Tweet
السلام عليكم ورحمة الله وبركاته
لي سؤالين واعتقد ان ان ملهمش اجابة كاملة بس هسأل وخلاص
1- عن تفسير القرآن
هل هناك تفسير للقرآن الكريم يحتوي علي الآتي :
- التحدث عن كل سورة كانت مكية او مدنية وعدد اياتها
- شرح المعاني والألفاظ
- تفسير الآيات وعرض جميع الآراء ولكن الصحيحة فقط وليست المشكوك فيها او آراء علي الهامش
- اذا كان هناك تفسير من احاديث او روايات تكون احاديث صحيحة وليست موضوعة او منقوله بالكذب
-اذا كان هناك آيات لها أسباب نزول فيتحدث عن اسباب النزول وفيما نزلت وقصة النزول مثل حادثة الإفك في سورة النور , او تحدي المشركين للرسول في السؤال عن الفتية وذي القرنين في سورة الكهف , او عندما طلب المشركين من الرسول ان ينزل الله من السماء حجارة كما في سورة الرعد علي ما اعتقد , وهكذا .
- عند تفسير آيات فيها شبهات يوضح الشبهات ويردها مثل ( ولقد همت به وهم بها ) في سورة يوسف , أو ( إذ قال الله يا عيسي إني متوفيك ورافعك الي ) , او أي آيات بها شبهات في القرآن الكريم .
حاسس ان مفيش تفسير كده ابدا موجود دلوقتي لان عشان تفسير بالمواصفات دي اكيد لازم يكون في عصرنا الحديث بعد ما عرفنا الشبهات او عرفنا الاحاديث الصحيحة من الضعيفة او الموضوعة .
ويمكن اكون انا جاهل وفي فعلا تفسير بالمواصفات دي فأرجو منكم حد يدلني وان مكنش في تفسير بالشكل محدش من طلاب العلم ناوي يعمل تفسير بالشكل ده عشان ارتاح .
2- السيرة النبوية
نفسي الاقي سيرة نبوية تكون بشكل شيق جميل كأنني أقرأ قصة وليست مجرد احاديث معنعنة ومتكونش سيرة مختصرة يعني محدش يقولي اقرأ الرحيق المختوم لانه مختصر جداااااااااااااااااا انا عايز سيرة فيها حياة النبي محمد عليه أفضل الصلاة والسلام يوم بيوم وساعة بساعة ولحظة بلحظة كان بيعمل ايه في بيته وبياكل ايه وبيشرب ايه وبيمشي مع مين انهردة وقابل مين وقعد معاه وغزواته وعلاقاته مع الصحابة كلهم وقصصه معاهم وحياته مع زوجاته حتي غيرة زوجته عائشة عليه برضه تكون موجوده في الكتاب يعني يكون كتاب بتاع 100 مجلد ولا حاجه
هل في سيرة بالشكل ده عشان ارتاح ولا مفيش . أرجو منكم الإفادة .
وشكرا لكم
تعليق