نفسى اتوب

[محمد حمدى عواد]

انا محمد من قريه صغيره عندى 15 سنه سعت دروس الدكتور حازم ربنا يبارك فيه وعجبنى واثرت فيا كتير وكنت بلتزم ايام وانتكس ايام بس الصلاه مبسبهاش خالص
من اسباب الانتكاس اقول لنفسى انت لسه صغير،والصحبه طبعا ،البنات اللى بتكلمنى واكلمهم
بس انا مش قادر نفسى اتوب وابقى داعيه واكون سبب فى هدايه اصحابى واهلى وكل الناس ونفسى اتكلم مع الدكتور حازم اوى بحبه جدا ونفسى لو حد يعرف ترجمه عنه يحكيها لعلى انتفع بها
والسلام عليكم ورحمه الله وبركاته
ارجو الرد

[محمد حمدى عواد]

رد: نفسى اتوب

انا محمد من قريه صغيره عندى 15 سنه سمعت دروس الدكتور حازم ربنا يبارك فيه وعجبنى واثرت فيا كتير وكنت بلتزم ايام وانتكس ايام بس الصلاه مبسبهاش خالص
من اسباب الانتكاس اقول لنفسى انت لسه صغير،والصحبه طبعا ،البنات اللى بتكلمنى واكلمهم
بس انا مش قادر نفسى اتوب وابقى داعيه واكون سبب فى هدايه اصحابى واهلى وكل الناس ونفسى اتكلم مع الدكتور حازم اوى بحبه جدا ونفسى لو حد يعرف ترجمه عنه يحكيها لعلى انتفع بها
والسلام عليكم ورحمه الله وبركاته
ارجو الرد

[ضيف]

رد: نفسى اتوب

اخى الحبيب محمد

عش معى بقلبك تلك الكلمات ، فأعرنى قلبك لتقرأ به

ولا تشغل نفسك باى شىء وانت تقرأ وأقرا كل كلمة بتأنى

كلماتك ذكرتنى بنفسى منذ عشرين عاما

فكتبت زى ما انت كتبت بس فى مذكراتى

فرجعت اليها لما قرأت كلماتك

فبكيت كثيرا لما قرأت مذكراتى ، فنقلت لك منها ما يلى فخذ منها العبرة والعظة

تقول إحدى هذه الإسرائيليات (( الإسرائيليات دى هى قصص وآثار عن اهل الكتاب اخبرنا عن حكمها النبى صل الله عليه وسلم فقال : "إذا حدّثكم أهل الكتاب فلا تصدقوهم ولا تكذّبوهم "
فهذه الإسرائيليات لانصدقها ولا نكذّبها ولكن نذكرها لأخذ الموعظة والعبرة ))

تقول إحدى هذه الإسرائيليات : عبد عابد من بنى إسرائيل ربه خمسين سنة فى صومعة .. فأوحى الله اليه انى قد غفرت لك .... قال : رب وماغفرت لى ولم أُذنب ؟؟
فأوحى الله الى عِرق فى رقبته فضرب عليه ... فلم يستطع ان يحرك رقبته ولم يستطع ان يصلى او ينام .... فأرسل الله اليه ملك فى صورة رجل يعرفه ... فشكى العابد له مالاقاه من الألم من ضرب العرق .... فقال له الملَك : ان ربك يخبرك ان عبادتك الخمسين سنة تعدل تسكين هذا العِرق ..... "

يااااااااااااااااااااااااااااه ؟!!
شكر تسكين الألم يعدل عبادة خمسين سنة
تخيل اخى الحبيب هذا ؟؟
قلت لنفسى ساعتها : دا على كده الواحد مديون ل 100 الف سنة قدام ؟؟
ورغم كل هذا ورغم تقصيرى وجرأتى على الله يسترنى ولا يفضحنى

ساعتها ومن أعماق قلبى قلت :
ياااااااااااارب كم انت كريم وانا لئيبم ؟؟
تتودد إلىّ بالنعم والستر وانا اتبغض اليك وابارزك بالمعاصى
ياااااااااارب
انا تائب الآن .... يارب انا عائد الآن

وقتها اعلنت توبتى الى الله وإقلاعى عن الذنب
وبدأت فى التقرب الى الله بالصلاة والصوم
ولكن : وآه من لكن :
عدت مرة أخرى للذنب وبصورة أسوأ

تحطمت معنوياتى وأقنعتى نفسى الأمّارة بالسوء :

إنه خلاص إنت مفيش منّك رجا ولا فايدة !!!
هاتفضل كدا وعمرك ما هتتغير !!!
إنت كده بتضحك على نفسك !!!

لكن قعدت مع نفسى دى وسألتها :
هوا انا اصلا عايز اتوب ؟؟ بجد ومن قلبى عايز ربنا ؟؟
ولقيت نفسى بقول : لأ انا مش عايز اتوب
انا عاجبنى نفسى كده ؟؟
بينى وبينكم : أذهلتنى الإجابة ؟؟
معقول : انا كنت باضحك على نفسى
يعنى انا فعلا بقيت بحب الذنب ومش عايز اتوب ؟؟
فعلا هيّا دى الحقيقة
طيب إيه السبب ؟؟ ليه انا بقيت كده
بقيت بحب الذنب ومتعلق بيه لدرجة انى مش عايز اتوب ؟

وعرفت السبب لما سمعت الجملة دى :

الله عزيز لايُغالب ، يعاقبك حين تخادعه بنقيض قصدك

وهيا دى كانت مشكلتى :
انى مش عارف انا بتعامل مع مين ؟؟!!
فعلا ... كتير مننا بيكون جاهل بربنا سبحانه وتعالى
بيقول بلسانه : انا تبت توبة نصوحة ومن قلبه وهوّا مُصرّ على الذنب؟
بيقول يارب انا تائب ... وهوا بينه وبين نفسه مش ندمان على الذنب ده ؟؟

قريت ساعتها موقف لصاحبى خلّده التاريخ من غير حتى مانعرف اسمه :
كان فى احدى الغزوات راكبا على فرسه وسمعه احد الصحابة وهو يقول :
أى نفسى ؟؟ أتذكرين يوم كذا وكذا ؟؟
يوم نادى مناد الجهاد وقلت لى اهلك ومالك ... فرجعت ولم اجاهد ؟؟
أى نفسى ؟؟ أتذكرين يوم كذا وكذا ؟؟
يوم نادى منادى الجهاد ... فقلتِ لى : مالك واهلك ؟. فرجعت ولم أجاهد
أى نفسى ... والله لا اطاوعك اليوم ابدا ..
أى نفسى ... والله لأخوضن بك فى المعركة ..
أى نفسى .... والله لن ارضى بنفسى إلا شهيدا اليوم فى سبيل الله

فمات هذا الصحابى شهيدا فى هذه المعركة وفى جسده بضع وسبعين طعنة ..

وكانت بداية التوبة النصوحة ........

وكانت بدايــــــــــة التوبة النصوحة .........

أحضرت ورقة وقلم وبدأت أدون إجابات لهذه الأسئلة:

هوا انا عايز اتوب ليه ؟؟
طيب لو انا ماتوبتش وفضلت على الذنب ده لمدة سنة قدام؟؟
طيب لو فضلت على كده لمدة خمس سنين قدام ؟؟
طيب لو فضلت على الذنب ده لحد ما اموت عليه ؟؟

يانهاااااااااااار ابيض ؟؟
دى كارثة ..... طيب ساعتها هاقول لربنا إيــــــــــــــه؟؟
لما اقف قدامه ويقولى :
عبدى الم استرك يوم كذا وكذا وكذا وكذا .....؟؟!!
فلم لم تنته وتتوب من ذنبك ؟؟
هاتقوله إييييه ؟؟ لما يقول لملائكته : خذوه الى جهنم ؟؟
ماذا لديك يومها ليشفع لك عند الله ؟؟

يعنى انا بسبب الذنب ده لاهطول دنيا ولا آخره ؟؟

وساعتها قلت لأ : انت تقدر تتخلص من الذنب ده ؟؟
انت شاب ولديك من العزيمة والإرادة ماليس عند غيرك ؟؟

إبدأ من الآن .... من هذه اللحظة .......
ياااااااااااااارب أنا عائد إليك من الآن ....
يارب انا فااااااااااارّ إليك من نفسى وشيطانى ......
ياااااااااااارب انت أكرم وأحلم وأعظم من ان تعرض عنى
ياااااااااااااااارب إفرح بتوبتى الآن يارب .........

وبدأت فى وضع خطة حقيقية

برنامج التوبــــــــــــــــــــــــة .......

لو عايز تتوب بجد يبقى لازم تعمل برنامج حقيقى للتوبة :

اشترى كراسة وإبدأ اعمل برنامج تمشى عليه يوميا :
لازم تغير نظام حياتك المعتاد .....
لازم تحس فعلا انك بتتغير وطبعا للأحسن ....

حدد فى الكراسة دى الآتى :
1- ثوابت يومية تواظب عليها :

• الصلوات الخمس قدر المستطاع فى جماعة
• السنن الراتبة والنوافل على قدر المستطاع
• ورد قراءة قرآن يومى ثابت ولو صفحتين ......
• ورد حفظ قرآن يومى ثابت ولو خمس آيات ....
• المواظبة على صلاة ركعتين قبل النوم .......
• المواظبة على صلاة ركعتين قبل صلاة الفجر .
• المواظبة على أذكار الصباح والمساء يوميا ....
• ورد يومى من الإستغفار والذكر والتسبيح ....

ملحوظة صغيرة :

1. قراءة صفحة واحدة من المصحف لاتستغرق اكثر من دقيقة ونصف .........
2. حفظ خمس آيات من القرآن لايستغرق اكثر من 5 دقائق.....................
3. قال الحبيب عليه الصلاة والسلام : احب الأعمال الى الله أدومها وإن قل .....
4. الأعمال السابقة وعن تجربة شخصية اكبر معين لك على الثبات على الحق .
5. يقول النبى عليه الصلاة والسلام: طوبى لمن وجد فى صحيفته إستغفارا كثيرا

وتقدر تضيف عليها حاجات تانية زى الصوم والصدقة وقراءة كتاب وعمل دعوى ومذاكرة وغض بصر وغيره

أقسم لك بالله اخى الحبيب وعن تجربة شخصية هذه الأعمال هى اشد معين لك على الثبات على الحق
وعدم الرجوع الى ظلمة المعصية وفعل الذنب ...........

إبدأ من الآن وأصدق مع الله .......
وكن ممن قال لهم النبى صل الله عليه وسلم " إن تصدُق الله يصدقك "

الموضوع مش صعب ........
كل المطلوب : توبة صادقة من القلب وإستعانة كاملة بالله
ويقين برحمة الله وعفوه .........

وبعد كدة دور على صحبة صالحة تمشى معاهم

يقربوك من ربنا ، يذكروك اذا نسيت
يصحونى فى صلاة الفجر

وبالفعل بقى ليه صحبة صالحة
اجلس معاهم فى المسجد احضر معاهم دروس احفظ معاهم القرآن
مكتوب يوم 12/9/1990

اخى الحبيب محمد

ابحث بين السطور وخذ العبرة

ولا تنسانى من دعائك

وعاوز اعرف بعد كدة اية احوالك مع الله ؟؟

احبك فى الله

[ضيف]

رد: نفسى اتوب

السلام عليكم ورحمة الله وبركاتة

اخى الصغير الغالى / محمد

اين انت ؟؟؟

وايه اخبارك مع ربنا ؟؟؟

احبك فى الله