ... و بكتب التوبيك ده بعد حيرة كبيرة
ممكن كلامي يبين اني ملخبط كتير ... بس بالله عليكم اصبرو علي كلامي و اقرأوه انا محتاج فعلا للارشاد
الحالة دي تأزمها يبدأ من فترة قريبة ... لكن حياتي مليئة بالتناقضات ... انا هحاول اركز علي الي بيحصل من فترة قريبة
كانت في حالة قبل الامتحانات أشبه بلخبطة شديدة و اني مش عارف انا عاوز ايه بالظبط
كل خواطر الفشل المعروفة و غير المعروفة دخلت في دماغي بشكل غير طبيعي
الحمد لله حاولت اني ابذل مجهود ... ربما كان كافي أو لا و لكن تجاوزت الامتحانات الحمد لله و ربنا يكرم في النتيجة باذن الله ... و طبعا مش حتاج اقول انه في شكوك غير عادية حوالين الي كتبته في الورق
كنت بحاول اني أصلي بانتظام ... و ده من قبل الامتحانات بفترة انا مش فاكر قد ايه بالظبط ... طبعا مش علي أوقاتها بالدقة ... و ساعات كانت بتفوتني بس الحمد لله كنت بحاول انتظم بيها
انا عاوز اتكلم بصراحة علشان الصورة تبقي واضحة
انا لما بفكر فيها دلوقتي ... هل ده لمجرد تجاوز الامتحانات و لا فعلا زي ما الاسلام نص و شرع
من بداية الاجازة و انا الحمد لله بحاول انتظم ... بس تراودني شكوك غير عادية في نفسي
هل ان بعمل كدة لمجرد اني ارضي ربنا ... و لا بعمل كدة رياء للجميع
انا ساعات كنت بصلي مع نفسي و محدش كان بيعرف ... و بيبقي في احساس انه انا برائي نفسي او برائي ربنا سبحانه و تعالي ... و معاذ الله ... بس انا عاوز اوصف احساسي بدقة
الحمد لله من فترة بدأت انتظم في صلاة الفجر جماعة ... و طبعا مصاحب لكدة الاحساس الي بقولكم عليه ... و مهما غيرت المساجد و حتي لو المسجد اغلب ال فيه مش يعرفوني ( كجيران في المنطقة او الشارع او كدة ) برضه بيبقي عندي الاحساس ده بشكل غير عادي ... و كان بيبقي سهر طول الليل ... فبلاقي بقية صلوات اليوم تصلي في غير اوقاتها ... لما اصحي من النوم
بدأت اسمع خطب وكدة ... يمكن كان في عادة سيئة و تدخين و اغاني ... الحمد لله بدأت ابطلهم ... و ربنا يعينني و اعرف اكمل
فبدأت اسمع الخطب دي علشان اتأكد علي نفسي
الخطب زادت
الاحساس زاد
لدرجة انه بقيت في اسئلة جوا نفسي
هو الي انت فيه ده غاية و لا وسيلة ... بمعني هل انت بقيت تسمع الخطب ده لغاية معينة انك تعرف الدين و تلتزم بيه و لا وسيلة من الوسائل علشان توصل لحاجة و بعدين كدة هترجع تاني
و ساعات جوايا احساس بيقولي ان انت هترجع تاني يبقي بتعمل كدة ليه
كنت عاوز اقول برضه انه الي بيحصل ده اتكرر كذا مرة مش متذكر كام بالظبط و كل مرة كنت برجع تاني ... و اسوأ و ساعات مش كنت بطول و ارجع تاني احاول ... منكرش اني ساعتها كنت بحس براحة ... و بلاقي نفسي مشيت بيه ... و حاجة تحصل تخليني اتغير
و بعد كدة ارجع تاني
انا بصراحة بقيت مش عارف اي حاجة ...
اما عن مجال دراستي لا داعي الحديث عنه ... بس بتيجي ليا خواطر انه انا هبقي فاشل فيه
بالرغم انه الحمد لله اكتر من حد قالي اني دماغي كويسة فيه
و برضه الحمد لله زمان ايام ما كنت صغير كنت نشيط ف الدراسة او الحياة ... مع الوقت الكسل بدأ يسيطر عليا ... و دلوقتي الكسل بقي حاجة فظيعة انا حاسس بيها
و عاوز اغيرها بس مش عارف برضه ... و مش عارف الي كتبتها دي انا محتار فيها هل هي كسل اني اعرف الطريقة اني اقاوم ... و لا جهل بيها
و انا بكتبلكم دلوقتي برضه بتراودني خاطرة اني انت بتكتب الكلام ده ليه دلوقتي ... و بتحاول توصلهولي انه رياء
انا نفسي اتغير و ارجع نشيط و ارجع متأكد من نفسي و واثق فيها
و اني اتدين بجد و نفسي ف كدة بس بيجي جوايا خواطر تقول انت كدة كدة هترجع
او تقولي انت بقيت كدة ... انا مش عارف دي نفسي و لا ده الشيطان و لا دي وساوس و لا ايه بالظبط
انا بقيت مش عارف اي حاجة ... ياريت اي حد يدلني ... اذا كان هنا او باي وسيلة
ممكن يكون كلامي ناقصه حاجات كتير بس انا محتاج اعرف ازاي احل اللخبطة دي
انا محتاج اعرف انا عاوز ايه و مش عارف
هل حد فيكم ايام زمان كان كدة و اتغير
انا بصراحة بقيت مش عارف اي حاجة
تعليق