Tweet
ازيكم يا جماعة أرجو ان تكونوا بخير ان شاء الله وأرجو ان تعذروني عن الأسلوب اللي في الموضوعين اللي فاتوا وان شاء الله جه وقت هذا الموضوع الذي أ‘لنت عنه في الموضوع السابق وهو(نفسي.......خلاص هبدأ بكرة,,,,,,,لااااااء انهاردة)
ايه يا عم ده نفسي ايه وبكرة ايه وانهاردة ايه ؟؟؟؟؟؟ طب ما تيجي نشوف كدا مع بعض وخدوني علي قد عقلي وخليكوا معايا كدا
نبدأ علي بركة الله سبحانه وتعالي’’’’’’’’
كانت فيه مشكلة بتقابلنا في بداية الالتزام وبعد الالتزام ولسه بتقابل ناس فينا لحد دلوقتي
مشكلة!!!!!مشكلة ايه دي يا عم ؟؟؟؟؟؟ المشكلة دي يا جماعة هي كلمة (نفسي)دي
طب وفيها ايه كلمة نفسي دي يا عم ,ما هي كويسة وبنت ناس!!!!!!!
بالعكس كلمة(نفسي)دي مشكلتها كبيرة قوي وتعالوا يلا نعرفها
احنا اهدافنا كتير ولما بنقرب من ربنا وأكيد عندنا معاصي وبلاوي سودا كتير قوي ولكن لما تيجي تقول خلاص انا هلتزم ودي حاجة حلوة لكن اللي مش حلو انك تقولي نفسي أتوب ....خلاص سيبك من انهاردة وهبدأ بكرة ,,,ويبقه الحال هكذا علي طول يجي بكرة وبرضه يأجل ,,,,,وتعدي الايام بس خلي باااااااالك ملك الموت لا يستأذن علي أحد !!!!!
ايه يا عم الرعب اللي انت معيشنا فيه دهده مش رعب ,,,دي الحقيقة والله
في واحدة تقولك انا خلاص قررت ألبس الحجاب خلاص ,,,يجي الشيطان يقولها طب خليكي لبكرة .......يجي بكرة ...وتقعد تأجل.....لحد ما تقول خلاص رمضان جاي وخليها مفاجأة في اول يوم في رمضان وألبس الحجاب وللأسف هي تموت في نصف شعبان
مش قولتلكوا ان ملك الموت لا يستأذن علي أحد
هي دي المشكلة ,,,طب ايه اللي بيخلينا نأجل التوبة والمسارعة في التوبة؟؟؟؟؟؟
اقولكم أنا........
القلب ليه قوتين ....منهم قوة الارادة اللي عاوز أتكلم عليها
الذنوب والمعاصي يا جماعة اللي ارتكبناها أيام الفساد (والأيام دي كلنا عيشناها) ايه يا عم انت مش كنت معانا ولا ايه,,,ولا أكن الكلام ليك.....أنا؟؟؟؟؟ ايوة انت وانا وهما وكل اللي بيقروا دول مش انت لوحدك يعني بس الحمد لله ربنا تاب علينا والحمد لله
نرجع لموضوعنا...... زي ما قلنا ان الذنوب والمعاصي دي بتعمل نكتة سوداء في داخل القلب ويفضل القلب يتلقي الذنوب والمعاصي وتفضل النكتة السوداء في القلب تزيد ,,,فهنا بقه القوة اللي عرضة للضعف هي قوة الارداة.....وتفضل تتضعف....وان انت مثلا تكون عاوز تعمل حاجة ومتحفز ولكن يا عيني مش قادر مع انك عاوز تعمل
تقول نفسي اصلي قيام انهاردة,,,,نفسي افضل اذكر ربنا علي طول,,,نفسي أحفظ قرآن,,
نفسي........نفسي..........نفسي..................نف سي.................الي آخره
ولكن قوة الارادة ضعفت وانت مش قادلا تعمل أي حاجة خالص
طيب انا عمال أتكلم في ضعفنا ومش عارفين ولا قادرين نعمل حاجة طيب ايه هو الحل؟؟؟؟؟؟
الحل في ايدينا والله بس احنا مش واخدين بالنا منه
الحل في الذكر والاستغفار وقراءة القرآن ومعرفة سنة النبي ونمشي عليها وقراءة سيرته
طب ازاااااي يعني دول ليهم علاقة بموضوعنا؟؟؟؟؟؟
اقولك.......لما تفضل تعمل الحاجات دي بتبدأ النكتة السوداء دي اللي قي القلب تنقص تنقص تنقص ومع نقصها بتبدأ قوة الارادة تأخد راحتها وتستعيد وقتها
عارف زي ايه؟؟؟ زي المرض والعلاج!!!!!!!!!
لما انت تكون عيان بتلاقي نفسك هفتان ومش عارف تتحرك وعاوز تشتغل بس مش قادر وتفضل نايم علي نفسك......لكن لما تبدأ تأخد علاج بيبدأ العلاج ده يأثر علي المرض أو الفيروس ويبدأ الفيروس أو المرض ينقص وتبدأ الأجهزة في العمل براحة تاني وتشفي باذن الله سبحانه وتعالي
يا جماعة اللي عاوز أقوله اننا كلنا ماليانيين ذنوب وعيوب وياريت ما نبصش لغيرنا علي انه وحش ونبص لنفسينا الأول ومتقولش لااااااء ده وحش !!!!ما انت كنت كدا ويمكن أوحش كمان
محدش يزعل مني يا جماعة أنا بحب اقول الحقيقة علي طول وأنا اكثركم ذنوب وكل الكلام اللي بقوله في مواضيعي بيبقه معظمه فيا انا قبل الالتزام ولسه في مشاكل منها بتقابلني ولكن ربنا ان شاء الله هيثبتنا وياريت نتقي الله في أنفسنا ونتوب لربنا قبل فوات الأوان
وان شاء الله انتظروا الموضوع القادم بعنوان
( لو هتتكلم علي الناس.....بص لنفسك الأول)
ارجو المعذرة يا جماعة علي أسلوبي الشديد والهايف ده ولكن هي دي الطريق اللي ممكن توصلنا لقلوب الشباب وأنا ان شاء الله بتناول المواضيع اللي منتشرة بين الشباب والبنات والموضوع القادم باذن الله هيكون جميل ان شاءالله تعالي
و
و
تعليق