باصى ياحماااااااااااااااادة " الموضوع المميز لهذاالاسبوع "

[ضيف]

باصى ياحمادة





سيداتي آنساتي سادتي..


معلش علشان بزيع مطش



رجعنالكم مرة تانية للتعليق على مباراه الهلال و الحناكيش ..





وزي ما حضراتكم شايفين الكورة مع حمادة من فرقة الحناكيش ..




حمادة معاه الكورة..



ماشي حمادة بالكورة..



عدى حمادة من الأول والتاني والتالت..



خلاص كفاية كده يا أبوحمييييييييييييييد باصي لزمايلك بقى..



طبعا حضراتكم سامعين زملاءه وهم بيندهوا عليه







"باصي ياحمااااااااااااااااااادة .. باصي يا عم !"

><
><
><
><
><
><
><






وحمادة ولا هو هنا..




ماشي حمادة بالكورة..







قرب على الجول..






هيشوط..




ممكن يجيب جول..




آآآآآآآآآآه ه ه ه ه ه ه ه..








برافو عليك يا ميشووووووووووووووووووو ..



مدافع صلب بصحيح..



انتهز إن حمادة تعب من المشوار الكبير اللي عمله..



وخطف من قدامه الكورة قبل ما يشوطها..



وضاع المجهود..








مش كنت باصيت الكورة لزمايلك يا ابو حميييييييييييييييد ؟!







تفتكر شفت المشهد اللي فات ده كام مرة؟!








كام مرة كنت "حمادة" اللي مفكر نفسه بيلعب المباراة لوحده وبس..


مع إن فيه عشرة تانيين بيلعبوا معاه في نفس الفريق ؟


















وكام مرة كنت مطنش زمايلك وهم بيندهوا عليك


"باصي يا كابتن .. باصي يا عم .. باااااااااااااصي يالاااااااااااااااا !"



وعملت نفسك مش واخد بالك..



لأنك متخيل إنك لو باصيت الكورة لحد تاني وجاب هو الجول هو اللي هياخد كل الأضواء..



وإنت مهما عملت مش هتاخد ضوء زيه؟








انا عن نفسي شفتها كتيييييير .. يمكن ساعات كنت منهم زمان


بس الحمد لله دلوقتي مابقتش كده خـالص










وكام مرة جالك شعور وإنت بتلعب كورة ولا بتعمل مشروع مشترك مع زمايلك في الجامعة

ولا وانت بتشتغل مع مجموعة كبيرة في شغل ما او كنت كمان فى العمل الدعوى ..



بأنكم تفتقدون أهم حاجة..

بتفقدوا أهم سبب من أسباب نجاح أي مجموعة بتشتغل مع بعضها..







روح الفريق.. TEAM WORK








معلش ياشباب معظمنا معندوهوش الثقافة دي..



ثقافة الكل في واحد..



وده مش مبدأ اشتراكي شيوعي لو جه في بال حد منكم..



مطلقا..



ده مبدأ إنساني وكمان دينا بيدعوا له وبيحضنا عليه ..



مبدأ ربنا سبحانه وتعالى فطرنا عليه لما خلانا مانقدرش نمشي بشكل متزن إلا لو كنا بنمشي على رجلين اتنين مش رجل واحدة بس..



واللي خلانا نشوف بشكل أفضل لما نبص بعنينا الاتنين مش عين واحدة وبس..



واللي خلى أجدادنا يلخصوا الكلام ده في مثل بليغ جدا..




إيد لوحدها ماتصقفش





وفكرة الابتعاد عن الأنانية والذاتية والعمل بروح الفريق سبب رئيسي في تقدم البشر والناس...









حتى الحيوانات والحشرات يا جدع !!!!!







على العموم ...





اقعد كده على سلم بيتكم..








وتابع مجموعات النمل وهي بتتحرك وبتنقل ذرات السكر اللي وقعتها على السلم ..




هتلاقي لو ذرة السكر كبيرة..




حوالي خمس أو ست نملات بيشدوها مع بعض..




عمرك ماهتلاقي نملة عاملة فيها "شجيع السيما" وماسكة ذرة السكر الكبيرة لوحدها وبتجري بيها هي وبس..




لأن النملة عارفة إن




"نملة لوحدها ماتصقفش"!






بلاها نمل دلوقتي...




وتعال للبشر..







البشر الحقيقيين..







دكتور "أحمد زويل" عالمنا المصري اللي أخد أهم جايزة عالمية في العلوم..



دايما بيكون حريص على إنه يؤكد إن الجايزة مش بتاعته وبس..



وإن الكشف اللي وصل له ماوصلوش لوحده.. أبدا..



كان دايما بيؤكد أن وراء الاكتشاف ده فريق عمل كبير جدا..



وأنه لولا الفريق ده متعاون عمرهم ما كانوا وصلوا لكل اللي وصلوا له..





وتخيلوا أن دكتور "زويل" قال مرة إنه كل يوم بيصحى الصبح وهو مبسوط جدا إنه هيروح الشغل عشان يشوف آخر النتائج اللي توصل لها الفريق اللي بيشتغل معاه..




لا فكر بقى في مين اللي هياخد الشهرة..




ولا فكر بقى مين اللي هيجيب جول..




كل اللي فكر فيه إن الفريق هو اللي هيكسب..





ودلوقتى


مش برضه احنا محتاجين روح الفريق في اي عمل جماعي نكون فيه ..







محتاجينها في البيت والمدرسة والجامعة والشغل وفى الدعوة .







وهنا في المنتدى كمان





والان


قولولنا ازاي ممكن نغرس روح الفريق..



وروح الجماعة فينا..




واحكوا لنا عن تجاربكم اللي قمتم بيها مع ناس تانيين ونجحت عشان روح الفريق كانت

مزروعة جواكم..




وإيه التجارب اللي فشلت لأن روح الأنانية كانت مسيطرة عليها..









فى انتظار ردودكم ومشاركاتكم ان شاء الله

[محمدعبدالجواد]

رد: باصى ياحماااااااااااااااادة

السلام عليكم ورحمة الله وبركاته
ماتش ممتع جدا ماشاء الله
وفيه إفادة بس ده مش جديد عليكم بصراحة بتفيدنا جامد ياشيخنا
جزاكم الله خيرا

[ابورقية محمد مختار]

رد: باصى ياحماااااااااااااااادة

بورك فيك اخى الحبيب وجزيت خيرا

[manchster]

رد: باصى ياحماااااااااااااااادة

جزاكم الله خيرا
موضوع مهم وشايق
حقا روح الجماعة شى عظيم ناقص معظم شباب المسلمين

[ابورقية محمد مختار]

رد: باصى ياحماااااااااااااااادة

صحيح حبيبى

[MOHAMED IC3]

رد: باصى ياحماااااااااااااااادة

جزاكم الله خيرا

[ابورقية محمد مختار]

رد: باصى ياحماااااااااااااااادة

وجزيتم عنا كل خير

من يرى موضوع يعجبه عليه التقييم

[أبو عبدالله إبراهيم]

رد: باصى ياحماااااااااااااااادة

جزاك الله خيرا يا أبا معاذ موضوع طيب وفيه فائده
لكن أظن أحيانا ان القاعده تنقلب فيحتاج المرء لمن يعينه
ولكن لايجد وأما عن كيفية غرس الأخوه بيننا
أظن أنه لو فعلنا ما فعل الصحابة في نشر الإسلام وفتح البلاد
والله لأصبح شباب المسلمين هم القادة لهذا العالم بتعاونهم وحبهم معا
أحبك في الله

[ابورقية محمد مختار]

رد: باصى ياحماااااااااااااااادة

احبك الذى احببتنا فيه

[ابورقية محمد مختار]

رد: باصى ياحماااااااااااااااادة &quot; الموضوع المميز لهذاالاسبوع &quot;

اخوة اين تكريم هذا الموضوع فهو الموضوع المميز لهذا الاسبوع

[ابورقية محمد مختار]

رد: باصى ياحماااااااااااااااادة &quot; الموضوع المميز لهذاالاسبوع &quot;

تم نقل الموضوع الى الاقلام المميزة

[ابن المحمدى]

رد: باصى ياحماااااااااااااااادة &quot; الموضوع المميز لهذاالاسبوع &quot;

[التوينز الشقى شداد]

رد: باصى ياحماااااااااااااااادة &quot; الموضوع المميز لهذاالاسبوع &quot;

ما شاء الله جزاك الله كل خير

[سيف المصرى]

رد: باصى ياحماااااااااااااااادة

السلام عليكم ورحمة الله وبركاته
ماتش ممتع جدا ماشاء الله
وفيه إفادة بس ده مش جديد عليكم بصراحة بتفيدنا جامد ياشيخنا
جزاكم الله خيرا

[مهندس احمد]

رد: باصى ياحماااااااااااااااادة &quot; الموضوع المميز لهذاالاسبوع &quot;

جزاك الله خيرا....... فعلا احنا مفتقدين روح الجماعه في حياتنا كلها
ولكن...هو مين اللي كسب الماتش؟