نقطة تحول ( قصة توبتى )

[مهاجر الى الرحمن]

السلام عليكم ورحمة الله وبركاته
اخوانى الكرام هذه قصة توبتى بين يديكم
عسى الله ان ينفع بها احدا منكم

انا شاب زى اى شاب طلعت لقيت تامر واليسا واللمبى والزعيم
كنت تايه فى بحر مالهوش اخر لغاية 3 ثانوى ابتديت اسمع للدكتور عمرو خالد ربنا يهديه ولكن كان بيحكى قصص فكنت برضه تايه زى ما انا
لغاية ما شفت الشيخ محمود المصرى فى التليفزيون انشرحله قلبى وكان ساعتها بيحكى عن قصة توبة شاب خطفنى كلامه ولكن ماكنتش اعرف انه الاغانى حرام ولا الافلام حرام
وعدت الايام ودخلت الفيديو شات واتعرفت على اصحاب ومسكت رومات اغانى وكنت مبتلى بحب الاغانى الرومانسيه لغاية ما جاتنى دعوه ادخل روم اسلامى !!
دخلت وشفت الاحترام جوه والدروس شغاله حبيت اشوف دول بيعملو ايه لغاية ما كان فى صاحب ليا ادمن فى الروم الاسلامى كان معايا فى روم الاغانى راح رافعنى ادمن فى الروم الاسلامى ...
وابتديت بقى انزل اناشيد علشان اشغلها فى الروم وانزل دروس كنت مجرد شيئ بأسمعهم فى الروم من غير ما استفاد بشيئ لغاية ما جات نقطة تحول من نقات تحول كتيييير !!!!!!!!!!!!
ربنا رزقنى بصاحبى بعتلى فيديو فرشى التراب وكان فى اليوم ده أسرتى كانو بره وكنت لوحدى في البيت شغلت الفيديو وانسجمت وانهرت من البكاء يارب انا هاكون مكان اللى بيتحط على وشه التراب والدنيا كلها هتتخلى عنى واصحابى هينسونى يا رب هاعمل ايه !!!!!!!
بس وبدأ قلبى ينبض بعد جمود
وربنا ما سابنيش بعتلى اخ الله يباركله ويكرمه ويجمعنى بيه فى الدنيا ويحشرنا سويا تحت ظله يوم لا ظل الا ظله ..
اسمه الدكتور محمد كان فى كلية صيدله
شاف انى مشغل الروم الاسلامى كويس اتكلم معايا واخد رأيى فى انه يفتح روم اسلامى واديرهاله ووافقت
ودخلت الروم بتاعتى الجديده وسمعت درس كان مشغله الدكتور محمد لحبيبى الدكتور حازم شومان
يااااااااااااااااااااه !!!!!
لمن له قلب
ده اسم الدرس
ودى كانت النقله التانيه ....
بعتلى اخويا الدكتور محمد رابط الطريق الى الله ودى كانت النقله الثالثه
ومن ساعتها انقطعت اخبار الدكتور محمد عنى ونفسى اقبل رأسه ...
ابتدت قصة التزامى مسحت 60 جيجا اغانى وافلام
وعشت على القرآن والاناشيد والدروس والمسجد لغاية الكليه
....... وبدأت المرحله الصعبه........
شباب من كل البلاد وعايشين حياتهم
حاولت اثبت لكن فين فى وسط كل دول
يا رب اعمل ايه احفظنى يا رب.....
للاسف ماكنتش عارف انه الصحبه بتضيع الانسان
خطفونى وجرفونى معاهم بس كنت جسدا معاهم لكن قلبى لا.. قلبى ملكك انت يا رب...
يسمعو اغانى .. اخ!!!!!!!! قلبى كان لسه جديد ماجربش يتحط فى فتنه ...
وقع قلبى للاغانى بس لسه باسمع القرآن والدروس ..
يلا النهارده فى فيلم فى رنيسانس تعاله الحياه حلوه ...
معلش يا جماعه اصل ..... اصل ايه يلا ... اخ !!!!!!!!!!! قلبى كان لسه فيه شوائب
آآآآآآآآآآآآآآآآآآآآآآآآآآه
كنت بأتألم
كنت اسافر ابعد عنهم ابقى كويس واتوب
وارجعلهم اخد يوم اثنين وارجع معاهم !!!!
كان الم شديد كنت ابكى واقول الحقنى يا رب انتشلنى من وسطهم ولكن قدر الله وما شاء فعل
ظللت سنه على الحال ده ...
ياترى فيه امل ارجع تانى انتظر الصلاه الى الصلاه والصيام والقيام
كانت مجرد ذكرايات جميله اتألم كلما ذكرتها ...
وعدت السنه !!!!!!!!
اخدت الاجازه وتبت ورجعت الى الرحمن
وقعدت اشحن قلبى اشحن بكل قوه مش عايز اللى حصل يتكرر تانى
بس ما كنتش حاسس باللذه اللى كنت حاسسها اول مره
والتزمت وعرفت بقى حبايبنا الشيخ محمد حسان وابى اسحاق ومحمد حسين يعقوب والمصرى والزغبى وكل الحبايب
وبقيت توبه بفضل الله يصحبها علم فى الدين وحب للدعوه
ومنحنى ربى اسلوب يحبه كل من تعاملت معهم بفضل الله
ورجعت السنه التانيه اخدت سكن بعييييييييد عنهم ....
فهموها !!!!!!!
وواجهونى
انت اخدت السكن ده علشان تبعد عننا
بص يا عم احمد اللى عايز يلتزم يلتزم بس احنا مش وحشين
ماتتهمناش اننا سبب فى اللى انت كنت فيه ..
وانا اقولهم يا جماعه ربنا ذاكرها فى القرآن
( ياويلتا ليتنى لم اتخذ فلانا خليلا ........... )
قطعنا الكلام وزعلو منى وبقي بيننا مجرد ازيك ازيك ...
غبت شويه ورجعت لمحمد الطيب ( صديقى ) وكان فعلا قلبه ابيض بس كان منجرف معاهم واتكلمت معاه الامر كذا كذا ....
وسمعنى
وسمعته بعد كده ... لمن له قلب .... واتأثر اوى
كنا بايتين مع بعض يومها سبته فى الاوضه وطلعت اتوضيت وقمت الليل ورفعت ايدى اتوسل الى خالقى
... يارب الطيب يارب اهديه يارب اجعله اخى فى الله ......
وانتهت اليله وسافرنا تانى يوم كل واحد بلده
ورجعنا بعد اسبوع
وكانت المفاجأه !!!!!!!!!!
الطيب كان بيتهرب من صحبة السوء وكان بيدور عليا
ايوه كانت نقطة تحول الطيب
اللهم لك الحمد يا رب
وبقينا دويتو جميل عشنا حياه ولا احلى
وبعدنا عن صحبة السوء وكنا نعين بعض على الطاعه من صيام وصلاه وقيام وتلاوة قرآن
سبحان مغير الاحوال
وحاليا انا واخى محمد الطيب عايشين على طاعة الله سبحانه جل فى علاه
وبنذكر بعض على فعل الخيرات من صيام وقيام وحضور دروس بفضل الله
...............................................
عايز نستفيد من القصه دى بحاجات اولها زى ما قلتلكم فى الموضوع السابق
( انا لله وانا اليه راجعون )
لئن يهدى الله بك رجلا خير لك من حمر النعم
انا فى ميزان مين
الله يباركله الدكتور محمد جمعنى الله واياه فى الدنيا والاخره على خير
ومحمد الطيب فى ميزان مين
وكلنا فى ميزان مين
ربنا يبارك للدكتور حازم ويجمعنى ايضا به فى الدنيا قبل الاخره على خير باذن الله
والله الراجل ده بحبه حب لا استطيع ان اوصفه
غاب عنا فتره وحينما رأيته والله بكيت من حبى له
اول ما بدأ قبل ان تغرق السفينه فى السنه الماضيه ثم انقطع عنا
كان نفسى اشوفه واقوله فينك يا دكتور السفينه بتغرق بينا
ربنا يبارك لنا فيه وفى جميع علمائنا ومشايخنا
اما باقى الدروس المستفاده اسيبكم تقولولنا عليها لعلى انتفع بدرس ماكنتش واخد بالى منه
وبارك الله فيكم اخوانى الكرام وجزاكم الرحمن خيرا
ومتأسف على الاطاله

[العبد التايه]

رد: نقطة تحول ( قصة توبتى )

سلام عليكم ورحمة الله وبركاته
الله يجزاك خير
اقسم بالله موضوعك اثر فيه وشحن قلبي
ربي يفتحلك
ويرزقنا بصدقاء صالحين

بس لو ممكن تدلوني على الرومات الاسلامية

[مهاجر إلى ربي]

رد: نقطة تحول ( قصة توبتى )

سلام عليكم ورحمة الله وبركاته

الله يجزاك خير
اقسم بالله موضوعك اثر فيه وشحن قلبي
ربي يفتحلك
ويرزقنا بصدقاء صالحين

بس لو ممكن تدلوني على الرومات الاسلامية

لمن كان له قلب

من سلسله
إصلاح القلوب

[تائب بإذن الله]

رد: نقطة تحول ( قصة توبتى )

والله لا ادرى ماذا اقول

أسال الله لك الثبات

أسال الله لك الثبات واشهد ربى انى احبك فى الله

والله قصتك أثرت فيا جدا اخى الحبيب

ربنا يرزقنا الاخلاص وحسن الخاتمه

[أبو مسلم المصري]

رد: نقطة تحول ( قصة توبتى )

اللهم يا مقلب القلوب ثبت قلوبنا على دينك

أسأل الله أن يثبتنا جميعا و إياك أخي الحبيب

[مجاهد الشام]

رد: نقطة تحول ( قصة توبتى )

اللهم يا من ثبت قلب يونس في قلب الحوت ثبت قلوبنا علي الإيمان
ربما يا أخي الحبيب لا يعلم قدر لذة العبادة إلا من ذاقها اللهم أرزقنا هذه اللذة
ما أجمل لذة العيش بغطاء السماء وفراش الأرض وعينك ترصد عدوك
أم ما اجمل لذة أن تصلي وتنزل من عينك دمعات تكون خالصة لوجه المتعالى لا إله إلا هو الرحمن الرحيم
ما أجمل لذة التوبة عندما تكون غارق في وحل المعاصي وتبكي من فراق معشوقتك وعندما تتبدل الغاية وتصبح لله
هل تعرف ان تكون حصريا لله
بتقول إيه بقولك حصريا لله إيه يعني
يعني كل الدنيا لمين وليه لله بس
نقاط التحول تفيد إنه ما فيش حد معصوم من الغلط ولكن خير الخطائين التوابين
والله إذا ربنا أكرمك بلسان حلو وقدرة علي إستقطاب الشباب التائه فأنت تخدم الدعوة وتكون طبقت حصريا لله
ما كنش عندك طريقة تتكلم فيها ومش عارف تعبر فعليك التعلم و الدعاء بالصلاح والفلاح
أسألك الدعاء لي بتوبة لا إنتكاسة بعدها
بارك الله فيكم
محبكم

[ضيف]

رد: نقطة تحول ( قصة توبتى )

اللهم يا من ثبت قلب يونس في قلب الحوت ثبت قلوبنا علي الإيمان
ربما يا أخي الحبيب لا يعلم قدر لذة العبادة إلا من ذاقها اللهم أرزقنا هذه اللذة
ما أجمل لذة العيش بغطاء السماء وفراش الأرض وعينك ترصد عدوك
أم ما اجمل لذة أن تصلي وتنزل من عينك دمعات تكون خالصة لوجه المتعالى لا إله إلا هو الرحمن الرحيم
ما أجمل لذة التوبة عندما تكون غارق في وحل المعاصي وتبكي من فراق معشوقتك وعندما تتبدل الغاية وتصبح لله
هل تعرف ان تكون حصريا لله
بتقول إيه بقولك حصريا لله إيه يعني
يعني كل الدنيا لمين وليه لله بس
نقاط التحول تفيد إنه ما فيش حد معصوم من الغلط ولكن خير الخطائين التوابين
والله إذا ربنا أكرمك بلسان حلو وقدرة علي إستقطاب الشباب التائه فأنت تخدم الدعوة وتكون طبقت حصريا لله
ما كنش عندك طريقة تتكلم فيها ومش عارف تعبر فعليك التعلم و الدعاء بالصلاح والفلاح
أسألك الدعاء لي بتوبة لا إنتكاسة بعدها
بارك الله فيكم
محبكم

[M_S_A]

رد: نقطة تحول ( قصة توبتى )

جزاك الله خيراً اخى الحبيب

واسال الله لى ولك الثبات انه ولى ذلك والقادر عليه

[moamen talha]

رد: نقطة تحول ( قصة توبتى )

الله اكبر
بارك الله فيك اخى الحبيب

اثر كلامك بى كثيرا

بارك الله فيك وجمعنا واياك دائما عل الطاعه

ياليت كل منا يفعل مثلك يبدا بنفسه ثم لا ينسى اصدقائه

احبك فى الله

ومرحبا بك معنا بين قوافل العائدين الى الله

[مهاجر الى الرحمن]

رد: نقطة تحول ( قصة توبتى )

السلام عليكم ورحمة الله
والله مش عارف اقولكم ايه بس انا حاسس احساس جميل وانا فى وسطكم
حاسس انى فى وسط اسره متحابه
ربنا يباركلكم اخوانى الاعزاء وثبتنا الرحمن واياكم على طاعته
اخوانى انا نفسى اتواصل معاكم تعينونى وتذكرونى بالله واذكركم اخوانى اتمنى ان تشرفونى بان اتواصل معكم داخل المنتدى وخارجه
لانى بجد خايف انتكس ربنا يثبتنى واياكم
وأسأل الله العظيم رب العرش العظيم ان يبارك لى فيكم ويجمعنى واياكم فى زمرة حبيبنا صلى الله عليه وسلم فى الفردوس الاعلى باذن الله

[مهاجر الى الرحمن]

رد: نقطة تحول ( قصة توبتى )

احبكم فى الله

[مهاجر الى الرحمن]

رد: نقطة تحول ( قصة توبتى )

لمن كان له قلب

من سلسله

إصلاح القلوب

جزاك الله خيرا اخى الحبيب ان وضعت لنا الرابط
على فكره كنت باحاول اعمل اسم المستخدم بمهاجر الى ربى طلع معاك انت يا اخى بارك الله فيك

[مهاجر الى الرحمن]

رد: نقطة تحول ( قصة توبتى )

والله لا ادرى ماذا اقول

أسال الله لك الثبات

أسال الله لك الثبات واشهد ربى انى احبك فى الله

والله قصتك أثرت فيا جدا اخى الحبيب

ربنا يرزقنا الاخلاص وحسن الخاتمه

احبك الله الذى احببتنى من اجله

[مهاجر الى الرحمن]

رد: نقطة تحول ( قصة توبتى )

سلام عليكم ورحمة الله وبركاته

الله يجزاك خير
اقسم بالله موضوعك اثر فيه وشحن قلبي
ربي يفتحلك
ويرزقنا بصدقاء صالحين

بس لو ممكن تدلوني على الرومات الاسلامية

اخى الكريم نفعنا الله واياكم بما علمنا
فى غرفة الهدايه هنا تابعه للمنتدى ولكن لا اعلم هل هى تعمل الان ام اوقفت
وجزاكم الله خيرا

[مهاجر الى الرحمن]

رد: نقطة تحول ( قصة توبتى )

اللهم يا مقلب القلوب ثبت قلوبنا على دينك

أسأل الله أن يثبتنا جميعا و إياك أخي الحبيب

اللهم امين يا رب العالمين