زيارة مفاجاة ؟؟مين اللي هيزورني؟؟ملك الموت!!!!!تعالي

[الجنة تنادي]

:LLL: والصلاة والسلام علي رسول الله سيدنا محمد وعلي آله وصحبه ومن تبعهم باحسان الي يوم الدين اما بعد
موضوعي انهاردة كالعادة هكتب بالاسلوب العامي لاني بحس انه بيأثر أكتر وخاصة في المواضيع دي والموضوع انهاردة باسم زيارة من ملك الموت
تعالوا نشوف مع بعض الموضوع بتاعي ده بيتكلم عن ايه وزيارة ايه دي ....

تخيل اخي الحبيب وانت قاعد في بيتك وبتتفرج علي فيلم اباحي او اي فيلم او كليب او اي حاجة من الحاجات المقرفة دي وفجـــــــــــــــأة....الباب خبط ...هتعمل ايه وهيكون ايه احساسك؟؟؟هتلاقي نفسك اتنفضت وقلبك فط من مكانه وتوترت عشان ايه ..عشان ابوك مثلا او اي حد عارفك يشوفك بتتفرج علي القرف ده...ياااااالله يعني خفت من مخلوق لسه مش شايفك وممكن تفلت منه وما خوفتش من الخالق الجبار القهار اللي شايفك طول النهار والليل وصابر عليك من زمان قوي ومستنيك ترجعله!!!!!
دي كانت مقدمة للموضوع عشان نراجع نفسنا شوية كدا...
تخيل بقه لو انت بتتفرج علي الفيلم الاباحي ده وفجــــــأة الباب خبط ولكن وقفت قدام الباب بتقول مين....مين؟؟ملك الموت!!!اييييه ملك الموت
وفجاة دخل عليك البيت والفيلم شغال برضه ...طبعا جاييلك عشان يقبض روحك..و انت في اللحظة دي بس فكرت انك ممكن تدخل النار باعمالك دي ..وقولتله استني بس اقفل الفيلم عشان مش ابعث عليه..ثواني بس اتوضأ عشان اموت طاهر... ثواني بس عشان اصلي واقبض روحي وانا بصلي..فهيقولك لقد امرني الله ان اقبض روحك وانت علي هذه الحال..يااااااااااااااااا الـــلـــــه معقولة هتقبض علي هذا الحال..طب والجنة كدا مش هدخولها...طب كان فين التفكير ده من زمان..كان فين ساعة ما كنت بتعصي ربنا ..كان فين ساعة لما ذهبت للبت الفلانية عشان تسهر معاها وتنام في حضنها..يا اخي اتقي الله بقه وخلي عندك دم ..يعني ايه ساعة شهوة ..هي ساعة وهتروح ولكن...ممكن بعد الساعة متشوفش الدنيا تاني ..
تخيلي معايا انتي بقه وانتي قاعدة كدا قدام المرايا وعمالة تحطي علي وشك النص كيلو بوية اللي جايباها من الشارع وبتحطيها علي وشك ولا شوية الدقيق دول اللي عملاهم بدرة وعمالة من زمان تجهزي في شعرك ..وكله عشان تخرجي مع فلان وتقضوا مع بعض يوم من اجمل ما يكون..تعرفي ان اليوم ده ممكن يكون سبب في دخولك جهنم..تصوري وانتي عمالة تجهزي في نفسك ولابسة طبعا اللبس المحتشم(البنطلون الضيق والبضي اللازق والشعر الحرير اللي هيتولع فيه باذن الله) وفجـــــأة الباب خبط ودخل عليكي ملك الموت وانتي بتقوليله استني لاء ما تقبضش روحي دلوقتي...وجريتي عشان تشوفي طرحة طويلة عشان تلبسيها لكن يا خسارة مكنش عندك لانك رميتيها عشان ما يقولوش عليكي قديمة ولازم تبقي كاجوال ..استني بس البس اسدال او اي حاجة واسعة ..استني اشيل المكياج والبوية دي اللي انا حطاها..استني..استني..استني...فيقولك لاء ربنا امرني اني اقبض روحك علي هذه الحالة...
طب ليه كل ده ضيعتي وضيعت من ايديكم الجنة بأرخص حاجة ..مع ان اللي مديكي النعم دي هو ربنا..بتعصي ربنا بنعمة الجمال اللي وهبهالك ..يا ستي عاوزة الجمال البسي الحجاب

تعالوا بقه نشوف كدا ملك الموت مع ناس تانية....
واحد قايم الليل والناس نايمة وبيدعي ربنا وبيبكي وبيقوله يارب انا ما وفتش بحقك عليا رغم كل الطاعات اللي بعملها ولكن مش هدخل الجنة بعملي ولكن هدخلها برحمتك..ويجي ملك الموت بعد ما يخلص ويبص العبد لملك الموت ويقوله تعالي فينك من زمان ده انا مستنيك من زمان عشان اروح بقه للجنة اللي ربنا أعدها لنا..فيقولك لاء ربنا امرني اني اقبض روحك وانت ساجد ..فيجي يصلي ويسجد فيقبض روحه وهو ساجد ..ياااااااااااه وهو ساجد ..ما اجملها من موتة وحسن خاتمة..تخيلي وانتي لابسة حجابك وبتصلي وبتدعي ربنا وبتقري قرآن وبتحفظي وبتبكي وايجه ملك الموت..ياااااااه فينك من زمان..كنت مستنياك عشان اشوف وجه ربنا عز وجل في الجنة ...
يا جماعة الدنيا مش مستاهلة اننا نجري وراها..خليها هي اللي تجري وراك وخد بالك علي قد تعبك ده هتأخد أجر..تصور ان الرسول هيقابلك عند الحوض وهيفتخر بيك.....وخلي ملك الموت وراك علي طول عشان لما تيجي تعمل المعصية تفتكره علي طول

وجزاكم الله خيرا وجعلكم الله أعواناا نصرة الاسلام وموعدنا في الموضوع القادم مع موضوع بعنوان وقفة مع لحظة وفاة سيد ولد آدم
و

[سهير]

رد: زيارة مفاجاة ؟؟مين اللي هيزورني؟؟ملك الموت!!!!!تعالي

ربنا يهون علينا سكرات الموت
ربنا يجعلنا من القائمين الساجدين العابدين القوامين
ربنا يجعلنا من حفظة كتابه الكريم
ربنا تكون خاتمة أمرنا من الساجدين وعلى خير مايحب ويرضى

[dr_Muslim]

رد: زيارة مفاجاة ؟؟مين اللي هيزورني؟؟ملك الموت!!!!!تعالي

جزاك ربي خيرا أخي
و بارك ربي فيك
................
جاء عن البخاري في صحيحه أن رسول الله صلى الله عليه وآله وصحبه وسلمقال: ((إني على الحوض، حتى أنظر من يرد علي منكم، وسيؤخذ ناس دوني، فأقول: يا رب، مني ومن أمتي، فيقال: هل شعرت ما عملوا بعدك؟ والله ما برحوا يرجعون على أعقابهم))
اللهم إنا نعوذ بك أن نرجع على أعقابنا أو نفتن في ديننا

.............................
عبرة

قال الربيع بن خيثم رحمه الله تعالى: عجبت لملك الموت ولثلاثة : لملك ممنع في حصونه يأتيه ملك الموت ينزع نفسه ويدع ملكه خلفه، ولمسكين منبوذ بالطريق يقذره الناس أن يدنوا منه ولا يقذره ملك الموت أن يأتيه فينزع نفسه، ولطبيب نحرير يأتيه ملك الموت فنزع نفسه ويدع طبّه خلفه.

اللهم إنا نسألك بأسمائك العلى وصفاتك الحسنى أن تختم لنا بما يرضيك عنا، واجعل اللهم خير أعمالنا خواتيمها وخير ساعاتنا ساعة لقائك، اللهم ثبتنا بالقول الثابت في الحياة الدنيا والآخرة ولا تزغ قلوبنا بعد إذ هديتنا

[الجنة تنادي]

رد: زيارة مفاجاة ؟؟مين اللي هيزورني؟؟ملك الموت!!!!!تعالي

جزاكم الله خيرا اختي سهير
جزاك الله خيرا اخي وحبيبي دكتور مسلم وانا بحب قوي الاضافات الجميلة اللي بتشاركني موضوعي بيها ديوربنا يحسن نوايانا ان شاء الله