درس مستنيه ايه

[SlaveOfAllah]

:LLL:

ضرورى يا جماعه عايزين كلمات فى حدود سطرين او ثالثه معبره عن الدرس (درس مستنيه ايه) زى الى بتتكتب عن كل درس فى الصفحه الرئيسيه

والدرس هنا لو ماحادش سمعه
http://www.way2allah.com/modules.php...tailes&khid=93

[mero]

إنتى مستنيه إيه ؟؟؟؟؟؟ مستنيه ملك الموت لما ياخد روحك ؟؟؟؟؟؟؟؟ مستنيه لما يلبسوكى الحجاب الشرعى السليم وإنتى بتتحطى فى قبرك ؟؟؟؟؟؟؟؟ بتحبى الرسول و زوجاته ؟؟؟ ...... طبعا انتو بتتكلمو فى ايه؟؟؟ ....... طيب مش نفسك تبقى معاهم فى الجنه؟؟؟؟؟؟؟؟؟؟؟ ....... اكيد طبعا .... طيب هاتى ايدك وتعالى معانا بسرعه قبل فوات الآوان......

[SlaveOfAllah]

:LLL:

جزاكى الله خيرا بس انا شايف ان الكلمات قاسيه شويه لو واحده قرئتها معتقدشى انها ممكن تسمع الدرس والله اعلم

[mero]

:) حاضر هشوف حاجه تانيه

[mero]

لو انتى رايحه محل وبتشترى بنبونايه هتختارى واحده مفتوحه ولا واحده مقفوله ؟؟؟؟؟؟؟؟؟؟ طيب تحبى تبقى بنبونايه مفتوحه ولا مقفوله؟؟؟؟؟؟؟ طبعا مقفوله ........ تعالى نشوف ايه شروط الحجاب التى يرتضيها لنا ربنا ليجعلك دره مكنونه ........



يارب ينفع :neutral:

[أم حمزه]

:LLL:

السلام عليكم ورحمة الله وبركاته
انا عجبتني أخر مشاركة ليكي ا ميرو وحلوة المثال بتاع البنبونايه ووالله انتى اللى بنبوناية بس ايه رايك لو عملنا مثال للوردة اللى مزروعه ف البيت ومحدش بيشوفها غير اهل البيت وهما اللى بيعتنوا بيها والوردة اللى ف الحديقه اللى ف الشارع اللى متبهدله ودبلانه من كتر الايادي اللى بتمسكها لاء وممكن بقى واحد يعجبه شكل الورده ويمسكها يشمها ماتعجبوش ريحتها ويقوم راميها وتدبل ويتداس عليها بالنعال
معلش هو الموضوع كبر شويه وسرحت وانا بكتب :shock: :oops:
بس ايه رايكم ؟ :?: :shock: :oops:

[أم حمزه]

:LLL:
السلام عليكم ورحمة الله وبركاته
هي الفكرة جاتلى من فكره ميرو بس لو هي تنفع معلش هي محتاجه تتكتب بأسلوب أحسن شويه ونوضح الفرق بين الوردتين

[ana_moslema]

أختى فى الله .... ربنا بيحبنا أوى .... ويحب أن يرانا كما أمر .... إيه رأيك مش نفسك تحبيه زى ما بيحبك ؟؟؟؟.. هتقولى طبعا اه نفسه احبه بس إزاى ؟؟؟ ... طيب تعالى معانا نرى الله يريد منا ايه وننفذه .. .. إدخلى على هذا الرابط ولا تترددى....... كده بقى أنا زعلت مش راضية تدخلى ليه .... مش فاضية دلوقتى... لأ الموضوع اكبر من انك تقولى مش فاضيه ده أنا بقولك ربنا هيحبك الله ..الملك هيحبك ... أدخلى ياحبيبتى .. أدخلى يا أختى ... يلا بسرعة ...هزعل أوى لو مدخلتيش
يارب يكونالموضوع كويس أرجو الرد

[أبويحيى]

:LLL:

الواحد طبعا مش فاكر الشريط أوى لإن اجمل حاجه إن تبقى الكلمات مقتبسة من الدرس

مجرد بس توضيح لمن يقترح المقدمات

المقدمة مش دعوه ولكن الهدف منها تشويق للسماع

يعنى تخليه .. اوتخليها بقى هنا ... تضغط على زر الحفظ أو السماع

انا هكتب كلمات والله الموفق

ياترى ... إمتى كانت آخر مرة وقفتى فيه لحظات لتفكرى فيها ... نهاية الطريق اللي إنتي ماشيه فيه هتكون إيه ... ياترى هتكون جنه ولا هتكون غير كده ...

مستنية إيه علشان تعلنى توبة صادقه لله سبحانه وتعالى ... ياترى ضامنه تعيشى لغاية إمتى علشان تاخرى توبتك أكتر من كده ...

مستنية إيه -- د/ حازم شومان

[mero]

يا جماعه انا شايفه اللى كتبته فى الاول خالص كويس وبعدين البنات عاوزه خبطه كده تفوقها لكن هنعد براحه براحه مش هنخلص والله اعلم .............. انا كلامى ده عن تجربه لانى التزمت كده بالقوه ....... طول عمرى عماله اسمع عمرو خالد وبتاثر بيه جدااااااااا لكن عملت ايه ولا حاجه ...... اول مره فى حياتى انتظم فى السلاه لما اخدت خبطه على دماغى اول شريط سمعته شريط لماذا لا تصلى للشيخ يعقوب وبجد كان فتحه خير بعد كده سمعت حكم الغناء خلاص من بعدها حتى انا كنت بتلكك واقول اسمع موسيقى لكن اغانى لا بعد الشريط خلاص الموضوع اتحل كلام تانى يبقى انا بضحك على نفسى ........ انا لو حد كلمنى منه ليا جامد ممكن ما اتقبلش الكلام لكن ده بيبقى موضوع او شريط وده بيبقى حاجه تانيه غير الدعوه وجها لوجه ، وانا طبعا مع اللين فى الدعوه بس الكلام ده زى ما قلت لما تكون من شخص لشخص على طول لكن لما بتكون عامه بيبقى الشده فيها احسن ............ والله اعلم

[SlaveOfAllah]

:LLL:
زى ما قال اخونا ابو يحيى

=] :
المقدمة مش دعوه ولكن الهدف منها تشويق للسماع
يعنى تخليه .. اوتخليها بقى هنا ... تضغط على زر الحفظ أو السماع

[/color]

هى دى ياجماعه ,انا عايز الى يقرأ الكلمه يبقى هيموت ويعرف الشريط بيتكلم عن ايه ,لان لو هوه دعوه خلاص ميهمش بقى الشريط وانا هتعب نفسى وانزله ليه
من الكلمات الخطيره بتاعت درس علاقه بريئه :
كانوا فاكرينها علاقة بريئة ... هي بتقول عادي زي أخويا ... وهو بيقول عادي زي أختي ... وفيها إيه يعنى لما أكلمه ولا لما أخرج معاه ولا لما .....
هل دي فعلا علاقه بريئة .... و إيه حكم الدين فى العلاقة دي ... وإيه الحل العملى لتخلص من هذه العلاقات ...

يعنى انا متخيل لو بنظره تشائميه ان شاء الله هسمع الدرس او اول 5 دقايق فيه على الاقل
على العموم جزاكم الله خيرا وان شاء الله نتعلم اكتر ونعمل حاجه للدين اكتر بس شوية صبر وعزيمه
[/color][/size]

[mero]

حاضر :neutral:

مش هيأس ابدا وهكتب تانى

[أبويحيى]

:LLL:

أهو كله يكتب وبعد كده slave of allah

يعمل خلطه مناسبة إن شاء الله

[SlaveOfAllah]

:LLL:

انا كتبت شوية كلمات بس انا عارف انها قريبه من كلمات درس تانى ممكن علشان انا متأثر بيه ياريت لو فيها حاجه نقولها ونعدلها

كان عندها احلام كتير .... وكان نفسها تحققها زى ماهى عايزة
كانت مستنيه السعاده والحب والفوز بالنعيم فى الدار الاخرة
بس يا ترى هل هتقدر تلاقي امانيها بأفكارها وبتصرفتها ؟
هل هتقدر تحقق أحلامها وطموحاتها بعلاقتها دى مع ربها ؟
مستنيه ايه ؟؟ احلامك مش هتتحقق الا هنا .....

مستنية إيه -- د/ حازم شومان

[mero]

الكلام ده ينفع بدايه قصه مش درس عن الحجاب