Tweet
بسم الله والحمـد لله والصـــلاة والسـلام على رســول الله صلى الله عليه وآله وصحبه وسلم .. وبعد ..
لو حد مننا ماشي في طريق معين ،
وطول ما هو ماشي عمال يقابل ناس راجعة من آخر الطريق ده وبتقوله :
" ارجع ..الطريق مسدود" !!
والكل عمال يحذره ويحكيله على مدى التعب والعقبات والمشاكل اللي موجودة في الطريق ده ..
وبيحمدوا ربنا ومش مصدقين إنهم عرفوا يرجعوا تاني ..!
أصل الطريق ده كله مشقة !!
وناس كتير تاهت فيه ، وناس تعبت واكتئبت وحياتهم اتدمرت ، وناس كتير ماتت في الطريق ده وملحقتش ترجع !!!!
يا ترى فيه حد عاقل بعد ما يسمع الكلام ده ،
ومش من واحد ولا اتنين ، بل من ناس كتيييييييييييير جداً مشيوا في الطريق ده قبله وجربوه بنفسهم ..
يا ترى هيكمل مشي في الطريق ده ويصمم ويقول الناس دول كلهم بيضحكوا عليا ولازم أجرب وأشوف بنفسي ؟؟!!!
ولا المفروض يقول الحمد لله إني لقيت حد ينصحني ويحذرني .. ويرجع ويدوّر على طريق تاني ؟؟!!
طبعاً أي حد عاقل وبلا شك وبدون تردد هيقول :
مستحيل أكمل في الطريق ده !!!
وخاصة لما يكون في نفس الوقت فيه ناس كتير جداً بيوجهوه لطريق تاني .. وبيقولوله ده طريق جميل ومريح ومختصر وهيوصلك لكل اللي إنت عايزه !
نفس الفكرة بالظبط ..
لما بنلاقى بفضل الله كل يوم ناس بتتوب وبترجع لربنا ..
سواء ناس عادية أو ناس مشهورة زي المطربين والممثلين وغيرهم ..
الناس دي بتكون وصلت لقِمّة ما يسعى إليه أهل الدنيا ..
من شهرة ومال وقصور وعربيات ولبس ورحلات و...... و.......
وكل حاجة بيسعى أهل الدنيا للوصول اليها ..
لما نلاقيهم تائبين وراجعين بعد ما مشيوا في الطريق ده سنييين طويلة بعد ما وصلوا لقمة أهدافهم فيه ..
وبيقولوا بلسان الحال لكل اللى هيمشى فيه :
إحنا وصلنا لنهاية الطريق ولقيناه مسدود !!
وصلنا وملقيناش السعادة اللي كنا بندور عليها !!
ارجع وبلاش تضيع عمرك في الطريق الغلط !!
والسؤال اللي بيطرح نفسه :
- ليييييييييييييييييه يا جماعة مش بنصدق الأمثلة الحيّة الواقعية اللي بنشوفها كل يوم قدام عنينا ؟؟؟!!
ليييييييييييييييييييييييييه ؟؟؟؟!!
- ليه يا بنات مش عايزين نسمع النصيحة ؟؟؟!!!
- ليه عايزة تشربي من نفس الكاس ، مع إنك عارفة ومتأكدة إن شكله حلو من بره ، ولكن مرارته شديييييدة جداً !!!
- ليه يا أختي تخلّي نفسك نسخة مكررة من ملايين البنات اللي ضحك عليهم الشيطان وغرّتهم الدنيا ومشيوا في الطريق الغلط وعاشوا حياتهم وعملوا كل حاجة علشان يوصلوا للسعادة الحقيقية ومقدروش يوصلوا !!!
ومستحيل كانوا هيوصلوا ، لأنهم أصلاً ماشيين في الطريق الغلط ،
فمستحيل كانوا هيوصلوا مهما عملوا !!
يا أختي إنتي غيرهم ..
ولو مكونتيش غيرهم ، لازم تغيّري الطريق وترجعي !
لازم تكوني غيرهم !!!
بإذن الله معادنا اليوم مع كتيب ..
هنعرض بعض القصص الواقعية ..
قصص حصلت بالفعل مش من وحي الخيال ..
قصص لبنات مشيوا في الطريق المسدود ..
وبيحكولك عن تجربتهم وينصحوكي ..
علشان تكوني غيرهم وتفوقي من غفلتك ..
ومتقعيش في نفس الخطأ اللي وقعوا فيه ..
ومعنا في الكتيب العناوين الآتية :
==============
الكتيب بإذن الله متوفر في ..
دار النعيم للنشر والتوزويع
ت : 01003418784
سعر الكتيب : 40 قرش
وفيه طريقة من اتنين لاي حد عايز الكتيب ده او أي كتيب اخر لي ..
أولا: طريقة مباشرة.. بأنه يتصل بدار النشر ويخيرهم بالعنوان وهم سوف يرسلوا له الكمية المطلوبة عن طريق شركات الشحن..
ثانيا: طريقة غير مباشرة ..وهي ان حضرتك تذهبي لاي مكتبة اسلامية وتخبريهم انك تريدين الكتيب وتعطيهم رقم دار النشر وهم يتصلون بها وتصل الكتب للمكتبة ثم تشترونها ..
أولا: طريقة مباشرة.. بأنه يتصل بدار النشر ويخيرهم بالعنوان وهم سوف يرسلوا له الكمية المطلوبة عن طريق شركات الشحن..
ثانيا: طريقة غير مباشرة ..وهي ان حضرتك تذهبي لاي مكتبة اسلامية وتخبريهم انك تريدين الكتيب وتعطيهم رقم دار النشر وهم يتصلون بها وتصل الكتب للمكتبة ثم تشترونها ..
--------------
اخر نقطة: برجاء نشر الموضوع..انت مش متخيل انك ممكن وانت قاعد في مكانك وبتشرب شاي تاخد ثواب متحلمش بيه طول عمرك..ازاي؟؟؟
لو نشرت الموضوع..وواحد قرأه وراح اشترى الف نسخة مثلا ووزعهم..كانك انت اشتريت ووزعت وثوابك نفس ثوابه بفضل الله..
يقول النبي صلى الله عليه وسلم:
(من دل على خير فله مثل أجر فاعله)
اوعى تضيع على نفسك الثواب العظيم ده..
ربنا يهدي بناتنا وبنات المسلمين..
ويرزقهم جميعا بالازواج الصالحين ..اللهم امين..
لتحميل نسخة txt مفرغة للنشر على الفيسبوك
هنـــــــــــــــــــــا رابط مباشر
***********
لتحميل نسخة PDF من الكتيب
هنـــــــــــــــــــــا رابط مباشر
لازم يكون عند حضرتك برنامج بيقرأ الـ
حمل البرنامج ده وصطبه وهيفتح معاك ان شاء الله
سبحان الله وبحمده سبحان الله العظيم
==========
==
=
تعليق