يا عمي خليك فرش والله انتم صعبانيين عليا قوي قوي!!!!

[الجنة تنادي]

في البداية أرجو الاعتذار عن اسلوبي في كتابة المواضيع ولكن انا حبيت اكتب المواضيع بالاسلوب ده عان دي لغة الشباب وما دام عاوزين نوصلهم حاجة يبقه لازم نمشي في اتجاههم
ودلوقتي نيجي لموضوعنا(خليك فرش) كلمة الشباب والبنات دايما بيقولوها ,,,,,,,ولكن بيقولوها لمين ؟؟؟؟؟؟طب تعالوا نشوف كدا مع بعض.......
كتير بنلاقي مثلا لما واحدة تلتزم نلاقي كتير المواقف دي بتحصل
نلاقي صاحبتها بتقول الي صاحبتها اللي التزمت دي
ايه يابنتي الل عملتيه في نفسك ده ؟؟؟؟ايه الغباء ده ؟؟
عملت ايه ؟؟؟وغباء ايه اللي بتتكلمي عليه؟
ايه الهلاليل اللي انتي لابساها دي هو انتي رجعتي للبس جداتنا ولا ايه؟؟
ده حجابي وانا الحمد لله ربنا هداني
حجاب ايه ده اللي خلي شكلك وحش كدا ؟؟؟ابقي قابليني لو واحد بصلك تاني ,,حرام عليكي جمالك ده يبنتي يروح هضر كدا في الهلاهيل دي,,,وايه ده يااااااااااخبر ابيض مش حطا مكياج كمان ؟؟؟؟يادي النيلة,,,والله انتي صعبانة عليا قوي ,يا حرام هتموتي ناقصة عمر ,,,,عجزتي بدري يا حرام بس انا هدعيلك ان ربنا يشفيكي من اللي انتي فيه

ياااااااه يا جماعة هو فيه بنات كدا لسه الايام دي موجودين ؟؟؟؟لاء وبيزيدوا كمان
الواحدة منهم تقولك خليني بحريتي انا كدا حلوة قوي ولسه صغيرة وخليني بقه اعيش شبابي وخليك فرش يا عم لاحسن تكش؟؟؟؟؟؟!!!!!!
انا بقول للبناات دي تعالي معايا كدا وهكلمك برااااحة خالص خالص تعالي
تصدقي بالله انك ما بتحسيش ولا عندك دم ولا رحته حتي (معدومة الاحساس) ايه ياعم انت معصب نفسك ليه كدا خليك فرش بقه
ااااه خليني فرش !!!!
خلاص خلينا فرش يا ستي طب نتكلم بقه,,, هي فين حريتك دي
يعني الحجاب مثلا مش هيخليكي حرة؟؟؟؟هيكلفتك يعني ولا ايه؟؟؟
طيب اقولك حاجة تعالي كدا امشي معاكي للآخر ونشوف مين اللي هيكون صح يلا تعالي
خليكي يا ستي من غير حجاب ؟؟؟؟؟يااااااه ايه الشعر ده !!!ايه الايد دي !!!!
اييييييييييه العفانة دي ؟؟؟؟؟ايه الشعر المعفن ده ايه ياعم ما انت كنت حلو؟؟؟؟
استني بس خليني اكمل ,,,, ده انا كان نفسي اتجوز واحدة زيك من زمان
زيك بالظبط ,,,,كان نفسي اتجوز واحدة بعين خضراء ووشها ازرق وودانها صفراء ووشها احمر
كان نفسي اتجوز دراكولا زيك كدا
يا بنتي ربنا وهبلك الجمال ده عشان تصونيه مش تضيعيه
وبعدين استني تعالي انتي بتضيعيه عشان مين؟؟؟؟؟عشان الواد المفعوص اللي هناك ده ؟؟؟؟؟ربنا يهنيكم ببعض يا بابا ووالله لايقين علي بعض انتم اللي اتنين مفاعيص بسم الله ما شاء الله عليكوا
يبنتي ارجعي لربنا وسيبك من حكاية فرش دي وهيجي الشتا وهتكشي والله
ياريت ترجعي لربنا وتقوليله انا رجعت خلاص حجابي هو تاجي ومش هقلعه تاني خالص ومش هعصيك تاني يااااارب واقبل توبتي يااااارب

ايه ياعم انت انا مش نسيتك والله انا خلاص خلصت كلام معاها لكن لسه انت
تعالي يا حبيب قلبي نتكلم براااااحتنا وعلي مهلنا
ايه ياعم اللي انت بتقوله لصاحبك ده ؟؟؟؟؟صاحبي مين؟؟اللي انت اتريقت عليه امبارح ده
اااااااااه العبيط؟؟اه تقريبا هو
يا عم ايه هو اللي عامله في نفسه ده ؟؟عامل ايه؟؟ده بقي من اصحاب المقشات!!!!!!اصحاب ايه؟؟؟؟
اصحاب المقشات,,,بتوع ايه دول؟؟؟؟اللي عاملين نفسهم شيوخ ومربيين دقنهم دول؟؟اه
وكمان بقي شحات!!!!ازاي؟؟؟؟يعيني عليه مقصر الجلبية بتاعته وماشي بيها قصيرة ومش لاقي تكملة ليها ياعيني!!!!اااه بس ده صاحبك ياخي!!صاحبي اه بس بعد ما يسيبه من الهبل اللي هو فيه ده
انت ما بتحسش ياخي ؟؟؟؟معندكش دم؟؟؟؟؟الله يخربيتك !!!انت عارف بتقول ايه؟؟عارف معني كلامك ده ايه؟؟؟؟تعرف ايه عن الرسول عارف وصف الرسول ؟؟؟؟عارف مين هو الرسول؟؟؟؟؟عارف شكله كان ازاي؟؟؟انت بتستهزق بصاحبك ده عشان مقلد الرسول ؟؟؟؟طب ازاي؟؟؟الرسول ده اللي خلاك دلوقتي مسلم ولكن يا خسارة الاسلام للرجال ولكن دلوقتي بقي في ايد العيال ؟؟؟بستهزق باللي ماشي علي سنة اشرف خلق الله؟؟؟ياخي ربنا يخربيتك
ايه البرادة دي اللي في دمكم ؟؟؟؟ما بتحسش خالص؟؟؟؟عايش في الدنيا كدا وخلاص؟؟بتاكل وتشرب وتنام وخلاص انتهي ؟؟؟؟قولي انت ايه الفرق بينك وبين الحيوان(اعذكم الله) مفيش حاجة خالص
ياخي توب الي ربنا وارجعله واستغفره لعله يقبلك

يا جماعة انا آسف علي الاسلوب مرة تانية وارجو المعذرة ولكن كان في دماغي فكرة وارجو ان اكون وصلتها والحاجات دي موجودة في مجتمعنا كتير أوي منها ولكن دي حاجة كانت محبوسة جوة قلبي وحبيت اطلعها واديني طلعتها اهوه وموعدنا ان شاء الله الموضوع الجاي بعنوان(نفسي....خلاص هبدأ بكرة,,,,,لااااااااء دلوقتي!!!)
و

[احمد عبد الرحيم]

رد: يا عمي خليك فرش والله انتم صعبانيين عليا قوي قوي!!!!

السلام عليكم
جزاك الله خيرا اخى الكريم وربنا يتوب علينا من كل معاصينا

[نسيبة بنت كعب]

رد: يا عمي خليك فرش والله انتم صعبانيين عليا قوي قوي!!!!

جزاكم الله خيرا
اللهم اهدى شباب المسلمين

[dr_Muslim]

رد: يا عمي خليك فرش والله انتم صعبانيين عليا قوي قوي!!!!

نعوذ بالله أن نكون ممن يقال لهم

" قَالَ اخْسَئُوا فِيهَا وَلَا تُكَلِّمُونِ (108) إِنَّهُ كَانَ فَرِيقٌ مِنْ عِبَادِي يَقُولُونَ رَبَّنَا آَمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ (109) فَاتَّخَذْتُمُوهُمْ سِخْرِيًّا حَتَّى أَنْسَوْكُمْ ذِكْرِي وَكُنْتُمْ مِنْهُمْ تَضْحَكُونَ (110) إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ"

00000000000000
باك الله فيكم ونفع بكم
وفي بعض الأحيان يلزم الشده ولكن مغلفه بالحب الأخوى
فيه كلام في بعض الأحيان يؤخذ في النصح عليك لا لك
يعني اشد على واحد وأنما عاوز أنصحه - تلاقيه يقول لك بقى هوا دا الدين دا حتى فرعون قال الله لسيدنا موسى وأمره أن يقول له قول لينا
يعني خلاص بقينا عند المسلم ده أكثر من فرعون - هو بينصحنى ولا فاكر نفسه أحسن مني ؟؟؟؟ طيب ماهو كان ذيي ويمكن أسوأ فلما ربنا يهديه ويتوب عليه يقوم يشد عليا طيب هو مش عارف إن ممكن ربنا يقلب قلبه ويصرفه عن الإيمان ويرزقني أنا الايمان والثبات
بس بإذن الله هاكون أنا أفضل
مش هاكلم حد كده خالص ؟ بل سأخاف عليهم كما أخاف على نفسي
بل وسأنصحهم بإذن الله كأنني أنصح نفسي وأسأل الله الثبات وأن يرزقني الاخلاص في القول والعمل
.......................

[مسلمه مصريه ولى الفخر]

رد: يا عمي خليك فرش والله انتم صعبانيين عليا قوي قوي!!!!

جزاك الله خيرا
وجعل صالح الاعمال فى ميزان حسناتك
وأسأل الله ان يثبت قلوبنا جميعا ويهدى المسلمين جميعا
اللهم امين

[aya]

رد: يا عمي خليك فرش والله انتم صعبانيين عليا قوي قوي!!!!

نعوذ بالله أن نكون ممن يقال لهم

" قَالَ اخْسَئُوا فِيهَا وَلَا تُكَلِّمُونِ (108) إِنَّهُ كَانَ فَرِيقٌ مِنْ عِبَادِي يَقُولُونَ رَبَّنَا آَمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ (109) فَاتَّخَذْتُمُوهُمْ سِخْرِيًّا حَتَّى أَنْسَوْكُمْ ذِكْرِي وَكُنْتُمْ مِنْهُمْ تَضْحَكُونَ (110) إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ"

جزاكم الله خيرا اخونا الكريم: الجنة تنادي

كذلك جزيت خيرا اخونا الفاضل د/ مسلـــــــم

اللهم اغفر لنا وتب علينا واهدينا واهد شباب المسلمين

[شهيد ع بابك يا اقصى]

رد: يا عمي خليك فرش والله انتم صعبانيين عليا قوي قوي!!!!

السلام عليكم ورحمه الله

اشهد الله انى احبك فى الله اخى الكريم

ولا شك ان اللغه البسيطه لغتنا كشباب مهمه جدا فى توصيل المعلومات


00 مع الاحترام كل الاحترام للغتنا الفصحى الجميله 00

لكن كن حذر الا تصل به الى لهجه التريقه على غير الملتزمين

بارك الله فيك ونفع بيك

[يمامة المسجد]

رد: يا عمي خليك فرش والله انتم صعبانيين عليا قوي قوي!!!!

الفكرة وصلت

لكن , الإسلوب صعب شوية

والألفاظ

أعتقد ممكن أصل الفكرة

دون ألفاظ صعبة شوية

بس فعلا ً بيحصل الكلام ده

عموما ً جزاكم الله خيرا ً

[يقيني بالله]

رد: يا عمي خليك فرش والله انتم صعبانيين عليا قوي قوي!!!!

بارك الله فيك يا اخير الكريم الجنة تنادي

الله يهدي جميع فتيات وشباب المسليمن يالله وارقهم العفة والعفاف ياارحم الراحمين

[رشيده]

رد: يا عمي خليك فرش والله انتم صعبانيين عليا قوي قوي!!!!

جزاكى الله اختى الجنه على موضوعك الرائع