Tweet
بسم الله
السلام عليكم ورحمة الله وبركاته
معرفة الله عزوجل ..!!
لازم نتكلم عن ربنا يا جماعة لازم ..!!
لازم نعرف مين ربنا يعنى إيه ربنا مين الخالق ..!!
هنتكلم النهاردة بإذن الله عن أعظم آية فى كتاب الله
(آية الكرسى)
كتاب ربنا أعظم شئ فى الوجود
يبقى هنتكلم عن أعظم آية فى أعظم كتاب فى العالم
.
.
.
أنتوا تعرفوا إنه رسولنا عليه الصلاة والسلام أمرنا إننا نقرأ آية الكرسى بعد كل صلاة يعنى خمس مرات وكمان مرة أما نيجى ننام يبقى كدا ست مرات
مرة كنت بقرأ آية الكرسى فى المسجد بعد الصلاة رحت لقيتها متكوبة فى لوحة قدامى فعديت حروفها لقيتها حوالى 200 حرف سبحان الملك 200 حرف يعنى 2000 حسنة فى 6 يعنى 12 أل حسنة يوميا لما تقراها ست مرات
سبحان الله تبارك وتعالى
.
.
(الله لا إله إلا هو ..)
مالك غيره لازم تعرف هو مين لازم نتكلم عن آية الكرسى لأنها بتتكلم عن رب العزة سبحانه ...!!
لو اتبلعت بحوت ملكش غيره ..!!
لو اترميت فى نار ملكش غيره ..!!
الأنبياء كلهم يوم القيامة كلهم
ساجدين يقولوا يارب سلم سلم يارب سلم سلم..!!
والله ما حد هينجيك غيره ...فى الموقف دا..!!
أحنا يا جماعة أما عرفنا أن الفلوس بتفيدنا كتير
شوف كان هدفنا أد إيه إننا نجمع فلوس طالما بتحللنا مشاكلنا وبتيسر لنا أمور كتيييييير سفر وأكل وغيره بإذن الله..!!
لو عرفت إنه ربنا ممكن يحللك مشاكلك أد إيه هيقبى هدف حياتك إنك تتعرف على ربنا ..!
أما سيدنا موسى وقف قدام البحر وفرعون وراهم
قومه قالوله (إنا لمدركون)
قلهم لا كلا إنا معى ربى
ياااه
يعنى مثلا إنتا معاك أسلحة هتوزعها علينا
طب يا سيدنا موسى ألا تسمع خيول فرعون والسيوف ..؟!؟؟؟!!!
كلااااااااااااااااااااا
(إنا معى ربى سيهدين)
رب العزة كل أمره بين حرفين بس
كن فيكون علطوووووووووول
كن واحدة بس ..!
ربنا عزوجل مخلقش النملة بكن وخلق الفيل بعشرة كن ..!!
سبحانه سبحانه سبحانه ...!!
أيهم أصعب خلق عيسى أم خلق مريم ..!
كلاهم معجزة ...خلقه بكن وخلقها بكن
عاوزك تعرف وعاوزكِ تعرفى
إنه سعدك وحزنك بكلمة وحدة
إنه موتك وحياتك بكلمة واحدة
كن فيكون ...!!!
والله ما يقدر قيمتك غيره ..
لكن ربنا اشترى دمعة عينك ممكن تنجيك من النار
اشترى منك مشية لمشوار فى سبيل الله
اشترى منك ريحة بقك أما تكون صايم ..!!
الإنسان اللى ميعرفش ربنا والله بيعيش خااايف
خايف لاحسن يجيلوا الضغط ..لو علاقتك برئيس الدولة اتقطعت هتتعب
فمابالك إذا انقطعت صلتك بالملك ...!!
أنتوا عارفين معنى الله
الله يعنى ...قلبك يتخطف أما تسمها ..
جوارحك بتعبد ربنا
عينيك عبدته أد إيه
عبدتى ربنا بقلبك أد إيه النهارده
أى أسم من أسماء الله عزوجل ممكن يغير شئ فى حياتك
لكن اسم الله ...هيغيرك كل حياتك
قال صلى الله عليه وسلم (بسم الله الذى لا يضر مع اسمه شئ)
كلمة الله
تفتحلك أبواب الكون كله
ونيجى أحنا البشر
ناكل على ورق مكتوب عليه اسم الله
يا جماعة اتقوا الله
(مالكم لا ترجون لله وقارا)
(الحى ...)
مش عاوزك تحزن بعد اما تعرف انه ربنا اسمه الحى
الله الحى
أما الابن يجيى
يكلم ماماته يا ماما يا ماما مين هيدفع ايجار البيت مين هيدفع ثمن الدروس مين هيجيلبنا الاكل
ويطلع ابوه من الغرفه يقول
ازاى بتقول كدا وانا حى
فمابالك برب العزة سبحانه جل فى علاه
للشيخ حازم شومان من مقطع معرفه الله
ويطلع ابوه من الغرفه يقول
ازاى بتقول كدا وانا حى
فمابالك برب العزة سبحانه جل فى علاه
للشيخ حازم شومان من مقطع معرفه الله
تعليق