Tweet
منقول من جريدة المصريون
ممدوح الولى | 15-12-2010 23:16
* * حسنين : النهارده جايبلك خبر يفرحك . وينَسيك الإنتخابات وبلاويها . حاجه كدا تخليك راسك مرفوعه وسط العرب . وحتى يمكن وسط الأجانب كمان .
شوف ياسيدى البورصه المصريه بقت بورصة إقليميه . موش بورصة محليه زى الدول إللى حوالينا . دا حتى قيمة التعاملات بيها السنه إللى فاتت بلغت 448 مليار جنيه . يعنى أكتر من موازنة الحكومه المصرية بجلالة قدرها إللى بلغت وقتها 365 مليار جنيه بس .
= = = محمدين : جت الحزينه تفرح مالأليهاش مطرح .
* * حسنين : كلامك كدا ما يطمنش . تقصد إيه ؟
= = = محمدين : المسأله عايزه شوية توضيح . البورصة دى فعلا فكره عبقريه . وفيه دول بتستفيد بيها إنها تمول من خلالها المشروعات زى البنوك بالظبط .
دا حتى البورصة أفضل من البنوك . لأن البنوك غالبا بتدى قروض قصيرة الأجل . يعنى مدتها سنه بالكتير . لكن البورصة ممكن تمول المشروعات وحتى الحكومات لمدد طويله ممكن توصل خمسين سنه .
* * حسنين : كلام جميل . أمال ليه سديت نفسى وأنا جاى أفرحك .
= = = محمدين : أصل البورصة دى عباره عن سوقين منفصلين عن بعض . واحد فيهم إسمه سوق الإصدار وواحد فيهم إسمه سوق التداول .
سوق الاصدار ده لما تكون منطقة ولا محافظة ولا بلد . شايفه إنها محتاجه تعمل مصنع معين محتاج مثلا 100 مليون جنيه . تقوم تقسم المبلغ ده أجزاء صغيره على شكل أسهم . يعنى ممكن تخلى قيمة السهم بعشرة جنيه مثلا . وتعرض الأسهم دى على الناس علشان يشتروها . لحد ما تجمع الميت مليون جنيه . وتعمل المصنع من غير ما تستتلف جنيه واحد من البنوك .
* * حسنين : وإحنا والحمد لله عندنا عجز فى غالبية السلع . يعنى عايزين نعمل مصانع جديده للسكر والزيت وشركات تزرع القمح والذره .
ومصانع تانيه لكل الحاجات اللى بنستوردها زى الورق والبوتوجاز والسولار والأدويه وغيرها . دا حتى منها بنوفر احتياجتنا من السلع . ومنها بنوفر فرص عمل جديده .
= = = محمدين : الحقيقه فيه مزايا تانيه لسوق الإصدار ده . إنه موش بس بيوفر التمويل للمشروعات الجديده . دا كمان بيوفر التمويل للمشروعات الموجوده .
يعنى مصنع محتاج سبعين مليون مثلا علشان يتوسع أو يشترى معدات جديده . يقوم يطرح أسهم يزود بيها رأسماله بالسبعين مليون جنيه . والناس تشترى الأسهم دى وتعطيه السبعين مليون .
دا حتى الحكومات ممكن تستلف من سوق الإصدار بدل ما تستلف من البنوك .
يعنى لو الحكومه محتاجه قد عشره مليار جنيه تسد بيهم عجز الموازنه . تقوم تطلع بيهم سندات وتبيعها فى السوق . وطبعا الشركات الموجوده من حقها برضه تستلف من السوق على شكل سندات ولمدد طويله .
* * حسنين : حيرتنى .. كلامك بيقول إن البورصة كدا تبقى زى الفل .
= = = محمدين : كل الكلام اللى فات كان الجزء الأولانى من البورصة إللى إسمه سوق الإصدار . باقى القسم التانى إللى إسمه سوق التداول .
ودا كل الناس عارفاه لأنه دا إللى بيطلع فى التلفزيون وكل الجرايد بنتشر أخباره كل يوم . ودا إللى إنت قلت إن تعاملاته السنه إللى فاتت بلغت 448 مليار جنيه .
* * حسنين : أمال سوق الإصدار تعاملاته كانت كام ؟
= = = محمدين : زى ما قلنا دا سوق بيطلع أسهم نعمل بيها شركات جديده خالص . أو بيطلع أسهم الشركات الموجوده بتوسع بيها شغلها . أو بيطلع سندات للشركات او الحكومات بتستلف بيها من السوق مبلغ وبعدين ترده بعد كذا سنه .
علشان كدا اجمالى تعاملات سوق الإصدار بلغت 105 مليار جنيه . عباره عن 13 مليار جنيه إتأسست بيهم 2039 شركة جديده . و48 مليار جنيه عيباره عن توسعات فى 1090 شركة . زائد 43 مليار جنيه إصدار سندات إستلفت منهم الحكومه حوالى 34 مليار جنيه وإستلفت منهم أربع شركات 9 مليار جنيه .
* * حسنين : بس حسب كلامك إن سوق التداول تعاملاته أكبر . مش قلت إنها 448 مليار جنيه فى حين تعاملات سوق الإصدار 105 مليار بس .
= = = محمدين : دى أهم نقطة لو فهمتها . يبقى فهمت الحكايه . لأن ال 105 مليار جنيه بتوع سوق الإصدار دول زى ما شفت عباره عن 2039 شركة حديده . و1090 شركة بتتوسع . وأربع شركات بتستلف علشان تحسن أوضاعها . والحكومه المصريه استلفت علشان تسد عجز الموازنة وتقدر تصرف المرتبات وتنفذ المشروعات إللى فى الموازنة .
لكن فلوس سوق التداول ال 448 مليار جنيه راحت فين ؟.
* * حسنين : أكيد مولنا بيها مشروعات موش إنت قلت إن البورصة وسيله للتمويل المشروعات . حتى بالأماره قلت إنه تمويل طويل شويتين عن البنوك فى المده .
= = = محمدين : سوق الإصدار بس هو اللى بيمول المشروعات سواء الجديده او الموجوده . لكن تعاملات سوق التداول دى عباره عن اجمالى عمليات البيع والشرا إللى تمت خلال السنه . يعنى عباره عن فلوس طالعه من جيوب الناس اللى إشترت أسهم . لجيوب الناس اللى باعت أسهمها .
يعنى فلوس دواره بين المتعاملين بالبورصه . لكن لا بتزود ماكينه فى مصنع . ولا بتوفر فرصة عمل . ولا بتساهم فى تصدير سلعه .
* * حسنين : 448 مليار جنيه فى سنه . يعنى أكبر من موازنة مصر فى سنتها . وتقولى مازودتش آله واحده فى مصنع ولا حتى فرصة عمل ؟
= = = محمدين : هى دى الفوله . وهى دى المصيبه إللى إحنا واقعين فيها . سمعت قبل كدا فى التلفزيون أو بالجرايد حد بيتكلم عن سوق الإصدار ؟.
* * حسنين : بصراحه إللى أعرفه أنا واصحابى إللى بيتعاملوا مع البورصه . إن البورصة دى هى الموجوده فى شارع الشريفين فى وسط البلد جنب مبنى الإذاعه القديمه . وإللى صورتها بتطلع فى التلفزيون كل يوم فى نشرة الأخبار . ناس قاعده قدامها شاشات كمبيوتر وإللى إنت النهارده قلت لى إن إسمها سوق التداول .
= = = محمدين : طول عمرنا فى مصر شغالين فى سوق الإصدار . ولحد عشر سنين فاتت تعاملات سوق الإصدار كانت أكبر من قيمة تعاملات سوق التداول . لكن فيه ناس من جوا ومن برا لهم مصالح . ركزوا الإهتمام على سوق التداول لحد ما بقت تعاملاتها أضعاف سوق الإصدار .
رغم إن الأصل هى سوق الإصدار والفرع هى سوق التداول . دا حتى سوق التداول معموله علشان تساعد فى تنشيط سوق الإصدار .
* * حسنين : إزاى يعنى ؟
= = = محمدين : ما هو لما آجى أقولك تعال إشترى سهم الشركة الفلانيه . ها تقولى طب لما أحب أبيع السهم دا أروح فين ؟. أقولك تروح سوق التداول .. حتلاقى ناس هناك ممكن تشتريه منك وبسعر كويس . فلما تتطمن إن فيه حته ممكن تبيع فيها السهم لما تحب تبيعه . دا يخليك تشتريه .
علشان كدا لما يبقى فيه حركة فى سوق التداول دا يساعد على الحركه فى سوق الإصدار .
* * حسنين : حيرتنى .. ما هو سوق التداول مهم زى ما بتقول .
= = = محمدين : المشكلة جت منين .. إن إحنا ركزنا الإهتمام على سوق التداول وأهملنا سوق الإصدار . لأن لما تقول لواحد تعالى إشترى سهم لشركة جديده لسه بتأسس . يقول لك ياعم . لسه ها أستنى 3 سنين لما الشركة تتعمل وأبدأ آخد أرباح . لا ياعم . أنا أروح سوق التداول أحسن . ممكن أكسب فى نفس اليوم .
* * حسنين : ودا يفرق إيه ؟ وبعدين دا واحد موش ها يأثر .
= = = محمدين : المسألة أكبر من كدا . لأن فرص التلاعب فى سوق التداول كتيره . يعنى ناس تطلع إشاعه تخلى سعر سعر السهم يولع . ناس تتفق مع صحفيين على نشر أخبار فى صالح شركة علشان ترفع سهمها . أو ناس تتفق مع رئيس شركة على إنه يدى شوية تصريحات يرفع بيها سعر السهم .
الناس دى بتحقق مكاسب خرافيه ممكن توصل 100 % و200 % فى السنه وممكن أكتر .
* * حسنين : وإنت زعلان ليه ؟ أنا أعرف إن مالكش فلوس فى البورصه .
= = = محمدين : ماهو إللى بيحصل فى البورصة دا بيأثر علينا كلنا .
* * حسنين : إزاى يعنى ؟
= = = محمدين : لما تيجى تقول لواحد حط فلوسك فى البنك . يقولك ها يدينى كام يعنى 6 % 8 % فى السنه . دا أنا فى البورصة ممكن أكسب 15 % و20 % فى اليوم . موش فى السنه .
لما تقول لواحد معاه فلوس إنه يعمل بيها مشروع زراعى . يقولك لسه ها أستنى 3 أو 4 شهور لحد ما المحصول يطلع . دا أنا أروح البورصة ممكن أكسب فى نفس اليوم . وطبعا بعدها ما تقدرش تقوله إنه يعمل بفلوسه مشروع تجارى لأن دا بياخد وقت . أو يعمل مشروع صناعى لأنه دا عايز وقت أطول .
* * حسنين : كل دا مفهوم لكن دا يضرنى فى إيه ؟ وأنا أصلا ماليش فلوش فى البورصة .
= = = محمدين : ما هو لو كل الناس محتطش ودايع فى البنوك . البنوك دى ها تسلف منين ؟ ما هى بتسلف من فلوس الودايع . ولو الشركات ملقتش إللى يسلفها لا ها تعرف تنتج ولا تدفع أجور عمالها . ولو مفيش حد عمل مشروعات صناعية وزراعيه ها نستورد سلع أكتر والبطاله ها تزيد أكتر .
* * حسنين : وزنبها إيه البورصة . أقصد سوق التداول فى كل ده ؟
= = = محمدين : زنبها إنها كونت طبقه من المضاربين جواها . دول كل همهم الربح السريع . بأى طريقه مشروعه . موش مشروعه . المهم يحققوا ربح كبير بسرعه . طبعا دول بيخلو ناس كتير تقلدهم ويدخلوا البورصة .
والناس دول بتوع المضاربه والربح السريع . لو البورصة نامت شويه ومحققتش الأرباح اللى إتعودا عليها . يتجهوا بفلوسهم لسوق تانى يولعوا أسعارها علشان يحققوا نفس المكاسب . مره يروحوا سوق العملات يولعوا الدولار . مره يروحوا سوق العقار يولعوا أسعار الشقق . مره يروحوا سوق الأراضى .
* * حسنين : يعنى عايز تقول إنهم ما كفاهومش يبعدوا الناس عن الاستثمار فى الزراعه والصناعة والتجاره . دول كمان بيخربوا علينا أسواق تانيه . أمال فين الحكومه من الكلام الخطير ده ؟
= = = محمدين : الحكومه بدل ما تطفيها . ولعتها أكثر .
* * حسنين : إزاى يعنى ؟
= = = محمدين : فيه حاجه إسمها حوافز الإستثمار . دى بستخدمها الحكومات لما بتكون عايزه المستثمرين بستثمرا فى مجال معين . يعنى لو عايزه المستثمرين يسثمروا مثلا فى سينا . تقوم تعطى إعفاءات ومنح فى الأراضى فى التمويل فى التراخيص للى يروح سينا تقوم الناس تتشجع .
الحكومه علشان تشجع الناس تستثمر فى البورصة عملت إعفاء من الضرائب . لأى مكاسب يحققها المتعاملين بالبورصة سواء مصريين أو أجانب .
* * حسنين : يعنى إللى معاه قرشين وعمل ورشة ولا محل ولا شركة وشغل ناس معاه يدفع ضرائب ؟. وإللى يروح البورصه ولا بيزود إنتاج ولا يوفر فرص عمل ما يدفعش ضرائب .
= = = محمدين : عارف نتيجة كدا إيه حصل . تجار ومحامين ومحاسبين وأطباء وغيرهم سابوا شغلهم الأصلى . وراحوا يستثمروا بالبورصة . تسألهم ليه عملتوا كدا . يقول لك دا أنا كان يجيلى بتاع الضرائب وبتاع التأمينات وبتاع القوى العامله وغيره وغيره كله عايز رسوم وإتاوات . حاليا أنا موش مطالب بأى شىء .
* * حسنين : يا خبر أبيض . يعنى ال 448 مليار جنيه إللى كنت فرحان بيهم . دول جايين على حساب ودايع البنوك . وعلى حساب مشروعات صناعيه وزراعيه وتجاريه كان ممكن تتم . وتوفر إنتاج وفرص عمل .
= = = محمدين : علشان كدا لما كانوا بيبيعوا أسهم الشركة المصرية للاتصالات جابوا فى مجلة المصور . فلاح باع البقره بتاعته وراح يشترى بتمنها أسهم بالبورصة . وقعدوا يحيوه لأنه بقى مستثمر عصرى . بدل ما يزرع ويربى مواشى ويفضل دقه قديمه . ها يقعد ع القهوه يسمع نشرة الأخبار علشان يتابع أخبار السهم بتاعه عمل إيه .
* * حسنين : قولها بصراحه . يعنى هما عايزنا بدل ما ننتج ونشتغل نبقى تنابله . وحيتان المستوردين تستفيد ونفضل نستورد كل حاجه زيت قمح دره لحد الأستيكه بتاع التلامذه .
وحتى البورصة إللى كان ممكن نحل بيها مشاكلنا ونزود إنتاجنا . حولوها لوسيله تضر بإقتصادنا . وإحنا فرحانين زى الهُبل بزيادة تعاملاتها .
وهذا تعليق أحد القراء على المقال :
يهربون من ربا البنوك إلى ميسر البورصة معلق | 16-12-2010 07:30 وهكذا تحولت البورصة من وسيلة بناء للإقتصاد إلى وسيلة هدم للمجتمع كله، فالمضاربات مقامرة وليست ربحاً دائماً. أتذكرون مهندس الحاسوب الذي قتل زوجته وأبناءه ثم حاول الانتحار بعد أن خسر كل ما يملك في البورصة؟
ممدوح الولى | 15-12-2010 23:16
* * حسنين : النهارده جايبلك خبر يفرحك . وينَسيك الإنتخابات وبلاويها . حاجه كدا تخليك راسك مرفوعه وسط العرب . وحتى يمكن وسط الأجانب كمان .
شوف ياسيدى البورصه المصريه بقت بورصة إقليميه . موش بورصة محليه زى الدول إللى حوالينا . دا حتى قيمة التعاملات بيها السنه إللى فاتت بلغت 448 مليار جنيه . يعنى أكتر من موازنة الحكومه المصرية بجلالة قدرها إللى بلغت وقتها 365 مليار جنيه بس .
= = = محمدين : جت الحزينه تفرح مالأليهاش مطرح .
* * حسنين : كلامك كدا ما يطمنش . تقصد إيه ؟
= = = محمدين : المسأله عايزه شوية توضيح . البورصة دى فعلا فكره عبقريه . وفيه دول بتستفيد بيها إنها تمول من خلالها المشروعات زى البنوك بالظبط .
دا حتى البورصة أفضل من البنوك . لأن البنوك غالبا بتدى قروض قصيرة الأجل . يعنى مدتها سنه بالكتير . لكن البورصة ممكن تمول المشروعات وحتى الحكومات لمدد طويله ممكن توصل خمسين سنه .
* * حسنين : كلام جميل . أمال ليه سديت نفسى وأنا جاى أفرحك .
= = = محمدين : أصل البورصة دى عباره عن سوقين منفصلين عن بعض . واحد فيهم إسمه سوق الإصدار وواحد فيهم إسمه سوق التداول .
سوق الاصدار ده لما تكون منطقة ولا محافظة ولا بلد . شايفه إنها محتاجه تعمل مصنع معين محتاج مثلا 100 مليون جنيه . تقوم تقسم المبلغ ده أجزاء صغيره على شكل أسهم . يعنى ممكن تخلى قيمة السهم بعشرة جنيه مثلا . وتعرض الأسهم دى على الناس علشان يشتروها . لحد ما تجمع الميت مليون جنيه . وتعمل المصنع من غير ما تستتلف جنيه واحد من البنوك .
* * حسنين : وإحنا والحمد لله عندنا عجز فى غالبية السلع . يعنى عايزين نعمل مصانع جديده للسكر والزيت وشركات تزرع القمح والذره .
ومصانع تانيه لكل الحاجات اللى بنستوردها زى الورق والبوتوجاز والسولار والأدويه وغيرها . دا حتى منها بنوفر احتياجتنا من السلع . ومنها بنوفر فرص عمل جديده .
= = = محمدين : الحقيقه فيه مزايا تانيه لسوق الإصدار ده . إنه موش بس بيوفر التمويل للمشروعات الجديده . دا كمان بيوفر التمويل للمشروعات الموجوده .
يعنى مصنع محتاج سبعين مليون مثلا علشان يتوسع أو يشترى معدات جديده . يقوم يطرح أسهم يزود بيها رأسماله بالسبعين مليون جنيه . والناس تشترى الأسهم دى وتعطيه السبعين مليون .
دا حتى الحكومات ممكن تستلف من سوق الإصدار بدل ما تستلف من البنوك .
يعنى لو الحكومه محتاجه قد عشره مليار جنيه تسد بيهم عجز الموازنه . تقوم تطلع بيهم سندات وتبيعها فى السوق . وطبعا الشركات الموجوده من حقها برضه تستلف من السوق على شكل سندات ولمدد طويله .
* * حسنين : حيرتنى .. كلامك بيقول إن البورصة كدا تبقى زى الفل .
= = = محمدين : كل الكلام اللى فات كان الجزء الأولانى من البورصة إللى إسمه سوق الإصدار . باقى القسم التانى إللى إسمه سوق التداول .
ودا كل الناس عارفاه لأنه دا إللى بيطلع فى التلفزيون وكل الجرايد بنتشر أخباره كل يوم . ودا إللى إنت قلت إن تعاملاته السنه إللى فاتت بلغت 448 مليار جنيه .
* * حسنين : أمال سوق الإصدار تعاملاته كانت كام ؟
= = = محمدين : زى ما قلنا دا سوق بيطلع أسهم نعمل بيها شركات جديده خالص . أو بيطلع أسهم الشركات الموجوده بتوسع بيها شغلها . أو بيطلع سندات للشركات او الحكومات بتستلف بيها من السوق مبلغ وبعدين ترده بعد كذا سنه .
علشان كدا اجمالى تعاملات سوق الإصدار بلغت 105 مليار جنيه . عباره عن 13 مليار جنيه إتأسست بيهم 2039 شركة جديده . و48 مليار جنيه عيباره عن توسعات فى 1090 شركة . زائد 43 مليار جنيه إصدار سندات إستلفت منهم الحكومه حوالى 34 مليار جنيه وإستلفت منهم أربع شركات 9 مليار جنيه .
* * حسنين : بس حسب كلامك إن سوق التداول تعاملاته أكبر . مش قلت إنها 448 مليار جنيه فى حين تعاملات سوق الإصدار 105 مليار بس .
= = = محمدين : دى أهم نقطة لو فهمتها . يبقى فهمت الحكايه . لأن ال 105 مليار جنيه بتوع سوق الإصدار دول زى ما شفت عباره عن 2039 شركة حديده . و1090 شركة بتتوسع . وأربع شركات بتستلف علشان تحسن أوضاعها . والحكومه المصريه استلفت علشان تسد عجز الموازنة وتقدر تصرف المرتبات وتنفذ المشروعات إللى فى الموازنة .
لكن فلوس سوق التداول ال 448 مليار جنيه راحت فين ؟.
* * حسنين : أكيد مولنا بيها مشروعات موش إنت قلت إن البورصة وسيله للتمويل المشروعات . حتى بالأماره قلت إنه تمويل طويل شويتين عن البنوك فى المده .
= = = محمدين : سوق الإصدار بس هو اللى بيمول المشروعات سواء الجديده او الموجوده . لكن تعاملات سوق التداول دى عباره عن اجمالى عمليات البيع والشرا إللى تمت خلال السنه . يعنى عباره عن فلوس طالعه من جيوب الناس اللى إشترت أسهم . لجيوب الناس اللى باعت أسهمها .
يعنى فلوس دواره بين المتعاملين بالبورصه . لكن لا بتزود ماكينه فى مصنع . ولا بتوفر فرصة عمل . ولا بتساهم فى تصدير سلعه .
* * حسنين : 448 مليار جنيه فى سنه . يعنى أكبر من موازنة مصر فى سنتها . وتقولى مازودتش آله واحده فى مصنع ولا حتى فرصة عمل ؟
= = = محمدين : هى دى الفوله . وهى دى المصيبه إللى إحنا واقعين فيها . سمعت قبل كدا فى التلفزيون أو بالجرايد حد بيتكلم عن سوق الإصدار ؟.
* * حسنين : بصراحه إللى أعرفه أنا واصحابى إللى بيتعاملوا مع البورصه . إن البورصة دى هى الموجوده فى شارع الشريفين فى وسط البلد جنب مبنى الإذاعه القديمه . وإللى صورتها بتطلع فى التلفزيون كل يوم فى نشرة الأخبار . ناس قاعده قدامها شاشات كمبيوتر وإللى إنت النهارده قلت لى إن إسمها سوق التداول .
= = = محمدين : طول عمرنا فى مصر شغالين فى سوق الإصدار . ولحد عشر سنين فاتت تعاملات سوق الإصدار كانت أكبر من قيمة تعاملات سوق التداول . لكن فيه ناس من جوا ومن برا لهم مصالح . ركزوا الإهتمام على سوق التداول لحد ما بقت تعاملاتها أضعاف سوق الإصدار .
رغم إن الأصل هى سوق الإصدار والفرع هى سوق التداول . دا حتى سوق التداول معموله علشان تساعد فى تنشيط سوق الإصدار .
* * حسنين : إزاى يعنى ؟
= = = محمدين : ما هو لما آجى أقولك تعال إشترى سهم الشركة الفلانيه . ها تقولى طب لما أحب أبيع السهم دا أروح فين ؟. أقولك تروح سوق التداول .. حتلاقى ناس هناك ممكن تشتريه منك وبسعر كويس . فلما تتطمن إن فيه حته ممكن تبيع فيها السهم لما تحب تبيعه . دا يخليك تشتريه .
علشان كدا لما يبقى فيه حركة فى سوق التداول دا يساعد على الحركه فى سوق الإصدار .
* * حسنين : حيرتنى .. ما هو سوق التداول مهم زى ما بتقول .
= = = محمدين : المشكلة جت منين .. إن إحنا ركزنا الإهتمام على سوق التداول وأهملنا سوق الإصدار . لأن لما تقول لواحد تعالى إشترى سهم لشركة جديده لسه بتأسس . يقول لك ياعم . لسه ها أستنى 3 سنين لما الشركة تتعمل وأبدأ آخد أرباح . لا ياعم . أنا أروح سوق التداول أحسن . ممكن أكسب فى نفس اليوم .
* * حسنين : ودا يفرق إيه ؟ وبعدين دا واحد موش ها يأثر .
= = = محمدين : المسألة أكبر من كدا . لأن فرص التلاعب فى سوق التداول كتيره . يعنى ناس تطلع إشاعه تخلى سعر سعر السهم يولع . ناس تتفق مع صحفيين على نشر أخبار فى صالح شركة علشان ترفع سهمها . أو ناس تتفق مع رئيس شركة على إنه يدى شوية تصريحات يرفع بيها سعر السهم .
الناس دى بتحقق مكاسب خرافيه ممكن توصل 100 % و200 % فى السنه وممكن أكتر .
* * حسنين : وإنت زعلان ليه ؟ أنا أعرف إن مالكش فلوس فى البورصه .
= = = محمدين : ماهو إللى بيحصل فى البورصة دا بيأثر علينا كلنا .
* * حسنين : إزاى يعنى ؟
= = = محمدين : لما تيجى تقول لواحد حط فلوسك فى البنك . يقولك ها يدينى كام يعنى 6 % 8 % فى السنه . دا أنا فى البورصة ممكن أكسب 15 % و20 % فى اليوم . موش فى السنه .
لما تقول لواحد معاه فلوس إنه يعمل بيها مشروع زراعى . يقولك لسه ها أستنى 3 أو 4 شهور لحد ما المحصول يطلع . دا أنا أروح البورصة ممكن أكسب فى نفس اليوم . وطبعا بعدها ما تقدرش تقوله إنه يعمل بفلوسه مشروع تجارى لأن دا بياخد وقت . أو يعمل مشروع صناعى لأنه دا عايز وقت أطول .
* * حسنين : كل دا مفهوم لكن دا يضرنى فى إيه ؟ وأنا أصلا ماليش فلوش فى البورصة .
= = = محمدين : ما هو لو كل الناس محتطش ودايع فى البنوك . البنوك دى ها تسلف منين ؟ ما هى بتسلف من فلوس الودايع . ولو الشركات ملقتش إللى يسلفها لا ها تعرف تنتج ولا تدفع أجور عمالها . ولو مفيش حد عمل مشروعات صناعية وزراعيه ها نستورد سلع أكتر والبطاله ها تزيد أكتر .
* * حسنين : وزنبها إيه البورصة . أقصد سوق التداول فى كل ده ؟
= = = محمدين : زنبها إنها كونت طبقه من المضاربين جواها . دول كل همهم الربح السريع . بأى طريقه مشروعه . موش مشروعه . المهم يحققوا ربح كبير بسرعه . طبعا دول بيخلو ناس كتير تقلدهم ويدخلوا البورصة .
والناس دول بتوع المضاربه والربح السريع . لو البورصة نامت شويه ومحققتش الأرباح اللى إتعودا عليها . يتجهوا بفلوسهم لسوق تانى يولعوا أسعارها علشان يحققوا نفس المكاسب . مره يروحوا سوق العملات يولعوا الدولار . مره يروحوا سوق العقار يولعوا أسعار الشقق . مره يروحوا سوق الأراضى .
* * حسنين : يعنى عايز تقول إنهم ما كفاهومش يبعدوا الناس عن الاستثمار فى الزراعه والصناعة والتجاره . دول كمان بيخربوا علينا أسواق تانيه . أمال فين الحكومه من الكلام الخطير ده ؟
= = = محمدين : الحكومه بدل ما تطفيها . ولعتها أكثر .
* * حسنين : إزاى يعنى ؟
= = = محمدين : فيه حاجه إسمها حوافز الإستثمار . دى بستخدمها الحكومات لما بتكون عايزه المستثمرين بستثمرا فى مجال معين . يعنى لو عايزه المستثمرين يسثمروا مثلا فى سينا . تقوم تعطى إعفاءات ومنح فى الأراضى فى التمويل فى التراخيص للى يروح سينا تقوم الناس تتشجع .
الحكومه علشان تشجع الناس تستثمر فى البورصة عملت إعفاء من الضرائب . لأى مكاسب يحققها المتعاملين بالبورصة سواء مصريين أو أجانب .
* * حسنين : يعنى إللى معاه قرشين وعمل ورشة ولا محل ولا شركة وشغل ناس معاه يدفع ضرائب ؟. وإللى يروح البورصه ولا بيزود إنتاج ولا يوفر فرص عمل ما يدفعش ضرائب .
= = = محمدين : عارف نتيجة كدا إيه حصل . تجار ومحامين ومحاسبين وأطباء وغيرهم سابوا شغلهم الأصلى . وراحوا يستثمروا بالبورصة . تسألهم ليه عملتوا كدا . يقول لك دا أنا كان يجيلى بتاع الضرائب وبتاع التأمينات وبتاع القوى العامله وغيره وغيره كله عايز رسوم وإتاوات . حاليا أنا موش مطالب بأى شىء .
* * حسنين : يا خبر أبيض . يعنى ال 448 مليار جنيه إللى كنت فرحان بيهم . دول جايين على حساب ودايع البنوك . وعلى حساب مشروعات صناعيه وزراعيه وتجاريه كان ممكن تتم . وتوفر إنتاج وفرص عمل .
= = = محمدين : علشان كدا لما كانوا بيبيعوا أسهم الشركة المصرية للاتصالات جابوا فى مجلة المصور . فلاح باع البقره بتاعته وراح يشترى بتمنها أسهم بالبورصة . وقعدوا يحيوه لأنه بقى مستثمر عصرى . بدل ما يزرع ويربى مواشى ويفضل دقه قديمه . ها يقعد ع القهوه يسمع نشرة الأخبار علشان يتابع أخبار السهم بتاعه عمل إيه .
* * حسنين : قولها بصراحه . يعنى هما عايزنا بدل ما ننتج ونشتغل نبقى تنابله . وحيتان المستوردين تستفيد ونفضل نستورد كل حاجه زيت قمح دره لحد الأستيكه بتاع التلامذه .
وحتى البورصة إللى كان ممكن نحل بيها مشاكلنا ونزود إنتاجنا . حولوها لوسيله تضر بإقتصادنا . وإحنا فرحانين زى الهُبل بزيادة تعاملاتها .
وهذا تعليق أحد القراء على المقال :
يهربون من ربا البنوك إلى ميسر البورصة معلق | 16-12-2010 07:30 وهكذا تحولت البورصة من وسيلة بناء للإقتصاد إلى وسيلة هدم للمجتمع كله، فالمضاربات مقامرة وليست ربحاً دائماً. أتذكرون مهندس الحاسوب الذي قتل زوجته وأبناءه ثم حاول الانتحار بعد أن خسر كل ما يملك في البورصة؟
تعليق