Tweet
أنا عايز أتغير ..
وإنت عايز تتغير ..
وإنتي عايزة تتغيري ..
و كلنا عايزين نتغير ..
وده لأن مفيش حد فينا مش بيعمل أخطاء ومش بيرتكب ذنوب ومعاصي ..
تعالوا بينا نناقش الموضوع ده من كل الجوانب ونرد على معظم الاسئلة اللي بتدور في ذهن كتييييييير من الشباب من ناحيته ..
ونساعد بعض إننا نتغير بجد ونشيل كل الشبهات اللي واقفة في طريق التغيير ده ..
هنتكلم كلام مهم جداااااااااا .. كلام بسيط بأسلوب شبابي ..
ولكنه .. كلام كبيييييييييير ..
علشان كده كان عنوان الكتيب اللي معانا
:::.. للكبار فقط ..:::
=============
محتويات الكتيب
=============
مقدمة
أوقات كتير ممكن تيجي تناقش حد في موضوع معين، يقولك ( أنا كبير ) وعارف مصلحتي كويس !!
الكلام ده تقولهولي أيام ما كنت طفل صغير ؛ لكن دلوقتي أنا كبير !
يا ترى إنت فعلاً كده ؟؟؟!
**************
أنا مش عايز أتغير !!
كتير من الشباب دلوقتي تلاقيه يقولك : أنا مش عايز أتغير!
أنا عارف نفسي كويس ! أنا مش بتاع صلاة ! أنا مش عايز ربنا يهديني !!
أنا ربنا غضبان عليا ليوم الدين ومكاني محجوز في جهنم !
لو قعدت تكلمني للصبح مفيش فايدة .. متتعبش نفسك معايا !!!!
**************
أنا مش عارف أتغير !!
وبرده شباب كتير بيشتكي ويقول :
أنا مش عارف أتغير..حاولت كتير ومعرفتش !!
هقولك يا حبيب قلبي .. فيه فرق كبييير بين واحد عايز يتغير بجد ، وواحد عايز يتغير بس مش عايز!!
إزاي ده؟
تعالوا نعرفه مع بعض..
**************
أنا خايف أتغير !!
كتير مننا بفضل الله سمع عن ربنا ، وأتعرف على كرمه وعدله ولطفه بعباده ، وكمان عقابه وعذابه ، وقلوب كتير مننا متأثرة بالدين، ونفسها تلتزم بتعاليم ربنا وبمنهجه بس المشكلة فى (( خايف أتغير )) ودي كلمة على لسان كتير مننا ، مع إختلاف الأسباب من شخص لآخر ..
ومنها :
أنا خايف ألتزم علشان ممكن أكون مش قدها
و أرجع تانى وأكون فتنة لغيرى...!
أنا خايف ألتزم علشان أصحابى هيتريقوا عليا ويقعدوا دايما يفكرونى بالذى مضى..!
أنا خايف ألتزم علشان حاسس إن حياة الدين دي خنقه ..!
تعالوا نفتح قلوبنا لبعض ، علشان نساعد بعض للوصول بإذن الله لبر الأمان في الدنيا والآخرة ...
**************
مش حاسس !!
وفيه شباب بيشتكي من مشكلتين مهمين جداً:
المشكلة الأولى ..
وهي إن الواحد مش حاسس إنه بيعصي ربنا..
بيعمل المعصية وعادي يعني مش فارق معاه !!
يا ترى ايه السبب في كده ؟؟
و المشكلة التانية..
وهي إنك مش حاسس بطعم العبادة ..
تلاقي الشاب يقولك الواحد مش بيلاقي لذة في العبادة و لا إنشراح في الصدر و لا الحاجات اللي بنسمع عنها دي كلها ! بل بالعكس , الواحد بيلاقي الصلاة صعبة وتقيلة على قلبه،
تفسر بإيه الكلام ده ؟؟؟
**************
هتقوله إيه؟؟؟؟
يا ترى لما تقابله .. هتقوله ايه ؟؟؟؟؟؟؟؟؟؟؟
**************
إنسان جديد
آخر حاجة .. توصية عملية علشان تغير حياتك وميكونش الموضوع مجرد كلام قريته وإتأثرت بيه شوية وخلاص ! عايزينك تكون إنسان جديد بجد ..
**************
إحسبها صح وشوف إنت عايز إيه..؟؟
إحسبها صح وإعرف نهاية طريقك إيه ؟؟
إحسبها صح وهتعرف إنك محتاج إليه ..
وهيجى يوم وتقف بين إيديه ..
ويسألك عن كل حاجة عملتها ..
عن كل آية سمعتها وبدلتها ..!
دي الحياة لعبة ، لعبها كتير غيرك ..!
إنتهى دورهم .. ودلوقتى جه دورك ..!
جنـة .. ونـار .. وليك إنت الإختيار ..!
متقولش بكرة ..ممكن تموت آخر النهار .. !!
**************
لتحميل نسخة PDF من الكتيب
لازم يكون عند حضرتك برنامج بيقرأ الـ
PDF
حمل البرنامج ده وصطبه وهيفتح معاك ان شاء الله
**************
وبفضل الله..سعر الكتيب في الجملة.. 35 قرش..
ولو حد هياخد كمية 1000، فيما فوق هيبقى السعر 30 قرش كمساهمة في التوزيع الخيري..
اي حد عايز اي كمية..يتصل مباشرة بدار النشر...وهما هيوصلوله الكمية اللي هو عايزها لحد باب البيت..
للتواصل:
دار النعيم للنشر والتوزويع
ت : 0103418784
وأنا كلمت الاخ المسئول ..
وقالي ان معندهمش مشكلة في عدد الكتيبات ..الدار هتوصل اي عدد فوق الـ 100 لأي مكان بإذن الله..
بس هو مش عايز يكلف الشخص فلوس على الفاضي..
بمعنى ان مصاريف شحن ال100 كتيب هبقى 7 جنيه..
وفي نفس الوقت مصاريف شحن ال2000 كتيب 7 جنيه..
فهو يقصد ان اللي عايز يشتري ،يجمع مع اصحابه ويطلبوا مرة واحدة علشان ميتكلفوش مصاريف شحن كل شوية..
والأخ أكد لي انه مش هيتاخر في طلب أي حد لاي كمية فوق ال 100 كتيب زي ما ذكرت ..
ولو حصل أي مشكلة مع اي حد عايز اي كتيبات من المكتبات وخاصة مع الاسعار يتصل بالدار ويقولهم ..
ولكن عايز أنبه على شئ مهم بخصوص أسعار الكتيبات في المكتبات..
المكتبات العادية محدش يقدر يتحكم في السعر اللي بيبيعوا بيه ..
وغالبا هما بيبيعوا معظم الكتيبات بنص جنيه لو حضرتك هتشتري عدد صغير زي 20 او 30 ..
انما بإذن الله لو حضرتك هتشتري عدد كبير ..اتكلم مع صاحب المكتبة وخليه يعمل تخفيض ولو مثلا يبقى الكتيب بـ 40 قرش..
والأفضل لو هتشتري عدد كبير تتصل بدار النشر..
ولو حد عنده مشكلة مع الدار ..يقولي أنا هنا في المنتدى في المواضيع بتاع الكتيبات وانا هكلم الدار على طول بإذن الله ..
-------------
اخر نقطة: برجاء نشر الموضوع..انت مش متخيل انك ممكن وانت قاعد في مكانك وبتشرب شاي تاخد ثواب متحلمش بيه طول عمرك..ازاي؟؟؟
لو نشرت الموضوع..وواحد قرأه وراح اشترى الف نسخة مثلا ووزعهم..كانك انت اشتريت ووزعت وثوابك نفس ثوابه بفضل الله..
يقول النبي صلى الله عليه وسلم:
(من دل على خير فله مثل أجر فاعله)
اوعى تضيع على نفسك الثواب العظيم ده..
تعليق