وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا .... طب واللى ميتقيش تعالى شوف

[غير مسجل]

سلام الله عليكم اهل المنتدى الرائع دا
بارك الله فيكم وجزاكم الله خيرا ع هذة النافذة الطيبة

انا مش هسأل عن حاجة ولا هقول مشكلة
انا بس هحكى موقف بسيط جدا حصل معايا لعله يكون عبرة

يوم الاتنين من الاسبوع الماضى كنت نازلة الكلية زى كل يوم بس كنت متاخرة شويه روحت اركب العربية عادى جدا
كانت محتاجة راكب واحد بس وكنت واقفه انا واحدة مسيحية واحدة هتركب ف العربية دى والتانية هتروح اللى بعدها
بس الكرسي الفاضى كان جنب راجل يعنى لو ركبت هقعد جنب راجل

وقفت عدة ثوانى افكر اركب ولا اخليها تركب طب انا متاخرة و عايزة اوصل بسرعة خلاص هركب

وبعدين نفسي تقولى وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا " لو اتاخرتى ف سبيل انك ترضى ربنا مش هيسيبك
ومحدش عارف الخير فين كل تاخيرة وفيها خيره خلى المسيحية تركب

وبعدين قولت بس انا متاخرة ثم انا مش هلصق فيه يعنى ودا غصب عنى والمواصلات كدا وعندى عذر انى متاخرة اركبى ولا يضرك المرة دى
وبعدين ابقا انزلى بدرى شويه

المهم ركبت وانا حاسة بالذنب
بعد شويه العربية بدأت تهدى وبعدها لقينا دخان وريحة مش كويسة ملت العربية
وبعدها كوتشات العربية ولعت ^_^

وطبعا نزلنا ف نص الطريق الحمد لله محدش حصله حاجة
بس مفيش عربية تانية راضية تركبنا وقفنا ف حته صعب فيها المواصلات جدا

طبعا استنينا شوية وفين وفين عبال ما ركبنا وطبعا وصلت المحاضرة متاخرة جدا جدا
والدكتورة لانها طيبة دخلتنى بس علقت وقالتى يعنى متاخرة انهاردا فيه ايه ؟؟

اللى عايزة اوصله ان فعلا والله اللى بيتقى الله بيسهله امورة جدا وبيباركله ف وقته حتى لو كان متاخر
لكن اللى يحط الاسباب بس ادامه ربنا بيعسر عليه اكتر

يعنى انا تمكن لو كنت سبت المسيحية تركب اتقاء لله
مكنش حصل معايا كدا
انا اكيد اتعلمت من الموقف دا وان شاء الله ميتكررش معايا
واتمنى انكو تاخدوا بعبرة غيركوا وتتاكدوا ان من وجد الله فماذا فقد ومن فقد الله فماذا وجد

انا طبعا مش بقول كدا للشيوخ الافاضل بس لاخواتى واخوانى

لان اكتر حاجة كنت بتاثر بيها فعلا القصص الواقعيه اللى فيها ربنا بينتقم فيها من اللى بيستهون باللى يغضبه

او كرمه للى بيتقيه

اللهم استرنا فوق الارض وتحت الارض ويوم العرض عليك

[فريق استشارات سرك فى بير(الأخوات)]

رد: وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا .... طب واللى ميتقيش تعالى شوف

وعليكم السلام ورحمة الله وبركاته

ماشااء الله لا قوة الا بالله

قصه قيمة ورااائعه للغايه نفع الله بنا وبكم

فعلا فعلا فعلا

تحدث معنا أحاديث النفس هذه

بارك الله فيكم


جزاكم الله خيرا
وسيتم نقلها لقسم القصص الدعوية للفائدة
والله أعلم

[حوراء الجنان]

رد: وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا .... طب واللى ميتقيش تعالى شوف

جزاكم الله خيرا , وبارك الله فيكم

[أسمى المعاني]

رد: وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا .... طب واللى ميتقيش تعالى شوف

وعليكم السلام ورحمة الله وبركاته
جزاكم الله خيرًا أن نفعتونا بهذه القصة الواقعية النافعة
نفع الله بكم