Tweet
يارب تكونوا بخير وبصحة ..حبيبت احكيلكم عن قصة حجابى ونقابى .. علشان تعرفوا الكلمة بتغير من حال لحال .. سبحان الله وهحاول اختصر على قد مااقدر .
انا كنت بشعرى لحد تالتة كلية وكنت رافضة الحجاب ودايما بقول لما اتجوز .. لما ربنا يهدينى .. لما احب اتحجب علشان يوم مالبسو مش هقلعة ابدا ..واهلى غلبوا معايا .. وكان ليا ابن خال كبير وملتحى ودايما كان بينصحنى بطريقة مستفزة شوية فكنت بعند اكتر .. المهم فى يوم كنت رايحة الكلية .. وطلعت انا وصحباتى الحمام نحوط ميكب واحنا فى الحمام جت بنوتة محجبة حجاب طويل ومحتشم بصتلى بصه رخمة كده وقالتلى الميكب حرام !! كنت عايزة اقولها مانا عارفة انتى ماقولتيش حاجة جديدة يعنى .. معلش ده كان اسلوبى وتفكيرى ساعتها ..واديتنى شريط دينى ومش فاكرة انا اخدته ولا رفضت اخدوا ساعتها المهم كنت مستاءة جدا من اسلوبها ..
المهم يشاء المولى اول مانزل من الحمام صحبتى قالتلى انا هدخل احضر السيكشن ده هتدخلى قولتلها لاء قالتلى طيب فى واحدة صاحبتى جيالى اقعدى معاها لحد ماخرج وخليها تستنانى .. وجت صاحبتها وقعدت معايا وكانت ذكية جدا فضلت تحكيلى عن قصة حجابها واد ايه هى سابت لبس كان مكلفها مبالغ كبيرة مركون فى الدولاب علشان تتحجب .. وانها لما اتحجبت استلفت لبس وطرحة من صاحبتها وماستنتش لما تشترى لبس ودخلتلى بابتسامة وبطريقة غير مباشرة . حبيت كلامها قوى وانجذبت له وفى ساعتها قررت انى اتحجب اول لما اروح البيت سبحان الله واتحجبت .. والكل كان فرحان سبحانك يالله ..
حجابى كان بمكياج وبناطيل وفى الافراح سبانيش المهم .. انى عمرى ماتخيلت او توقعت او كان فى تفكيرى انى انتقب اصلا ..عدت السنين واتجوزت وبعد الجواز والخلفة ربنا حطنى فى اختبار ووقعنا انا وزوجى فى ازمة مالية وكان جوزى بيقعد بالشهرين من غير شغل وكان معايا طفله ومصاريف وهكذا بدات ادور على النت على اسباب زيادة الرزق وكنت بطلب من صحباتى يدعولى بتوسيع الرزق .. وقريت عن الاستغفار هنا فى المنتدى .. بقيت بستغفر كتيييييير وسبحان الله الازمة المادية انتهت وبعد الاستغفار بشهرين كده حسيت انى بدات اقرب لربنا وبقيت بعشق الاستغفار وذكر الله وفجاة بدون مقدمات حسيت انى عايزة البس النقاب سواء فرض او فضل بس انا عايزاه وبشدة ونفسى ابقى منتقبة واقرب لربنا اكتر واكتر .. وفجاة نزلت اشتريت نقاب وملحفة وجوانتى ولبستهم فى المحل ورجعت البيت بيهم
وانا راجعه فى التاكسى كنت حاسة انى عروسة وبتزف كنت حاسة انى ملكة زى مالبنات بيقولوا هنا احساس مش هتحسيه غير لما تجربيه كنت فرحانة جدا ..سمعت كلام كتير بس وقف وكنت باخد الكلام بهزار وضحك وكنت بدعى ربنا يثبتى والحمد لله كله تقبل الموضوع وبقوا بيحترموا نقابى وبقوا بيحبونى اكتر لانى مابكلمهمش بطريقة مستفزة او افضل احرم واحلل طول مانا قاعدة .. وقرايب زوجى كان فيهم ناس محجبات ومنتقبات بس بيتساهلوا شوية فى الحجاب فى البلكونة مثلا قدام غير المحارم فبقيت التزم بنقابى قدامهم وبداؤا يعملوا زى واتغيروا من غير ماتكلم وكنت فرحانة قوى بالتغيير ده ..
اسفة انى طولت بس عايزة اقول :
**اوعى تبصى لبت بصة انها وحشة او مش ملتزمة ممكن بدعوة ربنا يهديها وتبقى زى الفل .
**الكلمة الطيبة والابتسامة بيعملوا المعجزات .. الدعوة الى الله بالحكمة والموعظة الحسنة وباللين بتعمل العجايب ..
**الاستغفار بيعمل العجائب برضوا وبينقى الانسان .. لو عايزة تعملى اى حاجة فيها خير اوعى تتاخرى انتى مش ضامنة عمرك (وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَوَاتُ وَالْأَرْضُ أُعِدَّتْ لِلْمُتَّقِينَ ) . وادعى دايما فى صلاتك بكل قوة يارب اهدينى وقربنى منك وحبنى وحبب خلقك فيها وافضلى كده لحد لما ربك يستجيب .. واخر حاجة عايزة اقولها ان النقاب والملحفة احلى لبس لبسته فى حياتى
..والسلام ختام احبكم فى الله
ــــــــــــــــــــــــــــــــــــــــــ
القصة منقولة من صاحبتها
اسال الله ان يثبتها
انا كنت بشعرى لحد تالتة كلية وكنت رافضة الحجاب ودايما بقول لما اتجوز .. لما ربنا يهدينى .. لما احب اتحجب علشان يوم مالبسو مش هقلعة ابدا ..واهلى غلبوا معايا .. وكان ليا ابن خال كبير وملتحى ودايما كان بينصحنى بطريقة مستفزة شوية فكنت بعند اكتر .. المهم فى يوم كنت رايحة الكلية .. وطلعت انا وصحباتى الحمام نحوط ميكب واحنا فى الحمام جت بنوتة محجبة حجاب طويل ومحتشم بصتلى بصه رخمة كده وقالتلى الميكب حرام !! كنت عايزة اقولها مانا عارفة انتى ماقولتيش حاجة جديدة يعنى .. معلش ده كان اسلوبى وتفكيرى ساعتها ..واديتنى شريط دينى ومش فاكرة انا اخدته ولا رفضت اخدوا ساعتها المهم كنت مستاءة جدا من اسلوبها ..
المهم يشاء المولى اول مانزل من الحمام صحبتى قالتلى انا هدخل احضر السيكشن ده هتدخلى قولتلها لاء قالتلى طيب فى واحدة صاحبتى جيالى اقعدى معاها لحد ماخرج وخليها تستنانى .. وجت صاحبتها وقعدت معايا وكانت ذكية جدا فضلت تحكيلى عن قصة حجابها واد ايه هى سابت لبس كان مكلفها مبالغ كبيرة مركون فى الدولاب علشان تتحجب .. وانها لما اتحجبت استلفت لبس وطرحة من صاحبتها وماستنتش لما تشترى لبس ودخلتلى بابتسامة وبطريقة غير مباشرة . حبيت كلامها قوى وانجذبت له وفى ساعتها قررت انى اتحجب اول لما اروح البيت سبحان الله واتحجبت .. والكل كان فرحان سبحانك يالله ..
حجابى كان بمكياج وبناطيل وفى الافراح سبانيش المهم .. انى عمرى ماتخيلت او توقعت او كان فى تفكيرى انى انتقب اصلا ..عدت السنين واتجوزت وبعد الجواز والخلفة ربنا حطنى فى اختبار ووقعنا انا وزوجى فى ازمة مالية وكان جوزى بيقعد بالشهرين من غير شغل وكان معايا طفله ومصاريف وهكذا بدات ادور على النت على اسباب زيادة الرزق وكنت بطلب من صحباتى يدعولى بتوسيع الرزق .. وقريت عن الاستغفار هنا فى المنتدى .. بقيت بستغفر كتيييييير وسبحان الله الازمة المادية انتهت وبعد الاستغفار بشهرين كده حسيت انى بدات اقرب لربنا وبقيت بعشق الاستغفار وذكر الله وفجاة بدون مقدمات حسيت انى عايزة البس النقاب سواء فرض او فضل بس انا عايزاه وبشدة ونفسى ابقى منتقبة واقرب لربنا اكتر واكتر .. وفجاة نزلت اشتريت نقاب وملحفة وجوانتى ولبستهم فى المحل ورجعت البيت بيهم
وانا راجعه فى التاكسى كنت حاسة انى عروسة وبتزف كنت حاسة انى ملكة زى مالبنات بيقولوا هنا احساس مش هتحسيه غير لما تجربيه كنت فرحانة جدا ..سمعت كلام كتير بس وقف وكنت باخد الكلام بهزار وضحك وكنت بدعى ربنا يثبتى والحمد لله كله تقبل الموضوع وبقوا بيحترموا نقابى وبقوا بيحبونى اكتر لانى مابكلمهمش بطريقة مستفزة او افضل احرم واحلل طول مانا قاعدة .. وقرايب زوجى كان فيهم ناس محجبات ومنتقبات بس بيتساهلوا شوية فى الحجاب فى البلكونة مثلا قدام غير المحارم فبقيت التزم بنقابى قدامهم وبداؤا يعملوا زى واتغيروا من غير ماتكلم وكنت فرحانة قوى بالتغيير ده ..
اسفة انى طولت بس عايزة اقول :
**اوعى تبصى لبت بصة انها وحشة او مش ملتزمة ممكن بدعوة ربنا يهديها وتبقى زى الفل .
**الكلمة الطيبة والابتسامة بيعملوا المعجزات .. الدعوة الى الله بالحكمة والموعظة الحسنة وباللين بتعمل العجايب ..
**الاستغفار بيعمل العجائب برضوا وبينقى الانسان .. لو عايزة تعملى اى حاجة فيها خير اوعى تتاخرى انتى مش ضامنة عمرك (وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَوَاتُ وَالْأَرْضُ أُعِدَّتْ لِلْمُتَّقِينَ ) . وادعى دايما فى صلاتك بكل قوة يارب اهدينى وقربنى منك وحبنى وحبب خلقك فيها وافضلى كده لحد لما ربك يستجيب .. واخر حاجة عايزة اقولها ان النقاب والملحفة احلى لبس لبسته فى حياتى
..والسلام ختام احبكم فى الله
ــــــــــــــــــــــــــــــــــــــــــ
القصة منقولة من صاحبتها
اسال الله ان يثبتها
تعليق