حراااااااااااام عليكم..أنقذوهم من النار !!!!!

[اتمنى الفردوس]

رد: حراااااااااااام عليكم..أنقذوهم من النار !!!!!

مش عارف حقيقة ..
بس هو فيه طريقة من اتنين لاي حد عايز الكتيب ده او أي كتيب اخر لي..
أولا: طريقة مباشرة.. بأنه يتصل بدار النشر ويخيرهم بلعنوان وهم سوف يرسلوا له الكمية المطلوبة عن طريق شركات الشحن..
ثانيا: طريقة غير مباشرة ..وهي ان حضرتك تذهبي لاي مكتبة اسلامية وتخبريهم انك تريدين الكتيب وتعطيهم رقم دار النشر وهم يتصلون بها وتصل الكتب للمكتبة ثم تشترونها ..

بارك الله فيكم..

أشكرك
انا رجل

ولكننى اتسائل سؤال اخر
كيف لى كـــــرجل ، أن اوزع هذا الكتاب فى مدينتى ؟
هل لك ان تعطينى بعض الافكار المفيده
وجزاك الله كل خير

ولى سؤال اخر
هل يمكننى ان اطلب 150 كتاب من دار النشر
أم اقل شىء 1000 كتاب؟

[Dr_Mostafa]

رد: حراااااااااااام عليكم..أنقذوهم من النار !!!!!

أشكرك
انا رجل

آآآآآآآآآآآآآآآآآآآآآآسف ..
ماخدتش بالي خالص :(
اعذرني اخي الحبيب :)

ولكننى اتسائل سؤال اخر
كيف لى كـــــرجل ، أن اوزع هذا الكتاب فى مدينتى ؟
هل لك ان تعطينى بعض الافكار المفيده
وجزاك الله كل خير

حضرتك لو متزوج ممكن زوجة حضرتك هي اللي توزعه على البنات اللي تعرفهم سواء في المسجد او في المواصلات او في العمل ..كده يعني..

ولو مش متزوج .. بلاش توزع انت ..
ممكن تعطي الكتيبات لأحد اقرباءك من النساء وهم يقومون بتوزيعها..

ولى سؤال اخر
هل يمكننى ان اطلب 150 كتاب من دار النشر
أم اقل شىء 1000 كتاب؟

مش عارف..
اتصل بهم وان شاء الله يردوا على حضرتك..

بارك الله فيكم وجزاكم كل خير اخي الحبيب..
وعذرا على الخطا الغير مقصود مرة تانية :)

[اتمنى الفردوس]

رد: حراااااااااااام عليكم..أنقذوهم من النار !!!!!

آآآآآآآآآآآآآآآآآآآآآآسف ..
ماخدتش بالي خالص :(
اعذرني اخي الحبيب :)




حضرتك لو متزوج ممكن زوجة حضرتك هي اللي توزعه على البنات اللي تعرفهم سواء في المسجد او في المواصلات او في العمل ..كده يعني..

ولو مش متزوج .. بلاش توزع انت ..
ممكن تعطي الكتيبات لأحد اقرباءك من النساء وهم يقومون بتوزيعها..




مش عارف..
اتصل بهم وان شاء الله يردوا على حضرتك..

بارك الله فيكم وجزاكم كل خير اخي الحبيب..
وعذرا على الخطا الغير مقصود مرة تانية :)

اشكرك اخى الحبيب
ولا داعى للأسف

وللأسف انا عازب لم اتزوج بعد

وانا سوف اعمل بنصيحتك
وبالاضافه اننى سوف اطلب نسخ من الكتاب واطلب شحنها لمنزلى
وسوف اذهب إلى المكتبات الإسلاميه فى مدينتى
واوزع عليهم هذة الكتب
وهم يتولوا نشرهم بطريقتهم

واتمنى ان تنجح هذة الفكره
وجزاك الله خير على مجهودك :)

[Dr_Mostafa]

رد: حراااااااااااام عليكم..أنقذوهم من النار !!!!!

اشكرك اخى الحبيب
ولا داعى للأسف

وللأسف انا عازب لم اتزوج بعد

ربنا يرزقك بالزوجة الصالحة عاجلا غير آجل :))

وانا سوف اعمل بنصيحتك
وبالاضافه اننى سوف اطلب نسخ من الكتاب واطلب شحنها لمنزلى
وسوف اذهب إلى المكتبات الإسلاميه فى مدينتى
واوزع عليهم هذة الكتب
وهم يتولوا نشرهم بطريقتهم
واتمنى ان تنجح هذة الفكره

جميييييل ..
ربنا يبارك فيك وينفع بيك ويرفع قدرك في الدنيا والآخرة..اللهم امين..

[اتمنى الفردوس]

رد: حراااااااااااام عليكم..أنقذوهم من النار !!!!!

ربنا يرزقك بالزوجة الصالحة عاجلا غير آجل :))



جميييييل ..
ربنا يبارك فيك وينفع بيك ويرفع قدرك في الدنيا والآخرة..اللهم امين..

اللهم امين
وجزاك الله خيراً على مجهودك

[Dr_Mostafa]

رد: حراااااااااااام عليكم..أنقذوهم من النار !!!!!

اللهم امين
وجزاك الله خيراً على مجهودك

واياكم يا حبيب ..

[أبومسلم السلفى]

رد: حراااااااااااام عليكم..أنقذوهم من النار !!!!!

جزاكم الله خيراً
ولكن الكتيب ممكن يوصلوه لينا في أي مكان وحيكون فيه مصاريف شحن ولا ايه؟؟؟؟؟!!!!!

[Dr_Mostafa]

رد: حراااااااااااام عليكم..أنقذوهم من النار !!!!!

جزاكم الله خيراً
ولكن الكتيب ممكن يوصلوه لينا في أي مكان وحيكون فيه مصاريف شحن ولا ايه؟؟؟؟؟!!!!!

آه بإذن الله ..
ومصاريف الشحن بتتراوح من 5 جنيه لـ 10 جنيه .. ده اقصى حاجة ..
بارك الله فيكم..

[العزازى]

رد: حراااااااااااام عليكم..أنقذوهم من النار !!!!!

جزاكم الله خيرا
جعله الله فى ميزان حسناتكم

[Dr_Mostafa]

رد: حراااااااااااام عليكم..أنقذوهم من النار !!!!!

جزاكم الله خيرا
جعله الله فى ميزان حسناتكم

اللهم امين..واياكم اخي الحبيب..

[*المحبه لدين الله ورسوله*]

رد: حراااااااااااام عليكم..أنقذوهم من النار !!!!!

اللهم بارك فيكم وينفع بكم عباده
بجد انا محتاجه درس زى ده وكتاب مثل هذا الكتيب
لدى الكثيرااااااات لأعطى لهن هذا الكتيب عفانا الله وعفاكم
والشكر الجزيل لكم موضوع رائع ومميز
واللهم يجزيكم الجنان العلا
سأنقله بعد إذنكم

["رثاء الحياة"]

رد: حراااااااااااام عليكم..أنقذوهم من النار !!!!!

السلام عليكم
ربنا يجازيكم خير
انا قريت كتيب احلى حياه عجبنى جدا جدا
وقريت للبنات وبس
بس ممكن اقول رأيى ف الكتيب ده
لو سمحتم ؟
للبنات وبس كتيب تحفه و في مجمله رائع
وانا بأقدر مجهودكم
بس 1- انا حسيت انو معتمد على العذاب بس
يعنى مشفتش اى اشاره للثواب اللى
هيعود عليا لما البس الحجاب الصح
مع ان ده ممكن يأثر فيا اكتر
2-حضرتكم اكثرتم فى الاشاره
الى البحث عن الزوج بالنسبه للبنت
كأنها عايشه بس علشان تدور على الزواج
وانها بتلبس ضيق بس عشان تتجوز
اكيد فيه كده بس الاغلب انها بتكون عايز
ترضى حاجه جواها
3-فى صفحه 36 حضرتكم كاتبين جمله
"لو جالك ملك الموت هتقوليله أيه ؟؟
استنى شويه على ما اتوب واغير لبسى ؟؟!
انا شايفه ان فيها استهزاء وبجد الجمله استفزتنى جدا
اكيد ملك الموت مش هيكلمنى وانا مش هرد عليه
يعنى فيها تريقه انا مقدره خوفكم بس مش
بالاسلوب ده !!!
4- فى نفس الصفحه حضرتكم كاتبين
"الخطوه الاولى ......خمار مع جوانتى...
الخطوه التانيه ......نقاب.....
الخطوه التالته .....عريس صالح....
الخطوه الربعه ....الجنه بأذن الله.. "
هو حضرتكم هتضمنولى الترتيب ده
طيب ما انا ممكن البس الخمار دلوقتى
بس جوايا مش كويس
وممكن البس محترم وبرضه ادخل الجنه
امال فين الحديث بتاع المرأه اللى شربت كلب
ودخلت الجنه مع انا كانت مش كويسه
بس عملت حاجه كويسه وربنا دخلها الجنه
5- العنوان بتاع الموضوع ده
معناه انى داخله النار حدف وان لو محدش انقذنى
يبقى خلاص
انا بشكر حضراتكم فى النهايه
واسألكم الدعاء

[Dr_Mostafa]

رد: حراااااااااااام عليكم..أنقذوهم من النار !!!!!

السلام عليكم
ربنا يجازيكم خير
انا قريت كتيب احلى حياه عجبنى جدا جدا
وقريت للبنات وبس

وعليكم السلام ورحمة الله وبركاته..
نسأل الله ان يتقبل منا ومنكم صالح الأعمال ..اللهم امين..

بس ممكن اقول رأيى ف الكتيب ده
لو سمحتم ؟

طبعا اختنا ..
واي حد عنده اي استفسار او نقد او شبهه لا يتردد في عرضها..
وان شاء الله نقوم بالرد عليها..

للبنات وبس كتيب تحفه و في مجمله رائع
وانا بأقدر مجهودكم
بس 1- انا حسيت انو معتمد على العذاب بس
يعنى مشفتش اى اشاره للثواب اللى
هيعود عليا لما البس الحجاب الصح
مع ان ده ممكن يأثر فيا اكتر

ازاي بس اختنا الفاضلة ؟؟!!!!!!!!!!
حضرتك متأكده انكم قرأتم الكتيب كويس ؟؟!!!!!!!!!!!
اول 8 صفحات كاملة تتحدث عن الجنة ونعيمها وما أعده الله لمن صبر على الطاعة والحجاب..
ومكتوب في اخر وصف نعيم الجنة :
( نيجي لأعظم نعيم في الجنة ... أجمل نعمة في الجنة ... تشوفي حبيبك ... ربك اللي تعبتي علشانه ..وصبرتي علشانه ...
صبرتي على أي كلمة علشان حجابك ... ربك اللي تركتي كل حاجة غلط علشانه )
ثم في صفحة 26 و 27 .. بنعود للحديث عن ثواب الالتزام بالحجاب..
(انت متخيلى جمالك فى الجنه هيبقى شكله ايه لو اطعتى الله ؟؟
زي ما قولتلك هتبقي اجمل من الحور العين باذن الله)
( لو تكلمنا عن الحجاب الكامل ..
الحجاب يا جماعه عداد حسنات مفتووووووووووووووووح..
المليارات اللى احنا عديناها وانتي متبرجة هتخديها حسنات ..يا بختك من قربك من الله ..يا بختك يا بختك..!!)
ثم صفحة 34 ثم 37 كلهم ترغيب ..ثم الشعر بتاع معاني الانوثة كله معاني راقية وجميلة جداااااا..
---

5- العنوان بتاع الموضوع ده
معناه انى داخله النار حدف وان لو محدش انقذنى
يبقى خلاص

ما هو لو اي بنت فضلت بلبسها ده وماتت على كده ولم تتوب هتتدخل النار فعلا ..
وده بنص حديث النبي ( صنفان من أهل النار لم أرهما ) إلا لو تغمدها الله برحته ..
الموضوع اخطر والله مما البنات متخيلينه بكتير !!
ان عارف ان الاحاديث شديدة وخطيرة وناس كتير هتقول انتو بتخوفونا ليه..
بس ده كله كلام ربنا عز وجل والنبي صلى الله عليه وسلم ..
وعلشان كده عملت الكتيب ده ..علشان أوضح للبنات خطورة اللبس اللي هما فاكرينه حرية شخصية وملوش علاقة بالدين..
وانا عارف ان ناس كتير هتزعل من الكلام وعلشان كده قولت في اول الكتيب :
(( أولاً : لازم تعرفي ان ربنا بيحبك .. ايوه بيحبك علشان سهّـل إن الكتاب ده يوصلك
وتقرأي الكلام ده، بنات غيرك كتير ممكن ميوصلهمش الكلام ده
ويضيعوا آخرتهم وهما مش حاسين ، وفاكرين انهم ماشيين صح!
فالحمد لله ان ربنا بعتلك اللى يذكرك ..
ثانياً : اوعي تزعلي مني..أو من الكلام..أصل ده مش كلامي ..ده كلام ربنا سبحانه وتعالى والنبي صلى الله عليه وسلم اللى حبهم بيجرى فى دمي ودمك ...
ولا انتي مش بتحبي ربنا والنبي صلى الله عليه وسلم ؟؟؟؟
يبقى لازم نتفق ان أى حد بيحب حد يبقى لازم يحب كلامه ويسمعه.. ))

2-حضرتكم اكثرتم فى الاشاره
الى البحث عن الزوج بالنسبه للبنت
كأنها عايشه بس علشان تدور على الزواج
وانها بتلبس ضيق بس عشان تتجوز
اكيد فيه كده بس الاغلب انها بتكون عايز
ترضى حاجه جواها

انا في كتيب للبنات وبس بتكلم عن الحجاب.. فلما اتكلمت على موضوع الزواج .. بتكلم من وجهة نظر ان كتير من البنات بتتبرج علشان تظهر استيل وشيك وده هيجيبلها عريس ويسرع زواجها !
ولكني برده متطرقتش لنقطة اللبس وبس.. بل تطرقت لنقطة ترخيص البنت لنفسها والحب والصحوبية والشات وقولت :
(ويبدأ الشيطان يشوف شغله ويخيلها تتنازل واحده واحده ..من خمار لعباية وطرحة قصيرة ..وبعدين جيبة وبلوزه وميك اب خفيف ..وبعدين بنطلون ...وهكذا .........وبرده مفيش عريس..!
تبدأ تخرج وتلف وتروح هنا وهناك على أمل ان حد يشوفها ويتقدم لها ..وبرده مفيش فايدة!
تبدأ ترخص نفسها لو كانت فى كلية مثلا او فى شغل وتروح هى اللى تكلم الولاد وتتصاحب عليهم وده طبعا بنشوفه كتير ..وبرده مفيش فايده!

تدخل النت.. وتكلم ده وتشيت مع ده.. وتدى ده رقم موبايلها ..وبرده مفيش فايدة!
ولو البنت مكنتش جميلة مثلا او مش واثقه فى نفسها ممكن تتنازل وتعمل اكتر من كده عياذا بالله ..وانتم شايفين اكتر منى! )


وبالنسبة لنقطة ان البنت بتتبرج علشان ترضي حاجة جواها..
فانا تطرقت للنقطة دي في الطبعة الجديدة من الكتيب ..
مكتوب في صفحة 63 :
(وقبل ما أختم كلامي .. عايزين نتفق أن مفيش بنت مابتحبش الموضة واللبس ؛ ربنا خلق المرأة على فطرة حب الزينة والظهور وحب أنها تكون جميلة وجذابة ..
بس هل معنى كده إن أنا أمشي ورا شهواتي ..؟؟
لأ طبعاً .. ده إحنا فى الدنيا هنا فى إمتحان ..
إمتحان هل هنتبع شهواتنا ونسمع كلام الشيطان ولا هنطيع ربنا ونصبر شوية فى الدنيا علشان الجنة ؟؟
قال الله تعالى : { الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا } [ الملك:2])

3-فى صفحه 36 حضرتكم كاتبين جمله
"لو جالك ملك الموت هتقوليله أيه ؟؟
استنى شويه على ما اتوب واغير لبسى ؟؟!
انا شايفه ان فيها استهزاء وبجد الجمله استفزتنى جدا
اكيد ملك الموت مش هيكلمنى وانا مش هرد عليه
يعنى فيها تريقه انا مقدره خوفكم بس مش
بالاسلوب ده !!!

الجمله ليس بها اي نوع من الاستهزاء اختنا..
فالمعنى المقصود هو تمني التأخير عند حضور الموت والإمهال في الدنيا حتى يعود الانسان فيعمل صالحا..
وهذا المعنى ذكره الله عز وجل في اكثر من موضع في كتبه الكريم. وكذلك في اكثر من حديث شريف..واكتفي بذكر حديث واحد للاختصار..
قال تعالى في الحديث القدسي:
(يقول الله تعالى يا ابن آدم أنى تعجزني وقد خلقتك من مثل هذه حتى إذا سويتك وعدلتك مشيت بين بردين وللأرض منك وئيد فجمعت ومنعت حتى إذا بلغت نفسك هذه _ وأشار إلى حلقه _ وفي رواية حتى إذا بلغت التراقي _ قلت أتصدق؟؟ وأنّى أوان التصدق ؟؟!! )

4- فى نفس الصفحه حضرتكم كاتبين
"الخطوه الاولى ......خمار مع جوانتى...
الخطوه التانيه ......نقاب.....
الخطوه التالته .....عريس صالح....
الخطوه الربعه ....الجنه بأذن الله.. "
هو حضرتكم هتضمنولى الترتيب ده
طيب ما انا ممكن البس الخمار دلوقتى
بس جوايا مش كويس
وممكن البس محترم

نتفق الاول حضرتكم زي ما انا ذكرت في الكتيب..
ان مفيش حاجة اسمها لبس محترم ولبس مش محترم..
فيه لبس كما امر الله ورسوله.. ولبس مخالف لما امر الله ورسوله..
ونتفق برده ان فيه حاجة اسمها قواعد.. وفيه استثناءات ..
يعني القاعدة بتقول : ( كل اناء ينضح بما فيه )
يعني الظاهر بيدل على الباطن ..
فالبنت المحترمة الملتزمة اللي بتحب ربنا وعايزة ترضيه..اكيبد ده هيبان على مظهرها ولبسها ..
اما بقى لو لقينا واحد لابسة خمار او نقاب وبتعمل حاجات مش كويسه..فده استثناء..مش هي دي القاعدة ابدا..

وممكن البس محترم وبرضه ادخل الجنه
امال فين الحديث بتاع المرأه اللى شربت كلب
ودخلت الجنه مع انا كانت مش كويسه
بس عملت حاجه كويسه وربنا دخلها الجنه

في صحيح مسلم أن النبي صلى الله عليه وسلم قال :
( صنفان من أهل النار من أمتي لم أرهما بعد : كاسيات عاريات مائلات مميلات ......)
لو تاملنا في الفاظ الحديث كويس.. هنلاقي النبي صلى الله عليه وسلم ماقلش ( صنفان من الناس ) وخلاص..
النبي بيقول ( من امتي ) ..النبي نسبهم لامته ..يعني ممكن يكونوا بيصلوا ويصوموا ويزكوا..ومع ذلك النبي قال ( من أهل النار ) ..
لان الدين بتاعنا اوامر و نواهي ..
جميل جدا اننا نلتزم بالاوامر ونفعل الطاعات والخيرات..
بس لااااااااااااااااااازم نتجنب ونبتعد عن النواهي..

اما بخصوص ان ربنا غفر لبغي من بني اسرائيل علشان كلب سقته او الحديث الاخر ان ربنا غفر لعبد علشان ازاح غصن شجرة من على الطريق.. فدي كلها احاديث علشان ترغبنا في رحمة ربنا وثوابه..ومينفعش نبص للدين من وجهة نظر الرجاء والرحمة وبس..
ما هو ربنا برده أدخل امراة النار علشان قطة حبستها.. وربنا عذب واحد في قبره علشان لا يستبرأ من بوله ... وواحد صحابي استشهد مع النبي في غزوة ومع ذلك قبره ولع عليه نار علشان حتة قماش خدها من الغنائم..!!!
ربنا غفور رحيم اه .. بس برده شديد العقاب ..
قال تعالى :
(نَبِّئْ عِبَادِي أَنِّي أَنَا الْغَفُورُ الرَّحِيمُ * وَأَنَّ عَذَابِي هُوَ الْعَذَابُ الْأَلِيمُ )

وبعدين لو سقيت كلب او عملت اي عمل خير ..
هو ايه اللي يضمني ان ربنا يتقبل مني العمل بتاعي ويدخلني بيه الجنة ؟؟؟
محدش يضمن طبعا ..

هو ده الدين بتاعنا ..خوف ورجاء..ترغيب وترهيب..مينفعش اطير بحناح واحد..
بل في زمن الفتن والشهوات لازم نخاف اكتر علشان الخوف هو اكبر رادع للنفس من انها تعصي الله ..
دلوقتي لو جينا نكلم اي بنت او اي شاب ونقوله انت بتعصي ربنا ليه ؟؟
يقولك ما هو ربنا غفور رحيم ومتحبكاش بقى يا عم !

قال الحسن البصري رحمه الله :
( إن أمرًا هذا الموت آخره لحقيق أن يُزهد فى أوله، وإن أمرًا هذا الموت أوله لحقيق أن يُخاف آخره، ولأن تصحب أقوامًا يخوّفونك حتى تدرك أمنًا خير لك من أن تصحب أقوامًا يؤمنونك حتى تدركك المخاوف )

فنحن لا نظامن مكر الله .. كما قال تعالى :
(أَفَأَمِنُوا مَكْرَ اللَّهِ فَلَا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ)

وفي نفس الوقت .. نحسن الظن بالله ونرجو ان يتغمدنا بواسع رحمته وعظيم عفوه ومغفرته..

انا بشكر حضراتكم فى النهايه
واسألكم الدعاء

نسأل الله ان يرزقنا واياكم الاخلاص في القول والعمل وان يوفقنا والجميع لما يحب ويرضى..
اللهم امين..

["رثاء الحياة"]

رد: حراااااااااااام عليكم..أنقذوهم من النار !!!!!

السلام عليكم
انا بشكر حضرتكم انكم رديتوا عليا
وبتأسف ان كان اسلوبى مش حلو
بس انا كنت قريت كتيبات تانيه وكان
اسلوبها منفر جدا بالنسبه لحد زيى
لسه بيحط رجله على اول الطريق
وخايف و من بعديها قررت انى مقراش
اى حاجه ف الدين الا الضرورى
مع انى قعدت فتره اسمع مشايخ كتير
بس بطلت لانى حسيت انى معرفتش
اعمل زى ما قالو
ورجعت تانى وقلت هاخد بالتدريج
يعنى الاول هحاول اصلى
وبعد كده اغير حاجات جوايا و
فى الاخر اللبس لان مينفعش ابدا
احسن ف لبسى والبس واسع وطويل
وانا اصلا مبصليش
فلقيت الحل انى البس محترم لغايه
ما اظبط موضوع الصلاه
بس من بعد رد حضرتك ممكن اغير فكرتى
بس اهم حاجه تدعولى
وانا باطلب من حضرتك توضحلى جمله
"مفيش حاجه اسمها لبس محترم ولبس
مش محترم " لانى شايفه انو درجات
بالشكل ده انا مش هعرف اعمل الى حاجه
ولا هعرف احقق اللى حضرتك قلته فى الكتاب


فى النهايه بشكر حضرتك واسفه ان
كنت بطول
بس الموضوع والرد عليه ممكن يغير حاجات كتير معايا
وجزاكم الله خيرا

[Dr_Mostafa]

رد: حراااااااااااام عليكم..أنقذوهم من النار !!!!!

السلام عليكم
انا بشكر حضرتكم انكم رديتوا عليا
وبتأسف ان كان اسلوبى مش حلو

وعليكم السلام ورحمة الله وبركاته..
ومفيش أي داعي للاسف حضرتك..
الموضوع مفيهوش اي مشكلة ..

بس انا كنت قريت كتيبات تانيه وكان
اسلوبها منفر جدا بالنسبه لحد زيى
لسه بيحط رجله على اول الطريق
وخايف و من بعديها قررت انى مقراش
اى حاجه ف الدين الا الضرورى

انا مُدرك فعلا ان الشباب اللس لسه بادئين اول الطريق لازم نكلمهم باسلوب بسيط
ونحببهم في الدين ونرغبهم .. ولكن زي ماقولت لحضرتك في الرد السابق ان كلام ربنا واحاديث النبي صلى الله عليه وسلم مش هقدر اغيرها ..
فاحنا بنحاول على قد ما نقدر نجمع بين الترغيب والترهيب باسلوب بسيط يناسب الفئة دي..

مع انى قعدت فتره اسمع مشايخ كتير
بس بطلت لانى حسيت انى معرفتش
اعمل زى ما قالو
ورجعت تانى وقلت هاخد بالتدريج
يعنى الاول هحاول اصلى
وبعد كده اغير حاجات جوايا و
فى الاخر اللبس

الأول لازم نكون متفقين ان التدرج سنة ربانية في الكون ..
وفي الاحكام الشرعية .. التدرج مطلوب وضروري جداااااااا .. ولكن في الطاعات المستحبة مش في الفروض..
انما في النواهي .. مفيش تدرج ..لازم اسيب وابعد على طول طالما عرفت ان ده حرام..
قال رسول الله صلى الله عليه وسلم :
(( إذا نهيتكم عن شئ فاجتنبوه ، وإذا أمرتكم بأمر فأتوا منه ما استطعتم ))
يعني ايه الكلام ده ؟؟
يعني مهم جداً إن الواحد يحافظ على الـ 5 صلوات قدر الإمكان، لو مصليتش النوافل مفيش مشكلة .. شوية بشوية وهيلاقى نفسه بإذن الله بيزيد في الطاعات..
انما لو قولت انا النهاردة هلبس بنطلون وبعدين جيبة وبعدين اسدال ..
ايه يضمنلي اني انا اعيش لحد ما اوصل لمرحلة الاسدال ؟؟

لان مينفعش ابدا
احسن ف لبسى والبس واسع وطويل
وانا اصلا مبصليش
فلقيت الحل انى البس محترم لغايه
ما اظبط موضوع الصلاه
بس من بعد رد حضرتك ممكن اغير فكرتى

فيه قاعدة اختنا بتقول :
(( ما لا يُدرك كله .. لا يُترك كله ))
يعني مش معنى اني بسيب صلاة او اتنين ومش عارف اواظب عليهم اقول انا خلاص مش هصلي خالص !
او انا مش هغير لبسي لان مينفعش ابقى مش بصلي ولا بسة اسدال !!
مين قال كده ؟؟
انا بجاهد نفسي قدر الامكان ..
واللي ربنا بيقدرني عليه بعمله على طول ..
يعني بايدي اني اغير لبسي .. المفروض ما اترددش في كده ..
وبعد كده هجاهد نفسي وهحاول احافظ على الصلاة وانا كلي ثقة ويقين ان ربنا هيقويني ويعينني ويثبتني ..

بس اهم حاجه تدعولى
وانا باطلب من حضرتك توضحلى جمله
"مفيش حاجه اسمها لبس محترم ولبس
مش محترم " لانى شايفه انو درجات
بالشكل ده انا مش هعرف اعمل الى حاجه
ولا هعرف احقق اللى حضرتك قلته فى الكتاب

كلمة ( محترم ) اختنا الفاضلة كلمة مطاطية .. ملهاش حدود ..
ملهاش مرجعية دينية ..
بل بتعود على حسب البيئة والمجتمع ..
يعني البنت اللي عايشة في منطقة راقية البنات بيلبسوا فيها ميكرو جيب ولكنها بتلبس استرتش وبدي ، الناس بتقول عليها لبسها محترم !!
البنت اللي بتكلم ولاد ولكنها مش بتخرج معاهم بيقولوا عليها محترمة !
كل ده لان الموضوع بيتاخد من وجهات نظر الاشخاص ..فده بيقول محترم وده بيقول مش محترم..
المفروض ان لبس المرأة المسلمة له مرجعية في الدين ومحدش يقدر يقول انه حرية وان البنت تلبس اللي هي عايزاه ..
الشرع حدد لنا ضوابط معينة للبس ومفرضش علينا لبس معين..
بس لازم الضوابط دي تكون موجود في اي حاجة هتلبسها البنت المسلمة ..
والضوابط دي مذكورة في الكتيب ..
واهم حاجة فيها زي ما ذكرت :
انها متعرفش اللى يشوف البنت حجم اي جزء من جسمها ..

فى النهايه بشكر حضرتك واسفه ان
كنت بطول
بس الموضوع والرد عليه ممكن يغير حاجات كتير معايا
وجزاكم الله خيرا

مفيش اطالة حضرتك ..
وربنا ييسر لحضرتك الخير حيث كان ويصرف عنكم كيد الشيطان ويثبت قلبكم على دينه ..
اللهم امين..