إعـــــــلان

**انا بحبك يا رب** · 13-09-2010, 06:13 PM

رد: ياترى إيه الحل؟؟

سلام الله عليك أخى الحبيب
سؤال جميل جداً فعلا :أيه هو الحل؟

الحل فى أيدينا يا أخى بس أحنا الى نايمين,مش واخدين بالنا منه.
الحل إننا نبقى أمة إسلامية نحب بعض و نساعد بعض,ونعدل
مش نحارب بعض و نكره بعض و نقتل بعض و نظلم بعض.
أنت عارف لو المسلمين كلهم بقوا واحد بس ,
شوف القوة الى هنبقى فيها.
جزاك الله خيراً و تقبل الله منك صالح الأعمال,
ونحن ننتظر.............................

**MusliM4EveR2** · 13-09-2010, 07:31 PM

رد: ياترى إيه الحل؟؟

مين سمعك

موضوع مهم فعلا

و انا مع اخوي اسلام

**obuida** · 13-09-2010, 09:08 PM

رد: ياترى إيه الحل؟؟

الأخ اسلام والأخ مسلم

نورتم

بس يمكن جبتوا الفكره بشكل عام شويه

عارف ان ده الحل

بس إيه اول خطوه علشان نبقى كده

عايزن خطوات..مثلاً حملات لتوعيه الشباب والناس

عايزين خطوات إيجابيه

عايزن نناقش الظاهرات الى بيجرى وراها الشباب وفاكرين انه الحلم

مثلاً موضوع البرادعى الى كله فاكره المنقذ

إنته رأيك فيه ايه ؟؟ علشان نوضح للشباب الفكره الحقيقيه

إن شاء الله هحط رأيى.. بس بعد صلاه العشاء

جزاكم الله خيراً

**obuida** · 13-09-2010, 09:38 PM

رد: ياترى إيه الحل؟؟

السلام عليكم ورحمه الله

يمكن عشان الناس شافت الذل والويل والهوان وان رأسنا بقى فى الأرض

عايزين تغير بقى.. عايزين اى حاجه

بإختصار شديد فى الايام الاخير نزل شخص جديد على الساحه

الدكتور البرادعى

يمكن الشىء الى الكتير يعرفه ان الراجل ده عاش معظم عمره فى الغرب

وان هذا الرجل علمانى بحت ..كيف سيأتى التغير إذاً!!

طبعاً كل الى احنا فيه دلوقتى بسبب تقليدنا للغرب ..لذالك تركنا دينناً وإنحطت أخلاقنا ونسينا أنفسناً

فأصبحنا هواناً على الناس

يعنى بإختصار شديد ..ليست العلمانيه هى الحل

بل ستكون سبباً لدمار المجتمع

إذا فلينظر الناس والشباب قليلاً فى هذا الأمر ..حتى يعرفوا الحقيقه

هذه نقطه صغير جداً حبيت اوضحها

والله المستعان

**انا بحبك يا رب** · 14-09-2010, 12:06 AM

رد: ياترى إيه الحل؟؟

أسف على التأخير يا حبيبى قلبى و أخى فى الله
________________________
للأسف يا أخى أنت خرجت من موضوع الى موضوع أخر
بمعنى أنك كنت بتتكلم بشكل عام عن الأمة الإسلامية
وبعدين نقلت لمصر
يا حبيب قلبى انا من وجهة نظرى إن الإسلام عبارة عن عدة
تروث ,إذا عطل ترث واحد وقفت الميكنة كلها
وللأسف مفيش بلد إسلامية مش عطلانة لأ ديه حمضت كمان
للأسف نحن نحتاج ألى رجل يوحد صفوف المسلمين جميعاً
وأعتقد أنه لا يوجد غير رجل واحد و هو
المهدى المنتظر

**obuida** · 14-09-2010, 12:22 AM

رد: ياترى إيه الحل؟؟

عفواً اخى

انا المقصود اخى ان هذا مثل من ضمن الامثل

ويمكن عشان انا عارف حال مصر

لكن الموضوع عام

احنا بس بنمسكها حته حته :)

**انا بحبك يا رب** · 15-09-2010, 12:50 AM

رد: ياترى إيه الحل؟؟

طيب يا عمونا,حتة حتة برحتك انا معاك.

**M_S_A** · 18-09-2010, 11:04 AM

رد: ياترى إيه الحل؟؟

{ وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا وَاذْكُرُوا نِعْمَتَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَانًا وَكُنْتُمْ عَلَى شَفَا حُفْرَةٍ مِنَ النَّارِ فَأَنْقَذَكُمْ مِنْهَا كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَهْتَدُونَ }

سورة آل عمران 103

هذا هو الحل ولا حل غيره !!!

**Muhammad Ragab** · 18-09-2010, 11:43 AM

رد: ياترى إيه الحل؟؟

هو الحل معروف بس مش بنطبقو
النبي صلى الله عليه وسلم في بداية البعثة عرضوا عليه كل شيء
لو أردت مالا أعطيناك ولو أردت ملكا ملكناك
لكنه صلى الله عليه وسلم لم يرضى بذلك
كان من الممكن أن يصبح حاكما عليهم ويصلح بما أنه الحاكم وكلمته مسموعه

لكن

التغيير لا يأتي من أعلى ولا يأتي بالقوة
المبنى بيتبني من تحت لفوق مش العكس
فاحنا لو اتغيرنا أحوالنا كلها هتتصلح
قال الله سبحانه وتعالى

{أولا يرون أنهم يُفتنون في كل عام مرة أو مرتين ثم لا يتوبون ولا هم يذكرون}

كل الفتن اللي احنا فيها دي من ذنوبنا وعلشان نرجع للدين واحنا تايهين زي ماحنا

ومشكلة كبيرة من مشاكل الشباب ان مافيش عندهم قدوة
بل ان المصيبة قدوة كتير من الشباب فلان المغني وفلان الممثل وفلان النصاب فأصبح كل هم كتير منا ازاي تسريحة شعري يبقا زي فلان ولبسي وكلامي

لكن الصورة ليست مظلمة بالكلية
والدليل اللي كلنا بنشوفه في رمضان من اقبال الشباب على المساجد في التراويح والقيام
فيهم خير وخير كبير كمان لكن محتاجين توجيه

ودي مشكلة الملتزمين

صاحبك بتاع زمان اللي كنتو واكلين شاربين نايمين سوا
لو أخذت بإيده بعد التزامك ووجهته لطريق ربنا
وربنا يهديه وتبقو 2 وتاخدوا بإيد كمان واحد من الشلة وتبقو 3 وهكذا لحد ما اصحابك كلهم يرجعو لربنا المجتمع كله هيتصلح

انما كتير من الملتزمين بيبقو ايجابيين في الباطل سلبيين في الحق
يعني ممكن يتحرج يقول لصاحبه تعالا صلي معايا او تعالا احضر درس

مع انه قبل كده كان بيقوله تعالا نعمل حاجات تانية تغضب ربنا وماكنش بيتحرج

فاللي احنا فيه ده نتيجة فساد القدوة عند كتير من الشباب غير الملتزم

وسلبية كتير من الشباب الملتزم

إعـــــــلان

ياترى إيه الحل؟؟

ياترى إيه الحل؟؟

تعليق

تعليق

تعليق

تعليق

تعليق

تعليق

تعليق

تعليق

تعليق