شارك بكتابة موضوع ... دعوة عامة

[dr_Muslim]

بسم الله والصلاة والسلام على رسول الله وآله وصحبه ومن والاه

ثم أما بعد ::::::::

إخوتي في الله

أشهد أن لا إله إلا الله وأن محمدا رسول الله
..............

هذه دعوة عامة بإذن الله لكل الأعضاء
لكتابة موضوع في مالا يزيد عن عشرة أسطر بإذن الله
في أي موضوع فلك حرية الإختيار كعبد يعني بما يرضي الله
ولك أن تكتب بأي أسلوب تريد عامي أو فصحى
وطبعا بإذن الله سأشارك معاكم
مش هاسيب لكم الحسنات كلها

طيب وبعدين .............

أولا : بعد تجديد النيه عند كتابة الموضوع أنك تريد رضى الله وحده
ثانيا : وبعد كم الحسنات اللي هاتاخدها بإذن الله
ثالثا : هانعمل تصويت على إختيار أفضل أربعة مواضيع هنا ..... مما كتبها الأعضاء في هذا الموضوع
رابعا : طبعا لن أدخل ضمن المرشحين بل هي للأعضاء فقط
أيوة ياللي بتقول طيب وبتشارك ليه ؟ أقول لك : لأني عاوز حسنه ذيك ياعم ربنا يتقبلها مني ومنك يارب
يبقى كل عضو بإذن الله يكتب موضوع هنا
وبعد أسبوعين بإذن الله نصوت هنا
ويتم تثبيت الموضوع ويوضع على الرئيسية بإذن الله

وصلى اللهم على نبينا محمد وآله وصحبه وسلم تسليما كثيرا

[نسيبة بنت كعب]

رد: شارك بكتابة موضوع ... دعوة عامة

جزاكم الله خيرا على الفكرة
ولكن ينفع يكون موضوع منقول

[امة الرحمان]

رد: شارك بكتابة موضوع ... دعوة عامة

السلام عليكم ورحمة الله
سؤال: هل يتم وضع الموضوع هنا ام يكون منفصل عنه اي موضوع جديد؟؟؟

[الجنة تنادي]

رد: شارك بكتابة موضوع ... دعوة عامة

بارك الله فيكم وهشارك اول واحد باذن الله

[aya]

رد: شارك بكتابة موضوع ... دعوة عامة

جزاكم الله خيرا
موضوع ال10 سطور ده عاوزله تخطيط جاااامد علشان يكون ملم بالأفكار وفي نفس الوقت مفيد ويلم حسنات على رأى د/مسلم
بارك الله فيكم وانتظرونى باذن الله

على فكرة موضوع حضرتك يا اخى الجنة تنادى جميل بس ده مش 10 سطور دول 100 سطر بس
بس جميل والله وان شاء الله سأكمل قراءته لأنى لم أكمله

[dr_Muslim]

رد: شارك بكتابة موضوع ... دعوة عامة

أختنا لؤلؤة الاسلام :::: وإياكم وبكم نفع الله ويمكن أن يكون منقول
أختنا امة الرحمان :::::::: بارك ربي فيكم نعم يكتب هنا
أخونا الحبيب الجنة تنادي :::: بارك ربي فيكم وتم إخفاء الموضوع لطوله مع جمال الأسلوب فيرجى كتابته في موضوع منفصل ولو أردت لأظهرته لك مرة أخرى بإذن الله حتى تنسخه إن لم يكن عندك - ومن أجلك جعلنا الموضوع ل 15 سطر ( عندك رسالة خاصة ومعلش الموضوع بقى 15 سطر ) - أهوه علشان ما تزعلشي
أختنا آيه :: وإياكم أختنا وزنفع بك

ملحوظه


زدنا عدد الأسطر لما لا يزيد عن 15 سطر

[الجنة تنادي]

رد: شارك بكتابة موضوع ... دعوة عامة

تخيل أنك في منزلك الآن تتابع (كليب ساخر) ,تخيلي أنك الآن أمام المرآه منذ ساعة كاملة ... هناك مشوار هـــام ... يد تحمل قلم الكحل ويد تحمل زجاجةالبرفان وفجأة ؟ ؟ ! !طرق الباب,جريت,جريتي إلى الباب نظرت من العين السحرية , من هذا الشخص الذي يشع وجهه نوراً ؟؟ أنا رسول الله,رسول الله !!ثم بقمة الفرح مددت يدك لتفتح الباب مرحباً برسول الله ولكن تذكرت .. ( الدش شغال على الكليب ) جريت بسرعة لكي تغلقه فضغطت على زر آخر دون قصد على زر آخر, صوت الكليب زاد أكثر وأخيراً,أغلقت التليفزيون والدش والكمبيوتر ثم جريت لتفتح الباب,يااااه,صور المغنية فلانة والممثلة فلانة التي تملأ حجرتي,جريت مرة أخرى لكي تزيلها بسرعة, وأنت تنزعها من على الحائط,يااااااه,شرائط الكاسيت!!كل دي شرائط أغاني سمعتها وحفظتها أكثر مما حفظت القرآن طوال حياتي,الجرس يدق,رسول الله سوف يمشي ,وأنتي,مددتي يدك لتفتحي الباب ثم يا إلهي !!! وضعتي يدك على شعرك المصبوغ عند الكوافير (هاقابله كده ازاي)!!؟؟ جريتي تبحثي عن طرحة,دي؟؟ لا مش دي, لابد أن تكون طويلة,وأخيراً وجدتيها ثم جريتي على الباب, يا إلهي!!هاقابل رسول الله بالبنطلون ازاي !جريتي تبحثي بسرعة قبل ما يمشي رسول الله عن عباية واسعة أو إسدال واسع, أخيراً وجدتي واحداً, يااااه,الماكياج على وجهي ,جريتي تغسلي وجهك . أخيراً, ستفتح لرسول الله جريت, فوجئت بأن الرسول من طول الإنتظار قد مشى,نظرت بجنون إلى السلم ,انه لا يزال ينزل,عليه ناديت عليه ياحبيبي يارسول الله ,عاد رسول الله ودخل البيت,وياليته ما دخل البيت جئت لتجلس فجأة المحمول رن!! ولكن كأنك أول مرة تسمع هذه الرنة ( البولي فونيك لآخر أغنية نزلت في السوق ) داريت وجهك خجلاً من رسول الله ... كنسلت فوراً حتى لا يسألك الرسول,وعندما عدت قال لك الرسول أعطني المصحف الذي في جيبك,( ده مش مصحف يارسول الله دي علبة سجائر ) هتقدر تقوله كده !؟ تخيل النبي هيعمل ايه عندما يرى أحوالنا ؟ عارف هيعمل ايه ...؟ لن يغضب بل سيبكي بكاءاً مريراً ويصرخ فيك وفيكي ,,,أنت وأنتي الذي ظننت أنكم ستحملون الدين من بعدي ؟!!.. كيف سأشفع لك عند الله وأنت على هذه الحالة ؟ كيف سأسقيك يوم القيامة من حوضي وقد هجرت سنتي ؟ ؟ ؟ ؟ ؟

[أم المجاهدين]

رد: شارك بكتابة موضوع ... دعوة عامة

جزاكم ربى خيراً أخونا الكريم
ونفع بكم
....
لى عوده ان شاء الله

[dr_Muslim]

رد: شارك بكتابة موضوع ... دعوة عامة

وإياكم أختنا وبكم نفع الله
.........

طيب أخونا الجنة تنادي جزاه ربي خيرا قد شارك فهل من مشمر لهذا الباب من الحسنات

وفين المشاركااااااااااااااااااااااااااااااااااات

[jihane]

رد: شارك بكتابة موضوع ... دعوة عامة

:LLL:
عرفين بتقول إيه فتاة تفكرها محدود وتصورتها ديقة وعجباها عيشتها إل كلها أحلا م وأماني وبعد عن الله !!!!!!!!!!!!!!!!!
الفتاة ده جلس بتفكر وتتخايل وتحلم وتتصور، تصورت إنها دخلت الجنة،وبعدين؟؟ فلما دخلتها وجدت إيه؟؟ وجدت حياة غير الحياة إلي كانت عيشها أصلها كانت عيشة ميسورة بس فرق كبير بين إلي شا فت في حياتها ول بشوف دلوقت جمال عمرها مشفت روائح عمرها مشمتها وحياة مريحة وطيبة ورفاهية مفيش زيها وقصور وألوان مفيش زيها،وكل شئ بتتمناه تجد أمامها بسرعة متتصورش،والجنة ده حَخْلُد فيها يعني مش حخرج منها.
فعملت معادلة بسيطة ، طب إيه الفرق بين الحياة إل أنا عيشها والجنة إل أنا حدخلها!!!!!!!! فقالت في الدنيا إحنا بنشتغل وبنتعب علشان نجيب كل الحجات إل إحنا عيزنها وكده بنحس بحلا وة الحاجة إل إحنا حصلنا عليها،بس في الجنة إل عيزاه ححصل عليه بدون أي مجهود وحعيش في رفاهية مستمرة طب أنا كده ححس بالملل علشان نفس الشيء بيتكرر كل يوم مفيش تغيير، وعرفين قالت إيه ؟؟ قالت أنا مش عيزة الجنة ده أنا عيزة الدنيا أصل في الدنيا فرح وفي حزن ، في كره وفي حب يعني فيها تغيير.
بس هي نسيت حاجة مهمة أوي إل هي إن كل عبد لله في الدنيا بيشتغل وبيتعب علشان يحصل على الجنة ويحس بحلوتها ونسيت إنها لما حتخرج من الدنيا إما حتدخل جهنم أو حتدخل الجنة يعني مفيش رجوع للدنيا ده من أصله

قصة حقيقية

[:: NooR ::]

رد: شارك بكتابة موضوع ... دعوة عامة

كتبت رد في هذا الموضوع ولا اجده الان !


وددت ان استفسر عن ال10 اسطر .. هل نختار اي اي موضوع شئناه ؟!

بعد م نكتبهم ، ايش حيصير ؟

[الجنة تنادي]

رد: شارك بكتابة موضوع ... دعوة عامة

أولا : بعد تجديد النيه عند كتابة الموضوع أنك تريد رضى الله وحده
ثانيا : وبعد كم الحسنات اللي هاتاخدها بإذن الله
ثالثا : هانعمل تصويت على إختيار أفضل أربعة مواضيع هنا ..... مما كتبها الأعضاء في هذا الموضوع
رابعا : طبعا لن أدخل ضمن المرشحين بل هي للأعضاء فقط
أيوة ياللي بتقول طيب وبتشارك ليه ؟ أقول لك : لأني عاوز حسنه ذيك ياعم ربنا يتقبلها مني ومنك يارب
يبقى كل عضو بإذن الله يكتب موضوع هنا
وبعد أسبوعين بإذن الله نصوت هنا
ويتم تثبيت الموضوع ويوضع على الرئيسية بإذن الله

وصلى اللهم على نبينا محمد وآله وصحبه وسلم تسليما كثيرا

علي ما أظن الرد وصل لك اخ/اختي نور

[dr_Muslim]

رد: شارك بكتابة موضوع ... دعوة عامة

أولا ::::: بارك الله فيكم أختنا - جيهان - ونفع بكم

ثانيا : عذراً أختنا - نور- وسنجيب على سؤالكم بإذن الله

طيب والموضوع اللي هانكتبه هنا ( ال 15 سطر - أيوة ماهو بقى 15 مش 10 أسطر) هانستفاد منه أيه ::::::::::::::::::::
1) رضى الله لأنك المفروض تكون مجدد النيه إنك ترضيه وحده لا شريك له
2) تفيد غيرك وتكسب المزيد من الحسنات بإذن الله بموضوعك ال 15 سطر
3) كل أسبوعين بإذن الله هانقوم بإختيار أفضل موضوع يعني هانعمل تصويت على أفضل موضوع هنا بإذن الله
ونقوم بوضعه كموضوع منفصل سنثبته هنا على المنتدى وعلى الرئيسية بإذن الله .

سيُطلق على الموضوع المثبت بإذن الله إسم ( حقنة إيمانية ) كتبها العضو :............
يتم فيه إضافة الموضوع المختار تباعا ( بالتصويت الشهري) بإذن الله
وشوف بقى هاتلم حسنات قد أيه ؟؟؟؟
طبعا بإذن الله


فأين المشمر لها ؟؟؟؟؟؟؟؟؟؟

[يمامة المسجد]

رد: شارك بكتابة موضوع ... دعوة عامة

جزاكم الله خيرا ً أخي دكتور مسلم

بارك الله فيكم ونفع بكم

وطبعا بإذن الله سأشارك معاكم
مش هاسيب لكم الحسنات كلها

عذرا ً ,


حضرتك ستأخذ ستأخذ

[e88sajedah_lellah]

رد: شارك بكتابة موضوع ... دعوة عامة

جزاكم الله خيرا على الفكرة المتميزة