Tweet
حتي الغاز يا مصر
اكد مستشار وزير التضامن الاجتماعى ان كل اسرة مصرية تمتلك بطاقة تموينية تتسلم بدورها دفتر كوبون لاستلام انابيب البوتاجاز من المكتب التموينى التابع له ويتكون الدفتر من ست كوبونات حيث يتم فصل كل كوبون عند التوجه لمخازن انابيب البوتاجاز لاستلامها مقابل دفع خمسة جنيهات فقط لمدير المخزن
وقال احد المسؤلين :
ان الاسرة يجب ان تحتفظ بالكوبونات طوال الفترة المكتوبة لها فى بطاقتها التموينية الذكية وقال ان الاسرة المكونة من ثلاثة افراد تستهلك دفتر على مدار ستة اشهر بواقع انبوبة لكل شهر اما الاسرة المكونة من اربعة او خمسة افراد تستهلك دفترعلى مدى اربعة اشهر بواقع انبوبة ونصف فى الشهر اما الاسرة التى تتكون من ست افراد او اكثر فسيغطى الدفتر فترة ثلاث اشهر بواقع انبوبتين كل شهر
واكد ان النظام الجديد سيكفل منع وصول انابيب البوتاجاز المدعومة الى اصحاب مزارع الدواجن وقمائن الطوب خاصة فى الريف حيث يستخدمونه بديلاعن المازوت واكد ان الوزارة تساعد الاسر المصرية محدودة الدخل اما الاسر الاكثر ثراءا واصحاب النشاطات التجارية التى تحقق مكاسب مادية فقادرة على شراء العدد الذى يكفيها من الانابيب غير المدعومة والتى ستتطرح فى الاسواق بالسعر المناسب والتي سيصل سعرها الى 35 جنية مصري مما سيءدي الى ارتفاع اسعار الدجاج الابيض الى 30 جنية الكيلو
وحينما تحدثت مع احد اصحاب مزارع الدواجن قال لي
هذا القرار سيكون سبب فى عطلة 3 مليون شاب يعملون فى مزراع الدجاج
زيادة على اعداد البطاله المهوله الموجده فى مصر
هذا هو اخر قرارات الدوله المصرية التي تمتلك كمية هائلة من الغاز
ولكن طبعا الفائض للشعب والاولي اولا هي اسرائيل
وجاءت عملية توريد الغاز بعد توقيع اتفاق مع شركة غاز شرق المتوسط لتوريد كمية غاز طبيعي تبلغ 1.7 مليار متر مكعب سنويا لمدة عشرين عاما.
فى الوقت نفسه أقامت شركة غاز شرق المتوسط خط أنابيب تحت الماء لنقل الغاز الطبيعي من مصر إلى إسرائيل
المصيبة من جهة اخري هذه الكمية التى حددها المسؤلون اعلاة لن تكفي حوائج الاهالي والمنازل وخاصة فى فصل الشتاء
بالله عليكم ماذا تفعل ان نفذت كمية الغاز المحدده لك فى الشهر ؟
هناك من لا يقدر على شرائها ب 35 او 40 جنية فماذا سيفعل هذا
يموت من الجوع ولا ياكل ؟
ولا يغتسل فى برد الشتاء القارص بماء بارد ان لم يكن لدية سخان ؟
ولا يقوم بجمع الحطب داخل شقته ويوقد ليطهي طعامه ؟
ولما طُرح القرار على المواطنون كان مما قالوه :
انتوا عايزين مننا ايه حرام عليكوا ارحموا الناس ده مش ظلم ده كفر احنا بنستخدم حوالى 5 انابيب فى الشهر كدا لما الانبوبه تفضى نبطل اكل بقى لحد ما يجى الشهر التانى ولا نرجع لورا ونستخدم أفران القش والكانون المشكله ان فى كل دول العالم اى منتج بيصدروه بيصدورا الفائض من استهلاك شعبهم الا مصر بيصدر الانتاج كله والفايض للشعب
يارب انصر الحق والغاز حق لكل مصري زي النيل ماهو حق كدة الناس هتموت من الجوع وهتدبح بعضها ............
هذا الفرار كارثى الانبوبة هتتباع ب 40 جم بعد رفع الدعم انا المخزن يبفد هنى 7 كيلو انا ادفع 20 جم ارخص والله كلام فارغ وغوضى
المفروض ناخد الغاز فى زجاجات علشان نرشد الاستهلاك ده تبذير حتى لما استهلك انبوبه بحالها فى الشهر حسبنا الله ونعم الوكيل
والله قرار فى منتهى العدل..كده المواطن المصرى هياخد تلت انبوبه غاز مصرى المدعم زيه زى حصه اخوه الاسرائيلى من الغاز المصرى المدعم هو ده العدل فعلا احنا عايزين ايه تانى.....وعجبى
يعنى بالله عليكم انا وزوجتى فى الخمسينات وعندى ثلاث بنات وولد لسة بيقولى هات هانقدر نشيل انبوبةاو اتنين من المخزن الذى يبعد عن المنزل كيلو مترات بالذمة ياناس هذا يعقل دى حاجة والحاجة التانية ازاى نسيب اشغالنا ونقف على طوابير الغاز مش كفاية علينا طوابير العيش يابلد الطوابيروتفرق ايه الخمسة جنيهات اللى انتو بتقولوا عليها من السبع جنيهات اللى باشترى بيهم الانبوبة والله وانا مسئول عن حلفانى ان ماحصلش مجزرة امام مخزن الانابيب ابقوا قولوا الراجل ده مايعرفش حاجة حسبى الله ونعم الوكيل فيكم بجد انا حزين وربنا يتولانا برحمته
التجار موش هايغلبوا والبياعين الصغار موش هايسكتوا والضحية المواطن البسيط الغلبان !!!! وسلملى على البطاقة الذكية
يا ناس الاسر المصريه الاكثر ثراء عندهم غاز طبيعي يا ترى يا حكومة قننتي برده عليهم كده حسب عدد الافراد وهتقطعوا عنهم الغاز يعني مش حرام اسرائيل تاخد الغاز بتاعنا واحنا هنا مش هنلاقي انبوبة نطبخ عليها لولادنا
يا ناس الاسر المصريه الاكثر ثراء عندهم غاز طبيعي يا ترى يا حكومة قننتي برده عليهم كده حسب عدد الافراد وهتقطعوا عنهم الغاز يعني مش حرام اسرائيل تاخد الغاز بتاعنا واحنا هنا مش هنلاقي انبوبة نطبخ عليها لولادنا ياريت المحرر ينشر
انبوبة ونصف فى الشهر ... لكل اسرة من 4 او 5 افراد .... طب الأنبوبة وعرفنا حناخدها ازاى طيب ونصف الانبوبة ناخدها فين فى العضل والا اقول لمخزن الانابيب مفايش حاجة عندك آخد فيها ... طب بلاش انا عندى اقتراح نعمل انابيب مقاسات للمنازل ونستبدل الانبوبة العادية بأنبوبتين اطفال ... ارحمنا يارب من الجهل واللى شايفينه
تعليق