مشكله من واقع الحياة .... بندورلها على حلول ... لو حبيت تشاركنا أدخل !!!!

[مهندس خالد]

السلام عليكم ورحمة الله وبركاته


الموضوع دا ياجماعه ان شاء الله بكل بساطة هنتكلم فية عن بعض المشاكل
اللى بتواجهنا فى الحياة اليومية
فى بيوتنا وشوارعنا ومواصلاتنا بجد الوضع بقى لايطاق فى كل حاجة

على سبيل المثال لا الحصر
=====//=====//=====
لو حبيت تدخل مصلحه حكومية مثلا عشان تخلص ورقة تلاقى الموضوع مش بالبساطة
اللى ممكن يكون راسمه خيالك اكيد كلامى بدون توضيح مفهوم


موضوعنا ان شاء الله هيكون زى برنامج حوارى هقوم بطرح الموضوع لفترة معينه ولتكن 3 ايام
يقوم اخوكم ( ناشر العلم ) بعرض الموضوع ومشاكله
والاخوة هيشاركونى فية بعرض مشاكل اكون ناسي ذكرها وعرض حلول
على الاقل نبقى غيرنا بقلوبنا
اتمنى التفاعل لو الفكرة عجبتكم

[مهندس خالد]

رد: مشكله من واقع الحياة .... بندورلها على حلول ... لو حبيت تشاركنا أدخل !!!!

بسم الله نبدأ بأول مشكله
المواصلات العامه

طبعا حضراتكم عارفين يعنى اية المواصلات العامه فى مصر
الميكروباص // الاتوبيس // التاكسى // وأخيرا التوتوك

بجد مش عارف اقول اية ولا اية
المشاكل كتييير جداااااااااا
طبعا لو ابتديت هبتدى بالحموله قبل مانتحرك ياجماعه كدا الحموله الكرسى اللى بياخد 3 لازم يركبفية اربعه ياكدا
يا إما السواق مش هيتحرك من مكانه وياسلام بقى لو الكرسى راكب فية 3 رجاله وجت واحدة ست وعاوزة تركب تلاقى السواق يقولك خدها جنبك يا أستاذ دى زى اختك ويلا عشان نمشى
لا واللى يغيظك بقى ان الاخت واقفة ومستنيه تركب بالرغم من انها شايفة العربية زى علبة السردين
الاجرة مش نص جنية دا كلام الحكومه مالناش دعوة بية الاجرة 75 قرش واللى معترض ينزل وغصب عنك يامسكين مضطر اصل معظمهم الا ما رحم ربى على نفس الشاكله
حاله العربية بقى فل شباك مكسر باب مبيتقفلش لا وطول ماهو ماشى الواد التباع واقف برة وعمال ينادى عتبة عتبة عتبة طيب هتجيب فين وانت طالع من الموقف مافيش مكان لرجل شخص
لو جينا بقى للتوتوك بتركب التوتوك من هنا وتحس انك قاعد فى فرح تلاقى التوتوك بيتهز من صوت الكاسيت لا واسمع بقى المواعظ والحكم فى الاغنية من الفنان الحشاش اللى شغال
ولا بقى الطفل اللى سايق التوتوك وهو مولع السيجارة وعامل فيها سبع تمن رجاله فى بعض
ولا الالفاظ اللى ممكن تسمعها
تقريبا انا ناسى حاجات كتير اللى ملاحظ حاجة تانية ياريت يقولها وشاركونى فى تقديم حلول

[M_S_A]

رد: مشكله من واقع الحياة .... بندورلها على حلول ... لو حبيت تشاركنا أدخل !!!!

حياك الله اخى الحبيب فعلاً مشكلة تقابلنى كثيراً

وتأثر اكثر على الاخوة اصحاب اللحية لانهم قدوة لغيرهم كما تعلم

اما عن الحل فلا اعلم حل اكثر من أن انزل من السيارة مع العلم بكون مستعجل

او متأخر او اى شىء من هذا القبيل وذلك حتى لا يسىء احد الظن بى

وهذا افضل حل بالنسبة لى ربما هناك حلول اخرى بديله

ولكن هذا من وجهة نظرى المتواضعة

ننتظر حلول باقــى الأخوة

بارك الله فيك ونفع بك

احبك فى الله

[محمود فاروق]

رد: مشكله من واقع الحياة .... بندورلها على حلول ... لو حبيت تشاركنا أدخل !!!!

جزاك الله خيراً أخى على موضوعك
لا بد ان تنصحه لله أولاً , فإن أبى فعليك المغادرة
قال تعالى " وإذ قالت أمة منهم لم تعظون قوماً الله مهلكهم أو معذبهم عذاباً شديداً قالوا معذرةً الى ربكم ولعلهم يتقون"
فلا بد من تقديم الاعذار الى الله أولاً سواء سمع لك ما تقول أو لم يسمع .

[مهندس خالد]

رد: مشكله من واقع الحياة .... بندورلها على حلول ... لو حبيت تشاركنا أدخل !!!!

حياكم الله
ننتظر مشاركة باقى الاخوة ان شاء الله

[مهندس خالد]

رد: مشكله من واقع الحياة .... بندورلها على حلول ... لو حبيت تشاركنا أدخل !!!!

حياك الله اخى الحبيب فعلاً مشكلة تقابلنى كثيراً


وتأثر اكثر على الاخوة اصحاب اللحية لانهم قدوة لغيرهم كما تعلم

اما عن الحل فلا اعلم حل اكثر من أن انزل من السيارة مع العلم بكون مستعجل

او متأخر او اى شىء من هذا القبيل وذلك حتى لا يسىء احد الظن بى

وهذا افضل حل بالنسبة لى ربما هناك حلول اخرى بديله

ولكن هذا من وجهة نظرى المتواضعة

ننتظر حلول باقــى الأخوة

بارك الله فيك ونفع بك

احبك فى الله

لعل الحل الذى قمت بطرحه هو حل فردى ولا اجدة يصل بك الى غايتك لعلك تواجه نفس المشكله فى وسيلة المو اصلات الاخرى
جزاكم الله خيرا على مشاركتك الطيبه
احبك الذى احببتنى فية

[مهندس خالد]

رد: مشكله من واقع الحياة .... بندورلها على حلول ... لو حبيت تشاركنا أدخل !!!!

جزاك الله خيراً أخى على موضوعك
لا بد ان تنصحه لله أولاً , فإن أبى فعليك المغادرة
قال تعالى " وإذ قالت أمة منهم لم تعظون قوماً الله مهلكهم أو معذبهم عذاباً شديداً قالوا معذرةً الى ربكم ولعلهم يتقون"
فلا بد من تقديم الاعذار الى الله أولاً سواء سمع لك ما تقول أو لم يسمع .

جزاكم الله خيراااااا فعلا اخى فكم من كلمه غيرت حياة اشخاص

[مهندس خالد]

رد: مشكله من واقع الحياة .... بندورلها على حلول ... لو حبيت تشاركنا أدخل !!!!

اما بالنسبة لاقتراح العبد الفقير
اقترح ان تكون هناك سيارتان معا فى وقت الحموله احداهما للرجال والاخرى للنساء
ولكن فى سيارة النساء من يركب بجوار السائق يكون اثنين من الرجال ايضا
وهذا حل لمشكلة الاختلاط

ننتظر مشاركة باقى الاخوة