![](http://www.qahtaan.com/works/up/uploads/qahtaan-05-30-1180559006.gif)
:LLL:
صوت جرس التلفون يرن
محمد ........الو مين معايه
احمد........ ازيك يا محمد
محمد .......الحمد لله مين معى
احمد..... انا احمد انت مش فاكر الصوت
محمد..... معلش اصل صوت التليفزين عالى
احمد ....اة ههههههه كنت بتسمع ايه
محمد .....اصل فيه كليب جديد لتامر كنت بتفرج عليه
احمد..... كليب حلو ولا تعبان
محمد .....لا عيب انا بشوف حاجه تعبانه
احمد...... طيب انت هتعمل ايه النهاردة
محمد...... مفيش حاجه زى كل يوم على القهوة زى محنا
احمد .....خلاص نتقابل هناك الساعه تمانيه
محمد...... طيب خلاص
احمد..... مش عاوز حاجه منى لا شكرا سلام
ويغلق محمد التليفون
ويسمع محمد صوت بينادى عليه
يا محمد يا محمد
يوة دى ماما هتلقيها عوزة طلب استغفر الله كل شويه طلب
نعم كنتى بتنادى
الام .....اة مين كان بيتكلم
محمد...... واحد صاحبى كان عوزنى اخرج معاة
الام .....هتروح فين يا بنى
محمد..... على القهوة
الام..... تانى يا محمد قهوة
محمد .....يعنى انا غلطان علشان بقول ليكم الصراحه مش عاوز اعمل حاجه من وراكم
انا كل اصحابى اهلهم محدش بيسئلهم ريحين فين وجين منين
الام....... يا محمد انت اة كبرت ولازم تخاف على مصلحتك انت عارف مصطفى الى ساكن فوق ماشاء الله بيصلى فى الجامع على طول ومبيسبش فرض وكمان بيروح المسجد بيسمع درس للدكتور دة بتاع قناة الناس انا كنت عندهم من يومين وامه قالتلى انه بيحفظ قران وبيتعلم دروس علم وكمان بيسمع كلام امه
محمد .....يوة كل شويه شوف مصطفى شوف مصطفى هو الواحد مورهوش غير مصطفى دة معقد جدا ومش بيسمع اغانى ولا بيكلم بنات دة عايش فى الدور عامل نفسه شيخ المفروض الواحد يعيش حياته انتى عارفه ممدوح ابن طنط تهانى كل يوم بيسهر معانا وبيروح الساعه 4 الفجر ومحدش بيكلمه وبنات كتير بتكلمه فى البيت ومحدش بيقوله حاجه واد روش ليه بتسيبوة وتتكلموا على مصطفى يعنى
الام .... مصطفى دة محترم جدا وكل الناس بتحبه
محمد.... خلاص انا نازل اجيب شريط جديد من اشرف الى فى اخر الشارع لو حد اتصل قولى له نص ساعه وهيرجع
الام .... ربنا يهديك يابنى وتكون زى مصطفى
ومحمد بيخرج من باب الشقه وبص شاف مصطفى
مصطفى ......السلام عليكم ورحمه الله
محمد..... وعليكم يا سيدى
مصطفى ....ازيك يا محمد
محمد .....حلو
مصطفى .....ايه يا عم انت زعلان منى
محمد..... لا هزعل منك ليه هو فيه صله بينا
مصطفى..... طبعا دحنا جرنا ولينا حقوق على بعض
محمد ......ههههههه حقوق الانسان
مصطفى ......لا وانت صداق حقوق الاسلام
محمد..... المهم انا مش زعلان وخلاص
مصطفى ......انت فاضى اليوم
محمد....... ليه يا عم هتوظفنى معاك
مصطفى....... اصل فيه درس للدكتور حازم شومان بتاع قناة الناس وهو اسلوبه حلو اوى كنت عوزك تيجى معنا
محمد....... فى اى جامع
مصطفى...... فى السلاب الى على المشايه اكيد عرفه
محمد ......هشوف لو فضيت
مصطفى...... معلش اصل انا مستعجل وان شاء الله اشوفك بكرة فى الدرس
ومشى مصطفى
ومحمد وهو ماشى الى بيت اشرف طيب منا اروح اشوف الدرس دة الكل بيقول حلو دة ناس كتير بتروح
احمد ابن طنط اسماء ومحمود الى ساكن فى الشارع الى ورانا وكمان البت بنت عمو يسرى
لما اروح اشوف عجبنى هقعد معجبنيش همشى
وقف محمد امام بيت اشرف
اشرف اشرف
اشرف...... اتفضل يا حمام
محمد...... شكرا يا اشروف معلش كنت عاوز شريط تامر الجديد اصل احمد قال انك جبته
اشرف...... اة انا كنت جبته
محمد....... كنت جبته هو فيه حد واخدة منك
اشرف...... لا والله يا محمد اصل الى حصل انا كنت بتفرج على التلفزيون ففيه شيخ على قناة الناس دقنه بيضه وطويله وكلامه جميل مش عارف اسمه يعقوب كان بيتكلم عن المعاصى وان انا لما بسمع اغانى بشيل ذنوب ولما بسمع حد معايه بيشيل هو كمان ذنوب ويا عم انا مش ناقص ذنوب
محمد ......ماشى يا اشرف همشى انا علشان عندى معاد
اشرف...... انت فاضى بعد المغرب النهاردة
محمد...... ليه ؟؟
اشرف .......فيه درس جميل جدا للشيخ محمد حسان فى التوحيد انا اول مرة هروح ما تيجى معايه
محمد...... معلش اصل انا عندى معاد مع احمد
اشرف....... سلملى عليه وابقى قوله وتيجوا الدرس كل يوم خميس
محمد..... ان شاء الله
ومحمد. فى طريق العودة
حتى انت كمان يا اشرف هتروح دروس وخطب وكمان هتربى لحيتك ههههههه
اة يا حمام هتهيص ولا هتبقى شيخ اهو دة الى ناقص شيخ هههههه
يا عم سيبك دى ناس فاضيه لما ادخل انام شويه
محمد .....ماما .... ماما.. انا هنام صحينى كمان ساعه علشان هخرج
الام .. طيب تصبح على خير
ومحمد على السرير قال ابقى شيخ هو دة الى ناقص
يا عم سيبك منهم ونام
وفجاة الام يا محمد ... يا محمد
انت مش عاوز تصحى ليه الساعه سابعه قوم اصحى
يا محمد يا محمد
وتدخل عليه الغرفه تنادى مش بيرد
تدخل الام بسرعه تقلب فيه مش بيرد
يا محمد . يا محمد
وهو مش بيرد
وتصرخ الام باعلى الصوت يا ابو محمد يا ابو محمد
يجى الاب على صوت الام ويقلب فى محمد مش بيرد
وتبكى الام بكل حزن ويبكى الاب على ابنهم الوحيد ليس لهم اولاد غيرة
واتصل الاب على مصطفى ابن الجيران حتى يحضر من يغسل محمد
وجاء
المغسل وغسلوة وكفنوة ثم ذهبوا به الى المسجد حتى يصلى عليه
مصطفى يجلس فى المسجد يبكى عليه ويقول يا له من موقف صعب
ثم قام الامام وصلى عليه وذهبوا به الى القبر ووضعوة ثم اغلق عليه القبر
والاب يبكى والام تبكى يا لها من ساعه صعبه
وفجاة يرن صوت جرس الهاتف فيقوم محمد مفزوع من نومه ياله من كابوس مقلق
الحمد لله انه كان حلم ومش حقيقه اة اة ...
ياة ماما وبابا كانوا زعلنين عليه كدة وانا بعمل معاهم كدة ومش بسمع كلمهم استغفر الله العظيم
فيسمع صوت الام يا محمد تعالى كلم صاحبك احمد
محمد..... السلام عليكم
احمد..... وعليكم السلام ايه يا عم انت لسه نايم مش معدنا الساعه تمانيه على القهوة
محمد..... قهوة مين يا عم خلاص توبت والحمد لله
احمد .....ايه يا عم توبه ايه احنا بنعمل حاجه غلط دى شويه شيشه وكام ساعه
محمد..... ولا شيشه ولا خلافه الحمد لله انا هروح درس الشيخ محمد حسان مع اشرف
احمد ....هو كمان اشرف هيروح معاك هو البلد كلها اتعمل ليهم غسيل دماغ
محمد...... والله يا احمد الناس كتير بقت حلوة وبيصلوا وملتزمين معتش غيرنا عوزين نعمل حاجه للدين بجد تنفعنا يوم القيامه والله يا حمد يكفى ساعه الموت والدفع دى والله صعبه جدا جدا لو كنت عاصى
احمد.... ايه يا عم انت جربت ولا ايه!!!
محمد..... منت متعرفش الى انا شوفته لما تيجى معنا درس الشيخ محمد حسان
احمد .....وكمان هاجى معاكم
محمد .....والله يا احمد عوزين نبقى كويسن
احمد...... خلاص هاجى ونجرب
محمد ......وكمان درس الجمعه بتاع الدكتور حازم
احمد..... كمان!!!!!
محمد..... يا عم خلى نيتك خير بس علشان لو حصل زى منا شفت نكون نيتنا على طاعه
احمد ....ان شاء الله نتقابل هناك شكل الموضوع كبير
سلام
(وانت بقى مش عاوز يكون ليك دور فى الاسلام وتعمل زى ما فيه اخوة كتير بيعملوا للاسلام وينشروا الدين ويخدموا الدين
خلى بالك نحن فى فترة صحوة جميله لا زم يكون ليك دور خلى بالك الاسلام لابد وان ينتشر فى يوم من الايام ولا بد ان يكون ليك دور)
![](http://i10.photobucket.com/albums/a107/karkoura/asmaa.gif)
![](http://www.lovely0smile.com/g-img/athkar-9.gif)
تعليق